ju lutem me ndihmoni

[rrogozhinsi]

kerkoj nje informacion per Jub Kastratin.per car do lloj gjeje rreth tij.faleminderit

[E.B.E]

JUP KASTRATI

Jup Kastrati lindi më 15 prill 1924, në Shkodër. Shkollën e mesme dhe fillore e përfundoi në vendlindje, duke u dalluar si një nga figurat më të nderuara të arsimit dhe shkencës.
Studimet e larta i kreu në Universitetin e Tiranës, në degën: “Gjuhë - Letërsi”
U shqua si bibliograf, filolog, hartues tekstesh për shkollën e lartë, gjuhëtar dhe historian i përkushtuar i gramatologjisë shqiptare, e më gjerë.
Është ndër themeluesit e Institutit të Lartë Pedagogjik, sot Universitetit të Shkodrës “Luigj Gurakuqi”, në vitet 1973 – 1990 ishte drejtues i Katedrës së gjuhës shqipe. Për një gjysmë shekulli punoj i përkushtuar ndaj arsimit të mesëm dhe të lartë.

Veprimtaria Shkencore:
Veprimtaria shkencore e Prof. Dr. Jup Kastratit është mjaft e pasur, e gjerë dhe e larmishme.
Në harkun kohor të më se 60 vjetëve; 1941- 2003 ai ka shkruar dhe botuar mbi 900 punime që kapin shifrën e rreth 15 000 faqeve shtypi shkencorë, tekste mësimore për shkollat e larta, përshtatje të letërsisë arbëreshe në gjuhën e sotme, përkthime në gjuhën shqipe nga latinishtja, italishtja dhe frëngjishtja.
Interesat shkencore të tij, shtrihen kryesisht në këto fusha dijeje:
• Studime gjuhësore, posaçërisht për historinë e gjuhësisë shqiptare dhe të albanologjisë.
• Studime për historinë e letërsisë shqiptare, kryesisht të traditës, duke u dalluar kryesisht nga studimet kushtuar letërsisë dhe kulturës arbëreshe të Italisë. Më së shumti ai shkroi për Jeronim de Radën dhe veprat e tij.
• Studime rreth bibliografisë shqiptare, si dhe studime të tjera rreth historisë së shkollës shqipe, të mendimit pedagogjik dhe të qytetërimit shqiptar.


Trashëgimia kulturore dhe shkencore:
• Bibliografi shqipe. Tiranë, 1966
• Jeronim de Rada (Jeta dhe Veprat). Tiranë, 1956
• Figura të ndritura të Rilindjes Kombëtare. Shkodër, 1962
• Zef Jubani Ndokilia. Vepra të zgjedhura. Tiranë, 1962
• Historia e gramatologjisë shqiptare (1635 – 1944). Prishtinë, 1980
• Zef Jubani (Jeta dhe Veprat). Monografi. Tiranë, 1987
• Jeronim de Rada, Skandërbeku i pafanë. Tiranë, 1987
• Faik Konica (Jeta dhe Veprat). Monografi. Nju Jork, 1995
• Gjergj Kastrioti Skënderbeu. Bibliografi (1454 – 1835). Vëllimi I (bashkautor)
• Studime për De Radën. Monografi, Nju Jork, 1999
• Historia e albanologjisë (1494 – 1997). Tiranë, 2000
• Studime arbëreshe. Monografi. Nju Jork
• Bibliografi albanistike. Prishtinë, 2003


Tituj shkencorë:
Docent
Doktor i shkencave
Profesor
Merita pune dhe qytetarie:
Medalje pune (1969)
Mësues i Popullit (1987)
Mjeshtër i madh i Punës (1999)
Qytetar nderi i Shkodrës (2002)

Tituj ndërkombëtarë:
Intelektual ndërkombëtar i Kembrixhit (2001)
Medalje të ndritura të shekullit XIX