Nuse me kilometrazh 0

[BESIIM]

nga Alfred Lela

“Në ditën e parë të muajit të tyre të mjaltit, teksa po vishej, ndërkohë që Mbreti kishte zbritur poshtë, Mbretëresha Geraldinë gjen shërbyesen e saj duke qarë. Ç’kishte ngjarë? Vajza e frikësuar i shpjegoi: “Nuk po gjej dot këmishën tuaj të natës. Dikush duhet ta ketë vjedhur.” Të dyja kërkuan gjithandej, megjithëse Mbretëresha e dinte se askush nuk kishte hyrë në dhomë përveç Mbretit dhe shërbëtorit të tij. Mbretëresha e qetësoi dhe i tha se do ta diskutonte me Mbretin, kështu që vajza vazhdoi të shpaketonte garderobën elegante të Mbretëreshës, e cila përbëhej nga veshje që ajo nuk kishte parë kurrë.
Po atë mbrëmje, kur gjeta momentin e duhur, i thashë Mbretit: “Ana është shumë e shqetësuar. Nuk po gjen dot këmishën time të natës.” Im shoq, lëkurën e fytyrës e kishte shumë të çelët dhe kam përshtypjen se ishte hera e parë në jetën time që e pashë të skuqej. Ishte zënë shumë ngushtë. Më shpjegoi: “Të kam treguar shumë për mënyrën se si i respektojmë ne femrat, veçanërisht nënat. Ishte e domosdoshme që ti të ishe e virgjër dhe çdo vajzë e huaj që vjen për martesë, duhet t’i nënshtrohet një vizite mjekësore. Unë mburrem me faktin se kam aftësinë t’i njoh njerëzit dhe më mjaftoi vetëm të shikoja sytë e tu. Nuk të thashë asgjë për këtë vizitë pasi e dija që nuk do të kishe pranuar. Por në të njëjtën kohë më duhej t’i jepja prova Parlamentit, kështu që e mora këmishën tënde të natës dhe ia dërgova Kryetarit të Parlamentit.”
Ngjarjen, treguar nga vetë Mbretëresha, e rrëfen autorja angleze Gwen Robyns në librin e saj “Geraldina e Shqiptarëve”. Një tjetër libër, me autor Ismail Kadarenë, shpërfaq një episod tw ngjashëm të këtij ‘gjakimi’ të shqiptarëve me virgjërinë. Në novelën “Natë me hënë” personazhi kryesor detyrohet nga kolektivi i punës dhe rrethi shoqëror që të shkojë në spital ku do të marrë një certifikatë virgjërie. Kjo për t’i provuar shoqërisë se ajo nuk kishte fjetur me një shok pune pas një shëtitjeje gjatë një nate fatale me hënë.
Në Shqipërinë post-totalitare, duket se gjërat nuk kanë ndryshuar dhe aq. Virgjëria mbetet një element që i formaton ende marrdhëniet në cift duke u bërë edhe një faktor përcaktues për lidhjet martesore. Madje modernizmi ka amplifikuar edhe teknikat për t’a kamufluar virgjërinë. Burime nga materniteti i Tiranës (të cilat nuk duan te identifikohen meqë procedura në fjalë është e jashtëligjshme) tregojnë se operacionet plastike për restaurimin e himentit (cipës së virgjërisë) janë një procedurë e njohur. Burimi thekson se gjatë gushtit, këto operacione dy apo trefishohen në krahasim me pjesën tjetër të vitit. Sipas burimit, në fillim kjo u mor si rastësi deri në rrëfimin e një pacienteje. Restarurimi i himenit përkonte me muajin kur ajo do të martohej e do të largohej për në Itali me bashkëshortin. Ky element, sipas të njëjtit burim ishte edhe shenja treguese për të arritur në përfundimin se operacionet e shtuara të gushtit kishin të bënin me periudhën kur në Shqipëri ktheheshin me pushime emigrantët.

Cfarë është hymeni

Hymeni është një membrane mukoze e cila rrethon ose mbulon pjësërisht hapjen e jashtme të vaginës. Emri rrjedh nga perëndia greke e martesës Hymenaios. Hymeni formon një pjesë të vulvës, të njohur ndryshe si gjenitalia e jashtme. Në anglishten slang njihet me formën qershia (cherry) si p.sh.” popping one’s cherry” -t’i marrësh virgjërinë dikujt. Sidoqoftë nuk ështëe mundur për të konfirmuar se një vajzë në postpubertet nuk është e virgjër vetëm me anë të ekzaminimit të hymenit. Në raste përdhunimi apo abuzimi seksual një ekzaminim i hollësishëm i hymenit mund të bëhet; sidoqoftë vetëm gjendja e kësaj membrane shpesh nuk është e mjaftueshme, ose bëhet shkak keqinterpretimesh vecanërisht nëse pacienti ka kapur moshën e pubertetit. Forma më e zakonshme e hymenit është gjysmëhënore megjithëse disa forma të tjera janë të mundshme. Edhe pas lindjes gratë mund të kenë mbetje të hymenit të cilat quhen’ carunculae myrtiformes’ sic ka edhe raste kur hymeni zhduket krejtësisht.
Ka disa forma të ndryshme të himenit, disa më të përhapura se të tjerat. Vetëm një në dy mijë fermra ka hymen i cili formohet pa kurrfarë të care. Ky quhet hymen i imperforuar dhe nëse nuk hapet spontanisht deri në pubertet duhet ndërhyrja mjekësore për të krijuar një carje e cila të lejojë rrjedhjen e menstruacioneve. Hymeni mund të dëmtohet nga aktivitetet sportive , përdorimi i tamponëve, ekzaminimet pelvike apo qoftë edhe nga hapja e sforcuar e këmbëve. Marrdhënia seksuale është një ngar rugët më të zakonshme për dëmtimin e hymenit megjithatë sipas një sondazhi vetëm 43 përqind e grave raportuan rrjedhje gjaku pas herës së parë. Kjo do të thotë se pjesa tjetër prej 57 përqind kishin një hymen elastik që nuk u ca (ose gjaku nuk u vu re nga partnerët e tyre).
Në kundërshtim me idenë e përgjithshme, carjae hymenit nuk është domosdoshmërisht tregues i humbjes së virgjërisë. Në disa kultura ekzistenca e hymenit të paprekur vlersohet shumë në martesë. Në Kore termi i përdorur për hymenin fjalë për fjalë do të thotë “lëkura e virgjëreshës”. Në disa kultura ende është zakon që një grua të ekzaminohet pë t’u siguruar se hymeni i saj është i paprkeur dhe ajo është e përshtashme për martesë.

Nusja dhe Europa

Shqipëria, ende, nuk e ka konsumuar revolucionin e saj seksual. Format e clirimit të femrës nga vargonjtë e jetës zakonore fillojnë ndoshta me mbretin Zog i cili mandatoi shfaqjen në publik kokëzbuluar të grave shqiptare. Pas Luftës së Dytë, komunistët ideuan emancipimin e gruas ‘si forcë e madhe për ndërtimin e socializmit’. Megjithë shtysën që morën liritëe femrës në këtë periudhë gruaja prapë mbeti e paragjykuar dhe, për më shumë, në vend që këto liri t’a feminizonin e burrëruan atë. Imazhi i shoqes komuniste llërëpërveshur, mbërthyer në kilota, terital, kazmëpushkën e ndërtimmbrojtjes, më shumë se sa grafiti me temë socialiste ishte nje realitet i zymtë frymëzuar nga një lloj feminizmi sovjeto-kinez. Gjithë këto pengesa e mungesa duheshin lënë pas me shembjen e komunzimit dhe hapjen e vendit. Por, a ndodhi vërtëtë kështu? Rënia e pengesave i bëri edhe më të forta e më publike pengesat. Liria seksuale u keqkuptua dhe u interpretua si funksionalizim i seksit. Me hir a pahir, shqiptaret ‘qëndisën’ trotuaret italiane duke u bërë furnizuese të tregut të mishit të bardhë. Për shumicën e femrave, emigranti i tranzicionit zëvendësoi shoferin e komunizmit si kandidati më i mirë për martesë. Një makinë, modeli i së cilës as nuk tregtohej më në Perëndim, flokë të prerjes ‘bishtpëllumb’ larë në brilantinë, fjali ku shqipja shartohej me gjuhë të huaja dukej se ishin prerja e modës së mashkullit shqiptar. Tani, kaq vite më vonë, duket se gjërat kanë ndryshuar në sipërfaqe, por thelbi mbetet, po ai. Refugjatët e djeshëm kanë prerë flokët, janë kthyer në emigrantë apo nënshtetas, vishen më mirë, por prapë, nuk e maskojnë mendësinë e vjetër. Në Shqipëri, ku ata deklarojnë se do të martohen për të ‘mos e shprishur edhe më gjakun e Arbrit’ gjejnë humus të mjaftueshëm për t’a mbjellë keqkuptimin e tyre ballkanik pluhurosur me theks europian. Gratë, (po, po!) i duan të virgjëra. Meqë ata nuk ngasin më atë Fiat 131-in e vitit 1982 të cilin e kanë zëvendësuar me modelin e sapodalë në treg, pse të mos jete e tillë edhe bashkëshortja. Një nuse me kilometrazh zero. Meqë në kapitalizëm kërkesa dhe oferta plotësojnë njëra-tjetrën edhe duke u modifikuar këtej Adriatikut nuset nuk shkojnë më tek burri me fishek në pajë. Tregu, sigurisht, madje dhe ai i shkëmbimeve ndërnjerëzore, ka trillet e tij. Po, ku rrinë shqiptarët në tregun kulturor europian pjesë e të cilit ata pretendojnë të jenë? Ndoshta Kadareja e Qosja duhet të shtërzejnë edhe rreth këtij elementi. Ose, ndoshta, meqë himeni femëror mund të kuptohet edhe si një cohë e bardhë, pse të mos e ngjyrosim në blu, ta pikëzojmë me 12 yje për ta paraqitur si dëshmi të pakundërshtueshme të europianizmit tonë. Për ta shitur më pas si screensaver në forumet internetike që aq dërrmueshëm i duam.

[BESIIM]

Veq desha te shtoj qe kam degjuar qe edhe ne Kosov
eshte nje gjendje e till .

[ardis]

per fat te keq shqiptaret nuk jane ne gjendje akoma ta kaperdijne ate qe bashkeshortja e tyre ka patur nje lidhje tjeter,megjithese dicka ka filluar te ndryshoje ne zonat urbane .

[BESIIM]

Ma e keqja eshte qe mergimtaret nuk jan akoma ne gjendje ta pranojn qe ne Kosov e Shqiperi femrat jan ba ma keq se ne boten perendmore dhe akoma shkojne ne pushime me nje qellim te vetem qe ta gjejn nje nuse te virgjer .

[[Perla]]

Ma e keqja eshte qe mergimtaret nuk jan akoma ne gjendje ta pranojn qe ne Kosov e Shqiperi femrat jan ba ma keq se ne boten perendmore dhe akoma shkojne ne pushime me nje qellim te vetem qe ta gjejn nje nuse te virgjer .

Eshte bere e modes tani, emigrantet (me vite pa ardhur ne Shqiperi) u dergojne lajm familjes, "duam nuse te ndershme" dhe ata hidhen ne sulm neper fshatra , ku e ku te gjejne pula te urta qe nuk bejne ze. loool

[Izadora]

Nuse me kilometrazh 0

Frika duhet te ekzistoje po te filloje femra me kilometrzh 0.me ven kilometrat me vone.

[katjushka]

Eshte bere e modes tani, emigrantet (me vite pa ardhur ne Shqiperi) u dergojne lajm familjes, "duam nuse te ndershme" dhe ata hidhen ne sulm neper fshatra , ku e ku te gjejne pula te urta qe nuk bejne ze. loool

po po eshte e vertete dhe i modifikojne ne dopio turbo

[e panjohura]

Frika duhet te ekzistoje po te filloje femra me kilometrzh 0.me ven kilometrat me vone.

Per fillim nuk lejohet te vozitin shpejt pa u perpunu makina mire,e pastaj mvaret edhe nga shoferi!

[Apollyon]

ku e ku te gjejne pula te urta qe nuk bejne ze

Po edhe grifshe ske ce don nusen. Mire e kan nga nje ane.

[[Perla]]

Po edhe grifshe ske ce don nusen

Varet se per çfare behen grifsha....