170 studente shqiptare mbahen te ndaluar per 3 dite ne Trieste!

[Edvin83]

Mbërrin trageti me 170 studentët e bllokuar
MARK BRUNGA | 10/05/2009

DURRËS- Ka marrë fund aventura e detit e 170 studentëve që u bllokuan në Trieste prej tre ditësh. Burime nga porti, bëjnë me dije se trageti me tre autobusët e studentëve ka mbërritur. Në terminal nuk janë lejuar të afrohen mediat, ndërkohë që burimet nga kapitaneria sqarojnë se gjendja e tyre është e mirë.

Të rinjtë kanë rënë pre e mashtrimit të një agjencie turistike në Tiranë, e cila u ka premtuar një guidë nëpër Mesdhe duke u pajisur me një vizë shengen hungareze. Por mashtrimet e agjencisë kanë bërë që ambasada e Hungarisë në Tiranë të anulojë vizat dhe studentët tashmë nuk mund të zbresin as nga anija.

Grupi i studentëve është nisur nga porti i Durrësit ditën e mërkurë dhe ndalesa e tyre e parë ishte Trieste. Më pas guida e tyre vazhdonte me udhëtim në bregdetin e Francës, Spanjës dhe disa vende të tjera. Por policia kufitare italiane nuk i ka lejuar studentët që të zbresin nga anija duke treguar se vizat e tyre ishin anuluar nga ambasada hungareze në Tiranë.

Studentët janë interesuar për arsyen e anulimit të vizës dhe bllokimit të tyre në anije dhe kanë mësuar se shkaku ishin dokumentet jo korrekte që ishin depozituar në ambasadën hungareze. Kjo ka vazhduar tërë ditën dhe në orët e darkës është njoftuar konsullata shqiptare në Milano, e cila ka njoftuar Ministrinë e Jashtme.

Ndërkohë, autoritetet e portit kanë intervistuar pasagjerët dhe, sipas informacionit që ambasada jonë në Romë ka marrë nga Ministria e Jashtme, disa prej tyre kanë deklaruar destinacione të tjera (Spanjë, Francë, Belgjikë) jashtë itinerarit të deklaruar. Ky fakt ka rënduar situatën dhe ka bërë që të merret vendimi përfundimtar i refuzimit të hyrjes në territorin italian.

Një nga konsujt ka shkuar në Trieste dhe është interesuar për problemin. Sipas raportit të konsullit që ndodhet në Trieste dhe Ministrisë së Jashtme rezulton se udhëtimi i studentëve të disa universiteteve private në Tiranë është ndërmjetësuar dhe organizuar nga një agjenci private e udhëtimit.

Vizat janë marrë në ambasadën e Hungarisë në Tiranë, ku agjencia ka paraqitur programin e udhëtimit dhe rezervimet e hoteleve në Slloveni dhe Itali.

Ambasada e Hungarisë, pasi ka dhënë vizat, ka marrë njoftim nga hotelet se janë kontaktuar nga agjencia, por rezervimi ose nuk është bërë efektiv (sepse nuk është kryer pagesa), ose më vonë është anuluar.
Për pasojë, ambasada e Hungarisë ka anuluar vizat dhe ka njoftuar kufirin që të mos lejojë hyrjen në territorin italian.

Shekulli


Si gjithmone, ne shqiptaret trajtohemi si pleh dhe qeveria jone as nuk e can koken per ne!

[prenceedi]

Ne 2009 a nuk tha LULJA qe do qarkullojme pa viza..............................
ca deshen qe u ngaterruan me vizat keta studentet.................
prandaj dhe nuk i lejoi italiani............se ishin me viza

[Duaje Siveten]

Shekulli


Si gjithmone, ne shqiptaret trajtohemi si pleh dhe qeveria jone as nuk e can koken per ne!

qeveri e quan ti ate?!?

a ka ndonje cope toke, det apo ajer per ta "falur" dhe shitur (paret ne xhepat e vet mafioze) - kjo eshte qeveria e salis ...

a ka ndonje central atomik, kozmodrom, stacion nder-planetar e çfar tu shkoje ndermend - qeveria e salis i ben gati te gjitha per ... mandatin tjeter ...