Numri 19 në Kur'an

[Sefedini_PZ]

Numri 19 në Kur’an:

74:26. E Unë atë do ta hedh në Sekar!
74:27. E, ku e di ti se çka është Sekar?
74:28. Ai nuk lë send të mbetet pa e djegur.
74:29. Ai është që ua prish dhe ua nxin lëkurat.
74:30. Mbikëqyrës mbi të janë nëntëmbëdhjetë.
74:31. E mbikëqyrës të zjarrit Ne nuk bëjmë tjetër, përveç engjëjve dhe numrin e tyre (të përmendur në Kur'an) nuk e bëmë për tjetër, por vetëm si sprovë për ata që nuk besuan, e që të binden ata që u është dhënë libri, e atyre që besuan t'u shtohet edhe më besimi, e atyre që u është dhënë libri dhe besimtarët të mos kenë dyshim dhe ata që zemrat i kanë të sëmura dhe jobesimtarët të thonë: “Çka dashti All-llahu me këtë si shembull?” Ja ashtu, All-llahu e lë të humbur atë që e do dhe e udhëzon atë që do, e ushtrinë e Zotit tënd nuk e di kush pos Atij, e ai (Sekari), nuk është tjetër vetëm se një përkujtim për njerëz.

Kodi matematikor në Kur’an – fakte të thjeshta:

1. Në Kur’an janë 114 sure ose 19 x 6.

2. Numri total i ajeteve në Kur’an është 6436 ose 19 x 334.

3. Fjala “Me emrin e All-llahut, Mëshiruesit, Mëshirëbërësit!” ose “Bismil-lahir-Rrahmanir-Rrahim!” që përbëhet nga 19 shkronja arabe gjendet në fillim të çdo sureje përveç sures 9.

4. Edhe pse ajo nuk gjendet në fillim të sures 9, saktësisht pas 19 kapitujve ajo (Bismilahi) shfaqet 2 herë. Sureja 27 e ka këtë deklarim “Bismil-lahir-Rrahmanir-Rrahim!” në fillim të saj dhe në ajetin 30. Kjo d.m.th. që fjala Bismilah në Kur’an shfaqet 114 herë ose 19 x 6.

5. Shpallja e parë që i është dhënë profetit Muhammed s.a.v.s. përbëhej nga 19 fjalë.

6. Edhe pse kjo ishte shpallja e parë këto ajete janë vendosur në fillim të sures 96 e cila është e 19-ta me radhë nëse numërojmë suret nga fundi.

7. Sureja e fundit e shpallur (Sureja 110) ka 19 fjalë, dhe ajeti i saj i parë ka 19 shkronja.

8. Mesazhi kryesor i Kur’anit është se Zoti është Një. Fjala “Një” që i referohet këtij koncepti të Një Zoti përmendet 19 herë.


Përgatiti: Sefedin Muçaj, Prizren, Kosovë.