Facebook, si një filial i CIA-s

[Xhuxhumaku]

Spiunet, tani rekrutohen në… Facebook

» Dërguar më: 23/05/2009 - 09:42


Spiunët, tani rekrutohen aty ku nuk ta pret mendja në Facebook! Shërbimet sekrete të shumë vendeve kanë zbuluar mjetin e ri të joshjes për të rinjtë që duan të japin informata të vlefshme për to. Alarmi ka përfshirë shumicën e shteteve që ndihen të rrezikuara nga një dukuri e tillë. Izraeli akuzoi pak ditë më parë militantët arabë se, ata po përdornin faqen popullore të internetit për të rekrutuar spiunë që do të punonin kundër shtetit izraelit. Shërbimet e inteligjencës kanë lajmëruar izraelitët të mos tregohen të papërgjegjshëm e të mos gënjehen nga ofertat e militantëve arabë, që në Facebook janë mjaft bujare. Zyrtarët e lartë të agjencisë thanë se rasti më i fundit ishte ai i një djaloshi të ri, që në faqen më popullore të lidhjeve sociale në internet i ishte ofruar një shumë e majme për t'u bërë agjent i arabëve. Agjencia ka bërë të ditur se shumë grupe terroriste po e përdorin këtë faqe dhe se ato shpesh përpiqen të mashtrojnë izraelitët për t'i rrëmbyer ata, për t'i vrarë apo për t'i rekrutuar si spiunë. Kjo është mënyra e re e luftës mes vendeve që janë në konflikt me njëri-tjetrin. Ndërkohë, zyrtarët izraelitë thonë se militantët po përdorin edhe Google Earth, për më shumë saktësi në lëshimin e raketave në kufi. Teknikat e luftës janë përmirësuar mjaft, ndërkohë që shumë shtete të tjera po përdorin internetin si një mënyrë për të grumbulluar informacion për rivalët e tyre. Kina, SHBA-ja, Gjermania janë ato që po përdorin më shumë rrjetet e internetit për qëllime të përfitimit të informacionit.

Spiunazh në internet

Disa kohë më parë edhe kryeministri kinez, Wen Jiabao i premtoi kancelares gjermane, Angela Merkel, se qeveria e tij do të ndërmerrte veprime "të vendosura" dhe "masa mjaft të ashpra" për të ndaluar sulmet e paligjshme në rrjetet kompjuterike të qeverisë gjermane. Premtimi nuk u bë aspak rastësisht. Vetëm pak ditë përpara udhëtimit të Angela Merkelit në Kinë, revista gjermane, "Der Spiegel" kishte raportuar se sistemet e qeverisë së vendit ishin bërë pre e sulmeve masive. Shërbimet e fshehta gjermane kishin arritur të gjurmonin shumë prej tyre, duke arritur në përfundimin se burimin e kishin në disa provinca kineze. Çdo vit, programe të posaçme antivirus, kapin rreth 600 tentativa për të ndërfutur software të sofistikuara spiunazhi në dy prej rrjeteve qendrore të internetit të IVVB, një sistem që lidh kompjuterët e Kancelarisë gjermane me ministritë e qeverisë në Bon dhe Berlin. Këto dhe tentativa të tjera të ngjashme janë provë e shtimit të vazhdueshëm të sulmeve të sofistikuara kibernetike, një pjesë e mirë e të cilave as që arrihet të kapet prej ekspertëve gjermanë. Postimet e kodeve të dëmshme në këto mesazhe e-maile kanë të bashkangjitur programe që shërbejnë për hapjen e portave për spiunët, gjë që mundëson kontrollin e kompjuterëve të infektuar nga çdo pikë e globit, ashtu si dhe lejon shkarkimin brenda tyre të programeve të dëmshme.
Është e vështirë të identifikosh fajtorët e vërtetë në internet, pasi edhe serverët e kontrollit mund të bëhen pre e sulmeve dhe të kontrollohen në distancë nga hakerët. Dihet që agjencitë e shërbimeve të fshehta kineze, ashtu si dhe forcat e armatosura të këtij vendi, kanë qenë aktivë në spiunazhin kibernetik që në fundin e viteve nëntëdhjetë. Kina mund të mburret gjithashtu edhe për një komunitet hakerash me motive patriotike dhe tepër të aftë, të cilët hyjnë e dalin prej vitesh në sitet e huaja të internetit. Duke qenë se Kina e kontrollon në mënyrë shumë të rreptë internetin brenda kufijve të vet - më shumë se çdo shtet tjetër në botë - mund të merret me mend lehtë se qeveria i ka lejuar hakerët kinezë të bëjnë ç'të duan me sitet e huaja. Ndoshta nuk është aspak rastësi që vetëm tri ditë pasi zbulimi i "Ghostnet"-it zuri faqet e para të shtypit botëror, u ndje i detyruar të deklaronte se edhe ai vetë qe bërë pre sulmesh të tilla. Tha se disa hakera nga Tajvani kishin mundur të hynin në një kompjuter të Këshillit të Shtetit Kinez, duke shtënë në dorë disa raporte të rëndësishme qeveritare.

Gazeta Shqiptare.

[BlueBaron]

Paska plas spiunlliku sheshit ...

[Apollyon]

Jua ka lene trashigimni Enveri.

[[LoTi]]

Facebook, nje aspirin e njeriut, qe po u fut ne facebook harron te dali

[drague]

E pse qenka kokecarje ?

E di si eshte puna ? Se shumica kane abuzuar me facebook. Qellimi i facebook eshte te kesh kontakt me njerez qe ti vertet i njeh !
Nuk eshte konkurence sic behet nga shumica, se kush ka me shume friends , sepse ai qe ka shume friends ne listen e tij/saj eshte dhe popular. Pavarsisht se shumicen nuk i njeh. Rendesi ka te kapesh qindra qindra njerez dhe ti besh shok dhe shoqe. Lol

Nese facebook-u perdoret pa u abuzuar , pa futur aty lloj lloj njerezish eshte nje lloj mjeti i lezetshem kontakti me njerezit e tu, miq qe ke pasur ne jeten tende reale, kusherinje qe jane shperdare neper bote... facebooku te jep mundesine te jesh me ne kontakt si nga ana e komunikimit por dhe te update me foto. Vitet kalojne dhe njerezit ndryshojne. Mire eshte ti shohesh aty, ndonjehere te jep ate ndjenje qe nuk je ndare kurre...

mua personalisht me duket nje ide e lezetshme komunikimi. Asnje dem ste vjen nese vertet di ta perdoresh per interesat e tua.

coja pak plakut adresen ne MP

shtohen cdo dite manjaket e surratbukit.

nje shoqja ime ka 200 shoke??????????????????!!!!!!!!!!!!!!!!!!!!!!!!

[PINK]

coja pak plakut adresen ne MP

shtohen cdo dite manjaket e surratbukit.

nje shoqja ime ka 200 shoke??????????????????!!!!!!!!!!!!!!!!!!!!!!!!

po pra mbas gjithe atij kercenimi dje, qe do me vrasesh une te tregoj adresen ty ? qe tma fiksosh mire my pretty face

Zdu . lol

me dalin dhe teprojne my 35 friends. LOL

[drague]

po pra mbas gjithe atij kercenimi dje, qe do me vrasesh une te tregoj adresen ty ? qe tma fiksosh mire my pretty face

Zdu . lol

me dalin dhe teprojne my 35 friends. LOL

te lutem se me kan ra pak nervat sot.

ti boj dhe une 30 te pakten.

kena me shume vite se shoke.

[mia@]

Mos u bej merak drague se ke shoke. Une i kam apo si kam 10 friends, dhe keta me shume kusherinj.

[PINK]

te lutem se me kan ra pak nervat sot.

ti boj dhe une 30 te pakten.

kena me shume vite se shoke.

Ok si t'qujne ty. Emer mbiemer qe te te bej add. Lol

[Xhuxhumaku]

selmon allamoni...

do m'hapi mu ndonji?