Fotomodelja shqiptare Lola Luma

[Albo]

Lola Luma Një import i nxehtë nga Shqipëria



Import të nxehtë e quan revista amerikane “Ellements” në faqet e saj për bukuroshen shqiptare , Lola Luma e po aq e nxehtë është për revistën e famshme meshkullore “Maxim” që e ka përzgjedhur ndër vajzat më “hot” të Amerikës. Vajza nga Shkodra rrëfen sesi e realizoi ëndrrën e saj amerikane dhe sesi ka vendosur të ecë në hapat e Marylin Monroe-s…

Është bionde, me buzëqeshje rrëzëllitëse, trup të hatashëm dhe padyshim seksi. Nëse sytë të ndalen kalimthi në fotografitë e saj buzë detit me kostum banje të kuq mund ta ngatërrosh fare mirë me Pamela Anderson nga koha kur ishte ylli i serialit “Bayëatch”. Jo më kot revista e njohur e audiencës mashkullore “Maxim” e ka zgjedhur si një prej vajzave më të nxehta të muajit korrik.

Megjithatë Lola duket se ka tjetër divë hollivudiane për t’i ndjekur hapat. As më pak e as më shumë se vetë ikonën e bukurisë femërore, Marylin Monroe. Si ajo ka vendosur të ndërrojë ngjyrën e flokëve nga të zinj, në të platintë të parezitsueshëm dhe po si ajo ka vendosur që pasionin për aktrimin ta gdhendë në talent në shkollën prestigjioze të teatrit “Lee Strasberg Theatre Institute”, në Nju Jork . Aty ku Monroe shumë vite më parë, megjithëse me një karrierë në kinematografi kishte vendosur të merrte leksione nga i rrepti Strasberg, që më pas u bë mentori i karrierës së saj.



Shumë vite më vonë, shqiptarja nga Shkodra u gjend në mes të Nju Jorkut me ëndrrën e madhe për të prekur botën mondane të përtej oqeanit dhe nëse duhet ta niste diku, atëherë do të ishte me më të mirët. “Hapat e parë duhen hedhur gjithmonë me më të mirët”- thotë ajo për gazetën MAPO ndërsa përgjigjet nga Nju Jorku, duke e cilësuar formimin në këtë shkollë si eksperiencën më të vyer të saj.

“Ëndrra Amerikane ka filluar që e vogël. Kush është ai që nuk e ëndërron Amerikën. Nuk ka më bukur sesa kur këto ëndrra kthehen në realitet. Ka shumë kohë që kam emigruar me familjen time në Nju Jork. Edhe pse në Shqipëri me ofruan kontrata, familja ime e ndjeu më të arsyeshme që në fillim ta prekja botën amerikane dhe pastaj të vendosja për fatin tim në këtë drejtim”.

Eksperienca për t’u pasur zili nga të gjitha vajzat që duan ta prekin ëndrrën amerikane si ajo, Lola numëron disa. Dhe nuk janë pak.

Në vitin 2005, fotografi i njohur Fadil Berisha e prezantoi bukuroshen e panjohur shqiptare me kompaninë Jovani Fashions ku ajo nisi menjëherë punën si modelja e tyre e shtëpisë dhe nisi të shfaqej në reklamat e tyre të shtypit. Më pas erdhën stuhishëm oferta të tjera prestigjioze si edhe pjesëmarrja në një reality show si “Real World Brooklin”. Fillimet, edhe kur bëhet fjalë për një ëndërr të kthyer në realitet, janë të vështira. Sidomos, thotë Lola, kur jeton në qendrën e botës amerikane dhe ku të gjithë vijnë aty për të provuar atë, tokën e premtimeve të mbushura. “Sot shikon një modele te përfaqësoje firmat e mëdha dhe nesër fytyra jote e zëvendëson atë. Nuk ka ndjesi më të bukur. Pastaj ndjen kënaqësi të papërshkrueshme kur shtëpitë e modës duan të të veshin në evente të ndryshme që të përfaqësosh rrobat e tyre përpara publikut dhe fotografëve”. Kjo që Lola tregon duket tamam jeta e yjeve të paarritshëm të Hollivudit ndaj të cilëve jemi gjithnjë të etur për t’u lexuar thashethemet që gëlojnë rreth tyre. Lola duket se ia ka arritur. “Vlerësimi nga revista Maxim ku shumëllojshmëria e bukurive të vajzave nga Amerika i kalonte limitet më ka bërë të ndjehem unike, shume speciale. Shpresoj që shumë modele të tjera shqiptare të kenë fatin tim, sepse me të vërtetë ka hapur shumë dyer në fushën e modës”- pohon ajo. Ndoshta nuk do të jetë kurrë në gjurmët e famës së Monroe-s, por ama frytet e para shkolla e aktrimit i ka dhënë. Ka qenë protagonistja e filmit shqiptar “Nora e Kelmendit”, një histori dashurie me skenar të frymëzuar nga libri i Andrea Skanjetit. Duke e kthyer edhe njëherë Lolën në rrënjët e saj, Shqipërinë e Veriut. Me rrënjët e saj është shumë e lidhur jo vetëm kur i vijnë ftesa për role kinematografike apo evente mode si kjo e fundit në “Supermodel of Albania 2013” ku Lola udhëtoi në Tiranë. Prej disa kohësh është e përfshirë në shoqatën “Rrënjët shqiptare” e cila e ushtron aktivitetin në Nju Jork. “Shoqata ku unë marr pjesë ka si moto të afrojë më afër të rinjtë Shqiptarë kudo nëpër Amerike. Kjo nismë më pëlqen sepse shoqatat e tjera fatkeqësisht po vdesin me krijuesit e tyre, pa sjellë qeliza të reja në vatrat e tyre. Çdo qershor organizohet Parada Shqiptare në Nju Jork. Ky vit ishte viti i dytë që unë marr pjesë. Është i vetmi event ku shqiptarët bashkohen pa dallim krahine dhe mbushin rrugët e Nju Jorkut”, tregon Lola, e cila duket se edhe dashurinë ka dashur ta ketë gjithnjë shqiptare, ndryshe nga ëndrra e saj amerikane. “Dashuria më bën më të bukur dhe më fal gëzim. Dashurinë kësaj herë m’u desh ta ndiqja në Izrael ”. Pas pushimeve me të dashurin në Izrael dhe pas pjesëmarrjes në Supermodel of Albania do të jetë pjesë e një grupi përzgjedhës për filma studentorë shqiptarë në eventin “Imazhe” që do të organizohet në nëntor në ShBA dhe pas kësaj e presin shumë evenimente mode në Neë York Fashion Ëeek 2013, duke e bërë atë që duket e pamundur për shumë vajza të reja, të prekshme me majën e gishtërinjve.



“Ëndrra Amerikane ka filluar që e vogël. Kush është ai që nuk e ëndërron Amerikën. Nuk ka më bukur sesa kur këto ëndrra kthehen në realitet. Ka shumë kohë që kam emigruar me familjen time në Nju Jork. Edhe pse në Shqipëri me ofruan kontrate, familja ime e ndjeu me te arsyeshme që në fillim ta prekja botën amerikane dhe pastaj të vendosja për fatin tim në këtë drejtim”.

“Vlerësimi nga revista Maxim ku shumëllojshmëria e bukurive të vajzave të ndryshme nga Amerika i kalonte limitet më ka bërë të ndjehem unike, shume speciale. Shpresoj që shumë modele të tjera shqiptare të kenë fatin tim, sepse me të vërtetë ka hapur shumë dyer në fushën e modës”-

MAPO

[Prudence]

Epo suxse moj goc.

[hof]

Jo keq, por brunet jane 100 here me mire.

[Cen Durimmadhi]

Vallahi hot ama hot fare kur i thone!
Nejse ku e kisha fjalen.....he: Pionere ne lufte per ceshtjen e Partise gati!!!!!!!!!????

[drague]

Vallahi hot ama hot fare kur i thone!
Nejse ku e kisha fjalen.....he: Pionere ne lufte per ceshtjen e Partise gati!!!!!!!!!????

gjithmone gati cen

[Linda5]

gjithmone gati cen

Boje prov njiher

se

Ta grij mishin me gershon

[Lexuesi_]

Nese nuk do cullakohej kshtu nuk do kishit mundesi ta njihnit Eh medet kurr ma leht ska qen se ne kete shekull me u ba i famshem per dicka.

[zANë]

Goca eshte simpatike,dhe forma te mira trupore,por te them te drejten shume e zakonshme me duket,nuk shof ndonje gje qe ka te vecant apo impresionuese :S

I uroj suksese,me qe paska dhe enderr!

[Plaku me kostum]

Goca eshte simpatike,dhe forma te mira trupro,por te them te drejten shume e zakonshme me duket,nuk shof ndonje gje qe ka te vecant apo impresionuese :S

I uroj suksese,me qe paska dhe enderr!

Jam i te njejtit mendim.

[mia@]

As mua s'me duket ndonjegje per modele. Trupin e ka te bukur, fytyra e bukur por asgje e vecante.