Aleksandër Meksi: PD nuk i fiton zgjedhjet, votoni "Polin e Lirise"

[juanito02]

Ju ecte djema. U befte vertet nje e djathte pa komuniste e ish komuniste.
Une kam shume kohe qe e uroj nje gje te tille.

[flory80]

Poli i Lirisë sigurisht që do të ketë sukses, pasi është një forcë politike e hapur për ndryshime, dhe larg diktaturës së Sali Berishës.
Është një forcë politike që shumë shpejt do të jetë e djathta Shqipatre.

[flor1]

poli lirise=poli rakise

[Maars]

I nderuar zoti Astrit, faleminderit per deshmine tuaj, Kjo qe shkruani ne fakt nuk ju ka ndodhur vetem juve por te gjithe te djathtet e ndershem jane mashtruar dhe abuzuar sa here qe Komunisti Berisha ka ardh ne pushtet. Ne 2005 premtoi demokracine, pronen, lufte kunder korrupsionit dhe burg per ish oligarket e degjeneruar ( Nanon Xhuvelin me shoke ) por asgje nuk u be perkundrazi me Berishen komunistet ish Sigurimsat Serbet dhe Greket fituan akoma me shume.
Shpresoj qe vec nje dite te kalbet ne burg bashke me spiunet e tjere qe i vijne rrotull per te gjitha ato te zeza qe i ka sjelle ketij kombi.

[Patrioti]

Suksese te perzemerta Polit te Lirise.

[Astrit Kosturi]

Te nderuar antare te STAFIT te forumit, po e shoh që disa nga deshmite dhe opinionet tona te denoncojne, mashtrimin e madh qe u eshte bere demokrateve dhe mbajtjen e tyre ne rresht per kaq shume vite vetem me genjeshtra e mashtrime nga uzurpatoret e PD dhe te shtetit, po na i hiqni. E kuptoj qe nuk u pelqejne, por te pakten na thoni, qe perse i hiqni dhe i fshini postimet tona. Une e kam mesuar kaq qe hajdutet jane jo vetem te dhunshem e barbare, por edhe burracakë e frikacak...
Megjithate, do ta gjej kohen, te jap edhe denoncime më skandaloze, per banden e Çangallozit Berisha dhe rreçave te tij.
U qofte udhe e mbare, ne misionin e çensurimit te forumit shqiptar!

[[Perla]]

INTERVISTE / Ne kete interviste per gazetarin Mentor Nazarko dhene per Shekulli, avokati i njohur Spartak Ngjela flet mbi domosdoshmerine e qendres se djathte ne Shqiperi dhe synimet politike te partise qe ka krijuar.


Zoti Ngjela, ja ku jemi në 2009 dhe ju jeni në krye të një partie të re që quhet Ligj dhe Drejtësi, jashtë PD-së. Çfarë është ky fakt, dëshmi e idealizmit tuaj, e mospranimit të një lideri mbi kokë, zhgënjim prej politikës tradicionale, kërkim i së djathtës së pastër?


Përgjigje: Nuk di se përse po përsëritet po kjo pyetje. Debati im me kryeministrin shqiptar është i hapur, madje permanent per afër katër vjet, dhe nuk di se përse prapë duhen përsëritur ca gjëra. Përsa i përket Partisë që kam krijuar, kjo është inisiativa ime për të nisur një etapë të re politike për vete: të formoj fondin tim politik. Unë kam mbështetësit e mi, por a do kem mundësi që t'i kthej në votues? Ja kjo është e gjitha. Koha do ta tregojë, dhe ajo tani është e afërt. Por në të njejtën kohë më duhet të theksoj se, për faktin që epiqëndra e krizës sone dhe e korrupsionit dhe cdo abuzimi me pushtetin është mungesa e respektimit të ligjit; Partia Ligj dhe Drejtësi, jam i bindur se ka kapur kontradiktën themelore të kohës; dhe di ta zgjidhë atë. Në fakt kjo është filozofia moderne e formimit të partive të reja politike.

Cilat janë shtyllat e programit politik të partisë suaj?si projektohen idetë kryesore të librit tuaj në program?


Përgjigje: Partia Ligj dhe Drejtesi që përfaqësoj ka paraqitur një program të sajin, ai tani është shpërndarë, dhe nuk është aspak refleks me asnjë program tjetër partish. Qëndra e djathtë mungon në Shqipëri, dhe ky është i pari program i saj. Tani mund të jenë bërë shumë vjet që une flas per kapitalizmin dhe tregun. Asnjë tjetër nuk flet; madje ka frikë. E si mund të jem unë i përafërt me këto parti të cilat sipas programeve të tyre janë të gjitha të qëndrës së majtë? Kam përshtypjen se me programin tim, nis historia e qëndrës së djathtë në Shqipëri. Edhe këtë besoj se do ta provojë koha.

Në ligjërimin tuaj publik vihen re nota të forta të patriotizmit. Cdo të thotë në shekullin e 21, të jesh patriot zoti Ngjela?


Përgjigje: Nuk e di se përse nuk i pyesni edhe francezët për këtë; gjithashtu përse nuk i pyesni edhe anglezët ose britanikët për këtë; madje edhe amerikanët, por vetëm një shqiptar? Kaq pa personalitet është katandisur gazetaria jonë, apo edhe ju jeni viktimë e propagandës shterpë që është bërë për tetembëdhjetë vjet kundër shqiptarëve ne shtypin ndërkombëtar. Si, në shqiptarët nuk na lejohet që ta duam dhe të kemi respekt për prejardhjen tonë? Kush mund t'ua lejoje këtë? Unë të paktën kurrë nuk do t'ua lejoj. Jam tre herë përfaqësues i shqiptarëve në Parlamentin shqiptar, dhe i respektoj maksimalisht për këtë nder që më kanë bërë, s'i kam fyer asnjehërë, dhe jam dinjitoz që e kam origjinën nga nje popull i lashtë si shqiptarët, dhe po ashtu jam i pari që kam theksuar ne një libër të tërë që ne shqiptarët jemi racionalë, dhe prandaj nuk kemi asnjë gjë lindore në strukturën e intelektit dhe kulturës sonë. Mos ndoshta kjo ju bezdis? Po të jetë kështu, kujtohuni se kjo do të jete deviza ime permanente: në truallin tonë ka lindur bazamenti premordial i kulturës dhe qytetërimit perëndimor; dhe ky nuk është patriotizëm, por krenari dhe identitet kombëtar brenda një konsideracioni real historik.


Berisha pretendon se ai përfaqëson të djathtën duke ju kundërvënë çdo force të re, që e kërcënon partinë e tij. Cilat janë rreziqet reale për të në këto zgjedhje nga subjektet e djathtë- ju, koalicioni i zotit Meksi, etj?


Përgjigje: Nuk ndiej asnjë rrezik. Unë kam fondin tim publik, të cilin do të mundohem ta kthej në vota. Dhe besoj se do t'ia dal. Unë u kam folur bashkëkombësave të mi drejtpërsëdrejti, dhe ata më reapektojnë për këtë. Vota është e lirë; por unë them se edhe do të votohem.


Dakord me arsyet pse duhet të votohet partia juaj, por ama ju keni shprehur papajtueshmëri me Berishën. PD me shumë gjasa do të vazhdojë të mbetet një nga dy partitë kryesore në pushtet. Ju do të vazhdonit të ishit në opozitë me të, apo do të bënit aleancë?

Përgjigje: Kam përshtypjen që e djathta do ta shpërndajë votën në këto votime, dhe pas kësaj do të nisë shahu politik në spektrin e djathtë të politikës shqiptare. Ja këtë kërkon të bëjë Partia Ligj dhe Drejtësi që unë përfaqësoj. Dhe po u krye kjo, atëherë do të fillojë të funksionojë demokracia shqiptare, të paktën në njërin nga krahet e saj. Dhe shqiptarët janë të vendosur ta bëjnë. Të paktën kështu më kanë thënë nëpër takimet e mia që kam pasur me ta kudo. Shahu politk duhet të nisë djathtas, sepse vetëm kështu do të vendoset edhe demokracia dhe dio të institucionalizohemi demokratikisht për të krijuar dy instrumente: shtetin si snstrument institucional demokratik dhe tregun si instrumenet ekonomik. Të dy bashkë do të ndërtojne persoalitetin e shqiptarit. Dhe ne do ta bëjme. Keni për ta parë.


Partitë tradicionale politike po e vënë theksin tek ekonomia në fushatën e tyre. Tek premtimet mbi ulje taksash, subvencionime, projekte punësh publike, etj. Asnjë premtim për drejtësinë, apo shtetin ligjor; për institucione të qëndrueshme, etj. A vjen kjo pse ato besojnë se këto lloj premtimesh nuk thithin vota?


Përgjigje: Që të dyja partitë janë pa progran. Program ekonomik do të thotë të rritësh prodhimin. A keni dëgjuar ndonjë gjë për këtë? Janë lider të paaftë për të drejtuar një ekonomi që nuk ekzioston, dhe fakti që nuk ekziston një ekonomi shqiptare, pikërisht për këtë, këtë shtet mund ta drejtojnë edhe njerëz si Saliu apo Rama. Dhe nuk ekziston asnjë shtet institucional, prandaj dhe mund të drejtohet ky shtet nga ata të dy. E kuptoni se ku jemi? Asgjëkundi. Në një spontanitet inprofesional, ne nje rrungajë fjalësh, që s'ka asnjë skemë. Më thoni të paktën dy gjëra: a ka ligj që zbatohet në Shqipëri? Dhe a ka një treg mallrash që të vijë edhe nga prodhimi shqiptar? As njëri dhe as tjetri nuk ekzistojnje. Atëherë pse bini preh e injorancës që e quan staniacionin të vetmen vlerë që e ka në favor të vet. Shqipëria nuk prodhon dot asgjë, dhe këta të paditur flasin për vende pune. A e dini sa kushton ne Përëndim një vend i ri pune? Dhjetë deri në dymbëdhjete mijë Euro. Ku do t'i gjejnë këto miliarda Euro investim për prodhim industrial këta mjeke dhe mësues kur proklamojnë se do të hapin 200 000 vende pune. Kjo është një marrëzi e madhe në fillim, por përfundon në një tallje po kaq të madhe, të cilën shqiptarët nuk do ta falin më, sepse jam i bindur se kanë vendosur që ta shpërndajne votën.


Udhëheqësit historikë të Shqipërisë kanë bërë punë të mëdha publike: Zogu rrugë, ndërtesa shtetërore, etj. Enveri tharje kënetash, hidrocentrale, etj. Berisha mburret gjithashtu dhe ai për punë të mëdha publike, megjithëse socialistët thonë se edhe ata kanë bërë shumë punë. Po ku qëndron diferenca mes tyre atëherë?


Përgjigje: S'kanë asnje diference: Shqipëria është ende një vend i varfër. Të ndërtosh, do të thotë jo të rropatësh shoqërinë, por ta pasurosh atë. Të gjithë këta as që e kanë përfillur eficencën ekonomike, sepse, pikë së pari nuk e kanë kuptuar. Defekti i tyre i përbashkët ka qënë ky: asnjëri nuk e ka dashur demokracinë dhe nuk e ka respektuar popullin të cilit i kanë përkitur; dhe asnjëri prej tyre nuk ka menduar asnjë sekondë për mirëqënien dhe prosperitetin e shqiptarëve, por vetëm për xhepat apo për pushtetin e tyre. Ja kjo është e gjithë historia jonë që nga koha kur Harvardasi i Madh u largua nga shqipëria më 1924, me gjithë ekipin e tij të madh, shqiptar dhe largpamës. E që nga ajo kohë ne po sorollatemi nëpër shkretëtirën e ndoca liderëve që nuk dinë asgjë, por që u duket se dinë gjithcka.

Mentor Nazarko
Shekulli online

[[Perla]]

Kryetari i fraksionit politik Poli i Lirise, Aleksander Meksi ka deklaruar se reforma ne drejtesi dhe zhvillimi i ekonomise jane prioritetet kryesore te koalicionit te tij.

Duke folur ne nje interviste per VOA, Meksi ka paraqitur edhe planet se si “Poli i Lirise” synon te arrije keto objektiva.

“Pikat kryesore te koalicionit jane, e para funksionimi i shtetit, prandaj duhet bere reforma ne drejtesi dhe e dyta reforma ekonomike. Ajo duhet bere permes nje politike tatimore me te rregullt, me sigurimin e pensioneve qe brenda 4 vjecarit te pare te shkojne ne 60% te pages neto dhe me vendosjen e takses se prones ne menyre te rregullt. Pra, nje sere reformash qe zhdukin monopolet dhe shtojne numrin e personave qe merren me biznes”, ka pohuar Meksi.

Meksi ka theksuar se biznesi shqiptar ka nevoje per reforma te thella, pasi sipas tij, ne bizneset me te rendesishme shteti eshte bere pale me abuzimin.

“Ne mendojme hyrjen e biznesmeneve shqiptare ne sipermarrje si ajo telefonike, ku tarifat ne Shqiperi jane me te larta se ne vendet e Evropes. Nese shteti ne raste te tilla s’nderhyn, kjo do te thote se eshte pale me ta”, ka pohuar Meksi, i cili ka nenvizuar se zvarritja e ceshtjes se pronave ka bere qe ne vend te mos kete investime.

Me tej ish-kryeministri i Shqiperise ka kritikuar dy partite e medha per hartimin e Kodit Zgjedhor, i cili sipas tij favorizon vetem partite e medha.

“PD-ja e sotme nuk eshte PD-ja qe kemi formuar ne, shume njerez jane larguar. Ligji elektoral u be per te justifikuar pranine e vetem dy partive te medha. Ka nje degradim te krereve te tyre. Kjo intolerance qe shfaqet edhe ne fushate, tregon se keta njerez nuk mund ta konceptojne veten jashte pushtetit”, ka deklaruar Meksi.

Ndersa persa i perket koalicionit post-zgjedhor, Meksi ka preferuar te tregohet i matur. “Ne nuk bejme koalicione me te majten, por nuk flasim para zgjedhjeve. Gjithashtu, nuk bejme koalicion me demokrate qe mendojne vetem per veten e tyre”, ka shtuar ai.

T-CH