Ipeshkvi kundër ndihmave të një shoqate për nxënësit
» Dërguar më: 04/05/2009 - 12:32
http://www.balkanweb.com/gazetav5/artikull.php?id=58628
Armir Mehja
PUKE Disa ndihma në lodra, mjete shkollore, ëmbëlsira dhe libra që një grup të rinjsh të kombësive të ndryshme, pjesëtarë të një shoqate protestante po shpërndajnë në shkollat e Pukës, janë kundërshtuar si të dëmshme nga imzot Luciano Avgostini, Ipeshkvi i Shkodrës, Pukës dhe gjithë Veriut. Këtë shqetësim, Luciano Avgostini e ka bërë publik të dielën në vizitën e bërë në katedralen e Shën Jozefit në Fushë-Arrëz. Sipas tij, ata (të rinjtë protestantë) po shfrytëzojnë shkollat për të bërë mashtrime. "Kjo është një vepër që po sjell shqetësim të padëshirueshëm për Ki-shën Katolike dhe besimtarët. Ju, prindërit duhet të mos i lini fëmijët tuaj të bien pre e të tilla mashtrimeve që nuk i shkojnë për shtat Kishës Katolike dhe udhëzimeve të shenjta", - shtoi imzot Luciano Avgostini. Ndërkohë shp-ërndarja e ndihmave nga shoqata, për titullarët e Drejtorisë Arsimore shikohet si një veprim normal dhe i zakonshëm gjatë këtyre viteve.
PROBLEMI
Prej një jave, një grup të rinjsh me kombësi të ndryshme kanë ardhur në rrethin e Pukës, ku po shpërndajnë pothuaj në të gjitha shkollat disa pako të vogla me ndihma për nxënësit dhe mësuesit e tyre. Drejtoria Arsimore e rrethit të Pukës ka bërë të ditur se "ata i përkasin një komuniteti fetar të krishterë, që kanë shprehur dëshirën të ndihmojnë nxënësit e shkollave me disa pako të vogla me ndihma, në përbërje të të cilave ka mjete shkollore, lodra, ëmbëlsira dhe disa libra". Por turi i të rinjve protestantë ka ngjallur reagime të Kishës Katolike. Përveç reagimit të priftërinjve në kishat e rrethit të Pukës, në meshën e shenjtë të së dielës ka reaguar dhe Ipeshkvi i Veriut, imzot Luciano Avgostini, i cili ishte për vizitë në katedralen e Shën Jozefit në Fushë-Arrëz. Burime nga kjo kishë kanë bërë të ditur për "Gazeta Shqiptare" se, shkak i vizitës së Ipeshkvit ka qenë shqetësimi që i kanë ngritur priftërinjtë e Pukës për "mashtrimin që po i bëhej fëmijëve në shkolla nga një grup protestantësh" .
REAGIMI
Ipeshkvi i Shkodrës, Pukës dhe gjithë Veriut, imzot Luciano Avgostini në fjalën e rastit gjatë celebrimit të meshës, me tone të ashpra u ka kërkuar qindra besimtarëve të pranishëm që të mos i lejonin fëmijët e tyre të bien pre e këtyre mashtrimeve që po bën ky grup sektarësh, "të cilët kërkojnë të dhunojnë katolicizmin" .. "Kjo është rrugë e paligjshme. Përmes dhuratave, ata kërkojnë t'ju helmojnë me literaturat që kanë sistemuar poshtë tyre", - vazhdoi Ipeshkvi. "Një propagandë e tillë është e paligjshme. Kemi të bëjmë me një mashtrim të hapur që po i bëhet rinisë.. Nuk e kuptoj se si strukturat përkatëse lejojnë të veprohet në këtë mënyrë, ndonëse jam i bindur se ata nuk e kuptojnë qëllimin e këtyre të rinjve", - ka thënë Avgostini. Klerikët pohuan për "Gazeta Shqiptare" se imzot Luciano Avgostini e vlerëson këtë fenomen si tepër shqetësues. "Ipeshkvi, si rrallë ndonjëherë më parë planifikoi një vizitë njëjavore në rrethin e Pukës, për të zhvilluar takime dhe biseda në çdo famulli të rrethit verior, ku krahas njohjes me gjendjen do të shpjegonte dhe mashtrimin që po tentohet ndaj fëmijëve dhe të rinjve nëpërmjet ndihmave në shkolla nga kjo shoqatë", - shtojnë vartësit e Agostinit.
Përgjigju Duke Cituar
(ndihma per femijet, pa marre parasysh se cfare besimi i perkasin).
Postuar më parë nga Seminarist
Krijoni Kontakt