Gjyshja e presidentit të SHBA-ve Barak Obamës, do të kryej haxhin sivjet së bashku me djalin e saj Syed Obama.
Sipas një kanali privat televiziv, Sara 85 vjeçare dhe djali i saj Syedi kanë planifikuar ta vizitojnë Dubain para se të udhëtojnë për në Meke për ta kryer haxhillëkun në Nëntor.
Shkuarja në haxh është një prej dëshirave më të mëdha të gjyshes së presidentit Amerikan, thuhet në lajmin e dhënë nga ky televizion.
Zonja Obama është ftuar nga biznesmeni Dr. Sulejman El Fahim prej Emirateve të Bashkuara Arabe.
"E kuptova se ajo nuk e kishte kryer haxhin, dhe se ajo dëshiron shumë që të shkoj atje," thotë ai.
"Pasi nëna ime nuk është më me ne, familja jonë ka një vend të lirë. Andaj e ftova dhe ajo pranoi," shtoi El Fahim."Mezi po pres për këtë."
Sara Obama nga Kenia, muslimane e njohur në vend si "Nëna Sara" është një pjesëmarrëse aktive në programe bamirësie dhe të mirëqenies . Ajo jeton në Kogelo, fshat në afërsi të kufirit Ugandan.
Haxhillëku është pelegrinazhi më i madh vjetor në botë. Është obligim që duhet kryer së paku njëherë në jetë nga çdo musliman që i ka mundësitë për ta kryer. Është një demonstrim i solidarizimit nga muslimanët, dhe nënshtrimit ndaj All-llahut.
Burimi
Përgjigju Duke Cituar
Krijoni Kontakt