Zyrtaret greke akuzohen per zhdukjen e “femijeve te semaforeve"!

**Enri** · 13-01-2003, 08:10

Nga Daniel Howden, ne Athine

Autoritetet greke po detyrohen te japin nje informacion zyrtar rreth zhdukjes se qindra femijeve emigrante, te futur ne menyre ilegale ne shtetin grek. Fondacioni “The Swiss Terre Des Hommes” pretendon se ka evidenca mbi neglizhencen dhe korrupsionin e institucioneve te ngritura nga Greqia për të ndihmuar femijet shqiptare, te trafikuar ne menyre ilegale dhe te detyruar me force per te punuar rrugeve te ketij shteti. Ne nje qender te Athines, ku shume femije jane arrestuar pasi lypnin, 75% e tyre jane zhdukur rreth viteve 1998 –2001. Pier Filip i këtij fondacioni deklaron: “Ne “Shen Varvara”, 487 nga 644 femije te pranuar, zhduken aty”. Ne vitet ’90, me kalimin e Shqiperise nga komunizmi ne demokraci, nje dallge e madhe emigrantesh ilegale perfshiu Greqine. Femijet qe lypnin ose qe shisnin artikuj te parendesishëm udhekryqeve te shtetit fqinj, shpesh here edhe ne nje moshefare te vogel, rreth 4 vjec, krijonin nje panorame pothuaj te zakonte. Te njohur nga greket si “femijet e semaforeve”, rreth 3.000 minorene, pothuajse te gjithe shqiptare, punonin te vetëm rrugeve te Athines dhe parate e fituara u dorezoheshin “gangstereve” te trafiqeve. Policia vendosi mase arresti per keta minorene dhe femijet nën 12 vjec u derguan ne qendrat e sherbimit social per riatdhesim (internim)
Por fondacioni deklaron se pak femijë kane arritur te shkojne prane familjeve te tyre. Trafikantet paraqiten si prinderit e femijeve dhe ne disa raste ata korruptojne edhe zyrtare greke per kete ceshtje. Sipas nje raporti, pohohet: “Dihen mjaft raste kur trafikantet kane paguar deri ne 500 euro per t’i deklaruar femijet “prone” te tyre. Nderkohe qe zyrtare te “Shen Varvara” refuzojne te prononcohen”.
“Femijet qe punojne rrugeve te ketij shteti mund te fitojne dhe t’u dorezojne tutoreve te tyre deri ne 50 euro ne dite”,- thone punetoret sociale. Shume prej tyre jane perberes te nje rrjeti prej 6-10 vetash qe veprojne vetem ne nje qender (“Fagin figure”) dhe ka grupe individesh qe mbajne nen kontroll rreth 200 femije. Mr. Philippe ben fajtor racizmin institucional te qendres se trajtimit te femijeve, te cilet jane rrembyer nga trafikantët ose jane shitur nga vete prinderit e tyre. Njohja e ketij problemi social, marrja e informacioneve dhe e masave te duhura nga te dyja anet e kufirit (shtetet) ka ndikuar ne uljen e numrit te femijeve te trafikuar, por mbetet ende pa pergjigje pyetja se cfare ka ndodhur me femijet e futur në mënyrë ilegale në Greqi gjate viteve te meparshme.
Mendohet se rreth 20 000 emigrante ilegale prostituojne ne Greqi, 2 000 prej te cilave jane minorene. Sipas kerkimeve te bera, rreth 200 femije jane shfrytezuar nga pedofilet. Ekspertet mendojne se disa femije jane vrare dhe mjaft te tjere kane vdekur si pasoje e aksidenteve rrugore. Sipas disa deponimeve personale, disa femije kane rene viktime e trafikimit te organeve.

**Enri** · 13-01-2003, 08:38

Projektet e OJQ-ve kundër trafikimit të fëmijëve shtrihen vetëm në rrethet kryesore të Shqipërisë. Veriu i harruar

Sipas shifrave zyrtare deri tani nga Greqia jane riatdhesuar vetem 17 te mitur!!!

Ne Shqiperi nuk ka shifra te sakta per femijet e trafikuar jashte kufijve. “Nuk mund të pohohet nje numer, sepse trafikimi eshte nje veprimtari e fshehte, qe nuk mund te kontrollohet dot plotesisht”,- thote shefi i projektit per mbrojtjen e femijeve qe ka UNICEFI ne Shqiperi. Gjithsesi, Pier Ferri mund të pohoje me siguri diçka tjeter: numri i femijeve shqiptare neper rruget e Athines apo Selanikut tani eshte shume me i vogel se 3-4 vjet me pare. Ne kete levizje shifrash ka ndikuar shume strategjia kunder trafikimit te qenieve njerezore, e firmosur nga qeveria shqiptare ne vitin 2001.
Sidoqofte, trafikimi i femijeve me shtetesi shqiptare vazhdon me norma shqetesuese edhe sot e kësaj dite. Vendet ku ata çohen ne pergjithesi jane Greqia dhe Italia. Vajzat mbeten me te rrezikuarat e trafikimit per qellime prostitucioni, por edhe djemte e vegjel shpesh nuk i shpetojne ketij fati, sepse tendencat homoseksuale dhe pedofile të njerezve jane rritur shume vitet e fundit. Por djemte nuk perdoren gjeresisht ne tregtine e seksit, ata ne pergjithesi perdoren per pune te tjera. “Ata mund te bejne gjithçka: lypin e punojne dhe keshtu u sjellin fitime shume te medha pronareve te tyre”,- thote Pier Ferri.

Te riatdhesuarit

Qindra femije shqiptare jane trafikuar ne Greqi. Deri tani vetem 17 prej tyre janë rikthyer. Organizata që merret me riatdhesimin e ketyre te miturve eshte “Le terre des hommes” dhe perfaqesuesi i saj ne Shqiperi pohon se kjo shifer te rikthyerish i takon periudhes korrik 2001-dhjetor 2002. “Nuk eshte e lehte te rikthesh një femije, sepse per nje gje te tille duhet te plotesohen shume kushte”,- thote ai. Se pari, femijet e trafikuar duhet te identifikohen dhe te pyeten nese duan të kthehen. “Kthimi mbetet ne deshiren e tyre, ne nuk jemi police qe t’i detyrojme”,- thote Pier Filip i UNICHEF-it. Por, edhe nese të gjithë hapat kane ecur vaj në Greqi, ku si organizate perfaqesuese eshte “Arsis”, nuk eshte e thene qe nje femije të riatdhesohet ne Shqiperi. “Duhet qe ai te gjeje kushte te favorshme dhe nje familje në gjendje te mire ekonomike. Ne nuk duam ta sjellim ketu dhe pastaj ai te ike perseri”,- thote perfaqesuesi i “Le terre des hommes”.

Dy fjale per OJQ-te

Ne Shqiperi ekziston nje koalicion kunder trafikimit te te miturve shqiptare jashte kufijve. “Aty marrin pjese 9 organizata joqeveriatre”,- thote shefi i “Le terre des hommes” ne Shqiperi. UNICHEF-i eshte nder me kryesoret e ketyre organizatave, ne mos me e madhja. Veprimtaria e saj nuk shtrihet ne te gjithe Shqiperine dhe Veriu mbetet krejtesisht jashte zones se influences. Korça, Elbasani, Vlora dhe Berati jane rrethet ku ajo punon me projekte konkrete, nderkaq ne Tirane ajo punon nepermjet projekteve “Femijet e botes” dhe “Klinika ligjore per te mitur”. Strategjia qe po ndiqet nga organizata, per momentin, perfaqesuesi i saj e beson si me te miren e mundshme, ka kater hallka: parandalim, mbrojtje, riatdhesim dhe integrim. Shefi i projektit “Ne ndihme te femijeve” i UNICHEF-it, Pier Ferri, eshte i kenaqur me rezultatet e arritura në dy vitet qe organizata ka punuar me femijet e rruges. “Nga te dhenat qe kemi, rezulton se kemi parandaluar trafikimi e mundshem te 12 000 femijeve”,- thotë ai.

Ne Shqiperi nuk njihen shifrat

Shifrat qe permend Daniel Howden ne artikullin e tij nuk jane te njohura nga organizatat joqeveritare në Shqiperi. Zyrtari Pier Ferri i UNICHEF-it nuk ishte ne dijeni te tyre, edhe pse kjo organizate bashkepunon me “Le Swiss terre des Hommes” ne Greqi. As shefi i organizates “Le terre des Hommes” ne Shqiperi, nuk e dinte se 487 nga 644 femijet e mbledhur në qendren “Shen Varvara” ishin zhdukur. “Nuk jemi në dijeni te ketyre shifrave”,- tha nje perfaqesues shqiptar i kesaj OJQ-je në Shqiperi . Sidoqofte, ai pohon se ketyre shifrave u duhet besuar plotesisht, nese ato jane thene nga Pier Filip. “Ai eshte nje i deleguar yni. Pier Filip eshte nje person i besueshem dhe te dhënat e tij mund te merren per te verteta”,- tha ai.
“Le Swiss terre des Hommes” eshte nje organizate nderkombetare ne mbrojtje te femijëve, qe e ka qendren ne Lozane te Zvicres. Ajo ka një dege në Shqiperi “Le terre des Hommes” dhe nje ne Greqi. Pier Filip eshte perfaqesuesi i saj ne Greqi dhe eshte person qe ka investuar mjaft ne kete veprimtari.