Kryeministri Berisha, vizite zyrtare ne Kine

[Duaje Siveten]

Saliu ka gjetur kohe te vete ne Çinimaçin per pese dite ...

e lot "holle" politiken ... do te intensifikoje mardheniet dypaleshe ... pas gjithe atyre proçkave antishqiptare kineze me qendrimin e hapur anti-Kosove ...

dhe do te festoje 60 vjetorin e vendosjes se mardhenieve ...

dhe do te marre pjese ne ate forumin per integrimin rajonal aziatik ...

mere me long, o salis, se mishi osht mbaru ... kloun punisto-nomenklaturist ...

= = =

Kryeministri Shqiptar arrin ne Hainan per Forumin Aziatik

Kryeministri Shqiptar Sali Berisha arriti ketu te Premten per te mare pjese ne takimin 2009 te Forumit Bo'ao per Azine (FBA) nga 17 Prilli deri 19 Prill ne provincen jugore te Kines.

Berisha eshte programuar te takoje Presidentin Kines Hu Xhintao dhe te mbaje bisedime me homologun e tij Kinez Wen Xhinbao ne Pekin menjehere pas forumit. Te dy palet do te diskutojne çeshtje lidhur me maredheniet dypaleshe dhe çeshtje te tjera rajonale dhe nderkombetare te interesit te perbashket, sipas informacionit te Ministrise se Jashtme Kineze.

"Do te doja te beja gjithshka me rastin e 60 vjetorit te vendosjes se mardhenieve diplomatike (midis dy vendeve) oer te injektuar energji bashkepunimit dhe miqesise dypaleshe,", tha Berisha ne nje interviste per Hsinhua para vizites se tij ne Kine.

FBA, e krijuar me 2001, eshte nje forum i nivelit te larte ku qeveri, biznese dhe akademike nxitin intergrim rajonal ekonomik dhe i sjellin vendet Aziatike me prane synimeve te tyre te zhvillimit.

Nen temen "Azia, Menaxhimi Pertej Krizes", me shume se 2700 pjesemarres di te diskutojne se si te kapercejne krizen nderkombetare financiare.

Vizita pese-ditore e Berishes do ta dergoje ate edhe ne qytetin jugor kinez te Shenzhen.

Burimi: Hsinhua

[Duaje Siveten]

Metropol, 21/04/2009

Komunistët e Kinës dhe demokratët shqiptarë sollën ndryshimin

Kreu i qeverisë shqiptare Sali Berisha vlerëson raportet pozitive mes dy vendeve

Kryeministri Sali Berisha ka bërë një paralelizëm mes angazhimit dhe reformave të kryera nga Partia Komuniste e Republikës Popullore të Kinës dhe forca politike që drejton, Partia Demokratike. Për kreun e qeverisë shqiptare këto dy partia kanë mundur të ndryshojnë rrjedhën e ngjarjeve në dy vendet respektive. “Partia Komuniste e Kinës dhe Partia Demokratike e Shqipërisë janë forcat politike që kanë ndryshuar në mënyrën më rrënjësore vendet e tyre me programet e paraqitura”, - ka deklaruar nga Pekini kreu i qeverisë shqiptare.

Kryeministri Berisha gjatë qëndrimit të tij në vendin e largët aziatik ka zhvilluar një takim të veçantë me Presidentin Hu Jintao, me të cilin ndau vlerësimin se kjo vizitë përbën një pikënisje të re për zgjerimin e marrëdhënieve ekonomike, tregtare e kulturore mes dy vendeve. Sipas njoftimit të zyrës së shtypit pranë Kryeministrisë, gjatë këtij takimi Berisha është shprehur se qeveria që drejton e konsideron një thesar shumë të çmuar miqësinë e popullit kinez. Ai tha se Shqipëria e konsideron Kinën një faktor paqeje dhe stabiliteti në botë. Duke u ndalur në investimet në vend, shefi i ekzekutivit tha se Shqipëria është një vend i vogël, por që ofron potenciale shumë të mëdha për biznesin kinez. “Qeveria shqiptare është e gatshme t’i ofrojë biznesit kinez një zonë të lirë ekonomike për të investuar në Shqipëri, e cila ka një pozicion gjeografik kyç në Ballkan dhe Europën”, - ka deklaruar Berisha. Ai e njohu Presidentin Hu Jintao me reformat e ndërmarra nga qeveria që drejton për zhvillimin e vendit, duke theksuar se janë bërë përparime të mëdha në fushën ekonomike, ku vetëm në periudhën dhjetor 2008-janar 2009 janë nënshkruar 3.5 miliardë dollarë kontrata në fushën e energjisë dhe fusha të tjera.

Nga ana e tij Presidenti Hu Jintao e konsideroi kreun e qeverisë shqiptare një mik të vjetër të popullit kinez. Ai theksoi se marrëdhëniet dypalëshe gjatë qeverisjes së kryesuar nga Berisha në katër vjetët e fundit kanë marrë një hov të ri. Ai vlerësoi se drejtimi i Kryeministrit Berisha ka ndikuar shumë pozitivisht që këto marrëdhënie të forcohen në interesin më të mirë të të dyja palëve. Në këtë kontekst, presidenti kinez nënvizoi se kjo vizitë përbën një pikënisje të re historike për zgjerimin e marrëdhënieve midis Shqipërisë dhe Kinës në fushat e ekonomisë, tregtisë së ndërsjellë, shkëmbimeve kulturore etj., një hap i ri i miqësisë sonë në shekullin e 21-të. Presidenti kinez është shprehur se forcimi i marrëdhënieve ekonomiko-tregtare përbën një prioritet për qeverinë kineze dhe se ai do të inkurajojë biznesin kinez të investonte në Shqipëri. Kreu i qeverisë shqiptare ka zhvilluar ditën e djeshme edhe një takim me zëvendëskryeministrin e Kinës Hui Liangyu.

Kryeministri Berisha tha se optimizmi i Kinës për daljen nga kriza është shumë i rëndësishëm, sepse Kina ka ekonominë e tretë në botë dhe për këtë arsye ka peshë të madhe në mbarëvajtjen e ekonomisë botërore. Numri dy i qeverisë kineze është shprehur se ekziston një vullnet i plotë për të forcuar bashkëpunimin me Shqipërinë në të gjitha fushat.

[beni67]

Si nje superfuqi ne rritje eshte mire te kemi maredhenie te mira me Kinen. Ka ardhur koha qe politikanet shqipetare te luajne politiken, dhe me sa duket jane te suksesshem ne kete loje.

[Brari]

Suedia mbështet aplikimin e Shqipërisë

VALENTINA MADANI





Suedia, e cila do të pasojë presidencën çeke në Bashkimin Evropian, premton mbështetje të plotë për integrimin evropian të Shqipërisë. Këtë siguri dha dje në Varshavë Kryeministri suedez, Fredrik Reinfeldt. “Suedia mbështet perspektivën e Shqipërisë për në Bashkimin Evropian”, - theksoi z. Reinfeldt gjatë kongresit të jashtëzakonshëm të PPE-ve që zhvilloi punimet dyditore në Poloni. Kreu i qeverisë suedeze, Reinfeldt, pohoi qartë: “Ne do ta shqyrtojmë kërkesën e Shqipërisë për vend kandidat dhe Shqipëria do ta ketë mbështetjen tonë për anëtare në BE”. Kjo garanci iu dha dje Kryeministrit të vendit, Sali Berisha, ku mëngjesin e djeshëm mori pjesë në panelin "Të jetosh Evropën" të drejtuar nga Presidenti i Komisionit Evropian, Jose Manuel Barroso. Edhe Presidenti Barroso shprehu mbështetjen e tij për Shqipërinë. Ai theksoi se do të punojnë ngushtë me qeverinë shqiptare për të marrë sa më parë statusin e vendit kandidat. "Ne do të punojmë ngushtë me qeverinë shqiptare që të ndodhë sa më parë marrja e statusit vend kandidat", - tha Barroso. Gjatë qëndrimit në Varshavë Kryeministri u takua me Presidentin e Komisionit Evropian, Hose Manuel Baroso. “Po punojmë shumë mirë me Shqipërinë. Është e rëndësishme të bëni progres. Nuk dua të jem specifik për data, por po punojmë në mënyrë specifike me Shqipërinë”, - theksoi z. Barroso. Me datën 28 prill, Shqipëria dorëzoi në Pragë të Çekisë kërkesën zyrtare për statusin e vendit kandidat për në BE. Ky vendim i qeverisë shqiptare erdhi pasi ishte marrë konsensusi i partive anëtare të Bashkimit Evropian. Ata mbështetën aplikimin e Shqipërisë duke i dhënë qeverisë “Berisha” konsensusin e gjerë për këtë vendim që e çon Shqipërisë drejt integrimit të plotë në Bashkimin Evropian. Nga ana e tij, Kryeministri Sali Berisha ka garantuar BE-në se qeveria e tij do të vazhdojë rrugën e reformave, duke dhënë siguri të plotë se më 28 qershor shqiptarët do të zhvillojnë zgjedhjet më të lira dhe më demokratike në historinë e tyre. Pikërisht, zgjedhjet e lira, është një prej kushteve të BE-së që Shqipëria të fitojë shumë shpejt statusin e vendit kandidat për anëtare me të drejta të plotë në BE.




01/05/2009

standart