Vizita e Karamanlis, Berisha: Marrëdhëniet politike me Greqinë të shkelqyera

[Ali Baba Tepele]

A u gjunjëzua Shqipëria nga miku Karamanlis?...

Written by Gazeta SOT
Sunday, 03 May 2009 05:33

Nga Shpëtim ZINXHIRIJA

Po vizita e mikut tonë Karamanli nuk do të thotë që të mos bisedosh për problemet që mbeten ende të hapura ndërmjet dy vendeve, që prej shumë vitesh pritej që të diskutohej në parim:
- Qëndrimi i “Ligjit të luftës”
- Pronat e çamëve
- Pronat e shqiptarëve
- Problemi i shkollave për mësimin e gjuhës shqipe për fëmijët e emigrantëve.
- Kufizimi i lirisë së emigrantëve për në atdheun e tyre.
- Legalizimi i emigrantëve
- Marrëveshja ndërdypalëshe për pensionet e emigrantëve
- Lehtësimi i biznesit shqiptar në Greqi
- Keqtrajtimi dhe vrasja e emigrantëve nga policia greke.
Po siç u pa asnjë nga këto problemet nuk u prek, pasi që më parë të dy vendet kishin bërë një marrëveshje paraprake. Sikur të mos mjaftojë kjo më e keqja ishte se gazetarëve iu ndalua që të bënin pyetjet Berishës dhe Karamanlisit.
.................................................. ........................................
Ishte Berisha ai që muaj më parë kishte kurajon të miratonte me qeverinë e tij oportuniste vendimin për ndërtimin memorial dhe ngritjen e varrezave të ushtarëve grek të vrarë në Shqipëri. Qeveritë venë e vinë po gabimet dhe fajet e tyre do qëndrojnë përherë në kurriz të popullit...

sot

Urime z.Shpëtim.Shum e goditur tema dhe shkrimi.Suksese.
Danel Cana

[genti81]

Marredheniet e shkelqyera midis Shqiperise dhe Greqise sipas zotit Sali Berisha , nuk kane ndihmuar ende per krijimin e platformave te njohjes se ndersjellte te konvertimit te lejeve te drejtimit te atumjeteve midis dy vendeve.... Mase arresti per emigrantet pa patenta .... Edhe pse numri i emigranteve te pajisur me patenta greke eshte ne rritje, perseri, jane shume emigrante qe vazhdojne te qarkullojne me patenta shqiptare. Keshtu, kur ata ndalohen nga policia rrugore '' Nese keta drejtues automjetesh jetojne ne Greqi, ne njohim vetem patentat greke. Per ne eshte njesoj sikur nuk na tregojn asgje, ne qoft se shohin ne duart etyre paten shqiptare. Edhe pse ato mund te njihen nga vendet e tjera, nga momenti qe ato jan te pavlefshme per te qarkulluar ne greqi, drejtuesi iautomjetit ka shkelur ligjin, sepse sipas legjislacionitg grek, ai qarkullon pa patent. Kundrejt tije merren menjehere masat e posac'me,duke filluar nga padia qe ingrihet personit ne fjale, deri tek masa e menjehershme e arrestit. Pastaj c'eshtja i kalon gjykates, dhe drejtusi i mjitit u dorezohet organeve te drejtesise.... Pastaj ne gjygj te bejne presion te jashtezakonshem, dhe te caktojne nje afat te shkurter per tu pajisur me patente greke.

[EDLIN]

Heshtje çnderuese e shtetit

Ky shkrim është marrë nga "KRAHU I SHQIPONJES"

Rastësisht ndoqa një emision televiziv ku shfaqej politikani Ilir Meta përballë tre gazetarëve. Mbaj mend se ishte fundi i muajit prill 2009. Fushata e partive politike që garonin për parlamentin e ardhshëm ishte ashpërsuar tej mase, sidomos midis dy forcave kryesore pozitë-opozitë, PD e PS. Ilir Meta, kryetar i LSI, u përgjigjej pyetjeve rreth situatës parazgjedhore në Shqipëri dhe koalicioneve të mundshme partiake që do të konkuronin në zgjedhjet e 28 qershorit 2009.

Midis të tjerash gazetarët e pyetën Metën edhe për vizitën e kryeministrit grek Karamanlis në vendin tonë dhe takimet e tij me kryeministrin Berisha. Ata u ndalën veçanërisht rreth heshtjes enigmatike që karakrerizoi takimet e dy kryeministrave për problemin çam.

Tashmë dihet nga të gjithë se kryeministi ynë i nderuat, Berisha, bëri të pamundurën për ta shmangur nga axhenda e bisedimeve këtë problem si të mos kishte ekzistuar kurrë. Madje edhe në konferencën e përbashkët për shtyp ai i injoroi brutalisht gazetarët që morën guximin të pyesnin për fatin e çështjes çame. Ky fakt i lakuar gjatë nga shtypi ynë kishte shqetësuar jo vetëm komunitetit çam, por tërë shqiptarët atdhetarë, veçanërisht qarqet intelektuale që dëshironin me gjithë shpirt triumfin e çështes sonë kombëtare të nëpërkëmbur herë pas here nga interesat e të mëdhenjve të kësaj bote. Përse ky qëndrim kaq enigmatik i Berishës, pas tratativave të fshehta të qeverisë së tij për t’u falur grekëve ujërat territoriale të detit Jon?

Ilir Meta gjatë shpjegimeve që jepte kuptohej menjëherë se ishte politikan i përgatitur që të zgjonte respekt dhe të nxiste ta dëgjoje me interes.
Përqëndrova tërë vëmendjen për të dëgjuar gjer në detajet më të vogla opinionin e këtij politikani për qëndrimin e pakuptimtë të Berishës si dhe pikëpamjet e tij për çëshjen çame.

Meta u shpreh se ishte normale që një kryeministër i një vendi të madh fqinjë si Greqia të vizitonte Shqipërinë. Greqia ishte anëtare e NATO-s, ku tashmë bënte pjesë edhe Shqipëria me të drejta të plota, si dhe anëtare e BE, ku ne dëshironim të anëtarësoheshim, prandaj nuk kishte asgjë të keqe, përveç të mirave për miqësinë midis dy vendeve tona. Vizita e kryeministrit grek e forconte edhe më shumë miqësinë.

Pra, deri këtu nuk kishte asgjë të keqe.Po ku zinte fill hilja atëherë? Dihet se edhe Greqia, ashtu si Shqipëria, ishte para zgjedhjeve të reja dhe Karamanlis patjetër që kishte përfitime nga vizita parazgjedhore në vendin tonë, siç kishte interes për propagandë parazgjedhore edhe kryeministri Berisha. Në këto kushte vetëkuptohet që Karamanlis nuk kishte dëshirë e as interes të shprehej për problemin çam, aq më tepër që politikanët grekë nuk e kanë pasur kurrë vullnetin politik për ta përmendur këtë problem qoftë edhe në situata të qeta.
Pra, një qëndrim shpërfillës, megjithëse i pa justifikueshëm, ishte i pritshëm nga një politikan si Karamanlis. Heshti Karamanlisi se kështu i leverdiste, mirëpo kjo nuk do të thoshte se duhej të heshtte dhe Berisha.

Meta e theksoi këtë fakt. Pra, Berisha nuk duhet të kishte heshtur. Asnjë dëm nuk do të kishte Shqipëria, po të kishte kurajën për të folur kryeministri ynë i nderuar, përveçse ndonjë pakënaqësi të çastit të Karamanlisit. Përkundrazi heshtja e Berishës ishte shumë e dëmshme për zhvillimet e problemit çam dhe për politikën shqiprare në përgjithësi. Kjo heshtje ishte një servilizëm politik i patolerueshëm, një qëndrim poshtërues për vendin tonë.

Berisha, kryeministri ynë i nderuar, me heshtjen e tij të llogaritur, u soll si një vartës i paaftë e gjithë komlekse përballë padronit të tij.

I dhashë të drejtë Ilir Metës me gjithë shpirt për ato që thoshte dhe në ato çaste isha i mendimit se të gjithë shqiptarët e mençur do të vepronin njëlloj si unë. Patjetër që do t’i vlerësonin shumë thëniet e këtij politikani tashmë me emër të mirë në sytë e opinionit publik.

Vazhdova ta ndiqja me kënaqësi emisionin. Meta tha se po të arsyetosh me pjekuri nuk kishte asgjë të keqe po të përfshihej problemi çam në axhendën e takimeve të dy kryeministrave. Dihet se çëshja çame është një problem i mbetur pezull midis Greqisë dhe Shqipërisë, një ngërç për politikat e të dy vendeve që një ditë do të diskutohet patjetër dhe do të marrë udhëzgjidhjen e duhur, pavarësisht nga pretendimet absurde të palës greke. Pra, për këtë problem të mbetur pezull mund të flitej edhe tani, të paktën nga pala shqiptare. Dhe ky veprim natyrisht që do ta nderonte kryeministrin Berisha, pavarësisht se nuk do të kishte rezultatin e duhur apo më e pakta nuk do të mirëpritej nga homologu grek. Nuk kishte shumë rëndësi qëndrimi i Karamanlis, mjafton të guxonte Berisha e ta përmendte problemin. Kjo do të ishte në nderin e tij dhe të qeverisë shqiptare.

Disa vite më parë kur Ilir Meta ishte kryeministër, gjatë një vizite në Athinë, ai pati kurajën dhe e përfshiu problemin çam në axhendën e bisedimeve të tij me palën greke, pavarësisht reagimit të tyre. Grekët u acaruan pak e si zakonisht thanë se nuk e njihnin problemin çam. Sidoqoftë Ilir Meta, si përfaqësues i palës shqiptare, e bëri të vetën, nuk heshti dhe fjalën e tij e publikuan me bujë shtypi grek dhe shtypi i huaj. Në këtë mënyrë opinioni botëror mësonte jo vetëm ekzistencën e një problemi të mbetur pezull, por edhe pikëpamjet e politikës shqiptare përballë asaj fqinje që mundohej me të gjitha mjetet ta zhbënte problemin çam.

Pra, politika shqiptare duhej të shfrytëzonte çdo rast e të fliste për këtë problem. Kështu do të ishte zëdhënëse e një popullsie të pafajshme mbi të cilën është ushtruar padrejtësisht genocid. Kjo popullsi dihet se është masakruar e shpërngulur me dhunë nga vatani i saj. Ajo e meriton përkrahjen dhe ky veprim do të thoshte se je në përkrahje të drejtësisë. Dhe është qëndrim dinjitoz kur vihesh në krah të viktimës dhe kërkon drejtësi në bazë të konventave ndërkombëtare. Çamët thjesht kërkojnë t’u njihen të drejtat e tyre mbi pronën dhe të rikthehen në shtëpitë e tyre, në vendin e tyre. Është veprim njerëzor të mbështetësh të dretën e tyre të mohuar që ua njohin edhe konventat ndërkombëtare, të cilat i kanë firmosur edhe grekët.

Berisha nuk e bëri këtë, megjithëse iu dha rasti e pikërisht në Tiranë, në selinë e qeverisë që drejtonte. Heshtja e tij tekefundit çnderoi vetë shtetin shqiptar.

Elim Xanxari

http://krahuishqiponjes.blogspot.com...astesisht.html

[Llapi]

S’ çënka Sali Berisha patrioti që shitet në Kosovë!

13 Maj 2009

Gani Asllani

Euripidi pat thënë gjat një fjalimi në Greçinë e lashtë se; “përmasa e masës, del në siperfaqje kur përmasa dështon së mbuluari nga masa”, pra me fjal tjera përgjithsisht vjen momenti kur njerzve që shtihen për të arritura të mëdha

iu qellon një moment i vetëm me të cilën ata zbulojnë lakuriqsinë e vet.

Kështu ndodhi edhe me Sali Berishen kryetar i qeverise së Republikës së Shqipërisë, dhe kryetarë i Partisë Demokratike të Shqipërisë. Gjat vizitës së kryeministrit grek Koastas Karamanlis në Tiranë, zotri Berisha i cili gjat vizitës së fundit në Kosovë dersa mori nga Kuvendi Komunal i Gjakovës titullin ‘qytetarë nderi’ u përlot para shum të pranishmëve të entuziazmuar, harroj ti thot Karamanlistit, zotrote si ia bëjmë që ta njohësh Kosovën si shtet?!

Tani kur diplomacia Shqipëtare dhe ajo e Kosovës në të katër meridianet po kontaktojnë edhe stetet më të largta të botës për tu kërkuar që ta njohin pamvarsinë e Kosovës, kryeministri ‘patriot’ i Republikës së Shqipërisë as që hap temën e Kosovës për ta diskutuar. Madje edhe nuk ndjenë fare përgjisi për ta pyetur Karamanlisin se si kryetarë I qeverisë së një vëndi fqinj, si do të shkojnë punet mes Athinës dhe Prishtinës, dhe se a do të vazhdoj bllokada e heshtur e Athinës në Bashkimin Europian në pafundësi?

E po të njëjtit fat ishte edhe çështja çame. Për ta marrë Çamërinë nga pushtimi xhakatarë grek as që bëhet fjalë, por do të ishte mirë që Berisha të pakten ti kujtonte Karamanlisit se ky problem egziston, dhe se duhet të zgjidhet mbrenda standardeve nderkombëtare të rrespektimit të pronës e dhe trashigimisë kulturore të qytetarëve Shqipëtarë të debuar me forcë nga Çamëria e të cilëve iu është mohuar edhe identiteti, kombëtar dhe aj fetarë.

Takimi mes dy kryeministrave i nxhante atyre të ish Sekletarit të parë të Partisë Komuniste Sovjetike Nikita Krushçev dhe ish Kryeministrit Kinez Çu En Lai me Enver Hoxhen ku mysafirët para takimit e përcaktonin axhendën e vizitës, dhe temat e bisedave. Berisha si mikpritës në shtëpinë e vet madje ua mbylli gojën edhe gazetarve të pranishëm duke i detyruar ata që të mos bëzajnë fare rreth qështjës së Kosovës dhe asaj Çame

Popullit dhe shtetit Shqipëtarë iu kushtoj shum kjo propagandë parazgjedhore e Berishës. 2400 kilometra hapsirë ujore në detin Jon për të çenë më i saktë. Në raste të cenimit të sovranitetit shtetet e pamvarura hyjnë në luftë, ndersa Berisha ia dhuroj me një buzqeshje të pa kontrolluar trollin Shqipëtarë Karamanlisit dhe Greçisë, madje ministri i tij i jashtëm Lulzim Basha as nuk spjegoj arsyet, dhe as nuk trtegoj se pse paska qenë dashur që kontrolli i Shqipërisë mbi detin Jon të tkurret.
Pleshtit i doli tashmë dhjami, iu pa njëmend fytyra e ‘patriotit’Sali Berisha. /Autori ësht pedagog i marrëdhënjeve nderkombëtare dhe filizofisë politijke në Universitetin Glasgow në Britaninë e Madhe. /

[genti81]

E pame sa shume e do greqia Shqiperine, nga piket qe i dha ne erovizion... Ndersa Shqiperia ka mardhenie te shkelqyera se i dha 12 pike, kjo te ben te vrasesh veten .

[_AuLoNa_]

E pame sa shume e do greqia Shqiperine, nga piket qe i dha ne erovizion... Ndersa Shqiperia ka mardhenie te shkelqyera se i dha 12 pike, kjo te ben te vrasesh veten .

Ne jemi njerez pa tabane e pa dinjitet , mos te na vije keq.
Jemi mesuar gjithmone te japim me teper, dhe te ulim kurrizin gjithmone.
Vetem lipizharet bejne ashtu, ulin karakterin e vendit te tyre, kur te tjeret i shikojne si sherbys, na marshin te keqen.