BE pranon kerkesen e Shqiperise, do te hapen negociatat per anetaresim

[zerbina]

Sa lajm i mire ! Ishalla po na i heqin vizat. Se ne shqiptaret nuk jemi si turqia apo kroacia qe kane vite qe presin. Ne jemi si Norvegjia apo Islanda qe futemi fet e fet. Kaq ishte puna sa te fusnim kembet.Kjo se jemi vend i vogel dhe mjaft ne perendim.

[saura]

ahaha
ata sjellin para ne shtepine e tyre, ti kerkon para prej tyre.

ti ja fut por-dhes kot. psh cfare interesi ke ti personalisht te futesh ne miqesi me nje lypes?

Ta thom une. Jo sepse keshtu don saura.

Por-dhet e tua nuk i perkthej dot ,se je shume filozofik
Keshtu na la dashnori yt Enveri leckaman..... ,por per te lypur nuk kemi lypur neper Europe ,mund te kene qene ca kokerra qe kane vjedhur ,pjesa tjeter me e madhe ,punon dhe jeton mbase dhe me mire se Europianet vete...
Qe kemi politike sharlatane nuk e mohoj ,qe politikanet tane behen inferior ndaj Europianeve dhe kete se mohoj ,duhet t'ia shtrengosh dhe dhembet me dinjitet Europianeve ,duke ja treguar vendin (siç bejne emigrantet ne shume vende )
se ndryshe te marrin per budalla, te hypin ne qafe europianet e ''kulturuar'....'
por per kete duhet te kesh palle ....

[majla]

Mire eshte dhe shpresojme qe te vazhdoje me ritme me te shpejta. Me shume per keta njerez qe nuk kane mundur te shkojne e te shikojne se ku jetojne femijet e tyre.

[the admiral]

do te duhet te kalojne disa vite para se te hyjme ne BE.
shpresoj qe jo me shume se 5. le te hiqen vizat si fillim.
as serbet akoma nuk hyjne ne europe pa viza...

[Albo]

BE, po kerkeses se Shqiperise per anetaresim

Rozeta Rapushi
E Marte, 17 Nentor 2009

Bashkimi Evropian, pranoi zyrtarisht dje kerkesen e Shqiperise per marrjen e statusit te vendit kandidat ne BE. Ministrat e Jashtem te BE-se, te mbledhur diten e djeshme ne Bruksel, vendosen te pranojne aplikimin e Shqiperise per statusin kandidat, duke kerkuar tashme qe te pergatitet opinioni dhe te hapen negociatat. Mbremjen e djeshme, Keshilli i Ministrave te Bashkimit Evropian i kerkoi Komisionit qe te pergatise menjehere opinionin, mbi gatishmerine e vendit per te fituar statusin kandidat ne Bashkimin Evropian dhe hapjen e negociatave per anetaresim. Sipas procedures, Komisioni Evropian, do te jete ai qe do te dergoje pyetesorin qindra faqesh per autoritetet shqiptare. Pas kesaj faze, do te duhet shume kohe, rreth 18 muaj, qe Komisioni te publikoje opinionin per kete ceshtje pas marrjes se pergjigjeve te pyetesorit nga Tirana zyrtare. Me marrjen e pergjigjeve, komisioni do te vleresoje nese Shqiperia eshte apo jo ne gjendje per te kaluar ne fazat e tjera drejt anetaresimit ne Bashkimin Evropian. Pak dite me pare, ishte Komisioni Evropian ai qe i hapi rruge Shqiperise, per statusin e vendit kandidat per ne Bashkimin Evropian. Perfaqesuesit e perhershem te vendeve anetare te Bashkimit Evropian, rane dakord per te pranuar kerkesen e Shqiperise per statusin e vendit kandidat, duke u dhene fund dilemave te deritanishme. Ambasadoret e 27 vendeve anetare te BE-se, vendosen qe t'i kerkojne shume shpejt Komisionit Evropian, qe te pergatise nje vleresim per gatishmerine e Shqiperise, per te nisur bisedimet per anetaresim ne bllok. Vendimi i krereve te diplomacise evropiane, u miratua dje nga ministrat e Jashtem te Bashkimit Evropian. Prej kohesh, nderkombetaret kane dhene sinjale te shumta mbi marrjen ne konsiderate te kerkeses se Shqiperise. Vetem pak dite me pare ministri i Jashtem italian, Franko Fratini gjate nje takimi me zv/kryeministrin, Ilir Meta premtoi se qe nga pranvera e ardhshme shqiptaret do te udhetojne pa viza drejt Evropes, fale nje procesi te pershpejtuar, duke qene se blloku eshte i kenaqur me progresin e Shqiperise qe deri me tani, po permbush ne terma te kenaqshem kushtet e vendosura nga Brukseli per liberalizimin e vizave. Vendi yne aplikoi ne 28 prill te ketij viti, per marrjen e statusit te vendit kandidat ne BE. Por shqyrtimi i kerkeses nga ana e vendeve anetare te BE-se, u shty per shkak te zhvillimit te zgjedhjeve parlamentare te 28 qershorit. Zgjedhje qe luajten nje rol kyc ne marrjen ne shqyrtim te kerkeses, si dhe marrjen e vleresimeve nga ana e faktorit nderkombetar.

"Pranimi i kerkeses per statusin e kandidatit ne BE, vleresim per ne"

Presidenti Bamir Topi pershendet pranimin nga ana e anetareve te Keshillit te Bashkimit Evropian, te kerkeses se Shqiperise per statusin e kandidatit ne Bashkimin Evropian. "Ky vendim shume i rendesishem, eshte nje vleresim dhe besim ndaj perpjekjeve serioze te Shqiperise dhe shqiptareve, per te arritur qellimin madhor integrues, per t'u bere pjese e Evropes se Bashkuar", ka qene deklarata e djeshme e Presidentit Bamir Topi. "Sot duhet te jemi te gezuar, krenare edhe te ndergjegjshem, sepse ndodhemi me afer integrimit, me afer miqve tane dhe me afer popujve, te cilet standardet demokratike i kane busull te ndertimit te shoqerive te tyre. Dita e neserme eshte fillimi i nje angazhimi te ri cilesor dhe te pergjegjshem, per te gjithe shqiptaret. Une mendoj se ne, te gjithe bashke, jemi gati te perballemi me te", u shpreh kreu i shtetit shqiptar ne deklaraten e tij pershendetes, per kete hap historik te Shqiperise ne rrugetimin e saj integrues per ne "gjirin e familjes" se madhe evropiane.

KJ

[markus]

nuk jam optimist per nji pranim te shpejte ne BE.mos ta rrejme vedin se boll po na rren politika.vizat mund te hiqen ma shpejt se kjo nuk i prish ndonji pune europes.e kete e shoh ma shume si nje hapje e tregut europian nga ballkani ku perfitimet ma te medha do ti kete vete europa e ma pak na. :

[davidd]

BE: Arsimi në Shqipëri, niveli i Uzbekistanit


Niveli i arsimit në Shqipëri është i krahasueshëm me atë të vendeve të tilla si Uzbekistani, Taxhikistani, Algjeria, Territoret e Pushtuara Arabe etj. Bashkimi Evropian ka publikuar një raport më 25 nëntor të këtij viti me të dhëna të detajuara për të gjitha vendet e Bashkimit Evropian në fushën e arsimit dhe ka përfshirë në këtë raport edhe disa të dhëna për vende të tjera. Përpos një shqetësimi të rritur në Bashkimin Evropian mbi nivelin e leximit në vendet e Bashkimit Evropian, ku përqindja e të rinjve që numërohen si lexues mediokër është rritur nga 21,3 në 21,4%, raporti jep treguesin e arsimit për vende të tjera. Shqipëria, sipas këtij raporti, në vitin 2005 kishte një indeks të arsimimit 0,887 dhe në vitin 2006 ky indeks ka pësuar ulje dhe ka shkuar në 0,886. Për vendet e Bashkimit Evropian ky tregues është 0,962 në vitin 2005 dhe 0,961 në vitin 2006. Izraeli dhe Zvicra e kanë treguesin 0,946 dhe numërohen ndër vendet me tregues të lartë të arsimit, ndërsa vendet me tregues të ulët janë ato poshtë 0,9-ës. Territoret e Pushtuara Arabe në Palestinë e kanë treguesin 0.891 për vitin 2005 dhe 0, 884 për vitin 2006. Algjeria, Taxhikistani, Libia, Tunizia, Egjipti etj., kanë tregues të afërt me atë të Shqipërisë. Në anën tjetër, raporti i Komisionit Evropian jep edhe renditjen e të gjitha vendeve, sipas asaj që është treguesi i zhvillimit njerëzor dhe që në fakt përdoret për të treguar nivelin e "zhvillimit njerëzor" të një vendi dhe që jep të dhëna, nëse një vend është i zhvilluar, në zhvillim apo i varfër.

Ky tregues e rendit Shqipërinë në vendin e 69-të, një vend pas Maqedonisë, e cila është e 68-ta, ndërkohë që Taxhikistani është i 56-ti dhe Libia e 59-ta. Indeksi i zhvillimit njerëzor është një tregues i përdorur gjerësisht nga UNDP, Programi për Zhvillim i Kombeve të Bashkuara. Ky tregues llogaritet duke kombinuar pritshmërinë e jetës që prej lindjes, nivelin e dijes, atë të arsimit në një vend dhe standardin e jetës. Ka një formulë që i kombinon këto tre elementë për të treguar indeksin e zhvillimit njerëzor të një vendi. Shqipëria shfaqet kështu një nga vendet me tregues shumë të këqij, çka do të thotë se arsimi, siç edhe e tregon raporti i Komisionit Evropian, është shumë i keq në Shqipëri. Elementët e tjerë si pritshmëria e jetës dhe standardi i jetesës pa dyshim që kanë ndikim të madh dhe është e qartë se Shqipëria edhe në këta tregues vuan.


******************

TIRANË - Dje minstri i Jashtëm, Ilir Meta u shpreh se Shqipëria do rikonstruktojë shkolla në Afganistan por edhe do të marrë studentë nga ky vend për të jetuar dhe mësuar në Shqipëri. Deklaratën e bëri sot në Bruksel pas takimit me ministrat e Jashtëm të NATO-s.


"Ne kemi përkrahur atë strategji të shpallur nga Presidenti i SHBA-ve Barak Obama për të stabilizuar situatën në Afganistan. Angazhimi i Shqipërisë do të jetë për të ndërtuar dhe rehabilituar shkollat atje si dhe për të akorduar 100 bursa për të rinjtë afganë për të studiuar në vendin tone", u shpreh Meta.


Nderkohe pak dite me pare Kryeministri Berisha deklaroi se 85 komando shqiptare do te shkojne ne Afganistan, kontigjenti me i ri ky pas thirrjes se NATO-s per perforcime atje. 35 prej tyre do te vendoset ne pikat e nxehta te sulmeve.

reference:
http://www.shekulli.com.al/2009/12/0...fganistan.html

[davidd]

I lir Meta, shiko si jane shkollat ne shqiperi, per faqe te zeze, e ti me thua se do marresh nxhenes nga avganistani kur shkollat tona jane ne zi, me keq se ato te avganistanit. Hipokrizi

[Nice_Boy]

Këtij Edi Ramës duhet me ja .. edhe ata ca i ka në varr që e bllokon rrugen drejt EU-s.

Paralajmërimi i ambasadorëve: S’ka BE pa dialog politik

Diplomatët në Shqipëri, lëshojnë apelin më të fortë të këtyre viteve. Shqipëria rrezikon Bashkimin Evropian nëse nuk gjen një zgjidhje për ngërçin politik. Përplasjet mes Partisë Demokratike dhe Partisë Socialiste duhet të zgjidhen me tone më të buta, por dhe me një tryezë dialogu. Ky është mesazhi që vjen si nga ambasadori i OSBE-së , ashtu dhe nga ai i Holandës, vend anëtar i BE.

“Korrupsioni është një problem serioz, endemik në Shqipëri, që shkon deri në nivele të larta politike. Situate nuk është përmirësuar gjatë viteve të fundit. Kjo është shumë serioze dhe e keqe për vendin dhe perspektiven evropiane të tij. Situatën aktuale në Shqipëri e shohim shumë problematike. Një demokraci që nuk funksionon nuk është një biletë për Bashkimin Evropian”, tha ai.

“BE po përgatit një avi nëse Shqipëria do të marrë statusin e kandidatit dhe ju siguroj se kjo avi s’ka për të qenë pozitive nëse situata politike mbetet kështu siç është. Kjo është e keqe për çdo shqiptar, qoftë socialist a demokrat. Por duket se koha po mbaron dhe kjo do të thotë se kundërshtarët kryesorë të ulen në një tavolinë, të flasin me njeri- tjetrin. Në fillim PD dhe PS të përcaktojë agjendën se për çfarë duhet të flasin, pa asnjë sugjerimin tonë. Presim që zgjidhja të mos vonojë. S’ka rëndësi se kush e hedh hapin. Të dy palët kanë manovruar në mënyrë të tillë sa e kanë veten në pozitë të sikletshme që e bën të vështirë daljen. Por s’është e thënë që të ulen kryeministri dhe kryetari i opozitës. Mund të fillojë me njerëz të besuar të tyre, por të fillojë”, tha Henk Van den Dool, ambasador i Holandës në Tiranë.

“Deri tani nuk shohim shenjë kuptimplotë se apeli jonë për ulje tonesh dhe afrim të jetë dëgjuar. Duhen dy për të kërcyer tangon dhe janë tre hapat kryesore që duhen ndjekur si nga opozita, ashtu dhe nga mazhoranca. Hapi i parë, duhet të komunikoni rregullisht me partnerin, përndryshe mund t’i shkelësh këmbën. Pra është koha për dialog më të madh. Hapi i dytë, duhet të dëgjosh me dashamirësi dhe të vesh re të metat e partnerit, ka ardhur koha e kompromisit. Hapi i tretë, që të vazhdosh të kërcesh gjatë duhet të flitet me njëri- tjetrin, madje dhe duke pëshpëritur në takime informale. Është koha për të folur me ton më të qetë e me gjuhë më të zbutur. Kompromisi duhet të vijë nga te dy palët. Ku ka dëshira ka një rrugëzgjidhje. Tani është momenti që palët të bëjnë një hap drejt njëri tjetrit”, tha ndërkaq, ambasadori i OSBE, Robert Bosch.

Një problem tjetër i dëmshëm për perspektivën integruese të Shqipërisë, sipas ambasadorit holandez është dhe korrupsioni. Sipas tij, ai shkon deri në nivele të larta politike dhe situate nuk është përmirësuar gjatë viteve të fundit. /alsat/

[Guri i Kuq]

Lohan i dorëzon pyetsorin:

Opozita të kthehet në Kuvend


Tiranë - Ambasadori i Komisionit Evropian në Tiranë, Helmut Lohan i ka dorëzuar rreth 11:00 kryeministrit Sali Berisha, pyetsorin e BE-së për Shqipërinë me rreth 2880 pyetje.
Gjatë konferencës për shtyp, Lohan theksoi edhe një herë se është e rëndësishme që për integrimin, duhet të ketë dialog midis klasës politike shqiptare.

“Ecuria e mëtejshme kërkon reforma të vështira. Këto reforma duhet të bazohen në konsensusin më të gjerë të mundshëm. Për këtë arsye, ne e themi edhe një herë që vendi për debatin politik është në Parlament. Për ta thënë në fjalët e këshillit të Bashkimit Evropian: BE i bën thirrje politikës në Shqipëri që të ndjekë një dialog konstruktiv brenda parlamentit”, u shpreh Lohan. Për sa i përket pyetsorit, Lohan theksoi se KE-ja do të shikojë në hollësi përgjigjet e dhëna nga pala shqiptare.

Për sa i përket pyetsorit, Lohan theksoi se KE-ja do të shikojë në hollësi përgjigjet e dhëna nga pala shqiptare. “Pyetsori është një moment i rëndësishëm në marrëdhëniet Shqipëri-BE. Ky është një tregues që Komisioni Evropian do të përpiqet të kuptojë në mënyrë të gjithësishme për sa i përket përgatisjes së Shqipërisë”, vijoi ai.

Lohan shtoi se “Komisioni Evropian do t’i analizojë përgjigjet që janë dhënë. Po ashtu KE do të përpiqet të bëjë një vlerësim për ecuritë e prekshme në këto fusha dhe sigurisht bëhet fjalë për ato aspekte që kanë të bëjnë me shtetin e së drejtës, luftën kundër korrupsionit dhe krimit të organizuar”.

Ndërsa kryeministri Sali Berisha tha se ky është një moment i rëndësishëm për Shqipërinë, duke ftuar drejtuesin e opozitës, Edi Rama që ta përshëndes këtë moment. Duke folur për pyetsorin, kryeministri u shpreh se qeveria shqiptare do t’i përgjigjet me përgjegjësi, duke shtuar se përgjigjet do të jepen brenda këtij viti.


2009-12-16 11:37
Start,16.12.2009