Qeveria ne udhekryq per tenderin e helikoptereve

[Jack Watson]

Gjate vizites se kryeministrit Berisha ne France, Presidenti Nikolas Sarkozi premtoi mbeshtetjen franceze kur Shqiperia te aplikoje per statusin e vendit kandidat ne Bashkimin Europian.

Por ajo qe nuk u tha nga njoftimet zyrtare shqiptare, ishte se presidenti francez i beri te qarte kryeministrit shqiptar vemendjen me te cilen po ndjek tenderin e Ushtrise Shqiptare per blerjen e disa helikoptereve te rinj, nje insinuate indirekte per te pasur ne vemendje oferten franceze per “Eurokopter”.


Burime diplomatike italiane i pohuan Top Channel se po me aq vemendje e ndjekin kete tender edhe ne Rome, e cila ka bere oferten e saj me helikoptere “Agusta”, nderkohe qe amerikanet, qe na mbeshteten aq shume, jane gjithashtu ne gare. Pertej deklaratave mbeshtetese dhe perqafimeve, shume shpejt qeveria do te beje nje zgjedhje mes tre rivaleve te forte, nje zgjedhje qe nuk mund ti beje ata te gjithe te kenaqur.


Revista franceze “L’Expres“ citon nje deklarate te pallatit presidencial francez qe thote se Shqiperia do te jete anetare e Bashkimit Europian dhe Franca e mbeshtet plotesisht kete perspektive. Sipas gazetes, kreu i shtetit francez siguroi se do ta mbeshtese kete hap te Shqiperise edhe pse situata aktuale nuk eshte nder me te favorshmet, me nje krize ekonomike qe dobeson kandidatet potenciale dhe pasigurite mbi ratifikimin e Traktatit te Lisbones.

Por me poshte, gazeta prestigjioze zbulon si gjithmone se gjithcka vjen me nje cmim. Sipas “L’Expres“, presidenti francez vuri theksin te rendesia e projektit te blerjes se 17 helikoptereve ushtarake “Eurokopter“ nga Shqiperia. “Eurokopter“ i krijuar nga nje bashkim franko-gjerman me 1992-in dhe sot filial i i EADS, eshte ne gare per kete kontrate me italianen “Agusta“ te “Finmeccanica group“ dhe amerikanen “Sikorsky“, nendege e “United Technologies“, e cila prodhon nder te tjera edhe helikopteret e famshem “Blackhawk“.

Por insinuata e gazetes “L’Expres“, e cila citon burime nga presidenca, per nje vizite ne Paris, dukshem te nxitur edhe nga lobingu i forte per blerjen e “Eurokopter“, duket se mbeshtetet edhe nga fakte te tjera indirekte. Vetem pak jave me pare, tre senatore te rendesishem italiane, pjesetare te grupit parlamentar italian ne asamblene e NATO-s, vizituan Tiranen. Edhe ata vleresuan reformat ne prag te anetaresimit, por bene te qarte se cfare presin per keto komplimenta, nga qeveria shqiptare.


Faktin qe vizita e senatoreve italiane, ishte nder te tjera e motivuar edhe nga lobingu per tenderin e helikoptereve nga Ushtria Shqiptare, e pohuan per Top Channel edhe burime diplomatike italiane. Sipas tyre, behet fjale ne fakt jo per 17, por per nje numer dy here me te vogel helikopteresh qe do te blihen nga qeveria shqiptare me tender. Ne kushtet e anonimitetit dhe ne forme jozyrtare, keto burime pohuan se Italia e shihte shume seriozisht kete tender dhe se Shqiperia duhet ta kishte te qarte se vendi pertej Adriatikut dhe jo Franca, ishte pika e pare e kontaktit me NATO-n.

I njejti burim pohon se transparenca e ketij tenderi per blerjen e helikoptereve te rinj nga Ushtria Shqiptare ishte shume e rendesishme. Por kete, publikisht ne intervisten dhene per Top Channel, e kerkoi edhe senatori italian De Gregorio pak jave me pare. “Ne presim pershembull tendera transparente, presim rritje te teknologjise ushtarake per te cilat ju keni nevoje per operacionet e ndryshme te forcave tuaja ushtarake si ne Afganistan“, theksoi senatori. Keshtu hyrja e Shqiperise ne NATO ka dhene sinjalet e para se tashme per industrite e zhvilluara ushtarake, ne jemi nje treg i ri, por ne kushtet e krizes ekonomike, duket se nuk konsiderohemi i vogel.


Kjo shpjegon pertej vleresimit per reformat, se perse, pas cdo shtrengimi duarsh apo perqafimi, miqte tane europiane kane si gjithmone nje axhende tjeter, ate te interesave ekonomike. Shume shpejt, qeverise i duhet te zgjedhe mes komplimentave franceze, italiane apo amerikane. Dhe meqe tenderi zhvillohet perpara zgjedhjeve politike, me siguri qe surprizat, do te vazhdojne.

TCH

[Bel ami]

Keto analizat e TCH ta shpifin.Kane nje tendence per te nxire gjithcka,akoma nuk e kane hequr nga mendja idene se Perendimi eshte armiku yne.Nuk besoj se eshte e varur ekonomia Franceze, Italiane ap ajo Amerikane nga disa helikoptere te rinj qe do te bleje Shqiperia.Para disa vjetesh Italia na dhuroi disa helikoptere ushtarake, bile ndertoi edhe aeroportin e tyre falas.Nuk besoj se kompania amerikane qe nderton Skifterin e Zi do te varte shume shpresat te Shqiperia. Numri i helikoptereve ustarake nuk besoj se do ti kaloje 10 cope, keshtu nuk eshte ndonje kontrate kushedi se cfare.

[flory80]

Sasia e Helikopterëve me të vërtetë nuk do të jetë e madhe por përsëri shuma financiare e cila do të kaloj në llogaritë bankare të këtyre kompanive është e konsiderueshme. Po të marësh parasysh kjo lloj industrie është një nga ato industri që e ka ndjerë më së shumti krizën financiare që ka pushtuar botën, dhe po të marësh parasysh se këto kompani kanë pushuar pothuajse gjysmën e personelit për të reduktuar kostot e prodhimit, dhe për të qëndruar në treg, atëherë e kupton se nuk është dhe aq e papërfillshme shuma e cila do të përfitohet nga 17 helikopterë të këtij standarti.
Me pak fjalë çdo qeverri do ti bënte lobing kompanisë së saj sepse në këto momente krize edhe një Dollar i vetëm është i vlefshëm.
Me gjithë atë, shpresoj se qeverria Shqiptare do të jetë elastike dhe do të bëjë zgjedhjen e duhur pa e prishur as me Europën e Bashkuar ku duam të jemi antarë, por pa e prishur as me Amerikën të cilën e kemi patur supin ku jemi mbështetur këto kohët e fundit.
Është shumë e rëndësishme që qeverria Shqiptare të jetë shumë diplomatike në momente të tilla sepse krijohen hendeqe të pariparueshme që na kushtojnë pastaj.
Unë personalisht nuk shoh ndonjë anomali në këtë blerje, për aq kohë sa ato do të jenë transparente dhe të justifikojnë Lekët tona.
Gjithsesi marrja e këtyre helikopterëve është pak dhe më e thellë, sepse ata kërkojnë një skuadër njerëzish të kualifikuar në akademitë përkatëse, më pas kërkojnë dhe pjesë këmbimi, po më pas kërkojnë dhe logjistikë mbështetëse.
Mendimi im personal ky, ne përveç cilësisë dhe çmimit duhet të mendojmë edhe për armatimet e tjera, të cilat mund të kordinohen me Helikopterët, në një rast të tillë, mund të bëhet një farë kompromisi i kësaj natyre si për shëmbull, në qoftë se unë nënshkruaj me kompaninë Amerikane për të blerë helikopterët, a ka mundësi të kem një farë diskaunti, skonto, ulje çmimi për armët e lehta si për shëmbull M16 që duhet të zëvendësojë AK47
Po më pas do të na duhet të blejmë dhe disa avjonë luftarakë, me qënë se arma e Flotës Ajrore u shkri fare para dy vjetësh në mos gaboj, dhe çmimi i tyre nuk është i lirë, po më pas ndoshta do të na duhet të blejmë dhe Tanke apo transportues të Blinduar për operacione tokësore.
Më vonë do të blejmë dhe anije luftarake për të modernizuar dhe Flotën Detare e kështu me radhë, prandaj qeverria Shqiptare duhet të jetë pak më largpamëse dhe të mos bëjë hapa të gabur.
Unë jam shumë i gëzuar që më në fund Ushtria Shqiptare po blen Armatim bashkë-kohor Perëndimor dhe vjetërsirat e ish Bashkimit Sovjetik.

[Ingenuous]

Sala rryp ka qenë rryp do mbetet. Pas kaq vitesh ne e dimë si paraqiten dekleratat për shtyp të politikanëve tanë (triumf, miqësi, pritje e papame).

Ajo ç'ka është me të vertetë e veçantë dhe duhet të na gëzojë është deklerata zyrtare nga Elysée që është pozitive dhe çon ujë ne mullirin tonë. Nqse duhesh blerja e 17 helikopterëve për të pas përkrahjen e Francës në çështjen e anëtarësimit, pazar i pranueshëm për mendimin tim. Deri më sot kemi dhëne, pa kërku asgjë në këmbim. "Më jep të jap" histori të vjetra midis shtetesh.

Ne thjesht duhet të shofim anën pozitive.

[Antimafia]

Shtabi i Ed Rames per manipulime mediatike, ka arritur ta perfeksionoj punen e tij.


1-Ne fillim lajmi qe duan te shperndajne, botohet ne ndonje gazete anonime ne mes te gazetave shqiptare (keshtu qe asnje shqiptar nuk e merr vesh).

2-Me pas telefonohet ndonje gazete e huaj dhe ju serviret "lajmi sensasional", qe na e paska botuar e perditshmja shqiptare.

3-Gazeta e huaj per hir te "lajmi sensasional" apo sepse gazetarit i jepet nje "zarf i fryre" boton diçka te ngjashme me lajmin e "Shtabit Rama"

4-Pas kesaj jane mediat "Jeniçerët e Rames" (Top Channel, News 24, Vision+, Gazeta Shqiptare, Shekulli, etc.) qe "ftillojnë" çdo shqiptar pertej se majtes dhe te djathtes.

Per rasti konkret:

Me date 16 Prill 2009, ne nje forum (http://www.skyscrapercity.com/showthread.php?p=35308258), silleshin foto nga gazeta "Libertas"

[flory80]

Shtabi i Ed Rames per manipulime mediatike, ka arritur ta perfeksionoj punen e tij.


1-Ne fillim lajmi qe duan te shperndajne, botohet ne ndonje gazete anonime ne mes te gazetave shqiptare (keshtu qe asnje shqiptar nuk e merr vesh).

2-Me pas telefonohet ndonje gazete e huaj dhe ju serviret "lajmi sensasional", qe na e paska botuar e perditshmja shqiptare.

3-Gazeta e huaj per hir te "lajmi sensasional" apo sepse gazetarit i jepet nje "zarf i fryre" boton diçka te ngjashme me lajmin e "Shtabit Rama"

Sikur Franca ti kishte gazetarët të nivelit tënd, do ta kishte marë lumi me kohë, por për fat të tyre të mirë dhe tonin të keq në këtë rast, gazetarët e tyre kanë një ndryshim jashtzakonisht të madh me Tamburatë Saliniste që bien lart e posht nëpër mediat vizive dhe të shkruara në Shqipëri ku Saliu shfaqet më shpeshë se logoja e vet televizionit.

[Antimafia]

Sikur Franca ti kishte gazetarët të nivelit tënd, do ta kishte marë lumi me kohë, por ...

Meqënëse ti ke nivel goxha te larte, sepse per dy minuta i bere llogarite se çfar armatimi duhet te blej ushtria shqiptare, si i shpjegon faktet e me poshtme:

1.
Me 16 Prill 2009 (ose edhe me perpara) gazeta shqiptare "Libertas" boton artikullin per blerje helikopteresh.
Ndersa 10 dite me vone gazeta franceze dhe me pas "Top (Presidentit Bush i vodhen oren ne Fush-Krujë) Channel" botojne te njejten gje.

2.
Po me 10 dite diference gazeta shqiptare "Libertas" boton artikullin per "Centralin Berthamor" qe do ndertohej ne Shkoder.
Dhe me pas nje gazete Kroate dhe si perher "Top Balla", vene kujen per te.

------------------------------------------------------------
-------------------------------------------------------------
Mos me thuaj se gazetaret francez jane te pakorruptueshem, sepse nuk e besoj.

Argumentim

Ne lajmin e "Top Channel":
...kreu i shtetit francez siguroi se do ta mbeshtese kete hap te Shqiperise edhe pse situata aktuale nuk eshte nder me te favorshmet, me nje krize ekonomike qe dobeson kandidatet potenciale dhe pasigurite mbi ratifikimin e Traktatit te Lisbones.
Por me poshte, gazeta prestigjioze zbulon si gjithmone se gjithcka vjen me nje cmim...

i bie qe Presidenti Nikolas Sarkozi po mundohet te perfitoj nje tender per nje firme franceze (pra po kerkon te korruptoj Berishen) duke e paguar me statusin e kandidatit per EU.

Kur ben Presidenti Nikolas Sarkozi "korrupsion" or TUNXH, pse nuk u korruptokan gazetaret francez!!!???

[flory80]

Ajo që Presidenti Sarkozi po bën është politikë ekonomike jo korrupsion.
Ai po bën detyrën e tij si njeri i zgjedhur i popullit Francez për të aplikuar politikat që favorizojnë ekonominë Franceze.
Kjo është e qartë ma do mëndja, dhe deri këtu nuk ka asnjë gjë të keqe, edhe kryeministri ynë nuk ka bërë asnjë gabim që ka negociuar për të tilla probleme sepse në fund të fundit ato janë para që do të shpenzohen, por me shpenzimin e tyre mund të krijohen dhe disa favore të tjera politike në të mirë të vëndit tonë.
Tani në qoftë se kryeministri i ka premtuar më shumë se një kryetari shteti për këtë marrveshje ekonomike, këtu qëndron problemi sepse kjo është e rrezikshme në lëvizjet tona diplomatike.
Tani për sa u përket gazetarëve Francezë, unë nuk dua ti bëj profet por nuk ma merr mëndja se gazetaria në Francë funksionon si këtu në Shqipëri ku lajmet jepen me direktiva politike.
Kaq nuk po thellohem, se as nuk ja vlen për ta diskutuar.
Thjesht nuk më pëlqen kjo fantazia juaj, ku Edi Rama pasi kontrolloka masmedian në Shqipëri, kontrollon dhe atë në Francë.
Nuk më duket shumë serjoze...

[Bamba]

Dmth ekonomia e frances, italise dhe amerikes eshte ne doren tone dhe te helikoptereve qe do blejme? hahahahahahaha

[flory80]

Dmth ekonomia e frances, italise dhe amerikes eshte ne doren tone dhe te helikoptereve qe do blejme? hahahahahahaha

Ekonomia e këtyre vëndeve është një ekonomi që mer në konsideratë edhe burimet e vogla të fitimit, dhe për këtë arsye janë dhe një ekonomi e zhvilluar.
Ja ky lloj mentaliteti na ka lënë mbrapa ne.