Interviste e ish-ambasadorit te RII ne Tirane.

[Orientalist]

Intervistë ekskluzive me ish-ambasadorin e Republikës Islamike të Iranit në Tiranë, Shkëlqesinë e tij. z. Habibullah Biazar.

Me Ambasadorin e Republikës Islamike të Iranit, në Tiranë, u takuam në një mbledhje me rastin e përfundimit të misionit të tij në Tiranë si ambasador dhe zhvilluam këtë intervistë:

Gazetari: Shkëlqesi, sa kohë keni që ndodheni në Shqipëri?
H. B.: 15 muaj.
Gazetari: Gjatë qëndrimit tuaj në Shqipëri, çfarë mendimi keni krijuar për Shqipërinë dhe shqiptarët?
H. B.: Shqipëria është një vend mjaft interesant dhe i bukur nga pikëpamja gjeografike dhe me një natyrë të virgjër, prandaj mund të ketë sukses në thithjen e turistëve dhe investimeve të huaja.
Të jesh në breg të detit Adriatik, në kufi detar me Italinë nga ana perëndimore, të kesh liqenin e Ohrit në kufirin e përbashkët me Maqedoninë në lindje dhe liqenin e Shkodrës në veri, si dhe gjithë atë sipërfaqe me pyje të gjelbëra, do të thotë një pozitë mjaft e favorshme për Shqipërinë në krahasim me vendet e tjera të rajonit. Nga pikëpamja politike dhe ekonomike, Shqipëria ndodhet në rrugën e zhvillimit dhe mund të luajë një rol efektiv duke shfrytëzuar veçoritë e saj specifike. Shqiptarët kanë një kulturë, histori dhe traditat e tyre shoqërore të veçanta. Ndërthurrja e kulturës dhe qytetërimit lindor dhe islam me kulturën dhe qytetërimin perëndimor i jep Shqipërisë një fizionomi të veçantë. Shqiptarët janë njerëz me ndjenja, atdhetarë, të ngrohtë që në lidhjet dhe sjelljet e tyre me të tjerët karakterizohen nga dashuria.
Gazetari: Si i konsideroni marrëdhëniet midis Shqipërisë dhe Iranit në fusha të ndryshme?
H. B.: Marrëdhëniet midis Iranit dhe Shqipërisë si një vend mik dhe me një popullsi me shumicë muslimane kanë qenë gjithmonë të mira dhe miqësore. Në këtë drejtim janë ndërmarrë hapa dhe është krijuar terreni i favorshëm që shpresoj se së shpejti do të japë rezultatet e tij.
Gazetari: Ç’mund të na thoni për politikën e Iranit në botë?
H. B.: Meqenëse kjo është një pyetje e përgjithshme dhe unë po mundohem të jap një përgjigje të përgjithshme. Ne e mbështesim politikën tonë në tre parime: nder, mençuri dhe politikë.
Ju e dini se pas fitores së revolucionit islamik në vitin 1979, armiqtë tanë kanë ndërmarrë vazhdimisht akte kundër nesh. Grupimi terrorist opozitar (MKO), u ka marrë jetën një numri të madh të zyrtarëve dhe njerëzve të thjeshtë. Ata duke përdorur si vegël Sadam Husejnin filluan luftën e imponuar 8 vjeçare kundër Republikës Islamike të Iranit në të cilën Sadam Husein u ndihmua nga shumica e vendeve perëndimore. Kjo luftë solli si pasojë vrasjen e qindra e mijëra njerëzve të pafajshëm dhe gjymtimin e qindra e mijëra të rinjve, një numër i madh i të cilëve humbasin jetën edhe sot e kësaj dite si pasojë e lëndëve kimike të përdorura kundër tyre në kohën e luftës. Republika Islamike e Iranit gjatë tetë viteve të luftës dhe pas saj, madje edhe në ditët e sotme ka qenë nën sanksionet e Amerikës, dhe disa vendeve perëndimore. Gjatë gjithë kësaj kohe politika ndërkombëtare e Republikës Islamike të Iranit ka qenë ajo e pavarësisë, mbështetjes në forcat e veta, mbrojtjes së njerëzve të shtypur dhe lufta kundër shtypësve dhe vendosja e drejtësisë. Republika Islamike e Iranit, si një vend islam, deri tani ka ecur përpara duke pasur si bosht parimet islame politike, si dhe duke u mbështetur në obligimet fetare dhe premtimin hyjnor. Si rrjedhojë, me gjithë propagandën negative të mediave perëndimore, Irani ka zënë një vend të rëndësishëm pranë opinionit publik ndërkombëtar si një vend i fuqishëm dhe i lavdishëm.
Gazetari: Cili është mendimi juaj për luftën e fundit në Liban dhe politikën e Iranit lidhur me këtë luftë?
H. B.: Sipas logjicienëve çdo pasojë e ka një shkak. Sulmi i Izraelit kundër Libanit nuk ishte i pari. Që prej vitit 1982 ky regjim ka sulmuar disa herë Libanin dhe popullin e përvuajtur të këtij vendi. Lufta e fundit 33 ditore kundër Libanit padyshim që ka qenë e parapërgatitur. Kjo luftë në rajonin e Lindjes së Mesme ndodhi nën regjinë e Amerikës dhe realizimin e Izraelit. Çdo mendje e shëndoshë e kupton më së miri se kapja e dy ushtarëve izraelitë nuk mund të bëhet shkak për një sulm ushtarak të përgjithshëm kundër njerëzve të pambrojtur dhe të përvuajtur të Libanit dhe vrasjes së fëmijëve dhe nënave të tyre, veçanërisht në fshatin Ghana. Vrasja e mbi 1100 vetëve në Liban nga makina luftarake e Izraelit duke përdorur mjetet më të reja me rreze lazer dhe bombat inteligjente kundër popullit të Libanit e cila vazhdon të shkaktojë viktima të përditshme, nuk mund të pranohet nga asnjë arsye. Kjo luftë e filluar nga vetë autoritetet e Izraelit, i kushtoi këtij vendi 6 miliardë dollarë. Me fjalë të tjera, grupimi vetëmbrojtës Hezbollah megjithëse shumë pak i armatosur por duke pasur armën më të fuqishme të besimit, atë të besimit në Zot që është mbrojtësi më i mirë i njeriut, si dhe duke gëzuar mbështetjen e popullit libanez dhe të popujve të tjerë të botës, mundi jo vetëm të mbrojë popullin e vendit të tij por të korrë edhe një fitore në nivel ushtarak dhe politik. Hezbollahu është bërë i njohur sot në botën muslimane, arabe madje edhe në tërë botën si një grupim i fuqishëm kombëtar dhe fetar.
Në fakt, Amerika pasi dështoi në realizimin e planit të saj për një Lindje të Mesme të madhe, ndërmori planin e Lindjes së Mesme të re nëpërmjet Izraelit, por edhe ky plan u neutralizua me dëshirën e Zotit që në fazën e përgatitjes. Me fjalë të tjera kjo lindje solli një të porsalindur të vdekur dhe Lindja e Mesme e re vdiq para se të dilte në dritë. Republika Islamike e Iranit ka mbështetur gjithmonë dhe vazhdon të mbështesë të drejtat e popujve të shtypur të botës duke kundërshtuar çdo lloj shtypje dhe agresioni. Kjo pikëpamje e doktrinës politike të Iranit shprehet në mbështetjen shpirtërore ndaj popujve.
Gazetari: Cila është politika e Republikës Islamike të Iranit ndaj çështjes palestineze?
H. B.: Çështja e Palestinës ka mbetur një çështje e pazgjidhur e botës islame që prej 60 vjetësh. Ka shumë argumente të rëndësishme të cilat duhen të trajtohen. Në fillim duhen marrë në konsideratë shkaqet dhe arsyet e lindjes së këtij problemi që fatkeqësisht gjatë këtyre viteve nuk i është kushtuar vëmendje për shkak të presioneve politike të fuqive të mëdha. Kjo është arsyeja që edhe sot e kësaj dite ne jemi dëshmitarë të masakrimit të përditshëm të grave, fëmijëve dhe të rinjve të pafajshëm dhe të vuajtur palestinezë nga ana e regjimit kriminel të Izraelit.
Njerëzit në botë pyesin veten vallë përse po bëhet gjithë kjo gjakderdhje dhe këto krime nga ana e ushtarëve izraelitë të armatosur deri në dhëmbë? Shoqëria njerëzore tashmë e ndërgjegjësuar e kupton më së miri këtë realitet dhe duke parë gjithë këto krime, masakrimin e fëmijëve të pafajshëm dhe shkatërrimin e shtëpive dhe pronave të palestinezëve pyet veten se përse duhet vallë Organizata e Kombeve të Bashkuara? Përse askush nuk mendon për palestinezët?
Gjithë këto krime dhe heshtja e shoqërisë ndërkombëtare është shqetësuese për opinionin publik ndërkombëtar. Për këtë arsye duhet që institucionet ndërkombëtare të veprojnë sa nuk është vonë dhe t’i kundërvihen pushtimit që është edhe fillesa e problemit palestinez.
Republika Islamike e Iranit që nga koha e fitores së revolucionit islamik ka mbështetur të drejtën e popullit palestinez dhe ka parashtruar në nivel rajonal dhe ndërkombëtar versionin e saj të zgjidhjes së problemit palestinez. Ashtu sikurse e dini, presidenti i nderuar i Republikës Islamike të Iranit ka propozuar që në bazë të parimeve të demokracisë perëndimore në Palestinë të kryhen zgjedhje të lira dhe demokratike me pjesëmarrjen e të gjithë banorëve të Palestinës të çfarëdo feje qofshin si dhe të refugjatëve me anë të kthimit të tyre në atdhe në mënyrë që vetë populli të zgjedhë qeverinë dhe pushtetin e tij.
Si përfundim, mund të thuhet që agresorët dhe pushtuesit izraelitë jo vetëm që nuk i përmbahen aspak parimeve të demokracisë botërore por përfaqësojnë shembullin më të pëkryer të shkelësve të të drejtave të njeriut në botën e sotme.

Mars 2007

[derjansi]

asni pytje dha asni fjal mbi kosoven


athere per ca ***** e ke pru ktu ket intervist, i dim qendrimet e iranit ndaj palestines e libanit ska nevoj me i lexu apet

bythshqerr

[Orientalist]

asni pytje dha asni fjal mbi kosoven


athere per ca ***** e ke pru ktu ket intervist, i dim qendrimet e iranit ndaj palestines e libanit ska nevoj me i lexu apet

bythshqerr

O kinez, e shikon se kur eshte bere intervista, ne Maj 2007, une ne net e gjeta.

[derjansi]

O kinez, e shikon se kur eshte bere intervista, ne Maj 2007, une ne net e gjeta.

e ca do me than ne maj te 2007 ska pas ekzistu problemi i kosoves a qysh

[Orientalist]

e ca do me than ne maj te 2007 ska pas ekzistu problemi i kosoves a qysh

1. Problemi i Kosoves ka ekzistuar, eshte prezent dhe do te ekzistoje, dhe shprehja jote per Vetevendosje, eshte e veshtire te pranohet nga bota.
2. Mendova se e kishe fjalen pas pavaresise se Kosoves (qe eshte ende nen EULEX),
2. Une e mora ne net, dhe nuk ke pse flet ne ate forme, ok?

[oktapodhi1]

nja 5 rreshta lexova, dhe nuk ja vlente me lexu me posht. spo ju kuptoj cpun ka kjo intervist ketu!!!!????

[Orientalist]

nja 5 rreshta lexova, dhe nuk ja vlente me lexu me posht. spo ju kuptoj cpun ka kjo intervist ketu!!!!????

E solla se m'u duk interesante te dija se si konsiderohet Shqiperia nga Irani, sidomos pyetja e dyte nga gazetari "Cfare mendimi keni krijuar per Shqiperine dhe shqiptaret". Eshte e bukur te dish se cfare mendojne te tjeret per ne shqiptaret, apo jo?
Nuk besoj se ka ndonje gje ekstreme per ta kundershtuar sjelljen e artikullit te tille ketu. Cdo gje e ka nga nje te mire.
Gjithe te mirat.

[Arber gerguri]

Pa filluar te ecni, nuk do mund te vraponi! Ateher pse disa nga ju vraponi ende pa ecur, perkatesisht pse komentoni mbi temen pa e lexuar?....

Kur do edukoheni qe te beni debatin ne menyre te kulturuar, qe mos te dalim nga temat, dhe qeshtja e cila shtjellohet.