Ministri i FSK-së, Fehmi Mujota është takuar të mërkurën me amiralin Mark Fitzgerald dhe komandantin e KFOR-it, gjeneralin Giuseppe Emilio Gay, të cilët i njoftoi për punën që po bën Ministria për të përmbushur misionin e vet kushtetues e ligjor, me qëllim të ngritjes dhe funksionalizimit sa më të mirë të saj.
Në takim u bisedua edhe për vazhdimin e trajnimit për grupin e dytë të pjesëtarëve të FSK-së në Vushtrri, procesin e ekzaminimit të aplikantëve për rekrutë të FSK-së në Ferizaj dhe ftesat për trajnim të grupit prej mbi 300 ish pjesëtarëve të TMK-së.
Vëmendje e shtuar iu kushtua pajisjes me armë dhe pajime tjera të FSK-së. Tashmë - siç theksohet në një komunikatë të Zyrës për Informim të Ministrisë së FSK-së - shtete mike përmes donacioneve kanë filluar të ofrojnë numër të caktuar armësh dhe pajime e mjete medicinale për nevojat e FSK-së, ndërkohë që vazhdon puna e Grupit të përbashkët punues për përcaktimin e llojit të armatimit të FSK-së.
Admirali Fitzgerald, sipas kësaj komunikate, shprehu konsiderata për punën dhe angazhimin e ministrit Mujota dhe Ministrisë që e drejton ai, dhe njëkohësisht, ritheksoi përkushtimin e tij të plotë për inkurajimin e shteteve të ndryshme për përkrahje të MFSK-së. Po ashtu theksohet se, gëzon fakti se në ndërkohë janë deklaruar edhe rreth 3 mil.€ shtesë në Fondin për ngritjen e FSK-së dhe se ky trend po vazhdon suksesshëm.
Bashkëbiseduesit vlerësuan nevojën që pas trajnimit themelor të ketë edhe trajnime të niveleve tjera para fillimit të punës operative të FSK-së në shtator të këtij viti.
Përgjigju Duke Cituar
Postuar më parë nga beni33
Krijoni Kontakt