Lajme Nga Bota Islame

[Bani gjk]

Mesazhi qe morra nga moderatoret:
"Inderuari Bani gjk
Tema " Lajme nga Bota Islame" per shkak se eshte ngarkuar me materiale qe d.m.th gjithsej ka 368 postime ,duhet te mbyllet dhe nuk mund te vazhdoj tutje ,sepse eshte ngarkes ne server.

Ftohesh qe po kete Lloj Teme me te njejtin destinim ta hapesh qe nga fillimi,mirpo duke e paraqitur linkun e Temes se Vjeter,ne menyre qe ta lexojn te interesuarit.

Une qe tash po e mbylli Temen ne Fjal ndersa ti ftohesh qe ta hapesh po kete Teme me te njejtin titull.

Dhe normal per hire te transparences dhe mirkuptimit ,te ftoj poashtu qe te prononcohesh rreth autorizimit qe ia kemi bere njeri tjetrit dhe poashtu arsyet se pse eshte mbyll tema.

Pershendetje"



Kete mesazh e morra nga moderatoret dhe per kete arsy po e hapi nje teme te re. Ketu e keni linuku e temes se vjeter: http://www.forumishqiptar.com/showthread.php?t=99182 per ata qe jane te interesuar qe te lexojne kete teme. Kjo Teme ishte me e lexuara dhe me e postuar ne gjithe komunitetin Musliman, qe gjithsej kishte 15.116 lexime dhe 368 postime.
Pra ju pershendes te gjithve qe keni dhene secili ate kontributin e juaj, Allahu xh.h ju shperbleft qe keni informuar per cdo gje ne lidhje me boten islame. Un ju ftoj qe perseri te sjellni cdo lajme qe ka te beje me islamin, per arsy qe te informohemi sa me teper e sa me mire me gjendjen e muslimanve neper bote. Po ashtu ju kisha lutur qe cdo lajm qe ti sillet ketu ne forum, te kete edhe burimin se nga eshte marrur ky lajm, per shkak qe te jete sa me i besushem lajmi qe sjellni ketu.

Selam - PAQ

[altruisti_ek84]

Kryeministri turk Erdogan takoi medresantet nga Kosova


Një grup maturantesh (vajzash) nga medreseja e mesme Aluad-din, (Prishtina dhe Prizreni) në krye me drejtorin Bahri Simnica, Jakup Çunaku, Ramadan Uka, Xhemil Selmani, Emine Vezaj, po qëndrojnë në vizitë në qytetin Tekirdag të Turqisë të ftuar nga Valiu i këtij regjioni. Ndër vizitat e shumta që patën në vende te ndryshme historike, kulturore, ata ndër të tjera u takuan edhe me Valiun e këtij regjioni, zotëri Aydın Nezih Doğan.
Mirëpo, evenimenti më i rëndësishëm padyshim që ishte takimi më kryeministrin Rexhep Tajip Erdogan gjatë vizitës që ky i fundit, i bëri qytetit Tekirdag
Me të arritur helikopteri që e barte kryeministrin dhe bashkëshorten e tij, në pritje të tij përveç të tjerëve ishte edhe një grup i nxënësve në krye me drejtorin Bahri ef. Simnica dhe kryetarin e këshillit të Bashkësisë Islame në Prizren Lutfi efendi Ballëku për t'i shprehur mirëseardhje.
Kryeministri Erdogan nga agjenda e tij e ngjeshur ndau ca kohë që të kishte një takim më për së afërmi dhe miqësor me delegacionin kosovar. Ndër të tjera ai u shpreh i kënaqur që sot takohet me këto nxënëse të cilat vijnë nga shteti më i ri në botë- Kosova.
Me këtë rast, drejtori i medresesë së mesme Alaud-din Bahri ef. Simnica i dhuroi Kryeministrit një dhuratë simbolike në të cilën paraqitej flamuri shtetëror i Kosovës dhe njëkohësisht e falënderoi për kontributin e dhënë nga ana e shtetit Turk rreth çështjes së Kosovës. Ndër të tjera, z. Bahriu theksoi se, jemi fatlum që kemi miq të fortë siç është shteti turk, i cili në çdo kohë ndihmoi popullin shqiptarë dhe po vazhdon ta ndihmoj atë në forma të ndryshme edhe shtetin e Kosovës. Për këtë, zotëri kryeministër, iu jemi shumë mirënjohës, përfundoi fjalën e tij drejtori i Medresesë..
Përndryshe, delegacioni kosovar pati rastin të merrte pjesë edhe në një tubim tjetër të kryeministrit me qytetarët e Tekirdagut me rastin e shpalosjes së programit të partisë së tij për zgjedhjet lokale. Kur Kryeministri kur doli në platformë që t'u drejtohet qytetarëve, hasi në një befasi të këndshme nga delegacioni kosovarë, sepse në duart e nxënëseve mbahej një afishe në të cilën shkruante "Ne të falënderojmë shumë zotëri Kryeministër."
I prekur emocionalisht, Kryeministri Erdogan, fjalimin e tij drejtuar të pranishmëve e filloi me fjalët: “Kur Kosova shpalli pavarësinë, në ishim në kontakte të vazhdueshme me SHBA-të dhe paralelisht, ndër të parët kemi njohur Kosovën si shtet të pavarur e sovran. Jemi shumë të lumtur që e kemi bërë këtë, sepse ata janë vëllezërit tanë!".

Ndërkohë, vlen të theksohet se bashkëshortja e Kryeministrit të shtetit, përshëndeti për së afërmi të gjitha nxënëset e Medresesë veç e veç, dhe secilës prej tyre i ndau nga një dhuratë, e pastaj me to mori edhe një foto të përbashkët në shenjë kujtimi.
Përndryshe, profesorët e Medresesë dhe nxënësit, patën rastin që gjatë këtyre ditëve të vizitojnë shumë vende historike si Çanakkale, vendin e rezistencës turke, Edirnen qytet i njohur me xhaminë Selimije, Stambollin dhe shumë vende te tjera në Turqi.

Tekirdag, Mars, 2009

[Vista]

Venezuelë: Plaçkitet xhamia më e madhe

Xhamia më e madhe e Venezuelës ishte plaçkitur nga hajdutët të cilët vodhën kompjuterë dhe objekte tjera nga zyra dhe libraria e xhamisë të hënën.
E mërkurë, 25 Mars 2009 22:37
Që nga shtatori kjo xhami është thyer 2 herë thotë Muhamed Ali Bohair.

Kjo xhami gjendët në qendër të Karakasit, ku prania e pakët e policisë lehtëson plaçkitjet dhe vrasjet që janë të zakonshme atje.

Xhamia Ibrahim Ali Ibrahim është xhamia e dytë për nga madhësia në Amerikën Latine pas asaj të Argjentinës.

Në Venezuelë gjenden rreth 100.000 muslimanë qe përbëjnë 0.4% të popullsisë.
Vetëm në Karakas gjenden rreth 15.000 musliman.

associatedpress/mesazhi.com

[Vista]

Xhelatinë nga mishi i derrit në karamelet "Ki-ki"


Disa lloje të karameleve "Ki-ki" dhe sheqerkat e gomës "Ki-ki" të prodhuesit kroat "Krash" përmbajnë xhelatinë nga mishi i derrit.

Zyrtarët e kompanisë "Krash" thonë se kurrë nuk kanë tentuar t'i fshehin të dhënat se disa prodhime të tyre përmbajnë xhelatinë nga mishi i derrit. Por, sipas tyre karamelet "bronhi" dhe "ki-ki" me shije të qumështit dhe lajthive nuk kanë kurrfarë xhelatine, përderisa karamelet tjera dhe sheqerkat e gomës "ki-ki" përmbajnë xhelatinë nga mishi i derrit...


Dnevni avaz

[Vista]

Delegacioni BIK-ut viziton Ambasadën e Kosovës në Ankara

Ankara, 25 mars
bislame.net
Në kuadër të seminarit që është duke e organizuar nga DIJANET-i i Turqisë në ditën e katërt të seminarit që po mbahet për trajnimin e administratës dhe personelit e Këshillave të Bashkësisë Islame të Kosovë, sot pjesëmarrësit janë trajnuar në pesë grupe në sektorët e ndryshme të DIJANET-it duke u njoftuar për së afërmi me përvojën, sistemin dhe traditën e punës së zyrtarëve të këtij institucioni më të lart fetar në Turqi.
Delegacioni gjatë ditës ka vizituar edhe njërën nga xhamit më të vjetra të Ankarasë, “Haci Bayrami Veli Cami Serifi” e cila është ndërtuar para katërqind viteve, kurse para 300 viteve është rindërtuar përsëri, pasiqë ishte shkatërruar nga tërmeti. bislame.netMë pas delegacioni i BIK-ut ka vizituar edhe Ambasadën e Republikës së Kosovës në Ankara, ku u pritën nga ambasadori z. Bekim Sejdiu. Ishte një pritje vëllazërore dhe impresionuese për të gjithë ngase për herë të parë po vizitohet ky institucion nga një përbërje e tillë. Ambasadori Sejdiu ka falënderuar Myftiun Naim ef. Tërnava.bislame.net
Për nder të mysafirëve, Myftiu i Ankarasë Mustafa Hakë Yzel ka shtruar një darkë në restorantin “Canli Konak” ku ka vlerësuar dhe vënë në dukje se marrëdhëniet e DIJANEIT-it me BIK-un janë tejet të mira dhe ka premtuar se këto marrëdhënie vëllazërore do të thellohet edhe më shumë në të ardhmen në të mirë të dy popujve.

[Vista]

Studentët musliman në Melburn: Na ktheni mesxhidin tonë



Studentët musliman të Universitetin RMIT në Melburn, të hënën, protestuan për, siç thonë ata, "mungesë të hapësirës për lutje" dhe ekspozim të shqetësimeve seksuale e diskriminimit sepse janë detyruar të mblidhen në hapësira të hapura për ta kryer namazin.


Një numër i madh i studentëve musliman nga Universiteti RMIT, Melburn, si dhe anëtarët e Unionit studentor islam të RMIT-it (ISS) protestuan duke kërkuar hapësira të veçanta për kryerjen e namazit, në vend të qendrës multifetare ekzistuese e cila i plotëson nevojat e të gjitha grupeve fetare.

Atyre u nevojitet hapësirë në kuadër të Universitetit ku vetëm muslimanët do të kryenin namazin pesë herë në ditë. Hapësirat multifetare krijojnë probleme, sepse muslimanët mund ta shfrytëzojnë vetëm për një kohë të caktuar. Andaj muslimanët janë të detyruar që namazin ta kryejnë në korridore, salla dhe përjashta, gjë që shkakton edhe shqetësime seksuale dhe diskriminim të muslimanëve, thuhet në ueb-faqen e ISS-së.

Ata, gjithashtu, thonë se si rezultat i qendrës multifetare, studentët janë të detyruar të falen si në nxehtësi ashtu edhe në të ftohtë. Si pasojë e mosekzistimit të dhomës për lutje, shumë muslimane janë ballafaquar me shqetësime seksuale, keqtrajtime dhe fyerjeve fetare.


Problemi me hapësirën për lutje në RMIT filloi në vitin 2007 kur mesxhidi, i cili kishte ekzistuar në kuadër të Universitetit, është rrënuar si pjesë e rinovimit të Universitetit. Sipas ISS-së Universiteti ka premtuar hapësirë të re, por më vonë, me hapjen e hapësirës multifetare, shkeli premtimin e dhënë.

Mesxhidi ka ekzistuar 14 vite.

Universiteti u kishte premtuar studentëve musliman ndërtimin e objektit i cili do t'ju mundësonte nevojat e personelit dhe studentëve musliman, gjë që është edhe në formën e shkruar të universitetit.

Shoqata e cila përkrahet nga Unioni nacional i studentëve dhe Unioni i studentëve i RMIT-së, thotë se do të vazhdoj kampanjën për kërkimin e hapësirës së veçantë për muslimanët. "Nuk do të heshtim dhe të bëjmë kompromis për sigurinë dhe lutjet tona, RMIT ka premtuar, prandaj premtimin duhet ta përmbush".

Personeli i Universitetit RMIT përgënjeshtron pohimet e ISS-së, duke quajtur kampanjën e tyre si "të pavolitshme dhe të panevojshme" me insistim që studentët musliman ta fitojnë një vend të përshtatshëm.

Në deklaratën e prorektorit Maddy McMaster thuhet se ekzistojnë hapësira të mjaftueshme për lutjet e të gjithë studentëve në kuadër të tre kampeve të Universitetit.

"Sipas politikës së Universitetit hapësirat për lutje janë mjedise shpirtërore për të gjitha fetë, dhe janë të hapura për të gjithë", tha McMaster. "Në kuadër të hapësirës ekzistuese në kampin tonë do të mundohemi të gjejmë zgjidhje shoqërore", shtoi ajo. Hapësira multifetare është e pranuar nga të gjitha grupacionet, përfshirë edhe fenë muslimane, tha McMaster.

Por, ISS deklaroi se nuk ka ekzistuar formë tjetër, prandaj kanë kaluar në aksion.

Për momentin, ekzistojnë tetë hapësira multifetare. David Barrow, president i Unionit nacional të studentëve, deklaroi se nevoja për hapësira të veçanta muslimane është në rritje, dhe se vetë hapësira është problem.

Me arritjen e madhe të studentëve ndërkombëtar nga vendet muslimane, nevojat e hapësirave për kryerjen e lutjeve muslimane janë të mëdha.

[Vista]

Bullgaria ndalon hixhabin në shkolla


Bartja e ferexhesë dhe shamisë muslimane në shkolla, fakultete dhe vende të punës paraqet një çështje mjaft të ndjeshme në mbarë Evropën...


Qeveria bullgare, në krye me socialistët, ka aprovuar projektligjin me anë të së cilit ndalohet bartja e simboleve të dukshme fetare, si ferexhetë musimane dhe kryqet e mëdha krishtere në shkolla.

Në Bullgari, 80% e popullatës i përkasin besimit ortodoks, ndërsa 12% musliman. Deri më sot, në shkolla, nuk janë toleruar simbolet fetare, por nuk ka ekzistuar një ndalesë e tillë publike, bënë të ditur Reuters.

Duke komentuar projektligjin, i cili duhet kaluar ratifikimin parlamentar, nëpunësi nga zyra e myftiut të Bullgarisë Husein Hafazon ndalesën e vlerësoi si të gabueshme.

"Jemi të zemëruar dhe aspak nuk pajtohemi me këtë vendim, i cili në tërësi shkel të drejtat dhe obligimet e femrave muslimane", tha Hafazon.

Bartja e ferexhesë dhe shamisë muslimane në shkolla, fakultete dhe vende të punës paraqet një çështje mjaft të ndjeshme në mbarë Evropën. Franca, vend me numrin më të madh të muslimanëve në Evropë, në vitin 2004 aprovoi ligjin me të cilin ndalohet bartja e simboleve fetare në shkollat fillore dhe ato të mesme shtetërore, bënë të ditur agjencioni britanik.

[Bani gjk]

vista tu kisha lutur qe lajmet qe i sjell ne kete forum, te tregosh nga cila veb faqe i ke marre, apo nga e ka burimin ai lajm.
Disa lajme qe jane sjell ketu, jan marr nga veb faqja www.islamgjakova.net

BE: Izraeli te pranoje nje shtet palestinez

Qeveria e re izraelite duhet te pranoje principin e krijimit te nje shteti palestinez, ne te kunderten marredheniet do te behen shume te veshtira”.
Keshtu eshte shprehur ministri i Jashtem cek, Karel Schwarzenberg.
Deklaratat e tij jane bere gjate nje takimi informal me pergjegjesit e tjere te politikes se jashtme te vendeve anetare te BE-se, ku dhe Cekia eshte presidente e radhes.

28/03/2009 01:20 http://www.top-channel.tv/new/artikull.php?id=147099

[Xhenneta-Morina]

Obama: Al Kaeda po planifikon sulm ndaj SHBA-ve

Obama theksoi se kufiri mes dy vendeve eshte zona me e rrezikshme ne bote per amerikanet.

Al Kaeda po pergatit nje sulm te ri ndaj Shteteve te Bashkuara prej Pakistanit.

Keshtu ka deklaruar presidenti amerikan, Barack Obama gjate nje konference shtypi ne te cilen ka njoftuar strategjine e re per Afganistanin dhe Pakistanin.

Obama theksoi se kufiri mes dy vendeve eshte zona me e rrezikshme ne bote per amerikanet.

Marr nga: forum-islamik.com

[Xhenneta-Morina]

Obama shton numrin e forcave në Afganistan

--------------------------------------------------------------------------------

Presidenti i Shteteve të Bashkuara të Amerikës, Barack Obama planifikon të dërgojë 4,000 trupa të Ushtrisë Amerikane në Afganistan për të ndihmuar në stërvitjen e Trupave të Sigurisë Afgane, thonë zyrtarët amerikanë.

Senatori nga SHBA, Carl Levin tha se trupat shtesë do të mund të dërgohen në qershor.

Presidenti Obama pritet të shpallë urdhrin zyrtar të premten, kur ai do të bëjë të ditur strategjinë e re në lidhje me Afganistanin.