Lajme Nga Bota Islame

[Florim07]

Shpëtimi i fesë në komunën Le Bourget
Roli i besimit në shoqëri dhe në ruajtjen e botës nga të këqijat e sotme është këtë vit tema kryesore e konventës më të madhe muslimane në Francë dhe në mbarë Evropën.
E enjte, 16 Prill 2009 08:53
Reklam
"Disa vite më parë është dëshmuar që feja është e domosdoshme në mbrojtjen e shoqërive bashkëkohore të cilat kanë rënë tashmë në krizë ekonomike, sociale dhe
morale "-kështu tha për IslamOnline Laj Tami Briz, udhëheqësi i konferencës.

Ai pohon se kriza ekonomike botërore dhe pasojat e saj kanë rritur nevojën për parashtrimin e kësaj teme në konferencën e këtij viti.

Briz i cili është dhe kryetar i Unionit të Organizatave Islamike në Francë (UOIF) thotë se nevoja për parime morale e fetare është bërë jetësore.

"Ky nuk është problem vetëm i muslimanëve, të gjitha fetë tjera janë bërë përkrahëse të kësaj kauze". Prandaj ne vendosëm që temën e këtij viti ta bëjmë të përgjithshme në mënyrë që t'i përfshijë gjitha besimet.

Në mbledhjen katër ditore e cila u hap të premten më 10 prill në komunën La Bourget të verilindjes së Parisit janë duke ardhur dijetar, ekspertë të fesë, akademikë dhe grupe komunitetesh nga e gjithë bota.

Në mesin e pjesëmarrësve të këtij viti janë edhe udhëheqësi i Institutit Evropian të Humanizmit, Sheiku Ahmad Gaballah. udhëheqësi i dhomës së fetvave në UOIF Ounis Guegah dhe intelektuali zviceran Tariq Ramadan.

Përveç këtyre spikasin edhe intelektual jomuslimanë si : Historiani dhe filozofi Marcel Gauchet dhe shkrimtari Rafael Lueger.

Ata do të diskutojnë për rolin e besimeve fetare dhe shpirtërore në ruajtjen e shoqërive bashkëkohore nga çrregullimet.

Franca është shtëpi e 6-7 milion muslimanëve, qe është minoriteti më i madh musliman në Evropë

[Florim07]

Tiranë: Program për Profetin Muhamedin a.s.
Komuniteti Mysliman i Shqipërisë në bashkëpunim me Fondacionin SEMA organizon programin festiv "Profeti Muhamed - Krenaria e Njerëzimit".
E enjte, 16 Prill 2009 17:52
Reklam

Me rastin e ditëlindjes së Profetit Muhamed (paqja qoftë mbi të), Komuniteti Mysliman i Shqipërisë, në bashkëpunim me Fondacionin Arsimor dhe Kulturor SEMA, organizon për të katërtin vit radhazi, Programin Festiv "Profeti Muhamed – Krenaria e Njerëzimit".

Programi i këtij viti do të organizohet për herë të parë në parametra të tilla, qoftë në Shqipëri, rajon apo më gjerë, si një koncert madhështor vokal simfonik drejtpërsëdrejti në Pallatin e Kongreseve, ditën e shtunë dt. 18 Prill 2009, ora 11.00, me pjesëmarrjen e Orkestrës Filarmonike të Akademisë së Arteve, Korit të Bashkuar Pax-Dei, solistë të Teatrit të Operës e Baletit dhe aktorëve të Teatrit Kombëtar, nën drejtimin e dirigjentit italian Vito Clemente, të mjeshtres së korit zv/ministre e Kulturës, Rinisë dhe Sporteve, znj. Suzana Turku, me udhëheqës artistik Pëllumb Vorpsi dhe regjisor Agron Hoxha. Në këtë program do të interpretojnë artistë të shquar nga Shqipëria, Turqia dhe Italia me tekste të autorëve të mëdhenj si Gëte, Gylen, Hafiz Ali Korça dhe Hafiz Ali Ulqinaku, si dhe me kompozimet më të famshme të këtij zhanri.

I ftuar special i këtij programi do të jetë Presidenti i Republikës Prof. Dr. Bamir Topi, personalitete të vendit, trupi diplomatik i akredituar në Tiranë, miq dhe të ftuar nga vendi, trevat shqiptare, si dhe nga shumë vende të tjera. /gazeta start/

[Vista]

SHBA: Kisha shndërrohet në xhami


Një grup muslimanësh ka blerë ish kishën Katolike të Mbretëreshës së Paqes, si dhe rektoratin, manastirin dhe shkollën në rrugën Gjenesis dhe planifikojnë ta përdorin si qendër për komunitetin dhe xhami në Bufallo të SHBA-ve.


E shtunë, 18 Prill 2009 23:48

Kjo marrëveshje është një dëshmi e mëtejshme e prezencës në rritje të muslimanëve në Nju Jorkun perëndimor, që deri tani ka nëntë xhami dhe të dhjetën në ndërtim në rrugën Tranzite në Amherst.

Xhamia e re do të fokusohet në ofrimin e shumëllojshmërisë së programeve për të rinjtë.

"Po ndërtohen xhami të mëdha, por qëllimi i jonë kryesor është se duam të kemi diçka për komunitetin," thotë Dr. Hatim Hamad që është asistent në shkollën mjekësisë dentare në Universitetin e Bufallos.

Kjo kishë është e teta me radhë e shitur që nga viti 2006, vit ky kur Dioqeza e Bufallos filloi ristrukturimin masiv të saj. Kisha e Mbretëreshës u mbyll në vitin 2007.

Darul Hikmah Inc, nënshkroi marrëveshjen prej 300.000 dollarëve gjatë kësaj jave.
Prona përfshin një sipërfaqe prej 4800 m2, rektoratin, manastirin dhe shkollën me sipërfaqe prej rreth 4000 m2.

Dioqeza ende po mundohet të shes rreth 30 prej pronave të saj, përfshirë 7 në qytet.

Të ardhurat nga shitjet do të paguajnë borxhet qe kemi thonë nga Dioqeza.


buffalonews.com/mesazhi.com

[Vista]

Itali: Lutje për viktimat e tërmetit



Drejtori i xhamisë së madhe në Romë, Abdullah Redouane, ka kërkuar nga xhamitë nëpër Itali për të lutur për viktimat e tërmetit gjatë lutjeve të së premtes.

E premte, 10 Prill 2009 07:41
Tërmeti i kësaj jave që goditi rajonin Abruzzo të Italisë la 278 persona të vdekur dhe mijëra të plagosur dhe më shumë se 28.000 të pastrehë. Shpëtuesit ende po vazhdojnë kërkimet për ndonjë të mbijetuar.

Xhamia e vetme zyrtare në Itali ajo e Romës ka lajmëruar se të premten do të mbahen lutje për viktimat e tërmetit.

Gjithashtu do të organizohen të gjithë ata që marrin pjesë në xhami që të premten të solidarizohen me mijëra personat që janë evakuuar duke ju ndihmuar sipas mundësive.

Xhamitë e rajonin të Puljes dhe Toskanës si dhe ato nga Lombardia e Veneto kanë rënë dakord për këtë apel.

Bashkesia e Komuniteteve Islame në Itali ka treguar gatishmërinë për të ndihmuar të mbijetuarit, duke dhuruar gjak si dhe për të koordinuar ndihmat e tyre për njerëzit e shpëtuar.

Në Itali jetojnë rreth 1 milion musliman në mesin e popullsisë 60 milionëshe.

adnkronos.com/mesazhi.com

[Vista]

Japonia edhe me një xhami të re


Një xhami e porsandërtuar nga një bamirës nga Emiratet dhe e mbikëqyrur prej "Hënës së Kuqe" Arabe, u hap në Kyushu, ishulli ky i tretë për nga madhësia në Japoni.


E enjte, 16 Prill 2009 08:49
Xhamia e emëruar Al-Noor është ndërtuar me një kosto totale prej 7 milion dinarësh. Do të shërbejë për 600 muslimanët që jetojnë në këtë ishull, që është nën Komunën e Fukuokës.

Said Ali El Noveisi, ambasador i Emirateve të Bashkuara Arabe në Japoni, si dhe dijetarë Islam dhe anëtarë të komunitetit morën pjesë në ceremoninë e hapjes.

Gjatë një fjalimi të mbajtur, El Noveis e vlerësoi këtë iniciativë për ndërtimin e xhamisë në këtë ishull dhe falënderoi qeverinë lokale si dhe banorët e Fukuokës për qasjen e tyre tolerante dhe bashkëpunimin e tyre me komisionin ndërtues.

Komuniteti musliman në Fukuoka organizoi një pritje që u ndoq edhe nga zyrtarë Japonez dhe anëtarë të komunitetit.

Bernama.com/mesazhi.com

[Vista]

Myftiu Tërnava priti Mbretin Leka Zogu i Parë


Gjatë vizitës së tij në Kosovë, Naltmadhnia e tij, Mbreti i shqiptarëve, Leka Zogu I, të martën pasdite, takoi Myftiun e Kosovës, mr. Naim Tërnava i cili shoqërohej nga bashkëpunëtorët, sekretari i Kryesisë së BI të Kosovës, Resul Rexhepi dhe kryeimami i Kosovës Sabri Bajgora.


Myftiu Tërnava e falënderoj Mbretin Zogu për angazhimin e tij dhe të Oborrit Mbretëror për Kosovën si para ashtu edhe pas pavarësisë së vendit.


Ndërsa Naltmadhnia e tij Mbreti Leka I, shprehu gëzimin që po viziton Kosovën e lire sovrane e demokratike: "Ka ndodhur mrekullia, jam me fat që u takoj në Kosovën shtet".

Myftiu Tërnava e njohu Naltmadhnin e tij edhe për organizimin e Bashkësisë Islame të Kosovës.



bislame.net

15.04.2009.islamgjakova.net

[faruk9]

selam,

të nderuar anëtar të listës, ju sjelli këte vido lajm; mbledhja në Gjenevë!

Ahmedinejad'a Çirkin Saldırı (VİDEO)

Sulmi i shëmtuar ndaj Ahmedinexhad’it në konferencën e Kombeve të Bashkuara kundër racizmit që mbahet në Gjenevë, (VIDEO)

http://www.tevhidhaber.com/news_detail.php?id=54071

këtu keni fjalimin e plotë:

http://www.velfecr.com/haber_detay.php?haber_id=10250

dëgjim dhe shikim të kënshëm ,
weselam

[fisniku-student]

Rihapen themelet e Xhamisë së Kalasë në Prizren



Një grup të rinjsh nga Prizreni nën udhëheqjen e Kryetarit të Bashkësisë Islame të Prizrenit i rihapën themelet e Xhamisë së Kalasë së Prizrenit.


Në përpjekje për t'ia kthyer Prizrenit edhe një monument me vlerë historike dhe kulturor-fetare, një grup të rinjsh nga Prizreni nën udhëheqjen e Kryetarit të Bashkësisë Islame të Prizrenit, Lutfi ef. Ballëku, të dielën i rihapën themelet e Xhamisë së Kalasë së Prizrenit. Në aksionin e pastrimit të themeleve të xhamisë ishin bashkuar edhe disa hoxhallarë, nëpunës të Bashkësisë Islame dhe aktivistë të OJQ-ve lokale.

Kryetari i BI-së në Prizren, Lutfi ef. Ballaku, u zotua për rindërtimin e Xhamisë së Kalasë në po të njëjtin vend dhe në të njëjtën formë sikur që ka qenë më herët.

Pas nxjerrjes në pah të themeleve të xhamisë, u bë edhe matja e saj nga ana e arkitektëve të cilët edhe do ta bëjnë projektin e xhamisë. Gjerësia dhe gjatësia e mureve të xhamisë nga ana e jashtme është 9m me 9m, ndërsa brendësia e xhamisë është 7m me 7m. Muret kanë një trashësi prej 1m. Në gërmadhat e themelit të xhamisë u identifikua edhe vendi i mihrabit, dera hyrëse dhe themelet e minares.

Aksionit të rihapjes së themeleve dhe të pastrimit të asaj që ka mbetur nga xhamia ishin bashkuar edhe disa pleq nga Prizreni, nga të cilët disa ndihmuan me punë fizike, disa duke sjellë ujë dhe disa duke kënduar ilahi të vjetra.

Shumë vizitorë të rastit të Kalasë së Prizrenit shprehën kënaqësinë e tyre me këtë aksion. Por, nuk ishte edhe i pakët numri i atyre të cilët nuk dinin se aty në atë vend një kohë kishte ekzistuar një xhami. Mos përkujdesi institucional me dekada me radhë kishte shkaktuar që themelet e xhamisë të mbulohen me gurrë dhe me mbeturina të shumta.

Pas përfundimit të punimeve, aktivistët e tubuar falën namazin e drekës nën drejtimin e Kryetarit të BI-së, Lutfi ef. Ballakut.

Xhamia e Kalasë së Prizrenit daton nga shekulli XVI dhe atë kohë ishte ndërtuar nga ana e Maksud Pashës. Xhami ishte shkatërruar gjatë pushtimit të Prizrenit nga austriakët në shekullin XVII. Në vitin 1825 ajo rindërtohet nga ana e Mahmut Pashë Rotllës dhe sërish shkatërrohet në vitin 1912.



mesazhi.com

[Instrumenti]

Treshja myslimane e Real Madridit agjërojnë muajin e Ramazanit






Reali me Ramazan

Treshja myslimane e Real Madridit, Karim Benzema, Lassana Diarra dhe Mahamadou Diarra kanë filluar të agjërojnë muajin e shenjtë të Ramazanit. Stafi mjekësor i klubit ka përgatitur program të veçantë në mënyrë që futbollistët t'i shmangen molisjes dhe lëndimeve.

Yjet e Real Madridit, Karim Benzema, Lassana Diarra dhe Mahamadou Diarra kanë filluar të agjërojnë muajin e shenjtë të Ramazanit, ka njoftuar e përditshmja sportive spanjolle AS.

Stafi mjekësor i klubit ka dizajnuar një program të veçantë për të mbajtur të hidratuar futbollistët, pasi stërvitjet në mot të nxehtë në kryeqytetin spanjoll dhe pa qenë në gjendje të konsumojnë lëngje mund të sjellin molisje dhe lëndime serioze, ndërsa humbja e lehtë në peshë është gjë normale e procesit të agjërimit.

Fatmirësisht për gjigantin madrilenë, Ramazani nuk do të ketë ndikim të madh në orarin e tyre të ndeshjeve pasi do të prekë vetëm tri përballje, kundër Deportivo, Espanyol dhe Xerez në La Liga. Reprezentuesit francezë, Lassana Diarra dhe Karim Benzema po ashtu duhet të paraqiten në dy ndeshje kualifikuese për Kampionatin botëror kundër Rumanisë dhe Serbisë muajin e ardhshëm.

Ndërsa futbollistët e besimit islam nga rivali më i madh Barcelona, Eric Abidal, Keita dhe Yaoa Toure kanë shtyrë agjërimin për të respektuar obligimet në klub.

PSG nuk aktivizon ata që agjërojnë

Trajneri i Paris Saint Germain, Antoione Kombouare, ka thënë se nuk do të përzgjedhë asnjë futbollist i cili vendos të respektojë muajin e shenjtë të Ramazanit.
"Kam një rregull të thjeshtë që e kam përdorur prej kur kam filluar karrierën si trajner: gjatë javës mund ta pranoj, por në ditën e ndeshjeve është e ndaluar", tha Kombouare, ish reprezentues francez i cili luajti për PSG.

"Të gjithë ata që dëshirojnë të respektojnë Ramazanin në ditët e ndeshjeve mund të qëndrojnë në shtëpi", shtoi ai. Kombouare theksoi se lejimi i futbollistëve që agjërojnë të luajnë për ekipin mund të rrezikojë shëndetin e tyre dhe vë presion shtesë ndaj bashkëlojtarëve. Kur nuk ushqeheni gjatë gjithë ditës, kjo ndërlikon gjërat", përfundoi ai. Dita e fundit e Ramazanit është më 19 shtator.

[Instrumenti]

Gjermani, më shumë muslimanë se sa që është pritur



Popullata muslimane në Gjermani është më e madhe dhe më e nduarndurshme se sa deri më tash.


Pas një ankete të bërë me kërkesë të Ministrisë së Brendshme, në Gjermani jetojnë deri në 4.3 milion muslimanë. Deri tani ky numër mendohej të ishte jo më tepër se 3.5 milion. Gati gjysma e muslimanëve kanë nënshtetësi gjermane.

Islami në Gjermani është i nduarndurshëm dhe numerikisht më i madh se sa llogaritej deri më tash. Ky rezultat ka ardhur nga një anketë e bërë të martën me porosi të Ministrisë së Brendshme dhe në bashkëpunim me Konferencën Islame në Gjermani (DIK) përmes të cilës janë pyetur 6000 persona nga bota e jashtme të moshës mbi 16 vjeçare. Nga ka dalë se në Gjermani banojnë deri në 4, 3 milion muslimanë, dhe kjo paraqet një përqindje prej 5,2 % të popullsisë së përgjithshme. Sipas këtij studimi 45% prej tyre janë nënshtetas gjerman, ndërsa 55% kanë nacionalitet të huaj.

Nga këta 2,5 milion vijnë nga Turqia, të cilët përbëjnë grupin më të madh me prejardhje nga një regjion, që pasohen nga ata që vijnë nga Evropa juglindore (13,6%), Lindja e Mesme (8%) dhe nga Afrika Veriore (7%). Me këtë 98% e tërë muslimanëve jetojnë në repulikat e vjetra të RFGJ, duke përfshirë Berlinin lindor, një e treta në landin e Nordrhein-Westfahlen. Në Baden Württemberg, Bayern dhe Hessen jeton një pjesë prej 10% e tyre.

Tri të katërtat i takojnë Synitëve, dhe 7% shiitëve. 13% janë të besimit alevit. Një e treta tregohet si "besimtarë të fortë", dhe gjysma si "besimtarë të sinqertë", nga të cilët meshkujt shkojnë më shumë në kryerjen e obligimeve fetare. Posaçërisht fetarizmi është më i dukshëm në grupin e turqëve dhe muslimanëve nga Afrika. Me përjashtim të muslimanëve nga Irani dhe Azia qendrore, muslimanët tjerë iu përmbahen edhe më tej rregullave të ngrënjës, të agjërimit, në rend të parë Synitet.

Bartja e shamisë tek gratë, në gjeneratën e parë është më e përhapur, diku tek çdo e katërta. Në gjeneratën e dytë kjo bëhet diku nga 17% e tyre. Dhe deri në 10% e nxënësve muslimanë nuk marrin pjesë në orët e përziera të mësimit në lëndën e sportit. Tre nga katër muslimanë dëshirojnë që në shkolla të mësohet feja islame.

Kur është fjala për integrimin, ekspertët vlerësojnë se ky grup ka deficit në njohjen e gjuhës dhe strukturimin e tyre në këtë mjedis. Integrimi social është më i mirë se sa që është menduar. Problematik, para së gjithash, është niveli i tyre i ultë arsimor. /MESAZHI/