Lajme Nga Bota Islame

[Xhenneta-Morina]

Nga sulmet izraelite vriten dy palestinezë

--------------------------------------------------------------------------------

Nga sulmet izraelite vriten dy palestinezë
Lajme - Lajme


Bëhet e ditur se palestinezët e vrarë i përkisnin grupit Xhihadi Islamik.



Në një sulm të forcave ajrore izraelite në Rripin e Gazës kanë humbur jetën dy palestinezë, kanë bërë të ditur burime spitalore nga pjesa të cilën e kontrollon lëvizja e rezistencës Islamike Hamas.

Bëhet e ditur se palestinezët e vrarë i përkisnin grupit Xhihadi Islamik, dhe janë qëlluar për vdekje në afërsi të kufirit me Izraelin.

Forcat ajore izraelite kanë vrarë dje njërin nga komandantët e Xhihadit Islamik, ndërsa grupi është kërcënuar se do të hakmerret për vrasjen e tij./Mesazhi/


Marr nga: Shoqata Realiteti

[Xhenneta-Morina]

Turqia kundërshton kandidaturën e Rasmusenit

--------------------------------------------------------------------------------

Samiti i NATO-s që shënon 60 vjetorin e Aleancës Veriatlantike sot kalon nga Strazburi i Francës në Kehl të Gjermanisë.
Temë e diskutimeve pos tjerash do të jetë zgjedhja e sekretarit të përgjithshëm të NATO-s.

Shtetet e Bashkuara dhe vendet evropiane kanë mbështetur kandidaturën e kryeministrit danez Anders Fogh Rasmussen për këtë post, por Turqia ka kundërshtuar këtë propozim për shkak të krizës rreth karikaturave me profetin Muhammed të botuara në gazetat e Danimarkës në vitin 2006.

Marr nga: forum-islamik.com

[Xhenneta-Morina]

Turqia nuk është prezantuese e Islamit të moderuar

--------------------------------------------------------------------------------

Islami nuk mund të klasifikohet si i moderuar apo jo," tha Erdogan gjatë një fjalimi në Qendrën për Studime Islame në Oksford.
Kryeministri turk Rexhep Taip Erdogan ka kundërshtuar përpjekjet për thirrjen e Turqisë si përfaqësuese të Islamit të moderuar.
"është e papranueshme për ne që të pajtohemi me këtë definicion. Turqia kurrë nuk ka qenë vend që prezanton këtë koncept. Për më tepër, Islami nuk mund të klasifikohet si i moderuar apo jo," tha Erdogan gjatë një fjalimi në Qendrën për Studime Islame në Oksford.

Kjo deklaratë vjen vetëm disa ditë para vizitës së presidentit të SHBA-ve Barak Obamës administrata e të cilit ka sinjalizuar ndryshime dramatike ndaj asaj të Bushit duke e identifikuar Turqinë si vend Islam i moderuar.

Sekretarja e shtetit Hillari Klinton kishte vlerësuar Turqinë si "vend demokratik me kushtetutë laike" gjatë vizitës së saj në Ankara në Mars. Në fjalimin e tij, me temën "Aleanca e Civilizimeve dhe roli i Turqisë ," Erdogan vuri në dukje mungesën e dialogëve në mes kulturash dhe feve të ndryshme, të cilat kanë çuar në incidente të hidhura në historinë botërore.

"Armiqësia, fatkeqësisht, forcon skenarët për të ashtuquajturën luftë e civilizimeve në botë. Ata që mbrojnë këto spekulime, mund të shkojnë edhe më tutje duke e identifikuar terrorizmin me Islamin i cili është i bazuar në paqe," vazhdoi ai duke shtuar se kjo situatë vetëm ndihmon ata që dëshirojnë ta përhapin globalisht Islamofobinë.

Erdogani gjithashtu dëshiron që shoqëritë perëndimore të jenë më të hapura për bashkëpunim dhe dialog me lindjen. "Duhet të jetë e ditur se ti drejtohesh disa çështjeve të ndjeshme në botën Islame me ofendime dhe qasje të keqe duke fshehur liritë demokratike siç janë liria e të folurit dhe liria e publikimeve, është e papranueshme," tha ai.

Duke tërhequr vëmendjen për respektin dhe mirëkuptimin reciprok, Erdogan tha se ai beson dhe respekton Musain dhe Jezusin, dhe i pranon ata si profetë.
"Unë pres të njëjtin qëndrim nga një çifut ose i krishterë ndaj pejgamberit tim," ceku Erdogan.
Ai theksoi rëndësinë e anëtarësimit të Turqisë në Bashkimin Evropian duke krijuar kështu lidhje në mes perëndimit dhe lindjes.

"Si vend popullsia e të cilit përbëhet kryesisht nga muslimanët, Turqia po mundohet të zë vendin e saj në BE. Kjo përpjekje po shikohet mirë jo vetëm nga Evropianët por gjithashtu edhe nga qytetarët e vendeve Islame," tha ai.
Teza se perëndimi dhe lindja, Islami dhe fetë tjera nuk mund të pajtohen është e papranueshme në procesin e anëtarësimit të Turqisë."

Erdogan mbrojti konfrontimin verbal me presidentin Izraelit gjatë Forumit Ekonomik në Davos dhe shtoi se ai foli kundër vrasjes së civilëve të pafajshëm dhe se ai vetëm e realizoi obligimin e tij si qenie njerëzore." Gjatë një séance të posaçme në Davos, Erdogani lëshoi seancën pas akuzimit ndaj presidentit Izraelit Shimon Perez duke i thënë se Izraelitët dinë vetëm të vrasin njerëz shumë mirë.

"Nuk kishte mundësi të kalohej ajo çështje me heshtje…nuk kam vepruar si këshilltar i ndonjë organizate," tha Erdogan, duke theksuar së hyrja në Gaza ende nuk po lejohet.

Marr nga: hurriyet.com.tr & mesazhi.com

[Xhenneta-Morina]

Dërgimi i Pejgamberëve

--------------------------------------------------------------------------------

Shumë njerëz nga të katër anët e botës e kujtojnë në këtë muaj rebiul ewel (muaji I tretë sipas hixhrit) lindjen e Pejgamberit a.s , duke kujtuar kohën kur lindi Pejgamberi a.s se si ishte gjendja e njerëzve në atë kohë, në çfarë xhahilieti (injorance) kishte arritur njerëzimi, ku nuk dinin se kanë Zot mbi kokë, - siç populli – “nuk e njihte e ëma të birin”.
Ku thuajse mbarë njerëzimi jetonte në një gjendje të mjeruar të degjenerimit, ku thuajse veç I kishte humbur vlerat e moralit dhe të karakterit, me fjalë të tjera, botën e kishte kapluar një errësirë e plotë.
E si most ë ketë errësirë në atë vend ku nuk ka dritë profetike?!
Edhe unë su shumë myslimanë të tjerë u ndala ta kujtoj atë ngjarje të madhe, pas së cilës do të ndryshojë gjendja e këtij globi, thuajse rrënjësisht.
Por në të njëjtën kohë më shkoi ndërmend edhe ardhja e pejgamberëve të tjerë.
Para këtij të fundit, fillova ta kujtoj zinxhirin e gjatë të profetëve apo të dërguarve të Allahut, deri tek njeriu I pare, Ademi a.s, babai I njerëzimit; ta kujtoj mëshirën e madhe që kishte lëshuar Allahu me dërgimin e këtyre pejgamberëve dhe se ata me të vërtetë ishin dhurata më e madhe e Allahut dërguar njerëzimit në tokë.
Fillova të mendoj se si Allahu I Madhëruar krijoi njeriun dhe e pajisi atë me shqisa dhe me logjikë, e la atë mbret, sundimtar në këtë planet për t`I shfrytzuar të mirat e Krijuesit dhe për të bërë mirë në tokë.
Për të qenë misioni I njëriut I lartë dhe I shëndoshë në këtë planet, Allahu I dërgoi atij të dërguar, pejgamberë, të cilët kishin për detyrë t`ua përcjellin njerëzve vullnetin e Allahut xh.sh dhe t`I mësonin ata se si të sillen ndaj Krijuesit të tyre dhe krijesave të tjera, mission ky I cili I ndihmon shqisat dhe mendjen për ta dalluar të mirën nga e keqja, siç e meson atë për gjërat të cilat janë të fshehta dhe se njeriu ato nuk ka mundësi t`I kapë thjesht me shqisa.
Kështu që Allahu I Madhëruar çdo shoqërie I dërgoi pejgamberë, të cilët, që të gjithë, kishin një mission: Adhurojeni Allahun dhe largohuni nga adhurimet e kota: “Ne dërguam në çdo popull të dërguar që t`u thonë: “Adhuroni vetëm Allahun, e largojuni besimeve të kota” (Nahel: 36).
Pra misioni I të gjithëve ishte I njëjtë, ishte një: adhurimi I një të vetmit Zot dhe largimi nga çdo besim tjetër, se nuk ka Zot tjetër pos Allahut, siç thotë Allahu: “Nuk kemi dërguar asnjë të dërguar – profet – para teje (o Muhamed), e që të mos I kemi shpallur se: S`ka zot tjetër përveç Meje, andaj më adhuroni vetëm Mua” (Enbija: 25) dhe ajete të shumta tjera kuranore.
Mirëpo çudi e madhe me këtë lloj krijese të Allahut, çdoherë e më shumë e pason të keqën sesa të mirën, të shtrembëren më shumë sesa të drejtën.
Ademi a.s, njeriu I pare me bashkëshorten e tij, Havan dhe fëmijët e tyre kanë qenë myslimanë e robber të devotshëm të Allahut xh.sh.
Edhe të tjerët që kanë ardhur pas tyre kanë vazhduar rrugen e Ademit a.s derisa kanë kaluar dhjetë shekuj nga Ademi a.s ku për here të pare është përhapur shirku, apo idhujtaria, kanë devijuar njerëzit rrugën e vërtetë, për çka Allahu dërgoi pejgamberin Nuh a.s, I cili I thirri të largohen nga ajo rrugë e idhujtarisë e të kthehen në rrugën e Allahut, për jo më pak se 950 vjet dhe në fund u dërgoi Allahu tufanin, përmbysjen, e cila shkatrroi çdo gjë, përpos atyre të cilët kishin pasuar Nuhin a.s dhe kishin hipur me të në anije.
Kalon një kohë e shkurtë apo e gjatë dhe përsëri paraqitet shirku apo idhujtaria, sërish Allahu dërgon pejgamber dhe kështu me radhë.
Nga ajo kohë e deri më tani idhujtaria nuk është shkulur nga siperfaqja e tokës asnjëherë.
Bota ka qenë e mbushur me idhujtari, saqë ndonjëherë kanë mbet shumë pak myslimanë në këtë siperfaqe të Tokës, sin ë kohën e Ibrahimit a.s, I cili, fillimisht,ishte I vetëm, pastaj gruaja e tij Sara, e më pas Luti a.s apo në kohën e Isait a.s ku myslimanët numroheshin në gishta, siç thuhet një fjalë popullore.
Pra Allahu I Madhëruar kohë ps kohe dërgonte pejgamber, mirëpo, megjithatë, njerëzit zgjidhnin më shumë rrugën e shejtanit sesa rrugën e Allahut, edhe pse asnjëherë bota nuk ka mbetur pa myslimanë, Të cilët e adhurojnë Krijuesin dhe pasojnë të dërguarit e Tij.
Shumica e shteteve të mëdha në botë janë ndërtuar mbi bazën e paganizmit apo të shirkut, dhe civilizimi I tyre ka qenë I ndërtuar mbi atë idhujtari që e kanë besuar, si faraonët e vjetër në Egjiptin e lashtë , grekët, indianët, persianët, kinezët e lashtë dhe shumë të tjerë dhe, ndalo pak e shiko ku kanë mbetur ato shtete, civilizime?!
Vërtetë kanë punuar, kanë lënë dije, shkencë dhe gjërta të tjera, por nga ana sociale dhe fetare çfatë të thuash për ta?!
Njerëz me plotë dije, me shqisa të shëndosha, e mendje ne kokë t`I përulen idhujve apo statujave të ndryshme, të kërkojnë nga to shërim, fat e lumturi, nga guri apo druri, nga zjarri apo lopa?!
Cfarë mund të thuash pë ata njerëz të cilët e adhurojnë zjarrin, lopën apo viçin?!
Cfarë mund të thuash për ata njerë të cilët I veshin Allahut mangësi, duke I shoqëruar Atij fëmijë dhe duke e adhuruar fëmijën e Tij më shumë se Atë, apo së bashku të dy të njëjtë?!
A nuk numërohet se kanë adhuruar dy zota dhe si I tillë kanë kaluar në idhujtari, politeizëm?!
Most a zgjasim më shumë në këtë parathënje, port a ndërpremë me kaq për t`u takuar sërish inshallah herëve të tjera, me fragmente të nxjerra nga libri im “Rruga e ndriçuar”, duke filluar me lindjen dhe jetën fëmijërore të atij njëriu të madh, të shkruajmë e të flasim për të me plot dashuri, vullnet, emocione, kureshtje për të kuptuar sa më shumë për të.
Deri në javën e ardhshme: selam alejkum ve rahmetullah!


Dr.Shefqet Krasniqi
Marr nga: Epoka e Re : e premte 3 / prill / 2009

[Xhenneta-Morina]

Përjashtohet nga shkolla një tjetër vajzë me shami

--------------------------------------------------------------------------------

Me shami në shkollë, përjashtohet 14-vjeçarja

Burrel - Një nxënëse e klasës së nëntë në shkollën "31 Korriku" të Burrelit, është përjashtuar nga shkolla, pasi ndiqte procesin mësimor me shami.



E mitura 14-vjeçare, që njihej si besimtare myslimane dhe predikuese e kësaj feje, është nisur dje në shtëpi nga drejtoresha, ndërkohë që familja e ka cilësuar aktin, si shkelje të të drejtave të njeriut.

Bëhet fjalë për Artenisa Nezirin, banuese në këtë qytet e cila pason rastin e dytë në pak ditë në Burrel, pas përjashtimit të gjimnazistes së vitit të tretë në shkollën "Pjeter Budi", Florida Kolës.

Nga ana e drejtuesve të shkollës është dhënë urdhër i prerë, që ajo të shkonte në shtëpi dhe të vinte me veshje sipas rregullorës, por vajza në fjalë është larguar nga mësimi dhe nuk është paraqitur më, duke thënë se nuk ka shkelur ligjin dhe se veshjen nuk do ta hiqte.

Shpjegimi i drejtorisë që ka vënë në dijeni edhe Drejtorinë Arsimore, ka qenë se arsimi parauniversitar është laik dhe nuk mund të lejohen simbolet fetare. Pritet që familja të zgjidhë çështjen nëpërmjet një procesi gjyqësor, ashtu sikurse edhe gjimnazistja Kola, e cila ka depozituar një kallëzim në prokurori.

Drejtori i Drejtorisë Arsimore të rrethit Mat, Flamur Stafhasani, deklaroi se nuk kishte dhënë urdhër për këtë largim. Pak ditë më parë në Tiranë, dy motrat Gentjana dhe Marsela Hasani, të cilat u përjashtuan nga shkolla për shkak se mbanin shami, kanë paditur në gjykatë Drejtorinë Arsimore të kryeqytetit.

Marr nga: http://islamgjakova.net/aktualitete/...e_me_shami.htm

[Archicad]

REALITET NE KOSOVE-SHQIPERI.....

Ku jetojne aq te gezuar, me xhepat bosh, deren e blinduar,
Ku ka vlere me shume gomari, se shkencetari apo shkrimtari ,
Ku s'ka ''rend'', ''paqe'', e ''qetesi'' dhe ujku per ujkun eshte njeri,
Ku s'punojne kombinatet, por hajdutet ngrejne pallatet,
Ku e vrasin deputetin, dhe s'e pyesin presidentin,
Ku qeverite punojne me banda, dhe i mban gjalle vec kontrabanda,
Ku te hedhin vetem balte dhe ku fajdet i perlane parate,
Ku ka baker, krom dhe ar por s'ka uje per tu lare,
Ku i veshin ne koke corapet dhe kallashi i lan hesapet ,
Ku pa djerse fitohet leku hedhin valle çifuti,serbi e greku,
Ku spiuni ben transparentin, dhe vampiret perbejne parlamentin,
Ku qeverite bejne Nastradinin , dhe injorantet ta pengojne shikimin,
Ku vishet gjithe populli ''me trim'' i botes me rroba te vdekurish te gjithe europes, Fatkeqesisht ne kete vend kemi lindë, krenohemi per te edhe pse eshte i dh.i.n.ë.....

"Memedhe quhet toka ku te iken per lesh koka,
ku kam pasur "meme" e "ate" ku fajdet i perlane parate,
ku gjen gjithcka por s'ka pare ku s'ka drita po pishtare,
ku te mbyt pluhri e tallashi ku kercet perdite kallashi,
ku ka plehra togje-togje dhe qindra parti qe thone vec lloqe.
Memedhe eshte kjo cope toke qe te ben me dhimbje koke,
ku ligjin e ben kontabanda dhe te gjithe punojne me banda,
ku po shiten me dollare varret e gjysherve tane,
ku ka rruge e trotuar jo per njerez por per gomar,
ku shurren e ben ne breke se s'te le çifuti pa leke.
Memedhe quhet toka ku askush shqip s'kuptoka,
ku bejne cmos shesin dhe dhembet vec te ikin nga syte kembet.
Memedhe quhet ky vend qe ka deputet pa mend qe perleshen e bertasin dhe se dine as vete se c` flasin,
ku thuhet se ka ligje edhe rend por jane formale e jo me gjithe mend.
KOSOVE/SHQIPERI S'ME KUPTOVE ASNJEHERE...


Marre nga alb-muslim

[Vista]

Obama viziton xhaminë Blu në Stamboll


Presidenti i SHBA-ve vizitoi muzeun e Aja Sofisë si dhe Xhaminë e Sulltanahmetit e njohur si xhamia Blu në Stamboll gjatë ditës së sotme.

E martë, 07 Prill 2009 19:12

Presidenti i SHBA-ve dhe kryeministri Turk Rexhep Tajip Erdogan vizituan muzeun e Aja Sofisë, si dhe morrën informata nga përgjegjësi i muzeut.

Një ish bazilikë patriarkale, më pas xhami, tani një muze në Stamboll, Aja Sofia është e famshme për kupolën e saj masive si dhe për arkitekturën e saj madhështore.

Aja Sofia ka qenë xhami deri në vitin 1935, kur Republika e Turqisë e shndërroi në muze.

Ndërsa xhamia e Sulltanahmetit u ndërtua në mes viteve 1609 dhe 1616 gjatë sundimit Osman të Sulltan Ahmetit të parë.

Kjo xhami njihet me emrin xhamia Blu për shkak të pllakave me ngjyrë të kaltër që janë të vendosura në muret e saja të brendshme.

Kjo xhami është një ndër objektet më të vizituara në Stamboll nga turistët.

mesazhi

[Vista]

SHBA: Hapet xhami e re në Toledo të Ohajos


Zërat e lutjeve muslimane, dëgjohen në korridorin e xhamisë më të re në Toledo, zëra që kumtojnë hapjen e xhamisë më të re pas 10 vitesh.
E shtunë, 04 Prill 2009 23:49
Qendra e Komunitetit Musliman në Toledo të Ohajos hapi dyert e saj të mërkurën në një zyre afër një restoranti ku u mbajt edhe xhumaja e parë gjatë ditës së sotme.

Qendra e Komunitetit Musliman në Toledo , ka filluar punën e saj me 15 deri në 20 anëtarë.

Tani kjo xhami do të jetë e gjashta që është në shërbim të muslimanëve në zonën e Toledos numër ky që arrin 6000 persona.

[fisniku-student]

Muslimanët në administratën e Obamës?!



Si shenjë e fundit e cila dëshmon organizimin e bashkësisë së muslimanëve amerikan dhe tërheqjen e një numri të madh të aktivistëve është lista prej 45 emrave të muslimanëve më të suksesshëm amerikan që i është dorëzuar Shtëpisë së bardhë me shpresë se do të merret në konsideratë për mijëra vende të zbrazëta të punës në administratën e Obamës.

Muslimanët amerikan kanë përkrahur Barack Obamën gjatë kampanjës së tij presidenciale, ndërsa prijësit e bashkësisë, përfshirë këtu edhe kongresmenin e parë musliman Keith Ellisonin, dëshirojnë të kyçen në disa vende të administratës së re.

"Qëllimi është që në administratën e Obamës të vijnë njerëz të suksesshëm dhe të talentuar nga bashkësia muslimane", deklaroi këshilltari i Allisonit, Rick Juarert.

Pas shmangieve të shumta gjatë kampanjës së tij kur u ngritën zërat se kinse ai është musliman, duke tentuar t'ia rrezikonin kandidaturën e tij, presidenti Barack Obama ka bërë disa hapa pozitiv kundrejt myslimanëve. Ai është bërë presidenti i parë i cili përmendi fjalën 'musliman' gjatë inaugurimit të tij dhe në këtë formë hapi rrugën drejt muslimanëve amerikan, por edhe ata jashtë Amerikës. Nga ai pritet që ta emëroj njërin nga 7 milion muslimanët e Amerikës në një pozitë të rëndësishme në administratën tij.

Prijësit e bashkësisë shpresojnë në ndryshimin e gjendjes, andaj kanë zgjedhur 45 emra në mesin e mijëra të tjerëve.

"Zgjedhjet e kaluara kanë qenë kthesë për bashkësinë muslimane", deklaroi Xhihad Saleh Williams, program koordinator i Unionit të personelit musliman në Kongres (CMS), e cila ndihmoi në hartimin e listës. Bashkësia muslimane duhet të jetë pro aktive, si çdo bashkësi tjetër.

"Listat e emrave zakonisht i dorëzojnë afro-amerikanët, bashkësia hebreje amerikane dhe të tjerët që dëshirojnë të ndihmojnë në ndërtimin e vetëdijes", shpjegon Williams, duke shtuar se personat nga lista janë përzgjedhur dhe se ajo i është dorëzuar përgjegjësve. Kjo është hera e parë që bashkësia muslimane amerikane merr pjesë në procedurë.

"Lista ishte nën llupë", deklaroi Williams, duke shpjeguar se krahas fakteve se listat e tilla janë të zakonshme, organizatorët e dinin se 'shtypi' do të jetë i 'shqetësuar' kështu që listën e dorëzuan dy javë më herët. "Ne menduam se do ta fusim Obamën në një pozitë të palakmueshme. Nuk e kemi ditur sa ai në të vërtetë dëshiron të punoj me bashkësinë muslimanë në Amerikë. Ne dëshirojnë të dëshmojmë patriotizmin tonë. E drejtë e jonë është të tentojmë promovimin e dëshirës tonë për pjesëmarrje në qeveri në të gjitha nivelet", deklaroi Williams.



islambosna.ba

[Florim07]

Muslimanët Shqiptarë organizuan një Konvenjo në Udine të Italisë
Në datat 11-12 prill 2009 në ambientet e fshatit turistik të Lignano Sabbia D'oro në Udine të Italisë u zhvillua një nga takimet më të mëdha të muslimanëve shqiptarë të Italisë.
E enjte, 16 Prill 2009 12:33
Reklam
Takimi në fjalë ishte dy ditor dhe u shoqërua me pjesëmarrjen e një numri të konsiderueshëm emigrantësh muslimanë shqiptarë (afro 100 persona) të ardhur nga shumë qytete të Italisë. Në takim morën pjesë emigrantë nga Shqipëria, Kosova dhe Maqedonia, studentë, individë të moshave të ndryshme, të cilët jetojnë prej disa vitesh në Itali. Takimi i Udines ishte organizuar me dëshirën e mirë për t'iu ofruar emigrantëve shqiptarë të Italisë mundësinë e përjetimit të disa momenteve vëllazërore, bashkimi dhe kujtimi mbi besimin, origjinën dhe historinë e tyre.

Konvenjo e Udines nisi që ditën e shtunë, kur pjesmarrësit që vinin nga të gjitha cepat e Italisë dhe Evropës u sistemuan në dhomat e fshatit turistik të zhytur në gjelbërimin e brigjeve të Adriatikut. Ambjentet në Lignano Sabbia d'oro ishin jashtëzakonisht të këndshme. Fshati turistik ka fare pak metra larg tij detin, i cili i shoqëruar me kohën e ngrohtë e me diell favorizuan qëndrimin duke e bërë atë shumë të këndshëm dhe duke i kujtuar pjesëmarrësit që vinë nga vise më të ftohtë të Italisë, klimën e ngrohtë dhe mesdhetare të Shqipërisë.

Konvenjoja e Udinesë u organizua me nismën e muslimanëve shqiptarë të Italisë të cilët në këto vitet e fundit kanë nisur të organizohen në të gjithë vendin. Konvenjot e muslimanëve shqiptarë tashmë po ndërtojnë një traditë të mirë në Itali. Një vit më parë në Bergamo, u organizua një tjetër takim i madh i muslimanëve shqiptarë të Italisë. Ndërsa pak javë më parë, në Xhaminë shqiptare të Trentos u organizua një koncert masiv për të përkujtuar pavarësinë e Kosovës, në të cilin mori pjesë aktori i mirënjohur Reshat Arbana dhe kengetari imirenjohur musliman Adem Ramadani.
Promotorë të takimeve të muslimanëvë të Italisë janë organizatat lokale të muslimanëve shqiptarë në vend, dhe tashmë edhe federata e mirënjohur e shqiptarëve të Italisë, UAMI (Unione degli Albanesi Mussulmani in Italia) e cila kryesohet nga doktor Alfred Aga. UAMI është një federatë e organizatave muslimane shqiptare të Italisë, qëllimi i të cilës është të bashkojë dhe përfaqësojë muslimanët shqiptarë që ndodhen si emigrantë në Itali dhe të shërbejë si një organizatë nacionale për ruajtjen e identitetit islam dhe kombëtar të shqiptarëve dhe në të njëjtën kohë, për të ndihmuar në intergrimin e komunitetit të madh shqiptar të Italisë në shoqërinë italiane dhe atë evropjane. Vlerat demokratike, liberale dhe progresiste të Italisë janë ato që muslimanët shqiptarë vlerësojnë shumë në Itali. Këto faktorë u theksuan nga drejtuesi i UAMI-t, Dr. Alfredi i cili vuri në pah mundësitë dhe hapësirat e mëdha që i ofrohen shqiptarëve nga shteti italian për praktikimin e fesë Islame, edukimin dhe të drejtat demokratike që gëzohen në Itali.
Të ftuar specialë në konvenjon e Udines ishin edhe hoxhë Sabahudin Jashari nga Shqipëria, doktor Laurent Ibra, avv. Sokol Lamaj, Dr. Asllan Tahiraj intelektualë muslimanë me banim ne Gjermania dhe Olsi Jazexhi nga Firence. Gjatë qëndrimit dy ditor përfaqësuesit e federatës së UAMI-it kishin organizuar një seri leksionesh të cilat u mbajtën nga të ftuarit.
I pari që hapi leksionet e Konvenjos së Udines ishte hoxhë Sabahudin Jashari i cili lekturoi mbi: "Fenë si një elementët dominues në jetën e një besimtari praktikant". Ndër të tjera hoxhë Jashari përmendi se "Kudo që shkon, ngado që ndodhet, muslimani tregon me shembuj nga jeta e tij fetare, jo vetëm për cilësitë morale të muslimanit, por edhe për të ardhmen morale të rinisë, femijëve dhe përçimin dhe mësimin e fesë." Hoxhë Jashari solli shembuj nga jeta e Profetit Muhamed a.s i cili synonte gjithmonë kontaktin me njerëzit për të prezantuar besimin në Zot dhe përcjellë mesazhin universal të Islamit".

Hoxhë Jashari vuri në pah sesi në disa shoqëri, Islami është fenomen i pa njohur dhe i huaj (në të shumtën e rasteve i paragjykuar) dhe theksoi mbi rëndësinë që intelektualët besimtarë kanë për të prezantuar në formën më të civilizuar misionin e lartë hyjnor të fesë së profetit Muhamed.

Intelektualët muslimanë shqiptarë të ardhur nga Gjermania u përqëndruan në aspektet operative të bashkësive dhe organizatave shqiptare në Gjermani duke treguar realitetet e komunitetit shqiptar aty. Ndër të tjera të ftuarit nga Gjermania theksuan se: "Ne duhet të vetëdijësohemi se, ne nuk banojmë në vende të cilat nuk lejonë praktikimin e plotë të fesë sonë, por në vënde të cilat nuk e njohin siç duhet atë, dhe për këtë arsye përgjegjësia e prezantimit të Islamit në mënyrën më të mirë i mbetet në dorë vetë muslimanëve. Për ta bërë një gjë të tillë nevojitet nje organizim i rregullt dhe efikas".

Eksperienca e intelektualëve gjermano - shqiptarë u prit me mjaft interes nga bordi drejtues i UAMI-t të cilet u shprehën se: „Nevoja e organizimit dhe përfaqësimit të denjë të muslimanëve sot, shihet si një përparësi, ndaj, këmbimi i eksperjencave të përbashkëta është një hap përpara drejt suksesit afatgjatë."

Përveç shkëmbimit të eksperiencave të emigrantëve muslimanë shqiptarë në perëndim dhe tregimit të gjëndjes së tyre, në takimin e Udines interesant ishte edhe prezantimi historik i perceptimit nëpërmjet artit të Islamit në Shqipëri i percjellë nga Olsi Jazexhi. Olsi prezantoi një seri filmash të prodhuar në Shqipëri që në kohën e komunizmit (filmi Prefekti, Nëntori i Dytë, Liri a Vdekje) dhe deri kohëve të fundit (Koha e Kometës), nëpërmjet të cilëve tregoi sesi komunistët dhe post-komunistët kanë përdorur industrinë filmike dhe artin në Shqipëri për të poshtëruar islamin dhe treguar këtë fe si një fe të huaj për Shqipërinë, të lidhur sa me Italinë fashiste, Perandorinë Osmane, barbarizmin etj. Portretizimi i Qazim Mulletit si një sundimtar i paditur dhe islamik, apo i bimbashit të Gjirokastrës si një despot islamik, apo edhe i banorëve të Shqipërisë së Mesme si islamikë (në filmin Koha e Kometës) kanë një mision orientalist ne veten e tyre – nëpërmjet të cilës publikut islami i tregohet si feja e hasmit dhe anti-civilizimit – ndërsa krishtërimi apo nacionalizmi shqiptar tregohen si anti-islamikë dhe si pasojë progresistë.

Në leksionet e Udines, në emër të studenteve muslimane shqiptare të Italisë prezantoi edhe Vajada Keçi Manjani e cila shprehu shqetësimin e vajzave muslimane ndaj fenomentit shqetësues të vërejtur vitet e fundit në Shqipëri, i cili ka të bëj me diskriminimin e vajzave me shami. U vu në pah që abuzimet që po bëhen sot në Shqipëri janë një shkelje e rëndë dhe e hapur e te drejtave themelore të njeriut, në emër të laicizmit të shtetit. Ndërsa në Itali, vajzat muslimane me shami gëzojnë të drejta të plota dhe të pakufizuara, në Shqipëri, jeta e gruas muslimane i ngjan gulagëve të kohës së komunizmit.
Shkelja e të drejtave të grave muslimane të cilat në ditët e fundit janë shoqëruar me përjashtimet nga shkollat të vajzave me shami kanë krijuar një gjëndje të rëndë psikologjike për gratë muslimane si në Shqipëri – ashtu edhe jashtë saj – pasi ato ndjehen të përjashtuara nga jeta sociale në Shqipëri dhe jetojnë në kushtet e një aparteidi stalinist. Shqetësimi i vajzave muslimane të Italisë u mbështet edhe nga presidenti i UAMI-t, z. Alfred Aga i cili përpara disa ditësh i nisi një letër kryeministrit të Shqipërisë z. Sali Berisha në emër të federatës së shqiptarëve muslimanë të Italisë.
Konvenjo dyditore e UAMI-t u mbyll në datën 12 prill 2009 në orën 11.00 pm të ditës së djelë, në prezencë të hoxhës Sabahudin Jashari i cili iu përgjigj pyetjeve të shumta të të pranishmëve.

Fjalën mbyllëse të konvenjos e mori nënkryetari i UAMI-t , Doan Dani i cili pasi falenderoi pjesëmarrësit nga të gjithë viset e Italisë dhe të ftuarit nga jashtë për pjesëmarrje e tyre, i ftoi pjesëmarrësit që të jenë prezent në organizimet e UAMI-t edhe në të ardhmen.

Vajada Keçi Manjani