Lajme Nga Bota Islame

[Xhenneta-Morina]

Konferenca për Afganistanin

--------------------------------------------------------------------------------

Përfaqësues nga e gjitha bota do të mblidhen sot në konferencën ndërkombëtare në Hagë, për të mbështetur rindërtimin e Afganistanit.


Konferenca është inicuar nga Organizata e Kombeve të Bashkua, e cila nuk është e kënaqur me arritjet në këtë vend pas rënies së talibanëve nga regjimi në vitin 2001.

Në këtë konferencë do të vihet në sprovë për herë të parë edhe strategjia e re paqësore amerikane për Afganistanin, e cila synon që sa më shpejt ta zgjidhë problemin në këtë vend.

Në konferencën e sotme marrin pjesë rreth 90 shtete dhe organizata ndërkombëtare që janë angazhuar në Afganistan./REL/

Marr nga: forum-islamik.com

[Xhenneta-Morina]

Qindra migrantë mbyten në brigjet e Libisë

--------------------------------------------------------------------------------

IOM: "Numri i të mbyturve dhe atyre që kanë vdekur gjatë udhëtimit mund të shkojë deri në 500".


Organizata Ndërkombëtare për Migrim, IOM, thotë se mbi 300 persona mund të jenë mbytur kur disa motobarka të tejmbushura me migrantë pësuan probleme në det të trazuar, pranë brigjeve të Libisë.

Nuk ka ende njoftime të sakta për aksidentin, por mendohet se të paktën një deri në tre mjete lundrimi janë përmbysur nga era e fortë. Ata kishin në bord migrantë që përpiqeshin të kalonin ilegalisht në Europë për të gjetur punë.

Sipas disa njoftimeve, uji ka nxjerrë në breg disa trupa dhe mendohet se disa nga personat në bordin e mjeteve lundruese kanë shpëtuar e kanë mbërritur në Itali, por fati i shumë të tjerëve ende nuk dihet.

Organizata Ndërkombëtare për Migrim ka marrë njoftime se gjatë dy ditëve të fundit nga Libia janë nisur disa motobarka me migrantë.

Zyrtarët e IOM-it shprehin shqetësimin se numri i të mbyturve dhe atyre që kanë vdekur gjatë udhëtimit mund të shkojë deri në 500. /bbc/

Marr nga: forum-islamik.com

[Xhenneta-Morina]

Përfundoi takimi në Doha, mbështetje për al-Bashirin

--------------------------------------------------------------------------------

Përfundoi takimi në Doha me mbështetjen e al-Bashirit dhe pajtimit mes Arabisë Saudite dhe Libisë



Të hënën natën në kryeqytetin e Katarit-Doha përfundoi Samiti i 21-të i Ligës Arabe me Deklaratën e solidaritetit nga mbretërit dhe kryetarët e këtyre vendeve për presidentin sudanez Omar Hassan al-Bashir, duke kundërshtuar urdhër arrestin e lëshuar ndaj tij nga Gjykata Penale Ndërkombëtar, dhe deklaratës së përbashkët për të mbështetur përpjekjet e pajtimit ndër arab dhe një angazhimi për solidaritet dhe veprime të përbashkëta.

Presidenti sudanez gjatë fjalimit të tij në seancën përfundimtare falënderoi udhëheqësit arab për këtë qëndrim të fortë ndaj Sudanit dhe refuzimin e rezolutave të pa drejta që kanë për qëllim cenimin e integritetit të vendit të tij.

Deklarata e lexuar nga Sekretari i Përgjithshëm i Lidhjes së Shteteve Arabe Amr Musa, e quajtur Deklarata e Dohas, kërkoi mbështetjen arabe për popullin e qëndrueshëm palestinez ndaj okupimit Izraelit duke dënuar agresionin e fundit mbi Ripin e Gazës, dhe i bëri thirrje Tel Avivit për të mbajtur përgjegjësi ligjore dhe materiale për krimet e kryera kundër palestinezëve.

Punimet e takimit në Doha janë shkurtuar vetëm në një ditë, edhe pse ishte në plan të vazhdojnënë deri të martën, dhe njoftohet se samiti i ardhshëm do të mbahet në Republikën e Libisë pasi që Iraku paraqiti kërkesën e tij për të shtyrë deri në 2011 mikpritjen e samitit në vendin e vet për "më shumë përgatitjet logjistike", siq tha kryeministri Nuri al-Maliki. /al jazeera/

Marr nga: forum-islamik.com

[Xhenneta-Morina]

Shimon Peres: Qeveria e re të negociojë me palestinezët

--------------------------------------------------------------------------------

Peres, ka deklaruar se qeveria e re izraelite në krye me Benjamin Netanjahun do të fillojë menjëherë negociatat me palestinezët.

Presidenti izraelit, Shimon Peres, ka deklaruar gjatë vizitës në Çeki se qeveria e re izraelite në krye me Benjamin Netanjahun do të fillojë menjëherë negociatat me palestinezët dhe me vendet fqinje dhe se gjatë këtij vitit mund të priten hapa të rëndësishëm drejt paqes.

Peres, pritet që sot ta emërojë qeverinë e re izraelite, e cila do të duhet të gjejë mënyrat për tejkalimin e krizës globale ekonomike, dhe të angazhohet për ndaljen e dhunës.

Marr nga: forum-islamik.com

[Xhenneta-Morina]

Britania nis terheqjen nga Iraku

--------------------------------------------------------------------------------

Britania e Madhe nisi sot terheqjen e trupave te saj nga Iraku.
Kontigjenti britanik ne qytetin Basra do t'ua dorezoje bazen ushtarake trupave amerikane, qe do te vazhdojne te trainojne policine irakiane ne qytetin jugor.

Komandanti britanik ne bazen ushtarake ne Basra, Andy Salmon, e ka cilesuar perfundimin e misionit ne kete qytet shume te rendesishem.

Shumica e 4 mije trupave britanike do te largohen nga Iraku brenda 31 majit, ndersa 400 te tjere do te qendrojne pas kesaj date per trainimin e marines irakiane.

Marr nga: forum-islamik.com

[Xhenneta-Morina]

Clinton: Paqe me talebanet, qe braktisen dhunen

--------------------------------------------------------------------------------

Sekretarja amerikane e Shtetit, Hillary Clinton beri thirrje qe vendet pjesemarrese ne konferencen e Hages te ndihmojne per arritjen e paqes dhe rindertimin e Afganistanit.

Ajo e lidhi progresin ne kete vend me luften kunder ekstremizmit ne Pakistan, duke rikujtuar deklaraten e Obames per qendrim te perbashket ndaj rajonit.

"Kemi te njejtat kercenime dhe objektiva ne Afganistan dhe Pakistan”, tha Clinton. Por ajo tha se u duhet ofruar ripajtim pjesetareve te Al Kaedes dhe talebaneve, qe kane braktisur dhunen.

Marr nga: forum-islamik.com

[Xhenneta-Morina]

Çështja e Palestinës pas Luftës së Dytë Botërore 1948-2008

--------------------------------------------------------------------------------

Për shkak të problemit palestinez, qysh prej ca dekadash, zona e Lindjes së Mesme është zona më e nxehtë e rruzullit tokësor.

Shkruan: Ajni Sinani

Vendosja e mandatit britanik mbi Palestinën dhe fillimi i shpërnguljes së çifutëve për të themeluar shtetin e tyre nacional në të, duke bërë thirrje për Izraelin biblik, ka pasur si pasojë themelimin e Izraelit dhe, më pas, edhe zhvillimin e disa luftërave mes Izraelit dhe disa vendeve arabe, përfundimi i të cilave ka qenë katastrofal për popullin palestinez.

Për shkak të problemit palestinez, qysh prej ca dekadash, zona e Lindjes së Mesme është zona më e nxehtë e rruzullit tokësor.

Gjatë këtyre gjashtë dekadave, që nga themelimi i Izraelit, ka pasur një heshtje nga faktori ndërkombëtar dhe nuk ka pasur ndonjë ndërmarrje serioze për gjetjen e zgjidhjes të këtij problemi. Rezolutat e aprovuara nga KS nuk janë përfillur dhe janë refuzuar nga Izraeli.

Kohëve të fundit shohim iniciativa për gjetjen e një zgjidhjeje të këtij problemi. Madje gjithnjë e më shumë po rritet bindja se kështu nuk mund të vazhdohet më. Megjithatë çështja e Palestinës mbetet e hapur.

Lexuesit shqiptarë nuk kanë të dhëna të mjaftueshme për sa i përket problemit të Palestinës. Një studim, si ky, ka qenë i nevojshëm në gjuhën shqipe, pasi deri tani nuk kemi pasur asnjë studim, e as ndonjë vështrim sistematik, për çështjen e Palestinës.

Ndërkohë që autorë të shumtë nga vende të ndryshme janë marrë me këtë temë, tek ne nuk ka ndodhur një gjë e tillë. Madje edhe nëse është shkruar diçka rreth kësaj teme, më shumë ka qenë në suaza të punimeve gazetareske se sa një punim apo një studim i mirëfilltë.

Hulumtimet tona në këtë drejtim i kemi orientuar dhe kufizuar në një periudhë të caktuar që përfshijnë gjashtë dekada. Në këtë punim jam përpjekur të bëj një studim shkencor rreth çështjes palestineze, në rrafshin historik dhe politik. Kjo, ngase vetë çështja është e lidhur me këto dy elemente.

Në punim kam ndjekur metodologjinë përshkruese analitike, duke bërë përshkrimin e fakteve dhe analizimin e tyre. Meqenëse literatura në gjuhën shqipe nuk është e mjaftueshme, kam përdorur literaturë në gjuhën arabe, angleze dhe boshnjake, dhe në një masë të konsiderueshme edhe nga interneti.

.....


Palestina është një territor i vogël arab që ka pozitë strategjike jashtëzakonisht të rëndësishme në rrugët botërore, detare, ajrore dhe tokësore. Ajo gjendet në afërsi direkte me Kanalin e Suezit.

Palestina nën qeverinë osmane ishte një pjesë integrale e Sirisë, ndërsa sanxhaku i Jerusalemit, për shkak të problemeve dhe rëndësisë së tij të veçantë, udhëhiqej nga një mytesarif që lidhej drejtpërsëdrejti me Stambollin.

Palestina ka filluar të trajtohet si problem ndërkombëtar me fillimin e copëtimit të Perandorisë Osmane dhe si rezultat i kërkesave të izraelitëve për të jetuar në një shtet, për shkak të shtypjeve dhe torturave të shumta që të krishterët e Evropës kishin ushtruar ndaj tyre, të cilat e arritën kulmin e tyre me gjenocidin hitlerian.

Gjatë Luftës së Parë Botërore 1914 -1918, Anglia e pushtoi këtë vend. Arabët në Luftën e Parë Botërore luftuan kundër Perandorisë Osmane dhe iu bashkuan fuqive aleate. Megjithatë ata nuk e fituan pavarësinë e premtuar nga ana e Britanisë dhe ranë nën okupimin e drejtpërdrejtë evropian në emër të Sistemit të Mandatarëve.

Britania e Madhe filloi t'u japë premtime diametralisht të kundërta arabëve dhe çifutëve mbi të ardhmen e Palestinës. Në atë kohë janë hartuar dy letra. Në njërën, komisari i lartë për Egjiptin, sër Henri Mak Maon, në emër të qeverisë britanike, i premtoi sherifit të Mekës, Husejnit, figurës më të njohur politike arabe në atë kohë, se pas luftës Palestina do të bëhet shtet i pavarur arab.

Ndërkaq, në letrën tjetër, ministri britanik i punëve të jashtme, Arthur James Balfour, përsëri në emër të qeverisë britanike i premtoi Lordit Rothschild, një prej përfaqësuesve kryesorë të çifutëve të botës, se pas luftës Palestina do të "bëhej" një vatër kombëtare e popullit çifut.

Konflikti palestinezo-izraelit arriti kulmin me formimin e Izraelit dhe me humbjen e Palestinës. Krijimi i shtetit hebraik me forcën e armëve në vitin 1948 shkaktoi luftëra të shumta në Lindjen e Mesme.

Arabët nuk deshën ta pranonin Izraelin, sepse për ta shteti çifut ishte i huaj dhe i imponuar në tokën e tyre. Ai ishte krijuar për të vënë në vend dhe për të kompensuar vuajtjet e çifutëve, të cilat nuk i kishin shkaktuar popujt arabë.

Arabët nuk kishin pasur ndonjëherë probleme me çifutët derisa u themelua shteti i Izraelit. Këtë e pranon edhe Samuel Huntingtoni, i cili thotë se në Lindjen e Mesme konflikti ndërmjet arabëve dhe çifutëve në Palestinë ka nisur me themelimin e atdheut çifut.

Në botën muslimane hebrenjtë nuk kanë pësuar kurrfarë dhune, sikurse ushtroi mbi ta Evropa e krishterë ndër shekuj, duke përfshirë edhe holokaustin e shek. të XX-të. Palestinezët muslimanë dhe të krishterë bashkëjetonin paqësisht me pakicën hebraike.

Por me themelimin e shtetit të Izraelit, shumica e popullsisë palestineze u detyrua të largohet nga shtëpitë dhe tokat e saj. Ata që mbetën u detyruan të jetojnë si qytetarë të kategorisë së dytë në tokën e tyre.

Konflikti në Lindjen e Mesme është shndërruar në vatrën e krizës më të gjatë në botë dhe me kalimin e kohës ka marrë gjithnjë e më shumë dimensione të rrezikshme kryesisht nën influencën e politikës ekspansioniste izraelite.

Marr nga: forum-islamik.com

[Xhenneta-Morina]

Llojllojshmëria islame në Korenë Jugore

--------------------------------------------------------------------------------



Sa herë që Hasib Ahmed Han hynë në xhaminë e vogël në qytetin e tij jugokorean, mahnitet me akcentet, ngjyrat dhe nacionalitetet e llojllojshme që e rrethojnë."Këtu vijnë koreanët, indonezianët, malaziasit dhe uzbekistanezët, këtu mund të gjesh edhe njerëz nga Amerika, këtu jetojnë njerëz nga 12-14 vende", thotë Hasibi, banor i qytezës bregdetare Busanë, vend me shumicë budiste, ku bashkësia muslimane njihet me llojllojshmërinë e pasur racore dhe etnike. Bashkësia përfshin edhe koreanët vendës, të cilët gjatë luftës koreane u konvertuan në fenë islame. Këtu, gjithashtu, janë edhe dhjetëra mijëra punëtor të huaj dhe emigrant nga Azia jugore dhe lindore, dhe nga mbarë bota.Hasibi është biznesmen me origjinë pakistaneze. Ka 10 vite që jeton në Korenë jugore. Ai thotë se bashkësia muslimane në qytetin e tij është në rritje. Muslimanët, shton ai, përpiqen të hapin shkollën islame për fëmijët e tyre. "Jemi duke u përpjekur të hapim një shkollë të vogël në Busanë, dëshira e qifteve bashkëshortore është që fëmijëve të tyre t'ju ofrojnë edukim islam".Sipas Federatës muslimane koreane (KMF), e themeluar në vitin 1967, në Korenë jugore jetojnë 120.000 - 130.000 musliman, vendas dhe të huaj. Shumicën e popullatës e përbëjnë emigrantët nga Pakistani dhe Bangladeshi. Numri i muslimanëve vendës thuhet të jetë 45.000."Ajo që gjithnjë afron llojllojshmërinë e bashkësisë muslimane në Korenë jugore është xhamia", thotë Hasibi. Ai kujton kohën kur kishte ardhur në Korenë jugore. "Para dhjetë viteve nuk kishte shumë xhamia. Sot, në Kore kemi një numër të madh të xhamive, dhe ato gjinden në vende të ndryshme", thotë ai ".Xhamia më e madhe është Xhamia qendrore në kryeqytetin korean, Seul. "Në kryeqytet kemi më shumë se 10 xhami si Gwangju, Busan, Daegu...", thotë Hasibi.Sipas tij xhamitë nuk janë vetëm vend për lutje. "Namazi i xhumasë ditën e premte i bashkon njerëzit. Pas namazit ata takohen për ta bërë një bashkësi sa më të mirë... bisedojnë, dëgjojnë njëri tjetrin... p.sh. nëse dikush është i sëmurë, ata organizohen që ta vizitojnë në spital, apo nëse dikujt i nevojitet ndihma, organizohen ta ndihmojnë".Xhamia, gjithashtu, ndihmon të interesuarit të mësojnë më shumë për islamin. Hasibi thotë se xhamitë ofrojnë shërbime dhe ndihma, përfshirë libra dhe audio materiale për ata që dëshirojnë të dinë më tepër për islamin dhe shton: "Ato gjëra ata mund t'i marrin falas".

Marr nga: forum-islamik.com

[Xhenneta-Morina]

Njujorkezët bojkotojnë Motorolën për Palestinën

--------------------------------------------------------------------------------

Të zemëruar nga përkrahja e kompanisë së madhe të programeve ndaj aparteidit Izraelit ndaj Palestinezëve, njujorkezët do të dalin në rrugët e qytetit për të kërkuar bojkotimin e Motorolës.
"Ne duam të rrisim ndërgjegjësimin në lidhje me bashkëpunimin e Motorolës me Izraelin dhe dëshirojmë të nxisim një bojkotim masiv ndaj kompanisë në mënyrë që të vendosim presion në të derisa të i ndalon lidhjet me Izraelin."

Me moton "Lamtumirë Moto!Lamtumirë Aparteid" protestuesit do të marshojnë para zyrave të Motorolës në Bruklin.

E vendosur në Ilinois, Motorola është kompani e njohur botërore e programeve dhe telekomunikimit.

Prodhon pajisje telefonike dhe infrastrukturë të ndryshme telekomunikuese.

Organizuesit akuzojnë Motorolën për furnizimin me pajisje që përdoren për të shtypur Palestinezët.

Gjithashtu kamerat mbikëqyrëse të kësaj kompanie Amerikane janë vendosur edhe në kolonitë Izraelite dhe në murin ndarës që Izraeli ka ndërtuar në Bregun Perëndimor për të mbikëqyrur lëvizjet e Palestinezëve atje.

Përveç kësaj Motorola ndihmon edhe në prodhimin e armëve që Izraeli ka përdorur gjatë luftës së 2006-ës në Liban dhe pastaj në Gaza në fillim të 2009-ës lufta këto që lanë përmbi 2000 persona të vdekur.

Marr nga: islamonline.net

[Xhenneta-Morina]

Burrel, përjashtohet nga shkolla 17 vjeçaria me shami

--------------------------------------------------------------------------------

Një 17 vjeçare nga Burreli është përjashtuar nga shkolla për shkak se mbante shami.

Florida Kola është nxënëse në vitin e tretë të shkollës së mesme "Pjetër Budi" në Burrel, ajo është një besimtare e devotshme e besimit islam prej 8 vitesh. Historia e kësaj besimtareje që mban shami në kokë siç e do feja islame nuk mbaron këtu. Ajo studion në një shkollë laike çka ka hasur në kundërshti të plotë për shkak të veshjes që Florida ka vendosur të mbajë. Prezenca e saj me kokë të mbuluar në ambientet e kësaj shkolle i ka kushtuar, pasi drejtuesit e shkollës i kanë kërkuar që të kthehet në shtëpi me shpjegimin se shkolla është laike dhe nuk mund te pranohen veshje me simbole fetare.

"Kur shkova në shkollë, më përjashtuan për shkak të shamisë që unë mbaj, kjo gjë më bëri të ndjehem shumë keq. Shaminë e kam vendos me dëshirën time, por unë dua që të shkoj edhe në shkollë"- është shprehur Florida.

Pasi është kthyer në shtëpi vajza i ka treguar prindërve për situatën e krijuar jashtë vullnetit të saj. Daja i vajzës Flamur Lleshi ka kërkuar takim me Drejtorinë Arsimore, nga ku ka marrë sqarimin se arsimi parauniversitarë publik ka karakter laik dhe se ndalohet indoktrinimi ideologjik fetarë.

Praktikat që Florida predikon nga mësimet e islamit, duket se do të ketë kosto të lartë të së ardhmes së saj. Daja i Floridës lidhur me këtë ngjarje është drejtuar deri në Prokurorinë e rrethit. Historia e 17 vjeçares nuk është i vetmi rast që femrat që praktikojnë rregullat e fesë islame të mos lejohen të ndjekin studimet në shkollat laike duke i hequr atyre të drejtën e arsimimit.

Marr nga: forum-islamik.com