Lajme Nga Bota Islame

[Xhenneta-Morina]

Me edukatë fetare kundër dhunës e kriminalitetit

--------------------------------------------------------------------------------

Partia e Drejtësisë është e brengosur për mungesën e kujdesit të institucioneve për vlerat e moralit në shoqërinë tonë.

Partia e Drejtësisë është e brengosur për "mungesën e kujdesit të institucioneve relevante të Kosovës për vlerat e moralit në shoqërinë tonë".

Kështu u deklarua anëtari i Kryesisë së PD-së Prof. Dr. Feti Mehdiu në konferencën për media që u mbajt të dielën në zyrat e kësaj partie. Përpara medieve u prononcua edhe Mr. sci. Amir Ahmeti, nënkryetar për marrëdhënie me jashtë, i cili foli rreth aktiviteteve të Partisë së Drejtësisë për lobimin në vendet islame.

Sektori për arsim dhe edukim i PD-së përshëndet miratimin e vendimit të Kuvendit Komunal të Prishtinës për të mbrojtur të miturit nga alkooli me propozim të Partisë së Drejtësisë. Këtë e konsideron një hap shumë të vogël por me peshë shumë të madhe drejt vetëdijesimit të strukturave qeveritare, fillimisht komunale e më vonë shpresojmë se këtë hap do ta ndjekin edhe institucione tjera të Kosovës, lokale dhe qendrore, sepse kjo është në funksion të ngritjes së një shoqërie të shëndoshë.

Sektori për Arsim dhe Edukim i PD, mendon se pa rikthimin e edukimit fetar në sistemin shkollor publik në Kosovë, pak ka gjasa të evitohen dukuritë negative në hapësirën tonë.

Për këtë qëllim PD beson se Kosova ka potencial profesional dhe kadrovik kjo çështje të mos zvarritet mëtej. Instancat kompetente të Republikës së Kosovës duhet të analizojnë seriozisht trendet negative që e shpijnë popullin e Kosovës në humnerë, për çdo ditë e më tepër me lloj-lloj krimesh, vrasje, grabitje, vetëvrasje, mospërfillje të vlerave njerëzore, etj., dhe t'i qaset shumë seriozisht përgatitjes së akteve normative për të realizuar Edukimin fetarë në shkollat publike sipas modelit të disa vendeve evropiane, në përputhje me nevojat dhe kushtet e Kosovës.

Për këtë qëllim PD, nuk do të kursejë të vejë në shërbim tërë potencialin e vet profesional në bashkëpunim edhe me simotrat e sajë që në Kosovë të rriten breza me edukim dhe arsim cilësor në mënyrë që, fillimisht, ta zvogëlojë e më pas ta heqim krejtësisht kronikën e zezë nga mediat e shkruara të Kosovës, ku për çdo ditë na i qorrojnë sytë rastet drastike: vrau vëllain dhe e shpalli vetëvrasje, sulmoi babën dhe i shkaktoi plagë, dhunoi motrën, të bijën... plaçkiti dhe e vrau... e kidnapuan fajdrexhinjët... u prangos për shkak të dhunimit të të miturës... etj., veprime të ngjashme që janë katërçipërisht në kundërshtim me tëra vlerat njerëzore. Vetë me një edukim e arsimim të mirëfilltë në bashkëpunim me tërë faktorët relevantë Kosova mund të ruaj vlerat tradicionale dhe t i pasurojë me vlera të reja në përputhshmëri me zhvillimin bashkëkohorë duke iu shmangur anti vlerave që i afrohen për qëllime të përfitimit afatshkurtër por me pasoja afatgjata, siç janë spektaklet zbavitëse, serialet televizive, programet trishtuese për fëmijët, e deri te mashtrimet më të ulëta përmes yjeve dhe lojërave të fatit. Kështu kultivohet brez parazitë ose agresivë që ndërmerr aksione avanturiste.

Ne jemi të bindur se vetëm me arsimim, nëse nuk është edhe edukimi bashkë me të, dhe ky të jetë edukim që u hap fëmijëve tanë një vizion moral të qartë e të shëndosh pa iluzione, nuk mund të arrihet sukses për ta luftuar as korrupsionin as amoralitetin as kusarinë e dhunën, pre e të cilës është sot i tërë opinioni i Kosovës, drejtpërdrejt apo tërthorazi.

Për këtë model kemi shumë vende me demokraci të zhvilluar në shkallë të lartë, të cilit e kanë ndihmuar Kosovën dhe vazhdojnë ta ndihmojnë në rrugën e ndërtimit të shtetësisë. Nuk mund të ndërtohet shtet stabil nëse nuk kemi struktura të edukuar dhe të arsimuar në frymën e respektimit të normave morale në shoqëri. Nuk mund ë ketë shtet stabil nëse, sado raste të vetmuara, në veprime të paligjshme gjenden ata që duhet të mbrojnë ligjin, në kriminalitet gjenden ata që duhet të luftojnë krimin.

Për ta bërë realitet edukimin fetarë në sistem shkollor në Kosovë, Partia e Drejtësisë ka projekt idenë më të arsyeshme të konceptuar në tri faza: 1. përgatitja e skeletit ideor, 2. Parallogaria e potencialit kadrovik dhe 3. parallogaria e kushtetutshmërisë për realizmin e kësaj forme të edukimit.

Kjo do të arrihet, besojmë ne, kur shoqëria Kosovare të bëhet e fortë dhe të ngadhënjejë mbi oreksin dhe egoizmin personal. Të mësohet, në masë të nevojshme, të dojë një lloj, atë që do për vete, edhe për të tjerët. Shkallë e tillë e vetëdijes nuk mund të arrihet kështu si veprohet tash në sistemin tonë shkollor.

Vendet e rajonit pas shembjes së sistemit komunist e kanë rikthyer arsimimin fetar në shkollat publike, përveç Kosovës dhe Shqipërisë, të cilat mbeten vendet e vetme të rajonit që nuk e praktikojnë mësim besimin në shkolla.

Në Evropë kjo praktikë ka filluar të zbatohet qysh herët. Në Austri, nga viti 1945 edukimi fetar është i obligueshëm në të gjitha shkollat, 2 orë në javë. Në Gjermani gjithashtu është i detyrueshëm. Në Itali ka qenë i detyrueshëm kurse tash, me kërkesë të veçantë që i bëhet shkollës përkatëse, mbetet fakultativ. Belgjika po ashtu edukimin fetarë e ka lëndë të obligueshme. Këtu, madje organizohet dhe për fëmijët e përkatësisë islame, aty ku plotësohen kushtet e parapara sipas sistemit shkollor të vendit. Edhe në Zvicër, në Francë e gjetiu veprohet ngjashëm.

Marr nga: Mesazhi.com

[Xhenneta-Morina]

Princi William deshiron te shkoje ne Afganistan

--------------------------------------------------------------------------------

Princi William, djali i pare i princit Carls dhe Lady Diana, deshiron te shkoje ne Afganistan si ushtarak dhe te pilotoje helikopteret.

Lajmin e ben te ditur tabloidi britanik “News of the World”, qe iu referohet burimeve prane familjes mbreterore.

Qe prej janarit William po stervitet me graden e oficerit ne nje njesi shpetimi te RAF, aviacioni britanik.

Nderkohe, vellai i tij i vogel, princi Harry e ka kryer nje mision prej 77 ditesh ne Afganistan, i konsideruar si vendi me i rrezikshem.

Marr nga: forum-islamik.com

[Xhenneta-Morina]

SHBA, Lumi i Kuq përmbyt Fargon

--------------------------------------------------------------------------------

Banorët e qytetit më të madh të North Dakota-s në Shtetet e Bashkuara të Amerikës, Fargo, janë përballur me përmbytjen më të madhe të ujërave të Lumit të Kuq, i cili ka arritur nivele rekord, si pasojë e shirave e reshjeve të dendura të dëborës përgjatë stinës së dimrit. Me mijëra banorë të qytetit në shtetin verior kanë braktisur shtëpitë e tyre për t’i shpëtuar vërshimit të ujrave, të cilat kanë arritur lartësinë e 12.2 metrave, më e madhja kjo që prej 112 vjetësh.

Sekretari për Bujqësinë në Shtetet e Bashkuara, Tom Vilsak, e quajti këtë një katastrofë natyrore, një tragjedi të vërtetë, e ndër më të rëndat që mund të godasin vendin. Shërbimet e emergjencës ju kanë ardhur menjëherë në ndihmë banorëve për t’i evakuuar nga vendngjarja.

Lumi i Kuq rrjedh nga veriu dhe juglindja e Dakotës së Veriut për t'u derdhur në liqenin Winnipeg në Kanada. Ai është lehtësisht i prekshëm nga vërshime të tilla për arsye të ngrirjes së shpeshtë kur kalon në Kanada, duke e shtyrë kështu ujin përtej brigjeve të tij të ulët në sipërfaqen e rrafshët të tokës.

Deri tani janë evakuar të paktën 100 shtëpi pranë digës së lumit dhe qindra të tjera në zonën e përfshirë nga vërshimi i ujërave.

Marr nga: forum-islamik.com

[Archicad]

Udhëheqësi i kishës anglikane: Ju falemnderit, muslimanë britanikë!





28 MARS 2009


– Kryepeshkopi Rowan Williams ka bërë autoritet si një lider perëndimor i krishterë dhe i ka falenderuar muslimanët britanikë për shkak të kthimit të religjionit dhe të etikës në jetën publike .

Mendoj se islami ka dhënë kontribut të rëndësishëm për shqyrtimin e religjionit në jetën publike, ka thënë Williams për agjencionin Muslim News.

Nëntorin e kaluar, shefi i seksionit për kontakte ndërfetare i Vatikanit, kardinali Jean-Louis Tauran i ka falenderuar muslimanët për kthim të religjionit në jetën publike në Europë.
Williams i ka kritikuar liderët perëndimorë të krishterë që nuk kanë pasur sukses në të distancuarit e bashkësive të tyre nga ndikimi i materializmit dominues dhe shkatërrues.

Kryepeshkpi ka bërë thirrje në forcimin e bashkëpunimit ndërmjet muslimanëve dhe të krishterëve me qëllimin e dhënies së shërbimeve më të mira për të mirën e tërë shoqërisë.

Kryepeshkopi poashtu ka vënë në pah rëndësinë e madhe të shkollave fetare në forcimin e dialogut ndërfetar dhe të harmonisë në shoqëri.

Nëse do të mbanim religjionin në institutet tona edukative, mendoj se do të arrinim shumë, ka theksuar ai.


IslamBosna.ba

[Xhenneta-Morina]

Pacolli lobon për njohjen në Konferencën e Ligës Arabe

--------------------------------------------------------------------------------

Kryetari i AKR-ës merr pjesë në cilësinë e vëzhguesit në Konferencën e Ligës Arabe që fillon sot në Katar.


Kryetari i Aleancës Kosova e Re, Behxhet Pacolli, merr pjesë, në cilësinë e vëzhguesit, në Konferencën e Ligës Arabe që fillon sot në Katar. Ai është takuar me sekretari i përgjithshëm i Ligës Arabe, Amër Musa, u njoftua në një konferencë për media të AKR-së.

Zëdhënësi i kësaj partie, Arbër Geci, bëri të ditur se Pacolli në konferencën e Ligës Arabe është takuar edhe me përfaqësues të Sirisë, Egjiptit, Libisë, Bahreinit dhe Sudanit dhe shtoi se ai e ka njoftuar Sekretarin e përgjithshëm të Ligës Arabe, Amër Musa për rëndësinë e që kanë njohjet e reja për Kosovën.

"Gjatë këtij takimi Pacolli ka marrë garanci nga sekretari i përgjithshëm i Ligës Arabe, Amar Musa se ai do të bisedojë, një nga një, me të gjitha vendet e Ligës Arabe për t'iu dhënë atyre informacionet e nevojshme, argumentet e nevojshme që Kosova të njihet sa më shpejt nga vendet e Ligës Arabe dhe nevojën që e ka shteti i Kosovës të njihet nga këto vende", ka thënë Geci.

Pacolli po ashtu, sipas zëdhënësit të AKR-së, ka kërkuar nga Amër Musa që të vlerësojë faktet dhe t'i shmanget ndikimit të propagandës serbe.

Ndryshe, në këtë takim me gazetarë është bërë e ditur se me 13 dhe 14 prill Pacolli do të organizojë dhe financojë në Uashington konferencën "Kompletimi i misionit amerikan në Ballkan", në të cilën do të marrin pjesë zyrtarë të qeverisë amerikane dhe të vendeve nga Ballkani Perëndimor.
Nga Kosova është ftuar të marrë pjesë zëvendëskryeministri i Kosovës, Hajredin Kuçi.

Marr nga: Mesazhi.com

[Xhenneta-Morina]

Ushtari amerikan fajtor për vrasjen e 4 irakianëve

--------------------------------------------------------------------------------

Gjykata e ushtrisë së SHBA-ve në Gjermani e shpalli fajtor një ushtar amerikan për vrasjen e katër irakianëve në vitin 2007.

Rreshteri Joseph P. Mayo u akuzua për vrasje të paramenduar dhe komplot për të kryer vrasje të paramenduar. Ai është një nga tre nënoficerët, të cilët akuzohen për vrasjen.

Sipas raporteve të mediave, ushtarët amerikanë i vranë katër të burgosurit irakianë me pistoletë në kokë pas sulmeve ndaj një patrulle amerikane, ku humbën jetën dy trupa.

Mayo mund të dënohet me burgim të përjetshëm.

Marr nga: forum-islamik.com

[Xhenneta-Morina]

Mossadi për vrasjen e Erdoganit

--------------------------------------------------------------------------------

Mossadi kishte përgatitur një njësit special prej 10 anëtarësh për vrasjen e Tajjip Erdoganit



Mediat turke njoftuan se në një kompjuter personal të një prej anëtarëve të organizatës së fshehtë terroriste "Ergenekon" është gjetur një skemë e Mossad-it, shërbimit sekret të Izraelit, për vrasjen e Kryeministrit Turk, Rexhep Tajip Erdogan.

Sipas raporteve nga mediat, shefi i Mossad-it, Meir Dagan, në vitin 2004 kishte përgatitur një njësit special prej 10 anëtarësh për vrasjen e Tajjip Erdoganit, të cilin e kishte vlerësuar si "Terrorist Islamik". Për këtë aksion ai kishte pritur "dritën e gjelbër" nga një person në Turqi me nofkën "zotëri Dogu", e që besohet se ky person është kryetari i partisë komuniste turke, Dogu Perincek, i cili tani gjendet nën arrest dhe po gjykohet në rastin "Ergenekon".

Policia turke deri më tani ka arrestuar disa dhjetëra ish ushtarak të lartë, gazetarë dhe të tjerë të lidhur me organizatën terroriste "Ergenekon" e cila kishte planifikuar grushtet ushtarak për rrëzimin e qeverisë aktuale. Në aksionet e policisë janë gjetur shume depo armësh dhe plane të ndryshme për aksione terroriste. /dunyabulteni.net/

Marr nga: forum-islamik.com

[Xhenneta-Morina]

Gjermanët nuk do të luftojnë në Hindukush

--------------------------------------------------------------------------------



Gjermanët nuk do të luftojnë në Hindukush


Në një deklaratë qeveritare në prag të samitit të NATO-s, kancelarja gjermane Angela Merkel u shpreh për një orientim të ri të saj. Kjo është edhe nga temat e shtypit të sotëm gjerman.

Merkel tha në parlament, se në plan të parë duhet të vijë prevencioni. Aleanca duhet të forcojë bashkëpunimin me OKB-në. Në çështjet e sigurisë duhet bashkëpunuar më fort me Rusinë. NATO-ja do të përkujtojë më 3 dhe 4 prill në Baden-Baden dhe Strasburg, 60 vjetorin e krijimit.



Kjo është edhe nga temat e shtypit të sotëm gjerman:



Gazeta Landeszeitung (Lüneburg) shkruan:



Përgjigjet e kancelares në lidhje me atë që duhet të bëjë Nato në rast, se dështon prevencioni dhe në rast se duhet luftuar, mbeten çuditërisht pa pikë subtance. E vetmja gjë, që i bie në mend kancelares në lidhje me Afganistanin është, që gjermanët nuk do të luftojnë në Hindukush. Këtë gjë ajo e quan me të drejtë provë zjarri. Ai që sillet në mënyrë të tillë refuzuese nuk ka pse çuditet në rast se SHBA, nuk e konsultojnë kur është fjala për ndryshimin e strategjisë. Vetëm ai që mban përgjegjësi ka të drejtë të flasë. I çuditshëm është refuzimi i Merkelit ndaj një Nato-je globale. Në një botë në të cilën përhapja e armëve atomike po bëhet gjithnjë e më e vështirë për t'u ndaluar, në një botë ku "terroristët islamistë ëndërrojnë për një xhihad global", ku kriza financiare destabilizon shtetet dhe mund t`i bëjë ato që të dështojnë, në një botë kur kërcënojnë luftra për ujin, territore dhe naftë Aleanca më e fuqishme e botës, nuk mund të bëjë sehir duarkryq.



Märkische Allgemeine vëren:



Nato-ja ndodhet tani në Afganistan përpara provës së saj më të vështirë. Sipas fjalëve të Angela Merkelit, kjo provë e vështirë lidhet me faktin, që detyra e Nato-s nuk është përcaktuar qartë sa duhet. Me datën 3 dhe 4 prill Aleanca feston 60 vjetorin si dhe pjesëmarrjen sërish të Francës në drejtimin e Aleancës, pas 43 vjetësh. E gjitha kjo nuk e zgjidh problemin aktual të Nato-s, që ajo në thelb është një Aleancë ushtarake dhe jo një polici botërore. Prej kësaj duhet që partnerët e Nato-s të përcaktojnë kufijtë e detyrave themelore të saj. Vetëm, teoritë e ngritjes së rrjeteve përtej detyrave ushtarake dhe atyre civile nuk do bëjnë, që Aleanca të gjejë një kurs të qartë. (pp/aca/dpa)


Marr nga: Teuhid.net

[Xhenneta-Morina]

"Tragjedia" e radhës në SHBA, një 45-vjeçar hap zjarr në qendrën e rehabilitimit

--------------------------------------------------------------------------------

Një person i armatosur hapi zjarr brenda qendrës së rehabilitimit Pinelake Health në Carthage në Karolinën e veriut. Tetë persona kanë humbur jetën mes të cilëve dhe persona të moshuar në karrige me rrota bënë të ditur autoritetet vendore. Pas sulmit më armë zjarri në Carthage, në qendrën e rehabilitimit për persona në pension u arrestua 45-vjecari Robert Stewart. Mbi të u ngritën akuza për 8 vrasje të shkallës së parë. Stewart qëlloi gjithsej 11 herë brenda dhe jashtë godinës.

Shtate pacientë të moshës 70-90 vjec dhe një punonjës 35-vjecar humbën jetën ndërsa tre persona të tjerë mes të cilëve dhe një polic u plagosën, bëri të ditur kreu i policisë së zonës Chris McKenzie në një konferencë për shtyp. Ende nuk dihen motivet pas sulmit të tretë në juglindje të SHBA-ve këtë muaj. Më dhjetë mars një 28-vjecar u mori jetën 10 personave në Alabama e pak ditë më vonë një person i armatosur u mori jetën 4 personave në Miami mes të cilëve dhe ish gruas së tij.

Marr nga: forum-islamik.com

[Xhenneta-Morina]

Indi,lind femija me dy fytyra.

--------------------------------------------------------------------------------

Ne Noida nje fshat Indian,50 km larg New Delhi,nga 3 jave ka lindur nje vajze qe ka dy fytyra qe shikojne ne drejtime te ndryshme me nje kend rreth 90 grade.Vajza e vogel ka 4 sy,dy,hunde,dy buze ne nje koke e ne nje trup te vetem dhe merr fryme e ushqehet normalisht.Kjo lindje ka terhequr vemendjen e shume njerezve qe mendojne qe ky eshte misherimi i perendise elefant indu Ganesh.Mjeket kane shpjeguar qe behet fjale per nje rast shume te rralle te nje bashkimi te dy kafkave dhe mundesia per te eliminuar njeren nga dy fytyrat perjashtohet.



Marr nga: forum-islamik.com