Rrjet prostitucioni per diplomatet ne Tirane

[DYDRINAS]

Rrjet prostitucioni per diplomatet ne Tirane

» Dërguar më: 19/04/2009 - 08:12



Meshkujt e huaj nuk e kanë aspak të vështirë për të pasur një femër shqiptare në krevat. U mjafton vetëm një telefonatë, një pagesë e vogël dhe sa hap e mbyll sytë në shtratin e hotelit luksoz mbërrin “barby” e tyre. E re, e shkolluar dhe e gatshme për t’u plotësuar të gjitha epshet seksuale.
Policia ka goditur dje një rrjet prostitucioni taksi që vepronte prej kohësh në Tiranë. Në pranga ka përfunduar 19-vjeçari Mario Monopuli dhe taksisti Altin Dajçi, të cilët shfrytëzonin si prostitutë në hotelet luksoze një studente me inicialet A.D, 24 vjeçe. Klientët e studentes ishin kryesisht shtetas të huaj, madje mes tyre kishte dhe përfaqësues të selive diplomatike në vend. “Porosia” për të pasur vajzën në shtratin e tyre të hotelit bëhej me telefon. Klientët duhet të paguanin një shumë që varionte 100-150 euro dhe menjëherë taksia ndalonte në hyrjen e hoteleve.

Rrjeti

Adoleshenti Mario Monopuli kishte vendosur të bënte sekserin e prostitutave për të fituar paratë për bukën e gojës. Prej disa kohësh ai shfrytëzonte një 24-vjeçare me iniciale A.D. Si fillim 19-vjeçari siguronte klientët për vajzën. Pasi mësonte emrin e hotelit, numrin e dhomës dhe binte dakord për pagesën, thërriste në ndihmë mikun e tij taksist Altin Dajçi. Ky i fundit pasi merrte “porosinë” me taksinë e tij me targa TR 740 B e zbarkonte vajzën në dyert e hoteleve luksoze në Tiranë, sipas kërkesave të klientëve. Për të rënë në gjurmët e rrjetit kriminal policia ka hetuar për një kohë të gjatë. Dje skuadra antitrafik e Tiranës ka bërë dhe goditjen e grupit duke vënë në pranga dy nga të dyshuarit. Ndërsa, studentja 24-vjeçare u gjet në një nga hotelet luksoze me një klient Italian.

Klientët

Për “shërbimin” klientët duhet të paguanin shuma që varionin nga 110-150 euro në natë. Paratë ndaheshin mes sekserit, taksistit dhe vajzës. “Është hera e parë që biem në gjurmët e një rrjeti të tillë prostitucioni. Klientët janë kryesisht shtetas të huaj të cilët ishin të gatshëm të paguanin shumën që u kërkohej”, saktësuan burime nga policia. Klientët e prostitutës 24-vjeçare gjatë kohës së qëndrimit në Shqipëri, qëndronin në hotelet luksoze në Tiranë. Duket se mes tyre ka dhe përfaqësues të selive diplomatike në Shqipëri. Burime nga policia thanë se po hetojnë dhe më tej për të identifikuar pjesëtarët e tjerë të rrjetit të trafikut. Nuk është hera e parë që vajza të reja studente kapen duke ushtruar prostitucion. Madje duket sikur e kanë kthyer në një profesion për të fituar bukën e gojës.

gazeta shqiptare