Rusia ndjek zhvillimet politike ne Shqiperi

[DYDRINAS]

Aspekti mbarëballkanik i betejave paraelektorale në Shqipëri

Zhvillimi i situatës në Shqipëri në lidhje me zgjedhjet e pritshme parlamentare të 28 qershorit po vjen duke shkaktuar një shqetësim gjithnjë e në rritje, shkruan vëzhguesi i radiostacionit “Zëri i Rusisë” Pjotër Iskenderov. Edhe autoritetet, edhe opozita po vënë aktivisht në lojë “letrën kosovare” duke akuzuar njëra-tjetrën për mbështetje të pamjaftueshme të idealeve të pavarësisë së Kosovës dhe projekteve të drejtuara për forcimin e lidhjeve ekonomike dhe politike mes Tiranës dhe Prishtinës dhe për krijimin, në fakt, të hapësirës unike shqiptaro-kosovare. Presidenti dhe qeveria e Shqipërisë paraqesin si arritjen e vet gati më kryesore projektin e ndërtimit të aksit magjistral rrugor me itinerar Durrës-Prishtinë, i cili destinohet të përfshijë Kosovën dhe Shqipërinë në një hapësirë të tërë të vetme gjeostrategjike dhe infrastrukturore. Sipas informacionit disponues, për këto qëllime në vitin 2008 qeveria shqiptare caktoi 89 % të mjeteve financiare nga fondi për investimet kapitale, gjë kjo që e bën këtë projekt një ndër më të mëdhenjtë e më gjithëpërfshirësit në historinë e Shqipërisë të këtyre dekadave të fundit. Për ndërtimin e 180 kilometrave të para të rrugës tashmë janë shpenzuar 328 milionë euro, ndërkohë që duhet thënë këtu, se gjysmën e kësaj shume e përbëjnë kreditë ndërkombëtare. Ndërsa kostoja e përgjithshme e projektit në fjalë gjatë këtyre kohëve të fundit u rrit një herë e gjysëm-nga 418 milionët fillestarë deri në 630 milionë euro tani. Shpenzime të tilla në kulminacionin e krizës financiare botërore në mënyrë më evidente se sa ç’do lloj fjalësh flasin mbi atë se drejtimi kosovar është në politikën e autoriteteve të tanishme shqiptare drejtim strategjik. Por paradoksi i trishtueshëm i situatës së krijuar konsiston në atë, se edhe opozita zë, në tërësi, pozita të ngjashme me autoritetet pushtetore përkatësisht qendrimit ndaj Kosovës dhe Ballkanit. Lideri i Partisë Socialiste Edi Rama dhe shokët e tij të mendimit i kritikojnë demokratët e Sali Berishës jo për, duke u shprehur butë këtu, realizimin e projekteve gjeopolitike që përbëjnë një barrë të rëndë për buxhetin, por vetëm për mungesën e kontrollit ndaj shpenzimit të mjeteve financiare, gjë kjo, që sipas mendimit të tyre, minon “ projektin me rëndësi fatpërcaktuese për gjithë shqiptarët ”. Përveç kësaj, edhe autoritetet, edhe opozita, praktikisht, fare hapur deklarojnë mbi domosdoshmërinë e mbështetjes më aktive të popullsisë shqiptare që jeton ne vende të tjera ballkanike, në veçanti, në Maqedoni, në Mal të Zi dhe në luginën e Preshevës, në jug të Serbisë. Liderët e shqiptarëve vendas tashmë kanë vendosur kontakte të ngushta me autoritetet e Kosovës dhe me politikanët në Tiranë dhe nuk e fshehin aspak vendosmërinë e tyre për t’ia hyrë aty nga vera përsëritjes së skenarit kosovar. Gjithçka e parashtruar më lart të detyron që ta shohësh e ta vlerësosh zhvillimin e mëtejshëm të ngjarjeve në Ballkan me një masë të konsiderueshme pesimizmi. Fjalë bëhet mbi mundësinë e acarimit të situatës në mbarë rajonin ballkanik tashmë që në pranverë të këtij viti, kur lufta për sigurimin e votave të zgjedhësve në Shqipëri do të hyjë në etapën e vet vendimtare, ndërsa në Maqedoni dhe Mal të Zi do të zhvillohen zgjedhjet për në organet pushtetore qendrore dhe bashkiake. Jo krejt rastësisht Ministrja e punëve të jashtme e Greqisë (vendit kryetar aktual në OSBE), Dora Bakojani, e cila vizitoi këto ditë Shqipërinë, pasi pranoi se vendi “ka arritur për këto 18 vitet e fundit një progres të ndjeshëm”, vuri në dukje se “në të ardhmen atij do ti duhet të përballohet me shumë sfida të tjera”. Dhe një ndër më kryesoret prej tyre është “përshtatja e procesit elektoral me standartet e OSBE-së”, të cilat, midis gjithë të tjerash, paraqesin kërkesa mjaft të rrepta ndaj parrullave dhe karakterit të agjitacionit elektoral. BE nga ana e vet tashmë deklaroi, se zgjedhjet e qershorit në Shqipëri “nuk duhet të japin shkas për kritikë”, në qoftë se vendi ka ndërmend të avancojë përpara në rrugën drejt integrimit evropian. Por të krijohet përshtypja sikur avancimi drejt krijimit të “Shqipërisë së Madhe” është shumë më i rëndësishm për forcat politike shqiptare. . , konkludon vëzhguesi i “Zërit të Rusisë” Pjotër Iskenderov.

Zeri i Rusise

[Dita]

Ministrja e Jashtme e Greqise paska bere zbulim te papare me kete thenien qe Shqiperia qendron para sfidave te reja. Ne fakt Greqia qendron perpara sfidash akoma me te medha. Do te ishte shume e forte sikur ne bisede e siper dikush nga delegacioni shqiptar t'ia kthente po ne menyre diplomatike: Me leje znj.Bakojanis, ... E pastaj le ta linte punen me deshire.

Rusia e vret mendjen fuqimisht per marredheniet Shqiperi-Kosove me metoden e vet, por fatmiresisht e vret SHBA me shume me metoden e vet. Keshtu qe le te shprehe edhe vazhdim Rusia pesimizem per gjendjen e Ballkanit, posacerisht Shqiperise e Kosoves. Se Ballkani, posacerisht Shqiperia e Kosova po festojne.