Berisha: Mirënjohje SHBA për pavarësinë e Kosovës.

[toni007]

Kryeministri Berisha priti sot, ish të dërguarin e posaçëm të Departamentit Amerikan të Shtetit në bisedimet për statusin e Kosovës, Frank Wisner. Berisha i shprehu mirënjohje ambasadorit Wizner, për kontributin tij gjatë bisedimeve për statusin final të Kosovës.

TIRANE- Ish i dërguari i posaçëm i Departamentit Amerikan të Shtetit në bisedimet për statusin e Kosovës, Frank Wisner është pritur në një takim nga kryeministri Berisha.
Gjatë këtij takimi kreu i qeverisë i shprehu mirënjohje të thella ambasadorit Wizner, për kontributin tij, profesionalizmin dhe përkushtimin e treguar gjatë bisedimeve për statusin final të Kosovës.
“Shqiptarët do t’u mbeten përjetë mirënjohës ju, Shteteve të Bashkuara të Amerikës dhe presidentëve amerikanë për kontributin dhe përkushtimin ndaj çështjes së tyre të drejtë, që bëri të mundur shpalljen e pavarësisë se Kosovës më 17 shkurt” u shpreh kryeministri Berisha.

Nga ana e tij Ambasadori Wizner uroi kreun e qeverisë për anëtarësimin e Shqipërisë në NATO, cka do të ndikojë sipas tij akoma më shumë në rritjen e stablilitetit dhe sigurisë në rajon.
Berisha dhe Wizner diskutuan gjithashtu edhe për përfundimin e rrugës Durrës-Kukës, e cila do t’i japë një dimension të ri bashkëpunimit me Kosovën, si edhe me pjesë të tjera të rajonit.

[beni67]

Dhe eshte e vertete ne shqiptaret duhet ti jemi shume mirenjohes SHBA se per mbrojtjen e interresave shqiptare. Ne duhet tu jemi mirenjohes presidentit Klinton dhe presidentit Bush. Mendoj se dite te mira i presin shqipetaret kudo qe jane.

[Qyfyre]

Shumë mirë bën që falënderon SHBA se pavarësisht se çfarë bëjnë në vende të tjera, neve na kanë ndihmuar këto vite, sidomos me Kosovën.