Këndoje këngën Malshovite

[Sorkadhe_Kelcyre]

Riza, ooooh Riza i nderuar, qe i sjell vec vlera e xhevahire forumit. Me kete teme ke gjetur piken e dobet te zemrave qe kane pulsin e rrahjeve nder ato ane te memedheut. Ma mbushe diten me kenge, me lot e permallime. Shume te uroj ne krijimtarine tende gjithashtu te falenderoj qe e ke ndare edhe me ne. Do te doja te permendja ndonjeren prej tyre, po s'dua te vecoj te tjerat.

p.s. asaj cimadhes limarjote do benim mire te vinim ndonje dite nga shtepia te na nxirrte ca thanuqe...

Respekt te pa fund

Sorkadhja

[riza2008]

Këndoj këngë për lumturinë
Nga mërzitja heq mërzinë
Si dy tinguj me vjolinë
Nga shpirti ma heqin zinë.


Ref : Këngën që ma kërkon zemra
E dëgjoj vetëm në ëndrra.

Lumturi e jetës sime
Rritur si një vajz jetime
S’dua fjalë e krahasime
Veç një dorë për ledhatime.


Nëpër dallgët e vajtimit
Shikoj syt e njerëzimit
Aty fjala ingec trimit
S’di ç’të flas prej ngashërimit.




Këndoj këngë si i hutuar
Shamin shtërnguar në duar
Pse o jet më ke lëshuar
Në mes detit të trazuar


E do xhani këngën labe
Edhe kur je i helmuar
Helmi që ka hyr në deje
Me tingull duhet larguar



P.S. Sorkdhe_Kelcyre kete teme e hapa per te gjithe cimadhet dhe cimedhenjte qe pine thanuqe dhe kendojne labçe.Ne kur mblidhemi si familje e di ti qe jemi familje kengesh kendojme dhe vallzojme ne pa kufi.Une pergatit tekset dhe ua printoj ,ç'do te shtune ka kenge te reja.Vertet nje festival qe te tjeret e kane zili.Faleminderit per frekuentimin e temes jeni teper e mirpritur ne Kengen Maleshovite.Me respekt Riza Çato

[riza2008]

Pse s’ruhesh nga nata
Siç ruhesh nga unë.
Nata sterrë e zezë
Un’ i bardh’si shkumë.

Refreni : Si nuk e kupton
S’bëjmë të njëjtën punë
Nata të trëmb shpirtin
Un’të vë në gjumë.

Kur më shkon përpjetë
Pse s’ndalon tek unë
Të lutem ma thuaj
Se më le pa gjumë.



Pse nuk më kuptove
O bravare krisur
Si s’u embëlsove
Nga bluz’ e qëndisur.



Të më kuptosh mirë
Edi s’është e lehtë
Duhen muaj vite
Ndoshta dhe një jetë.

[riza2008]

Moj moll’ e kuqe tek porta
Nga vështrimi yt u ndrojta
Bukuri që çmëndet bota
Edhe hënës ja kaloka.

Ref : Si dy rreze në për fletra
Lozin qeshin mend e shkreta.


Ku nuk breth e vete mëndja
Ç’far s’shikojnë sytë e gjorë
Depërton më thell vëmëndja
Ëndërron ti prek me dorë.


Kush nuk i do bukuritë
Që të joshin të marrosin
Dhe natën pa hënë e dritë
Të verbojnë e të trullosin.




Plastë ai që duroka
Dhe nuk ndjen dridhje në zemër
Si lavjerrs më tundet koka
Aman mos më shiko vëngër.

[Syte_e_Tigrit]

Djem e vajza,si gjel deti...
kush i pleksi moj i gjerdheksi........
tekstin nuk me kujtohet me ,por me duket se eshte nga krahina e maleshoves dhe eshte nje kenge shume e bukur.
Tung Cimadhe,dhe shifni se mos camosni gje ore ).

[riza2008]

Për një fjalë e për një besë
Kam tre vjet që pot ë pres.

Fjalën që më the parmbrëmë
Rrëzë shkëmbit plot me hënë.

Me fjalën që më the ti
Errem prush e gdhihem hi.

Kam tre vjet që pres të rritesh
Të ndjek pas të mos mërzitesh.

Sapo ngrihem në mëngjes
Flas me vete buzëqesh.

Flas me vete veç për ty
Buzëqesh për ata sy.

Për një fjalë e për një besë
Jam gati tani të vdes.

[riza2008]

Ditën e Pashkës së Madhe
Seç u ther një ka në fshat,
Vajta mora një ok mish,
Dhe e hodha në kusi,
Me vrap[ dolla në avlli,
Të marr një kërcu të zi,
Të më shpiket një lubi,
Me vrap m'u hodh në kusi,
Më helmoi djemtë e mi,
Nëntë djem e nëntë nuse,
Të nënta me djem në duar,
Nëntë djepe ç'mi përmbyse,
Nëntë paja ç'mi zhurite,
Nëntë dyfeqe ç'mi shite,
Kostandin të ardhtë gjëma,
Martove Dhoqinën larg,
Larg e larg mërguar,
Tre male kaptuar.
Ditën e Pashkës së Madhe,
Dhoqina na hiqte valle,
Konstandini u ngrit nga varri,
Rasa ju bë kalë,
Balta ju bë shalë,
Vrapo e vrap e tek Dhoqina
-Mirë se erdhe im vëlla,
në ke ardhur për të mirë,
të vishem si gjeraqinë,
në ke ardhur për të keq,
të vishem si kallogre,
-Jo motër si kundër je.


P.S Këto janë këngë tepër të vjetra që në krahinën tonë janë transmetuar me rigorozitetin më të madh deri në ditët tona.

[riza2008]

Kur më kujtohet kënga jote
Këngë e trishtë malshovite.
S’e di se ç’ndodh me ty zotrote,
Se unë jam dehur bërë kaike.

Dhe rri mbi stol i pispillosur
Me një gëzim që nuk ka fund.
Ky zëri yt s’paska të sosur
Si një tërmet vëndin e tund.

Këndoi me shpirt këngët e zemrës
Dhe të jesh larg unë të dëgjoj.
Ky zë më sjell zërin e nënës,
Por prap ta dish s’të ngatërroj.

[riza2008]

Kur më shkon përpjetë
Moj vetull gjilpërë
E trondite tokën
Me të shkretat këmbë.

Refreni : Të pres buzë qeshur
Me djersë tek balli
U treta nga pritja
U dogja nga malli.

Ato buz’ të njoma
Se ç’ti thau vapa
Afrohu e dashur
Të ti lag me napa.

.

Të të mbaj të freskët
Si deg’ borziloku
Të sjellësh aromë
Të këndosh si zogu.


Të më qëndrosh pranë
Se u përvëlova
Të qetsoj dynianë
Tu them u martova

[_AuLoNa_]

Riza pershendetje, si Labe purro qe jam vertet me beri pershtypje se nuk e kisha mesuar per kete krahine. Vargjet e kengeve jane te bukura, nuk e di a jane kenduar akoma nga ndonje grup Lab.

Nqs po, te lutem na vendos disa ketu.

Flm dhe mos tu shterrofshin kurre fjalet e vargjet, ku pasqyrohet larmia e vendit dhe karakterit te popullit tone.