Këndoje këngën Malshovite

[riza2008]

Majë Qesinekut
(Këngë labe nga vëllimi poetik : "Këndoje këngën Malëshovite")

Majë Qesinekut

1-
Majë Qesinekut,
Ku të fryn veriu,
Si plumbi dyfekut,
Shkoja unë i ziu.

2-
Shkoja unë i ziu,
Dimër edhe verë,
Po tani që shkova,
S'pashë njeri në derë.

3-
S'pashë njeri në derë,
S'pashë njeri në krua,
Siç shihja nga herë,
Vajzat faqe ftua.

4-
Vajzat faqe ftua,
Mbi gurë hidhnin valle
Dhe loznin me mua,
Si dele manare.

5-
Si dele manare,
Si thëllëza bregu,
Si mushka xanxare,
Më dilnin tek shtegu.

6-
Më dilnin tek shtegu,
Më dilnin tek pllaja
Dhe kur digjte zhegu,
S'pyeste sevdaja.

7-
Majë Qesinekut,
Ku rriten sorkadhet
Dhe hëna e mekur,
Gajasej na vallet.

[riza2008]

Lule mali Malëshovite

(Këngë labe nga vëllimi poetik : "Këndoje këngën Malëshovite")

Lule mali Malëshovite

1-
Lule mali malshovite,
Lule mali përmbi Çukë,
Trëndelinë sa shpejtë u rrite,
Malshovite emri çupë.

Refreni :

Lule ti më bën të lumtur,
Lule botën e kam pranë,
Je e bukur si një flutur,
Përmbi buzë ta ndjej sevdanë.

2-
Lule shkëmbi pa vaditur,
Zbukurove ato anë,
Të rrëmbeva pa u rritur,
Borzilok të desha pranë.

3-
Lule xanë e paparunë,
Rritur në gërxhe në lugje,
Nga e hëna në të shtunë,
Të pres ty moj buzë burbuqe.

4-
Lule mbushur me aromë,
Manushaqe tej në Mbrete,
Trëndafil të kam në dhomë,
Se të rrita veç përvete.

5-
Lule mali Malëshovite,
Borzilok të mbaj në gji,
Si një mal shtatin e rrite,
Çmënde Zot dhe Perëndi.