Qeveria Thaçi e korruptuar, sikur qeveritë e mëhershme

[Nice_Boy]

Haradinaj akuzon Thaçin për përfshirje në afera korruptive


Kryetari i Aleancës për Ardhmërinë e Kosovës, Ramush Haradinaj ka akuzuar kreun e qeverisë Hashim Thaçi për përfshirje në afera korruptive.

Disa ditë pasi kryeministri ka urdhëruar largimin nga puna të tre zyrtarëve të dyshuar për përfshirje në korrupsion, shefi i opozitës në Kosovë është shprehur se ky fenomen ka është prezent në nivelin më të lartë politik të institucioneve.

“Mendoj se korrupsioni nuk është sëmundje që i ka përfshirë sektorin civil. Korrupsioni ka përfshirë lidershipin politik në qeverisje. E vetmja mënyrë që të ndalet korrupsioni është që kryeministri dhe ministrat të mos përfshihen në korrupsion. Këto janë praktika kryesisht të qeverive të lindjes që të viktimizohet dikush, por kjo nuk është luftë kundër korrupsionit”, tha Haradinaj.

Sipas Haradinajt PDK dhe LDK po përpiqen të kontrollojnë Komisionin Qendror të Zgjedhjeve, por zëdhënësi i PDK-së, Blerand Stavileci e ka kundërshtuar këtë fakt.

“Është hetuar një qasje deri më tani. Ju e shihni një ndërhyrje në emërime, një pengesë, një vonesë, një bllokim i këtyre mekanizmave, i KQZ-së dhe i Sekretariatit andaj kjo në logjikën tonë është një agjendë e institucioneve të Kosovës për të ulur aftësitë, kapacitetin dhe kredibilitetin tonë për mbajtje të zgjedhjeve të lira dhe të rregullta”, tha Haradinaj.

“Komisioni Qendror Zgjedhor është një komision i pavarur dhe rrjedhimisht si i tillë në bazë të roleve dhe funksioneve që ka i ushtron edhe detyrat e përgjegjësitë. Konsiderojmë që këto deklarata janë një tendencë për ta zhvendosur vëmendjen e opinionit publik drejt gjërave të parëndësishme”, tha ndërkaq Stavileci.

Javë më parë Haradinaj iu ka bërë thirrje organizatave ndërkombëtare OSBE dhe Këshilli i Evropës që të jenë më të angazhuara se kurrë më parë në monitorimin e procesit zgjedhor në Kosovë. /alsat/

[Sabriu]

Sparkes i shqetësuar me nivelin e korrupsionit në Kosovë

Ambasadori i Britanisë së Madhe në Kosovë, Andy Sparkes tha se është i shqetësuar me nivelin e korrupsionit në Kosovë.

"Vendi i Kosovës është në Bashkimin Evropian por ajo nuk mund të jetë pjesë e tij me këtë nivel korrupsioni", tha ambasadori Sparks gjatë publikimit të raportit "Zëri i Votuesve" të cilin e përpiloi Rrjeti i Grave të Kosovës.

Igballe Rugova përfaqësuese e këtij rrjeti tha se gjatë periudhës shtator 2008 -mars 2009 janë bërë mbi 1000 telefonata nga qytetarët e Kosovës të cilët kanë shprehur ankesa të ndryshme për mënyrën e qeverisjes në komunat e tyre.

Ato kanë të bëjnë kryesisht me korrupsionin, rrugët e pashtruara, papunësinë, nepotizmin dhe varfërinë. Shqetësuese, sipas ankesave të qytetarëve është sistemi shëndetësisë në të cilin ata hasin në të shumtën e rasteve me korrupsion dhe shërbimeve të dobëta. /rtk/

[veli44]

Ç’a po dojm’ na po bojm’
Shkruar nga Flaka Surroi

Derisa ne do të vazhdojmë të çajmë dërrasa, qeveritarët aktualë do të vazhdojnë ta intonojnë himnin e tyre, duke na e zbuluar aty-këtu edhe ndonjë vendim palidhje të radhës, me ç’gjë do të na mbajnë të zënë, përderisa ata do të merren me faljen e resurseve të Kosovës pa na pyetur fare dhe duke në sjellë para aktit të kryer

Nuk do të jem e vetmja së cilës do t’i kujtohet se sa herë që ndonjë qeveri e Beogradit kanosej me krizë të brendshme politike apo ekonomike që do të mund t’ia lëkundte stolin shefit të madh, nxirrej mbi sipërfaqe “problemi i Kosovës”. Nëse nuk ishte “shpërngulja me dhunë e serbëve të pafajshëm”, atëherë ishte “kolonizimi i Kosovës me emigrantë shqiptarë”, e nëse jo edhe kjo, atëherë “dhunimi i grave serbe nga separatistët shqiptarë”. Dhe përderisa situata ekonomike në vetë shtetin po fundosej falë kredive që nuk po mund të ktheheshin, të investimeve të gabuara, kthimit të pronës shtetërore në atë private, të skemave piramidale dhe, përfundimisht, nisjes së vargut të luftërave - tema e vetme, e cila nuk binte nga agjenda, ishte Kosova.
Me të shikuar gjithë atë që ndodhi gjatë javës së shkuar, duket thuajse qeveritarët aktualë e kenë përvetësuar taktikën e njëjtë – atë të mbajtjes në sipërfaqe të një a po dy problemeve që do ta mbanin popullatën të zënë me ato tema, përderisa ndërkohë procedojnë drejt realizimit të planeve të tyre — të cilat natyrisht i kamuflojnë me thënien e përhershme se e kanë mbështetjen e “miqve tanë ndërkombëtarë”. Kështu e gjithë java na shkoi duke e diskutuar se ku e patën (nëse e patën) fytyrën ata që vendosën vetes t’ia rrisnin rrogat – “për shkak të shtimit të obligimeve, lodhjes, përgjegjësisë...”, ani që bëhet fjalë për ata që duket se marrin aq shumë para, saqë nuk e dinë as kur dhe sa u rritet rroga; për një kryetar, i cili ia luan lojën gjithë një popullate dhe ia ngrit rrogën vetes retroaktivisht (edhe për periudhën kur nuk ka qenë kryetar), duke shfrytëzuar ministrin e Financave, shef partiak i të cilit kishte qenë dhe sërish për një vendim të pabesueshëm dhe ofendues, me të cilin janë suspenduar të suspenduarit, për shkak “të dyshimeve të bazuara” se janë keqpërdorues.
Natyrisht, meqë janë vendime, kundër të cilave nuk mund të bësh asgjë – sepse edhe ashtu askush askujt këtu në këtë vend nuk ia vë veshin, e vetmja gjë që të mbetet është që ta shqyesh gurmazin për të thënë se nuk mund të bëhesh shtet nëse mashtron, vjedh e rren. Supozoj se ardhja në pushtet për këta njerëz ka qenë realizimi i ëndrrës se kamotshme për të treguar autoritetin, duke i shkelur të tjerët. Nuk do të çuditesha po qe se hapi i ardhshëm i tyre do të ishte ndryshimi i Kushtetutës dhe futja e tyre si kategori, të pazëvendësueshme, kushtetuese, mandati i të cilëve do të përfundojë me vdekjen e tyre të natyrshme, por me kushtin që vendet e tyre t’ua trashëgojnë familjarët e tyre më të afërt – në kapitullin e veçantë të aktit më të lartë juridik që do të quhej - DINASTIA.
Është e tmerrshme lehtësia me të cilën vazhdojnë të veprojnë pa treguar fijen e përgjegjësisë për aktet e veta, gjithnjë duke gjetur arsyetime për atë që e bëjnë, madje duke u thirrur në akte që nuk janë të plotfuqishme. Për më tepër, përpiqen të arsyetohen edhe për gjërat që nuk i bëjnë (shembull, mosfestimi i hyrjes së Shqipërisë në NATO) dhe kur e bëjnë këtë tingëllojnë përafërsisht kështu: “Kam qenë në kontakte të përhershme urimi dhe përgëzimi edhe me presidentin Topi, edhe me kryeministrin Berisha, edhe përmes telegra*meve, edhe përmes telefonatave... Festat ende s’kanë filluar as në Tiranë, prandaj sot ka festë, ka kremte, ka gëzim në çdo familje shqiptare dhe shqiptarët janë pjesë e sigurisë globale”. Nëse ka kush që e kupton si arsyetimin e parë, ashtu edhe të dytin, të lajmërohet në redaksi – vendin e punës ‘lexues i mendimeve/interpretues i thënieve’ e ka të sigurt.
Dhe derisa ne vazhdojmë të çajmë dërrasa, ata vazhdojnë ta intonojnë himnin “Ç’a po dojm’ na po bojm’” duke na e zbuluar aty-këtu edhe ndonjë vendim palidhje të radhës, me ç’gjë do të na mbajnë të zënë, ndërkohë që do të merren me faljen e resurseve të Kosovës pa na pyetur fare dhe duke në sjellë para aktit të kryer. Derisa ne ende do të vazhdojmë të flasim se si me vendim të kryeministrit urdhërohet përjashtimi nga puna i një mjeku nga klinika (që i bie gati njësoj sikur të shkarkohej kryeredaktori i një gazete private me vendim të të njëjtit subjekt) dhe si shteti më i varfër i ka “institucionet” më të paguara në rajon, ndërtimi i termocentralit të ri, ashtu siç planifikohet tash, do të na lërë edhe pa rrymë, e edhe pa thëngjill dhe, përfundimisht, edhe pa para. Këto do të kompensohen me më shumë ndotje dhe me më pak ujë të pijshëm. Dhe përderisa do të vazhdojmë t’i komentojmë të gjitha skandalet me neveri, do të na shiten edhe ato pak prona të mbetura, mbase edhe për më pak miliona se të mëparshmet dhe do të vazhdojnë të na ndërtohen rrugët me tenderë emergjentë në pikë të sezonit të verës, pa kurrfarë kontrolli, pa kurrfarë revizioni financiar. Dhe e gjithë kjo në emër të popullit.
Me apo pa vetëdije po zbatohet taktika e njëjtë që dikur kishte zbatuar një njeri që kishte pasur tipare të fuqishme të një diktatori, i cili gjithashtu vepronte në emër të popullit. A mos është ky fillimi i vendosjes së një sundimi me tipare të ngjashme diktatoriale edhe në Kosovë?

flaka@koha.net

[firaku]

E korruptuar,e korruptuar,e korruptuar u ba mire qe e kemi mesuar kete fjale.
Kur nuk dime te dialogojm per probleme fjalen e pare e kemi jane te korruptuar.
Korrupcioni eshte i pranishem ne te gjitha shtetet e botes,dhe nuk zhduket kurre,por mund te zvoglohet.
Per korrupcion duhen fakte, duhet qe edhe qytetaret ta luftojne kete dukuri te keqe e jo vetem te fajsojne Qeverine.
Lajmerimi i rasteve e ndihmon shume Qeverine e cila mendoje se ka bere hapa kunder kesaj dukurie hapa te cilet do te rriteshin me ndihmen tone.
E jo vetem te akuzojme gje te cillen e bejme me se lehti.