Deklarata e Gjingjiq per nje Dejton te ri konfuze por pozitive

[dodoni]

Deklarata e Kryeministrit të Serbisë për rregullimin e kufijve në Ballkan është konfuze por pozitive - Shprehet Kryeministri i Kosovës Bajram Rexhepi -


PRISHTINE, 8 Janar /ATSH-B.Jashari/ - Kryeministri i Kosovës Bajram Rexhepi tha sot se "deklarata e Kryeministrit të Serbisë Zoran Xhinxhiç se Beogradi do kërkojë organizimin e një konference të re të Dejtonit për rregullimin e kufijve të rinj në Ballkan, nëse shqiptarët e Kosovës vazhdojnë të këmbëngulin për pavarësi, është një deklaratë konfuze, por pozitive". Kryeministri i Kosovës shtoi se ky lajm mund të konsiderohet si hap pozitiv dhe si pranim i një realiteti të ri të krijuar në Kosovë, pavarësisht nga dëshira e liderëve të Beogradit. Por ai theksoi edhe se deklarata e Kryeministrit serb nuk është ofertë zyrtare, por vetëm deklaratë e dhënë në një intervistë. "Kjo deklaratë mund të interpretohet edhe si dëshirë e Qeverisë serbe për ndarjen e Kosovës. Paqartësinë e saj e tregon fakti se Kryeministri i Serbisë kërkon ndërrim të kufijve, por deklaratën e lë të papërcaktuar, duke mos saktësuar ku dëshiron të bëhet ndryshimi i kufijve", tha Kryeministri i Kosovës Bajram Rexhepi. /pas/
2003-01-08

[Iceberg]

Dodon I dashur

Nuk mund dhe nuk duhet ti besohet asnje lloj iniciative qe vjen nga serbet. Ata nate e dite, hapur dhe fshehtas punojne kunder interesave shqiptare dhe edhe serbi me i moderuar ne planet mendon dhe punon per kthimin e Kosoves nen ombrellen serbe.

[mani]

Inshalla eshte si thoni ju por , shiheni kete:


Urimi i kryeministrit Rexhepi drejtuar besimtarëve ortodoks me rastin e festës së Krishtlindjes

Kryeministri Bajram Rexhepi, përmes një telegrami ua ku uruar Kërshëndellat, qytetarëve të besimit ortodoks. Uroj që kjo festë e madhe për ju dhe familjet tuaja të sjellë mbarësi, paqe dhe begati. Shprehë besimin dhe shpresën se kremtimi i Krishtlindjeve do të shënojë rilindjen shpirtërore dhe forcimin e mirëkuptimit dhe të tolerancës ndërmjet pjesëtarëve të të gjitha feve dhe etnive në Kosovë, thuhet në urimin e kryeministrit Rexhepi.

marre nga Radi Skay Prishtine.

[dodoni]

Iceberg, une vetem postova artikullin dhe nuk dhashe asnje koment per te, dhe kete vetem per shume lexues qe mund te jene te interesuar se cfare deklaron edhe pala serbe.
Sa i perket mendimit tim, une per ceshtjen e Kosoves si dhe per gjithe ceshtjen kombetare i kam te postuara ne Si vjen bashkimi kombetar dhe ne shume vende tjera ketu ne forum por po e shpreh edhe ketu.
Ka tre zgjidhje te mundshme te ceshtjes se Kosoves e ato jane:
-futja nen unionin Serbi-Mal i Zi, qe eshte absolutisht e pamundur duke pasur parasysh faktin se per te realizuar kete duhen vrare se paku 2 milionet shqiptaret e Kosoves, dhe se edhe vet bashkesia nderkombetare ka punuar kunder kesaj gjithe kohen , dhe poashtu nuk ka perkrahje nga askush e as nga vet Serbia tani.
-shtet i pavarur- kjo mund te jete nje zgjidhje kalimtare por eshte shume e kushtueshme per bashkesine nderkombetare dhe per ne kur kemi zgjidhjen me te mire dhe me te pershtatshme
-bashkimi me Shqiperine qe kerkon me pak pune, fonde dhe mund te neve dhe bashkesise nderkombetare si dhe forcon Kosoven e Shqiperine shume ne te njejten kohe. Pra , kjo eshte zgjidhja e vetme e problemit te Kosoves qe siguron paqe dhe stabilitet te qendrueshem e afatgjate gje per te cilen jane te interesuar shume te gjithe.
Pershendetje Iceberg
Kurse juve Mani, une nuk ju kuptova fare se cfare donit te thonit me kete. Ne Kosove shqiptaret ortodokse jane te sllavizuar te gjithe nga okupimet serbe, dhe shpresojme qe ata te miret (qe skane bere krime te kthehen ne identitet dhe gjak te tyre tani meqe kane edhe kushtet qe favorizojne nje gje te tille).
Pershendetje

[mani]

Pershendetje nga Mani!
Te me falesh mua i nderuar e i respektuar Dodoni por une nuk mundem me kuptue ate cka ti po thue sepse,une vete jetoj ketu ne Kosove dhe se deri me kete vit asnjehere nuk ka ndodhur ne historine e Kosoves qe te kete shqipetar Ortodoks,por kjo po del se tani ne jemi duke krijuar vet keto gjera te cilat nuk jane te tonat as nuk na perkasin neve.Te me falesh por kryeministri ketu ka mundur tua uroj kete feste vetem shkjeve dhe sllaveve te cilet jetojne ketu ne trojet tona e sic po shihet nuk qenkan pak si ne po thomi por paska mjaft ne baze te Qeverise sone e cila sheh per arsye tu uroj atyre qe na djegen , pjeken,vrane e debuan nga trojet tona.
Ketu eshte duke u pare e tera.
Mbetshi me te mirat por pa sllavet.

[ENDRI_FR]

Shqiptar ortodoks ka plot
Mund te mos kete ne kosov me perqindje te medha por ne shqiperine e sotme jane 30% i cili beje pjese dhe un.

[mani]

Sa i takon Shqiperise e di se ka perplote,por mua me habit fakti per tek ne ne Kosove ,kur dihet se nuk ka shqipetar ne kete fe,prandaj edhe per mua eshte shume e padeshirueshme ajo per cka ben fjale kryeministri.
Pra ne Shqiperi ka dhe do te kete por tani si po i importojme edhe ne ne Kosove per mua eshte pak e cuditshme.
Por nejse do e perziejeme ne te gjitha,por kujtoj se kryeministri kete urim ua beri sllaveve per festen e tyre ne Kosove e jo shqipetarve.

[dodoni]

Mani, edhe une jam nga Kosova edhepse nuk jam duke jetuar atje dhe vij shpesh ne vizita, dhe e di dhe poashtu e shpreha se ne Kosove shqiptaret ortodokse jane sllavizuar ne kohen e okupimit qindvjecar, pra keta serbet e sotit te Kosoves dhe te Serbise Jugore sic e thote edhe Mitrush Kuteli (shqiptar ortodoks poashtu por nga Shqiperia) duke cituar disa linguiste serbe se keta serbe jane shqiptare te sllavizuar rishtaz. Fakt qe shume prej tyre kane marre pjese ne krimet e bera ne Shqiptare dhe per ata jane gjyqet e Kosoves dhe te Hages kurse per te tjeret qe nuk kane bere krime duhet qe te kthehen ne identitet te tyre dhe ne gjak te tyre (pas sllavizimit te dhunshem qe u eshte bere atyre) dhe Kishes Serbe vetem te ja nderrojne emrin dhe ta kthejne ne emer te tyre Kishe Shqiptare Ortodokse.
Kurse sa per kryeministrin, duhet pasur parasysh ketu se ai askund nuk permend ortodoksit sllave, ai thote te gjithe ortodokseve i uroj festen e kjo permbledh ortodoksit shqiptare te Shqiperise dhe te Kosoves dhe ata ortodokse tjere te Kosoves (sepse kryeministri eshte njeherit kryeminister edhe i serbeve ne Kosove), dhe poashtu nuk uron kriminelet sepse ata as fe e as Zot nuk kane dhe nuk jane njerez fare dhe per ta urimi i kryeministrit dhe i te gjitheve eshte burgu.
Keshtu kuptohet kjo.
Mirepo edhe nje gje ketu Mani, sepse ju keni dalur nga tema, dhe ne ishim duke komentuar deklaraten e Gjingjiq-ut, dhe reagimin e kryeministrit, keshtu qe nuk shoh asnje lidhje me ate qe keni sjelle juve per diskutimin e feve ketu.
Pershendetje dhe respekt te gjitheve.

[Ushtari i mire]

Deklarata e Xhinxhicit ka shkaktuar dhe me shume reagime se sa ne Kosove ne Bosnje dhe Hercegovine, ku muslimanet kane kryesine e rradhes, pasi nje Dejtone e re, rrezikon kufijte e BiH.
Prandaj dhe do te jete e veshtire per Kosoven te fitoje pavarsine, pasi do te sillte reaksion zinxhir nga Serbet e Bosnjes, dhe do ishte fillimi i nje lufte te re Ballaknike.
Megjithate nuk i dihet, se te medhenjte exo Usa dhe BE, e zbatojne parimin e vetevendosjes si tu doje qejfi.

[dodoni]

Sipas BE dhe SHBA, por edhe sipas te gjitheve Kosova dhe Republika Serbe e Bosnjes jane dy ceshtje te ndryshme dhe smund te kete asnje lidhje ne zgjidhjen e ketyre dy ceshtjeve.
Se pari, Kosova ka pasur statusin e njesise konstituive te ish-Jugosllavise kurse Republika Serbe e Bosnjes eshte nje entitet i formuar forcerisht me dhune e me spastrime etnike gjate kohes se luftes dhe ne marreveshjen e Dejtonit, keshtu qe nuk mund te terhiqet asnje paralele ne keto dy ceshtje sepse keto jane shume te ndryshme.
Mirepo prape ne shqiptareve na intereson ceshtja jone kombetare dhe nuk kemi kohe (pa e zgjedhur ceshtjen tone kombetare) te merremi me problemet e rajonit,edhe pse zemra mund te na kushtoje (sic thote populli ne Kosove) per te ndihmuar te drejten e popujve tjere ne rajon poashtu.