Termet ne zonen qendrore te Italise

[Apollyon]

. .

[AjSi]

e degjova ne lajme me erdhi shume keq
ngushellime

[gunga]

Së paku 92 persona humbën jetën, ndërsa 1500 janë lënduar deri tani, deklaroi kryeministri italian Silvio Berluskoni.

“Dua të them diçka të rëndësishme, asnjë njeri nuk do t`i lihet fatit”, potencoi Berluskoni, duke shtuar se një numër i madh i viktimave janë studentë.

Sipas informatave të organizatave qytetare, deri tani janë evakuar prej 45000 deri 50000 persona.

Kryeministri italian, gjatë vizitës në vendin e rrezikuar, sqaroi se në këtë moment janë duke u ndërtuar kampe në të cilat do të mund të vendoseshin deri 20 mijë persona.

Një sizmolog italian ka paraparë tërmetin

Një sizmolog italian e ka paraparë tërmetin e madh katastrofal në Akvila disa javë para se ai ta lëkundë qytetin, por është paraqitur te autoritetet për përhapje të panikut në mesin e popullatës.

Lëkundjet e para në rajon janë ndier nga mesi i janarit dhe kanë vazhduar në disa intervale të caktuara, duke krijuar alarm në qytezën mesjetare Akvila, rreth 100 kilometra në lindje të Romës.

Para një muaji, furgonë me megafonë kanë parakaluar nëpër qytet duke paralajmëruar banorët lokalë që të evakuohen, pasi që sizmologu Xhioçinon Xhuliani ka paraparë se do të ketë tërmet të madh, gjë që ka shkaktuar hidhërim te kryetari i qytetit.

Xhuliani, i cili parashikimet e veta i ka mbështetur në koncentrimin e gazit në rajonet aktive sizmike, është paraqitur në polici për përhapje të alarmit dhe i është urdhëruar t`i largojë të dhënat e veta nga interneti.

Agjencia italiane për mbrojtje civile mbajti takim me Komitetin për rreziqe të mëdha, një grup shkencëtarësh që i vlerëson rreziqet e këtilla, në Akvila më 31 mars, duke tentuar që t`i bindë banorët lokal se të dhënat e Xhulianit nuk janë të sakta.

Mediumet pas tërmetit të fuqishëm filluan të parashtrojnë pyetje pse autoritetet nuk e kanë mbrojtur popullatën lokale, por kryetari i Institutit Nacional Gjeofizik i hodhi poshtë parashikimet e Xhulianit.

Burimi : www.AlbaTOK.com

[xfiles]

UPDATE,
numri i viktimave eshte 150 dhe pritet te rritet.

[goldian]

o zot sa e tmerrshme

[dardajan]

Une njoh disa familje Shqiptaresh ne Aquila, dhe vetem me njeren prej tyre jemi lidhur pasi telefonat nuk ju punojne .
Me ata qe folem na thane se dolen jeshte qe ne fillim dhe kan fjetur ne makine kur ra ai me i fuqishmi, ata humben shtepine qe e kishin blere para 3 vjetesh por shpetuan koken burre grua me dy femije.
Te shohim neser cfar behet me te tjeret se edhe lidhjet jane te pakta se kan lene telefonat neper shpia.

[goldian]

e tmerrshme

ngushellime familjareve

[Nice_Boy]

Itali: Arrin në 150 numri i viktimave, mes tyre 5 shqiptarë


Ambasada shqiptare në Romë, konfirmoi lajmin, se në tërmetin e sotëm ka humbur jetën vogëlushja shqiptare, Elsajet Boshti, e datëlindjes 2005. Ndërkohë, që sipas kësaj ambasade, i ati është gjallë dhe ka qenë ai që ka identifikuar trupin e së bijes mes qindra viktimave te kësaj tragjedie. Ambasada thotë se kjo është e vetmja viktimë nga Shqipëria, që rezulton deri tani.

Katër shqiptarë nga Maqedonia të vdekur, mes tyre dy fëmijë

Ndërkohë, 4 shqiptarë të tjerë, por me nënshtetësi maqedonase janë gjetur sot të vdekur nën rrënoja. Konfirmohet nga ambasada maqedonase në Romë se kanë humbur jetën 44-vjeçari Refik Asani, Valbona Osmani (13 vjeç) dhe Alejna Zejnulla (11 vjeç) dhe Nurie Abdiu, 41 vjeç.

Katër viktimat jetonin në qytetin italian Akuila që ka qenë edhe epiqendra e tërmetit.

Rritet bilanci i vdekjes, 150 vetë deri në orën 19:30

Tragjedia thellohet në Itali. Ka shkuar në 150 numri i viktimave deri në orën 19.30, ndërsa kërkimet për gjetjen e trupave të tjerë vështirësohen për shkak të errësirës. Të mbijetuarit janë strehuar nëpër çadra.

Të paktën 4.000 punonjës të ekipeve të shpëtimit po punojnë për nxjerrjen nga rrënojat të të mbijetuarve, deklaroi kryeministri italian, Silvio Berlusconi. "Puna është përqendruar tashmë në gjetjen e të mbijetuarve", shtoi ai.

Sipas kryeministrit italian numri i të plagosurve është të paktën 1.500. /Shekulli/

[_AuLoNa_]

http://www.youtube.com/watch?v=rQGn-mJHPdg

[xfiles]

Sapo u ndjene perseri lekundje te lehta ne rome,
degjova disa njerez qe zbrisnin me vrap neper shkalle.

Me sa duket gjendja nuk po permiresohet.