A bie ndesh ideja e "zotit" me lirinë?

[iliria e para]

Kurrnje fe nuk e len njeriun te lire, e sic duket njeri te lire 100% nuk ka.
Ne ket rast as vet Zoti nuk eshte i lire nese i duhet kontrolli mbi ne(nese?).

[darwin]

Po pra po, por ti e une nuk jemi gure qe na hedhin ne lume. Une e ti hidhemi vete ne lume. Nese Zoti e ka shkruar qe ti do hidhesh ne lume, kjo nuk do te thote qe Ai te detyroi ty te hidhesh, por qe Ai e di qe ti do hidhesh dhe gjithe ndodhite e tua te mepasshme. Rrethanat dhe pasojat jane te krijuara nga Zoti por zgjedhja eshte jotja. Njeriu e gjen veten ne rrethana te cilat jane jashte kontrollit te tij (dhe eshte i papergjegjshem per to). E kam thene qe njeriu nuk eshte absolutisht i lire, por ne keto rrethana atij i ofrohet mundesia per te zgjedhur. Zoti ka krijuar edhe lumin edhe bregun nga do hidhesh edhe trupin qe do hidhet edhe forcen terheqese qe do te te çoje ne lume edhe trurin qe do vendose te hidhet apo jo, por atij i ka dhene liri - vullnet te lire.

SG, neqoftese ai e di zgjedhjen tende (te momentit dhe te ardhmes), a nuk te bie valle nder mend te pyesesh veten se c'kuptim ka qe ai ben kete lloj "shfaqje kukullash", kur ai di gjithcka qe ndodh dhe do te ndodhe? Atehere atij i intereson qe t'a coje shumicen ne "syrgjyn", apo jo? Neqoftese po, atehere edhe sikur te jepte shenjen me te vogel te ekzistences une do ta refuzoja besimin dhe adhurimin ne nje sadizem te tille.

Te krijosh per te denuar(!?) -- kjo thjesht eshte jo me pak se sadizem!

Mbase ti mund ta quash dhe dashuri kete lloj "plani" pershkrues, por une do te sugjeroja ta shihje per ate qe eshte ne rastin ne fjale (vazhdon gjithmone neni 1 - ai eshte!) dhe ta lije friken menjane nga ndikimi i kesaj zgjedhje.

gjeagjezat e Epikurit

[Albo]

Ideja se fati yne eshte i shkruar, Zoti i cili di dhe ben gjithcka me ben te dyshoje ne lirine time. A jam une vertet i lire ne zgjedhjet e mia ne jete nese keto zgjedhje jane te parathena? (megjithese une nuk kam dijeni qe me pare)

Kjo qe ke shtruar ti eshte ne vetvete nje teme e dyfishte: ne nje ane ti kerkon te diskutosh se si konceptohet liria ne raportin hyjni-njeri; nga ana tjeter ti kerkon te diskutosh perkufizimin e lirise ne nje kontekst te thjeshte njerezor.

Nuk ia vlen te diskutosh per piken e dyte pasi ne 80 postimet ne kete teme mund te hasesh ne 80 perkufizime te ndryshme mbi lirine nga 80 njerez qe ndajne nje natyre njerezore, por nuk kuptojne njesoj. Per piken e pare une do te thosha vetem dy gjera shkurt e qarte:

Ideja se gjithcka eshte e shkruar nga Zoti dhe ne nuk kemi gje ne dore mbi jeten tone eshte po aq djallezore sa ideja se djalli nuk ekziston. Ajo qe njeriu quan "fat" eshte vetem nje perplasje e natyres se ngritur hyjnore (Perendise) me natyren e rene njerozore (Demonike). Perendia mundohet ta afroje krijesen e tij njerezore me natyren e vete hyjnore, kurse djalli i ka vene synim vetes ndarjen me cdo kusht te njeriut nga Perendia. Dhe ne nje kendshtrim te tille shpirteror, njeriu jo vetem qe ka gjithe jeten e tij ne dore, por atij i duhet te beje nje lufte per mbijetese pikerisht per te gjetur natyren e vertete te tij, natyren hyjnore.

Ashtu si ai femija i vogel qe eshte i lire vetem ne krahet e prindit te tij dhe ne ngrohtesine e familjes se tij, ashtu edhe njeriu asnjehere nuk ka per te njohur lirine absolute per aq kohe sa ai do te jete i burgosur nga vargonjte e nje natyre njerezore te ciles ai nuk i perket.

Vete misioni i besimtarit eshte largimi nga natyra e rene njerezore dhe afrimi me natyren hyjnore. Dhe njeriu nuk eshte thjeshte nje rob i fatit te tij, perkundrazi cdo njeri ka aftesine e lindur hyjnore te fitoje me lufte dhe sakrifice lirine e tij, ribashkimin me natyren e tij te vertete hyjnore. Se sa pak njerez zgjedhin ta bejne kete gje ne jeten e tyre, ketu fillon edhe tragjedia e "fatit" njerezor.

Albo

[proscriptor]

Albo: "Ideja se gjithcka eshte e shkruar nga Zoti dhe ne nuk kemi gje ne dore mbi jeten tone eshte po aq djallezore sa ideja se djalli nuk ekziston."

Fete judaike jane djallezore?

[Sokoli]

Dime qe gjerat universale nuk mund te kapen nga shqisat e njeriut (shikimi, degjimi, shija, nuhatja, te prekurit) pasi ato jane ne gjendje te perceptojne vetem gjera te vecanta/vecuara.

Liria eshte ne qender te fabules biblike me Even dhe Adamin dhe simbolizohet teper qarte prej molles se ndaluar (pike!). Molla e ndaluar u la ne kopesht edhe pse u identifikua si molle e ndaluar. Ajo nuk u rrethua me gardh e as me mur. Iu la prane Adamit dhe ai thjesht u porosit qe ajo eshte molle qe nuk duhet keputur edhe pse ti ja ku e ke dhe mund ta kepusesh kur te duash.
Sipas mendimit tim Adami e ka pasur te veshtire te kuptoje dallimin dhe relatat mes beses dhe dijes, ndaj e humbi lirine ne emer te lirise. Ndoshta molla e ndaluar u keput per te provuar se ai ishte i lire aq sa t'a humbiste lirine. Prej ketu del dhe pershkrimi i vetem i lirise: Njeriu eshte i lire t'a humbase lirine. Ndoshta ka vec nje menyre per t'a provuar. Ndoshta prova mund te behet vetem nje here.

Dime ama edhe qe kjo bote eshte e vjeter dhe e madhe boll per ne njerezit dhe ne emer te Zotit e fese njeriu i ka bere plot njeriut.

[darwin]

Ajo e molles nuk quhet liri. Njeriu u la i lire por me kushtin qe ne asnje menyre s'duhej t'i shkonte goja leng per ate mollen e kuqe (diturine!), dmth vertet i lire do te ishte ne rastin qe zoti do t'a therriste Adamin edhe pastaj me dy fjale "e di si eshte puna, o njeri? bej c'te duash ketu te kopshti se frutat behen prape.."

Nje emertim i sakte do te ishte: LIRI ME KUSHT (term mjaft i njohur "ketej poshte")

[Sokoli]

Liria me kusht eshte pjelle e njerezve qe nuk dallojne dot besen nga dija darwino. Injoranca eshte kulmi i lirise. Njeriu eshte i aq i lire sa te injoroje gjithcka, edhe vete faktin qe ai eshte injorant per vete. Po do te te rrefej cka ndodhi sot:

Pasi shkrova postimin e mesiperm po dremisja ca ketu ne karrike para kompjuterit. Edhe pashe nje ender te vogel. Pashe ne ender sikur ti darwin ishe banori i vetem i nje ishulli te vogel e ndermjet palmave, reres, peshqeve, detit, papagajve shumengjyresh e arrave te kokosit dikund aty ishte dhe nje xhepahne e madhe prej hekuri ngulur ne rere qe lexonte "bombe atomike". Ishte dhe nje buton i kuq aty qe shkruante "Plas" mes aleteve te tjera te xhepahnese prej llamarine. Edhe te vjen nje zhapik i vogel ty neper kembe nderkohe qe ti ishe duke u ngrohur nen rrezet e diellit per shtate pale qejfe duke degjuar papagajte dhe valet e detit.
Edhe te thote zhapiku ty: I bukur ky ishuilli.
- I bukur boll besa i ktheve ti.
- Po keto ca jane?
- Palma.
- Te bukura qenkan.
- Po ato maje palmave?
- Arra kokosi... Po ajo atje e po kjo ketu dhe erdhi radha tek ajo gjeja e madhe prej llamarine ngulur pergjysme aty ne rere.
- Po kjo ketu cfare eshte?
- Bombe atomike ia ktheve ti.
- E nga e di ti qe eshte bombe atomike?
- Po i besoj asaj qe eshte shkruar ne te.
- Po si u gjend kjo ketu ne ishull?
- Do te kete dhe ajo historine e saj me siguri po une nuk e di. Thjesht ketu e kam gjetur e aty e kam lene.
- Po c'ka eshte bomba atomike mor darwin?
- Nuk e di mire por aty tek instruksjonet thote qe shperthen fort.
- Po sikur te jete tallur dikush e te mos jete bombe atomike por thjesht nje shaka?
- Nuk ma merr mendja. S'ka arsye ta vere dikush nje bombe atomike ne nje ishull te shkrete.
- Po sikur ajo ne fakt te mos jete bombe atomike por nje kasaforte e madhe me kushedi c'gjera te vlefshme brenda, tere pasurite e botes ndoshta.
- Mund te jete dhe kasaforte po, mund te jete edhe bombe ia prite ti zhapikut tashme i lekundur.
- Po nga do e dish ti pa e shtypur ate butonin e kuq? Ndoshta ai hap kasaforten.
- Po sikur te plase?
T'a kthen zhapiku ty:

"e di si eshte puna, o njeri? bej c'te duash ketu te kopshti se frutat behen prape.."

Edhe ti afrove gishtin tek butoni po mua me doli gjumi pastaj e c'te shoh? Postimin tend me siper.

[darwin]

sokol.. ne fillim e lexova me indifernece, por pastaj u preka thelle nga ajo qe kishe shkruar me lart..

e keqja, per dreq, eshte se e ke cilesuar qe ishe ne enderr, se une direkt do te vija ti shikoja kartat e letrave tek ty..

- - - - - -

u ktheva dhe une ketej.. shiko, pa te keq.. a do vish ti te behesh Premti?

[Lule Portokalli]

Shume nga diskutimet ketu ( nuk i kam lexuar te gjitha) nuk kishin te benin fare me temen. Pra tema eshte " A bie ndesh, ideja e Zotit me lirine?" dhe nuk ka te beje fare as me fete dhe as me zotin si koncept. Pra merret i mireqene koncepti ZOT ashtu si e ka secili ne koke dhe gjithashtu ne asnje menyre nuk duhet te ngaterrohet besimi me fete. Nuk jane aspak gjera te barabarta.
Tani per temen. Une mendoj qe njeriu ne krahesim me hapesiren ku jeton ( perfshi ketu gjithesine), eshte teper teper i vogel dhe i kufizuar si qenie. Pra liria absolute nuk ekziston. Liria eshte e kushtezuar per njeriun. Liria ne kuptimin fizik eshte e kushtezuar nga pamundesite e tij fizike ( ai do qe te ndaloje uraganet, me nje te levizur te gishtit, por nuk eshte aspak i lire qe ta beje kete) dhe ajo ne kuptimin mendor nga ngushtesia e trurit dhe njohurive te tij ( ai nuk di aspak dhe nuk e gjen dot aspak me mend sa yje ka gjithesia dhe sa civilizime te tjera ekzistojne pervec tij).
Mendimi im eshte qe besimi ne Zot nuk e kufizon lirine e njeriut perderisa Zoti kurre nuk detyron, ne asnje menyre. Njeriu eshte i lire te zgjedhe, ta besoje ate apo mos e besoje ate. Dhe njeriu zgjedh ate qe i pelqen te beje PRA ESHTE TERESISHT I LIRE. Lind pyetja, po nese ben zgjedhjen qe te besosh, valle a ndjehesh i kufizuar? JO. Une mendoj qe nuk ndjehesh i kufizuar, perderisa aty te shtyn vullneti i lire dhe ne cdo moment e ke ne dore te rrish apo te ikesh. Ata qe vertet besojne ne zot ndjehen shume me te lire, me te lumtur se sa ata qe nuk besojne. Flas gjithmone per ata qe vertet besojne dhe jo per ata vetem deshirojne te besojne ose qe kujtojne sikur besojne.
Dikush neper postime kishte permendur "ndeshkimin" e zotit per ata qe nuk besonin. E cfare ka ndeshkimi? Cfare eshte ndeshkimi ne vetvete? Nje zgjedhje e lire! Ferri? Zjarret? Kamxhiket? Po mire, ka plot njerez qe keto gjera nuk i kane aspak ndeshkim por i shijojne ato. Ka njerez qe kamxhikojne veten dhe te tjeret per kenaqesi dhe ka njerez qe dhimbja i kalon ne ekstaze kenaqesie. Pra nuk eshte aspak nje ndeshkim por thjesht nje zgjedhje e lire. Ata ashtu jane ate duan.
Sa per konceptin e Zotit qe ishte diskutuar shume ne kete teme, edhe pse kjo nuk eshte tema qe trajton kete problem dua te them vetem qe jo te gjitha gjerat qe nuk konceptohen dot dhe nuk mbyllen dot ne koncepte nuk ekzistojne! Njeriu ka aftesi teper teper te kufizuara per boten qe e rrethon. Do preferoja me mire ti besoja intuites dhe instiktit njerezor, sesa llogjikes njerezore, thjesht per aresyen sepse instikti dhe intuita jane shume shume me te lashta dhe me me pervoje se sa llogjika njerezore. Konceptet qe truri i njeriut perpiqet ti gjeje jane shume relative dhe te ndryshueshme ne kohe.

[KVS]

Te njejten gjuhe po shkruajme ne KVS? Patjeter qe Zoti eshte i gjithedijshem. Nuk kam shkruar ne ndonje vend qe Zoti nuk e njeh konceptin e kohes, por kam shkruar qe eshte jashte dimensionit KOHE, nuk eshte i kufizuar nga koha ( dhe nga asgje). Koha vepron mbi krijesat, jo mbi krijuesin. Nuk eshte e nevojshme te marresh as nga Kurani as nga Bibla perdorime te konceptit te kohez. Ato jane per t’u shpjeguar diçka njerezve.

Ok, ti fole, tani dëgjojmë Kuranin:

29. Ai (All-llahu) është që për juve krijoi gjithçka ka në tokë, pastaj vullnetin e vet ia drejtoi qiellit dhe i bëri ata shtatë qiej. Ai është i Gjithëdijshmi për çdo gjë.
30. (Përkujto Muhammed) Kur Zoti yt u tha engjëjve: “Unë po krijoj (po përcaktoj) në tokë një zëvendës”! Ata thanë: “A do të vëshë në te atë që bënë çrregullime dhe që derdh gjaqet, e ne të madhërojmë Ty me lavdërimin Tënd dhe plotësisht të adhurojmë”! Ai tha: “Unë di atë që ju nuk dini”!
31. E Ai (Zoti) ia mësoi Ademit të gjithë emrat (e sendeve) , pastaj ata ua prezentoi engjëjve dhe u tha: “Më tregoni për emrat e këtyre (sendeve të emërtuara), nëse jeni të drejt (çka mendoni)?”
32. (Engjëjt) Thanë: “Ti je i pa të meta, ne kemi dije tjetër përveç atë që na mësove Ti. Vërtetë, Ti je i gjithdijshëmi, i urti!”
33. (Zoti) Tha: “O Adem, njoftoj ata (engjëjt) me emrat e atyre (sendeve)!” E kur u rrëfeu atyre për emrat e tyre, (Zoti) tha: “A nuk u kam thënë juve se Unë, më së miri e di fshehtësinë e qiejve e të tokës dhe më së miri e di atë, që ju e publikoni dhe atë që e mbani fshehtë. ”

Përveç kohëve të mësipërme, është e testueshme dhe konstante e logjikës dhe realitetit se çdo veprim i kryer, kryhet në kohë. Koncepti i veprimit nuk ekziston dot pa konceptin e kohës.

Gjithashtu Kurani, si më lart, tregon qartë se "zoti" i Kuranit (dhe i Biblës) vepron (në kohë). Pra cili është përkufizimi i "zotit" tënd personal... ?

Zoti e di, por nuk te ka detyruar per asgje. Me thuaj pak si kuzhtezon dija e tij veprimin tone. Ti supozon qe dija kushtezon. Le te themi qe Zoti e di nese ti do t’i pergjigjesh ketij mesazhi ose jo. Ai e ka shkruar qe ti….. Se çfare do besh ti eshte e paracaktuar. Me thuaj tani si e pengon kjo vullnetin tend te lire per t’iu pergjigjur ose jo.

D.m.th. as analogjia me gurin (analogjia, thjeshtimi i fundit i analizës logjike), nuk bëri efekt?

SuiGeneris, kur paracaktohet se çfarë do të bëj unë, se çfarë do të ndiej unë, se si do të mendoj unë, se kur do të notoj, etj., etj. pavarësisht nëse e di unë apo jo, ndodh pikërisht ajo që thotë fjala: PARA-CAKTIM! Nuk ka të bëjë këtu dija ime. Nëse unë nesër do të vras një person dhe pasnesër do të përdhunoj një tjetër dha pasipasnesër do të dhuroj bamirësi për Nigerinë, këto janë të para-caktuara! Këtë thotë përkufizimi i "zotit" semit.

E keqja është se po ngatërroni zbërthimin logjik me pëlqimin e përfundimit që del. Ju pëlqen apo s'ju pëlqen juve ky "zot" e kjo fe, ky është problem me veten tuaj. As nuk ka të bëjë me KVS-në as me ju por me fenë dhe logjikën. Siç thotë dhe Albo me proscriptor-in:

Ideja se gjithcka eshte e shkruar nga Zoti dhe ne nuk kemi gje ne dore mbi jeten tone eshte po aq djallezore sa ideja se djalli nuk ekziston.

Fete judaike jane djallezore?

Fetë semite janë ato që japin këtë përkufizim të "zotit", nuk jam unë. Kjo s'është çështje pëlqimi dhe zgjedhjeje për ju. Megjithatë nuk ka pse të mërziteni sepse "zoti" semit, është abstraksion vetëkundërshtues, pra nuk ekziston as si koncept. Ndaj dhe absurditete të tilla të brendshme janë normale këtu. Kjo është vetë natyra e irracionales.

Je ne nje ndarje rrugesh, dhe te duhet te shkosh majtas ose djathtas. Une po te them qe Zoti e ka shkruar se ç’drejtim do marrresh. Ne ç’menyre te detyron kjo ty te marresh X drejtim? Zoti ka shkruar drejtimin qe ti do marresh jo sepse ai do te te detyroje ty ta marresh ate drejtim por sepse ai eshte siper kohes dhe e di se çfare drejtimi do marresh. (Si ka mundesi qe nuk po kuptohemi me kete pike?)

Kuptoj ç'do të thuash, por ajo që, si më lart sqaruar, nuk pëlqeni të pranoni, është se çdo gjë bie mbi "shpatullat" e "zotit". Është "ai" që e "krijon" njeriun (etj) duke paraditur se ç'do të ndodhë me të. Rrjedhim logjik, çdo gjë që ndodh kudo kurdo është përgjegjësi e... "krijuesit".

Po pra po, por ti e une nuk jemi gure qe na hedhin ne lume. Une e ti hidhemi vete ne lume. Nese Zoti e ka shkruar qe ti do hidhesh ne lume, kjo nuk do te thote qe Ai te detyroi ty te hidhesh, por qe Ai e di qe ti do hidhesh dhe gjithe ndodhite e tua te mepasshme.

Pikërisht e kundërta. Pra, "zoti" duke paraditur se njeriu do të bëjë ato që do të bëjë, gjithsesi e "krijon" atë ashtu siç e krijon për të bërë ato që do të bëjë.

Dhe unë duke ditur që guri do të bjerë në lumë po ta hedh drejt lumit që të bjerë në lumë, gjithsesi e hedh atë drejt lumit.
- Ku do të bjerë guri?
- Kush e hodhi gurin?
- Kush është përgjegjësi?
- Liria e gurit?

Rrjedhojë logjike: Feja semite del "djallëzore". Por sërish fjalia del pa kuptim. Ç'është djalli? Njësi absurde në fjali. Fjalia infektohet. Rreth absurd.

Dime qe gjerat universale nuk mund te kapen nga shqisat e njeriut (shikimi, degjimi, shija, nuhatja, te prekurit) pasi ato jane ne gjendje te perceptojne vetem gjera te vecanta/vecuara.

Gjërat universale? Nga e di?

Liria eshte ne qender te fabules biblike me Even dhe Adamin dhe simbolizohet teper qarte prej molles se ndaluar (pike!). Molla e ndaluar u la ne kopesht edhe pse u identifikua si molle e ndaluar. Ajo nuk u rrethua me gardh e as me mur. Iu la prane Adamit dhe ai thjesht u porosit qe ajo eshte molle qe nuk duhet keputur edhe pse ti ja ku e ke dhe mund ta kepusesh kur te duash.

Dhe "zoti" i krijoi "Adamin" dhe "Evën" duke e ditur që ata do ta kafshonin mollën, apo jo?

Kur unë krijoj një bombë atomike me qëllim që ta hedh në Hiroshimë, pra, duke paraditur që bomba atomike do të marrë aq njerëz me vete sa do të marrë, cili e ka përgjegjësinë bomba apo unë?

Shume nga diskutimet ketu ( nuk i kam lexuar te gjitha) nuk kishin te benin fare me temen. Pra tema eshte " A bie ndesh, ideja e Zotit me lirine?" dhe nuk ka te beje fare as me fete dhe as me zotin si koncept. Pra merret i mireqene koncepti ZOT ashtu si e ka secili ne koke dhe gjithashtu ne asnje menyre nuk duhet te ngaterrohet besimi me fete. Nuk jane aspak gjera te barabarta.

Meqënëse jam unë ai që e solli çështjen e (mos)konceptit të "zotit" në temë, më përket të të përgjigjem këtu.

Ti thua të merret i mirëqenë koncepti "zot" siç e ka gjithsecili në kokë. Por çështja del tek fakti se unë nuk kam koncept të "zotit" në kokë! Një përkufizim kam kërkuar në temën e posaçme tek forumi i ateistëve dhe i agnosticistëve, meqënëse vetëm aty lejohen tema ndër besimtarë e mosbesimtarë dhe deri tani nuk ka dalë ndonjë koncept, kam dëgjuar vetëm absurde.

Përmasa e këtij keqkuptimi që mbahet për koncept është akoma më e madhe dhe jashtë forumit. Unë vetë vazhdoj të pyes sepse askush deri më sot nuk më ka sqaruar për çka nënkupton ai me termin "zot" megjithëse disa e përdorin pa fre. Gjithnjë përpjekjekt përfundojnë në absurde. (Përjashtoj këtu zotat paganë para-semitë, kryesisht tradicionalë, të popujve europianë, që ishin personifikime të vetive dhe objekteve në natyrë, sipas mendësive të çdo kombi, e për pasojë koncepte të mirëfillta.)

Problemi del se kur flitet për "zotin", flitet për njëfarë pështjellimi irracional që haset në librat e feve semite; Dhe duke qenë se nuk po gjej konceptin, vazhdoj të pyes. Nga pamundësia shpjeguese, që të gjithë habiten që e hasin kur duan të më përgjigjen, ka rezultuar që shumica nuk kanë fare koncept të këtij "zoti". Ata që përgjigjen më japin përfundimisht një absurde dhe jo koncept. Megjithatë dhe këtu e mora si të mirëqenë këtë absurde dhe vazhdova diskutimin.

Normalisht që është e mundur të bëhet ndërlidhje mes absurdes të marrë si njësi dhe njësive të tjera logjike në fjali. Thjesht, si gjithnjë, për shkak të absurdes na dalin dhe përfundimet absurde. Jo më kot, pasi absurdja paraqet një farë shkalle të lartë infektimi, ndaj dhe njerëzimi ka zgjedhur ta spitalizojë.

Sa per konceptin e Zotit qe ishte diskutuar shume ne kete teme, edhe pse kjo nuk eshte tema qe trajton kete problem dua te them vetem qe jo te gjitha gjerat qe nuk konceptohen dot dhe nuk mbyllen dot ne koncepte nuk ekzistojne! Njeriu ka aftesi teper teper te kufizuara per boten qe e rrethon. Do preferoja me mire ti besoja intuites dhe instiktit njerezor, sesa llogjikes njerezore, thjesht per aresyen sepse instikti dhe intuita jane shume shume me te lashta dhe me me pervoje se sa llogjika njerezore. Konceptet qe truri i njeriut perpiqet ti gjeje jane shume relative dhe te ndryshueshme ne kohe.

Jo çdo gjë merr përkufizim të hollësishëm (më tepër këtu), por çdo gjë ngrihet në shkallë koncepti, siç kemi p.sh. konceptin e kohës, ecjes, fjalimit, trekëndëshit. Koncepti është njësi e logjikës. Në rastin e "zotit" s'kemi së paku as koncept. Pra unë e përdor fjalën "zot", kur flas me ata që pohojnë se kanë "koncept" të "zotit" (semit), të marrë si një njësi shprehimore absurde, pra, pa kuptim.


Pas tërë këtij lakimi të konceptit më falni për zgjatjen dhe përshëndetje!