Bashkimi I Muslimaneve

[faruk9]

Të përqendrohemi tani në çështjen ndaj së cilës na tërhoqët vëmendjen BASHKIMIT – AFRIMIT-.

Ajo që shoh unë është se kjo çështje nuk varet te braktisja e besimit të tyre nga shi‘itët dhe as te braktisja e të tyrit nga sunnitë. T’u kërkosh shi‘itëve diçka të tillë pa u kërkuar të tjerëve të veprojnë njëlloj, është të preferosh jo në bazë të meritës e madje të favorizosh më pak të pëlqyeshmin. Është t’i kërkosh dikujt atë që ndodhet përtej aftësive të tij, siç u bë e ditur nga Hyrja jonë.
Po, bashkimi dhe uniteti mund të arrihen nëse e lironi medhhebin e Ehl-i Bejtit dhe e shihni atë siç shihni çdonjërin prej medhhebeve tuaja, në mënyrë që hanefitë, malikitë, shafi‘itë dhe hanbelitë t’i konsiderojnë ndjekësit e Ehl ul-Bejtit mu ashtu siç konsiderojnë njëri tjetrin. Vetëm atëherë mund të arrihet uniteti i muslimanëve dhe ata do të jenë të bashkuar nën një kanatë.
Ndryshimi mes vetë medhhebeve sunnite s’është më i vogël se ai ndërmjet atyre shi‘ite dhe sunnite, siç dëshmojnë mijëra libra mbi rrënjët dhe degët e besimit të të dyja grupeve; përse atëherë, disa njerëz mes jush i kanë dënuar shi‘itët se dallojnë nga sunnitë? Përse nuk i kanë dënuar ata, me të njëjtën linjë arsyetimi, sunnitë për të ndryshuarit e tyre nga shi‘itët, apo madje edhe nga vetë njëri tjetri? Nëse medhhebet mund të jenë katër, përse nuk mundkan të jenë pesë? Si mund të jetë në rregull të ketë katër medhhebe, por jo pesë? Si mund të pretendohet që katër medhhebe i “bashkojnë” muslimanët, ndërsa kur ato rriten në pesë, uniteti rrënohet dhe muslimanët përçahen? Sa do të doja që, kur na ftuat neve në “bashkim të medhhebeve”, t’i kishit ftuar edhe ndjekësit e katër medhhebeve të veprojnë po ashtu. Kjo e fundit do të jetë shumë më e lehtë për ju dhe për ata. Por gjithsesi, përse na keni veçuar neve për ftesën tuaj? A ju duken pasuesit e Ehl ul-Bejtit thyes të unitetit, ndërkohë që të tjerët bashkokan zemrat e vendosmërinë, ndonëse medhhebet dhe opinionet e tyre ndryshojnë dhe shijet e animet e tyre janë të shumta?! Unë ju shoh të jeni lart kësaj, duke ditur dashurinë tuaj për të afërmit; dhe paqe pastë me ju.

Dhe ne fund per Centry:
Centyri vella, edhe pse e parendesishme por, mos ngatrohesh ; Bani Gj…. Nuk esht faruk’i.

Wesselam, faruk. 04/04/09.

p/s., të nderuar, këte postim dhe temën parapraken nuk e postova aty nga fakti se atz bëjej fjalë për N. Albanin, andaj hapa temë tjetër . flm. për mirëkuptim.

Selam.