Poeme: "DILOIADA" nga Jorgo TELO & Eduard Dilo

[Jorgo Telo]

NË VEND TË PASTHËNIES

ILIA DILO SHEPERI – GJUHËTARI, ATDHETARI,MËSUESI I SHQUAR
(Sesion shkencor përkujtimor në Gjirokastër)

Është meritë e atdhetarëve të shumtë zagoritë, që, duke nderuar veten, kanë nderuar dhëe e kanë bërë të dëgjuar edhe vetë krahinën e tyre.Ndër ta vend nderi zë dhe Ilia Dilo Sheperi, i cili në 125 vjetorin e lindjes dhe në 70 vjetorin e botimit të gramatikës së tij, i bë objekti i sesionit shkencor përkujtimor të Universitetit “Eqrem Çabej” të Gjirokastrës me tematikë:”Ilia Dilo Sheperi – gjuhëtari, atdhetari, mësuesi i shquar”, organizuar nga dega e Shoqatës “Çajupi” për Gjirokastrën dhe departamenti i gjuhës shqipe në Universitetin “Eqrem Çabej”. Me këtë rast në njërën nga sallat e këtij universiteti u mblodhën zagoritë me banim në Gjirokastër, pedagogë, kuadro të arsimit në rreth, përfaqësues të kulturës dhe shkencës, dashamirës të Zagorisë etj.E nderoi këtë sesion Prefekti, z. Sotiraq Mantho dhe zëvendësrektori e njëkohësisht kryetari i shoqatës”Lunxhëria”, Vaso Bakuli etj. Rektori i Universitetit, z, Banush Mezini, mik i Zagorisë e dashamirës i shoqatës “Çajupi”, duke çelur punimet e këtij sesioni, ndër të tjera tha: “Na bashkoi sot ky takim përkujtimor, për të nderuar njërën nga figurat e shquara të arsimit e të shkencës shqiptare, Ilia Dilo Sheperin në 125 vjetorin e lindjes së tij. Universiteti ynë që mban emrin e gjuhëtarit të madh Eqrem Çabej, është e dyta herë që e nderon veprën e mësuesit të Çabejt, veprën e pionierit të albanalogjisë shqiptare dhe të arsimit kombëtar, të atij që edhe në momentet e persekutimit të thellë e të gjatë, ju drejtua persekutorëve antishqiptarë: “Edhe kur të më prisni kokën, në grykën time do të gjeni një “a”, një “b” e një “c”…”Ilia Dilo Shperi ishte nga pëfaqësuesit më të denjë të inteligjencies gjirokastrite, që i kaloi shpejt përmasat e hapësirave krahinore, për t’u n gjitur në eltën kombëtare të burrave të mençur, që me emrin dhe veprën e tyre i bënë nder vendlindjes dhe shërbim të çmuar kombit në momentet më të vështira të ekzistencs së tij.Mësuesi i shquar, atdhetari i flaktë filologu erudit dhe gjuhatëri me kontribut të shënuar, jeta dhevepra e Sheperit, do të jetë objekt i një trajtimi të shumëanshëm në këtë sesion shkencor përkujtimor…
Le të shpresojmë se kjo veprimtari do të jetë më tepër një homazh mirënjohje për “Mësuesin e Popullit”, më tepër se një kumtim mbi personin e tij. Duke ju uruar mirëseardhjen, gjej rastin të falënderoj organizatorët e këtij aktiviteti e t’i uroj punë të mbarë sesionit tonë shkencor.”
Pas kësaj përshëndetjeje të ngrohtë dhe kuptimplote, u kalua në parashtrimin e kumtesave të planifikuara, të cilat u ndoqën me vëmendje dhe interes nga pjesëmarrësit.Kur sesioni po e kalonte gjysmën e referuesve, i erdhi atij nga Koncka pershëndetja e zagoritit të talentuar Jorgo Telo, i cili edhe pse nuk referoi një kumtesë, dërgoi posaçërisht dy poezi kushtuar Ilia Dilo Sheperit, një baladë e një këngë për të. Të dyja këto i recitoi me pathos, ngrohtësi dhe muzikalitet, tamam si rrjedhat dhe ujëvarat kristal të burimeve zagorite, aktorja e mirënjohur Eli Bici. Ishte kjo njëra nga pikat kulmore të këtij sesioni.Për kryerjen e kësaj veprimtarie duhen përgëzuar organizatorët dhe drejtuesit e saj, Dega e Shoqatës “Çajupi” për qytetin e Gjirokastrës dhe Departamenti i Gjuhës Shqipe në Universitetin “Eqrem Çabej” si dhe zotërinjtë Vasil Bici, Alqi Jani dhe pedagogët që referuan në këtë sesion.
Në fund diskutoi dhe z. Thimjo Peçi, i cili parashtroi disa mendime.

Evjen PERI

Shkëputur nga gazeta “ZAGORIA” Nr.10 (Janar 1998)



FUND
Gjirokastër, ALBANIA & NeW York, USA, Gusht - dhjetor 2008