Policia Shqiptare: 2002 Krimi I Organizaur Drejt Rritjes

[Shijaksi-London]

Policia shqiptare publikon shifrat, ulet ndjeshëm krimi i dhunshëm në shkallë vendi

2002 - krimi i organizuar drejt rritjes

NGA GAZETA BALLKAN







Dinamika e kriminalitetit për vitin 2002 ka pësuar rritje. Ky pohim është publikuar në raportin vjetor të Ministrisë së Rendit Publik, për situatën e rendit në shkallë vendi. Sipas këtij raporti, treguesit më sintetikë të kësaj dinamike dëshmojnë se është ulur në mënyrë të ndjeshme krimi i dhunshëm. Duke pohuar rritjen në total të veprave penale, raporti i dikasterit nënvizon faktin që kjo është rezultat i kërkesës për një evidencim më të saktë të veprimtarisë kriminale në shkallë vendi dhe rritjes së zbulueshmërisë në krimin e organizuar dhe trafiqet.
Duke analizuar statistikat e së kaluarës, raporti i Ministrisë së Rendit Publik, për situatën kriminalë në shkallë vendi, pohon se ka munguar vizioni dhe një strategji e qartë për krimin ordiner. Sipas specialistëve të policisë, është pikërisht ky krim që pjell krime të rënda , për shkak të vetgjyqësisë. Në raportin në fjalë pohohet se, për vitin 2002 janë evidentuar në total 4363 vepra penale, me një shkallë zbulueshmërie prej 88 përqind. Ndërkohë, pohohet gjithëashtu se krimet janë kryer nga 5080 autorë, 3089 prej të cilëve janë arrestuar apo ndaluar.
Shifrat e publikuara nga ana e dikasterit blu, në ditët e fundit të vitit të kaluar, tregojnë se situata kriminale në tërësi dhe ajo e krimit të organizuar në veçanti nuk është për t'u marrë shëmbull. Pohimi i rritjes së krimit të organizuar në fusha të tilla si ato në fushën e pasurisë, të drogës, trafikut, krimit ekonomiko-financiar etj., tregon se për vitin në vazhdim Ministria e Rendit Publik dhe strukturat e Policisë së Shtetit do të kenë jo pak probleme serioze për të përballuar. Prania e krimit të organizuar në shifra serioze, të pohuara këto në më shumë se një rast nga organizma të specializuara ndërkombëtare, është realiteti i ri, vërtetë serioz.

Trafiku i drogës në linjën Fier-Vlorë-Tiranë
Për Durrësin mendojnë italianët…
Problemi më i ndjeshëm i krimit të organizuar, trafiku i lëndëve narkotike, ka qënë prezent gjatë gjithë vitit në rrethet kryesore të vendit. Në raportin vjetor të Ministrisë së Rendit Publik thuhet se, në fushën e trafikut të drogës janë evidentuar gjithsej 239 raste, me një zbulueshmëri të lartë. Bëhet fjalë për një shifër prej 93 përqind. Këto vepra zënë 5.5 përqind të numrit total të krimeve. Krahasuar me një vit më parë ato rezultojnë me 90 raste më pak. Sipas raportit, edhe ky fakt flet për një punë të mirë parandaluese që është bërë në drejtim të parandalimit të kultivimit të lëndëve narkotike, ndërkohë që konstatohet në rritje treguesi i goditjes së grupeve kriminale që merren me këtë lloj trafiku. Ndërsa bie në sy fakti që janë goditur grupe kriminale të trafikut të lëndëve narkotike në Fier, Vlorë, Gjirokastër, Shkodër e Tiranë, çuditërisht nuk përmendet emri i Durrësit, qytetit ku ndodhet porti më i madh i vendit. Vështirë të mendohet se Durrësi është harruar për t'u vendosur në statistikat e goditjes policore në fushën e trafikut të drogës. Ndërkohë, ajo që mungon në raportin e dikasterit, Durrësi gjendet lehtësisht në statistikat e policisë italiane. Shifrat e drogës së bllokuar në Itali, pasi malli ka kaluar nga Porti i Durrësit, janë mjaft të konsiderueshme, asht siç është i konsiderueshëm edhe numri i personave të arrestuar në vendin fqinj. Ndërsa policia shqiptare godet në Fier, Vlorë, Gjirokastër, Shkodër e Tiranë, për Durrësin duket se mendon seriozisht Italia…

Skeda
Operacione të organizuara kundër trafikantëve 15
Grupe kriminale të goditura, 44
Heroinë e sekuestruar 71.7 kg
Marijuhanë e sekuestruar 13.717 kg
Presa të sekuestruara 15
Rrënjë canabis të asgjesuara 155.678
Vlera e heroinës së sekuestruar 5.5 milionë dollarë
Vlera e marijuhanës së sekuestruar 2.1 milionë dollarë

Në Fier
Grupe të goditur 4
Persona të arrestuar 6
Heroinë e sekuestruar 3.5 kg
Marijuhanë e sekuestruar 1606 kg

Në Vlorë
Grupe të goditur 3
Persona të arrestuar 11
Marijuhanë e sekuestruar 638 kg
Laboratorë të sekuestruar 2

Në Gjirokastër
Grupe të goditur 4
Persona të arrestuar 8
Heroinë e sekuestruar 5.6 kg
Marjuhanë e sekuestruar 1200 kg

Në Shkodër
Grupe të goditur 2
Autorë të arrestuar 4
Marijuhanë të sekuestruar 2260 kg

Në Tiranë
Grupe të goditur 5
Autorë të arrestuar 13
Heroinë e sekuestruar 4.7 kg

Në bashkëpunim me partnerë ndërkombëtarë
Operacione të kryera 13
Pjestarë të grupeve ndërkombëtare të arrestuar 36
Policë dhe doganierë të arrestuar nw, Gjirokastër, Korçë e Lezhë


Antitrafiku i klandestinëve dhe makinave, më i suksesëshmi

Sipas raportit vjetor të Ministrisë së Rendit Publik, në fushën e trafiqeve të qënieve njerëzore dhe të makinave të vjedhura janë evidentuar 462 vepra penale, me 718 autorë. Nga këta të fundit rezultojnë të ndaluar apo të arrestuar, 452 persona.

Skeda
Raste për trafik qëniesh njerëzore, 160
Raste për trafik prostitucioni,196
Shpëtuar nga trafikimi, 174 femra
Shpëtuar nga trafikimi, 20 të mitura
Raste trafik fëmijësh,14
Raste trafik armësh,18
Raste trafik makinash të vjedhura,71
Raste trafik veprash arti,3

Antikrimi ekonomiko-financiar, bllokohen mallra me vlerë 4.3 miliardë lekë
Në raportin vjetor të Ministrisë së Rendit Publik thuhet se në shkallë vendi janë evidentuar 641 vepra penale. Zbulueshmëria e tyre kap një shifër prej 99 përqind. Krahasuar me një vit më parë, ky lloj krimi ka një rritje me 271 raste më shumë. Edhe për këtë nivel rritje, raporti sqaron se kjo është pasojë e intesifikimit të luftës kundër kontrabandës dhe veprimeve korruptive nga radhët e administratës publike. Bëhet e ditur se, mallrat e bllokuara në total për këto lloj krimesh kapin një vlerë të përgjithëshme prej 435.892.000 lekë

[Reiart]

E keqja nuk eshte tek publikimi i ketyre te dhenave, por tek e keqja me e madhe qe fshihet pas ketyre te dhenave dhe qe nuk do te zbulohet kurre.