Akuza ndaj kryebashkiakut Rama

[Brari]

Edhe demagogjia ka disa kufij zoti Nano!

Nga Teodor LAÇO

Zhvillimet e fundit në kampin e mazhorancës dëshmojnë para së gjithash krizën që po kalon qeverisja e vendit. E paaftë për të përmbushur detyrimet e saj programore, e zbuluar në dështimet e njëpasnjëshme ndaj angazhimeve para bashkësisë ndërkombëtare, e bunkerizuar në propagandë ku mungesa e brumit mbulohet nëpër performanca mediatike, qeveria që hë për hë na na hedh në short të gjithëve, duket në agoni.

Në analizën e 6-mujorit të jetës së saj, duke u munduar të vendosë një lloj balance midis "sukseseve" dhe dështimeve, vetë kryeministri Nano u detyrua të pranojë se ecuria e ekonomisë nuk ka qenë ajo që pritej, se në shumicën e dikastereve qendrore ekzistojnë probleme të mprehta të korrupsionit, mefshtësisë, zvarritjeve dhe inkompetencës. Gati të gjitha mediat dhe politikanët e gjithë spektrit iu vërsulën Nanos për këtë lloj analize të parë "nga jashtë" dhe nga lart, me akuzën se kishte harruar që në këtë tabllo të errët të vendoste vetveten, përgjegjësitë e tij. Ky ishte pozicioni klasik i Ponc Pilatit që lan duart. Megjithatë, duke parë ca më thellë dhe pavarësisht nga motivet që e shtyjnë, nuk mund të mohohet se pas steriotipeve të analizave alla enveriste të qeverive të mëparshme që trumpetonin vetëm për arritje dhe suksese, Nano u detyrua t’i zbulojë ca nga ca petët e lakrorit dhe të tregojë publikisht lakrat me të cilat është gatuar. Nëse ky është një stil i ri apo është thjesht trokitje paralajmërimi për ndryshime të thella të kabinetit, kjo mbetet për t’u parë në të ardhmen, ama ajo që duhet nënvizuar është pikërisht forca imponuese e një realiteti të zymtë, e një gjendjeje kaotike të punëve, e cila nuk mund të fshihet më. Sepse po të fshihej do të ishte edhe më keq. Edhe demagogjia ka disa kufij. Përtej tyre ajo shfaqet me fytyrën e vërtetë edhe për pasuesit më fanatikë të partisë, pra si mashtrim...

Nano u përpoq të shkaktojë një tronditje frikësuese brenda kabinetit që kryeson dhe pavarësisht se këtë herë u duk sikur i kursen titullarët dhe i shkarkoi bateritë tek strukturat dytësore, për ata që kanë nuhatje, këmbanat ranë pikërisht për deshtë dhe jo për shelegët. Kryeministri ynë shpesh luan si një bankier: Jep borxhe pa patur garancira të dukshme, por në hipotekë është vënë karriera, e ardhmja e gjithsecilit nga bashkëpunëtorët e tij. Vjen një ditë dhe ai i hap defterët, i bën publike detyrimet, borxhet e mëkatet dhe për pasojë, rreshtimi riformohet. Mund të jenë edhe hamendje këto, dhe ndoshta pamja është më e thjeshtë se sa duket, mirëpo preçedenti i mbledhjeve të përsëritura të Komitetit Drejtues të PS në fund të vitit 2001 të bind për të kundërtën.



PS, bllokuese e

reformave



Në fazën e parë të saj, qeveria Nano mori një lloj përkrahjeje morale edhe nga opozita. Kjo përkrahje nuk iu dha për shkak të ndonjë besimi iluzor, se ajo do të bënte një kthesë në situatën ekonomike dhe në emergjencat që lindin prej saj si papunësia, kriza energjitike, etj., por duke u nisur nga interesat madhore të vendit që kishin të bënin me integrimin dhe me reformat e brendshme, që kushtëzonin hapjen e negociatave për Stabilizim-Asociim me Bashkimin Europian. U duk sikur opozita sakrifikoi diçka nga objektivat e saj dhe të elektoratit që e mbështet në betejën drejt pushtetit, por për mua ky ka qenë një nga veprimet më largpamëse dhe më "kombëtare", do ta quaja, të opozitës. Rezultatet e një klime të tillë bashkëpunimi dhe besimi të dyanshëm, që s’ka pse të mungojë nëse jemi të ndershëm e të papërlyer në afera të pista (vetëm mëkatarët ia kanë gjithmonë me hile njëri-tjetrit), u dukën veçanërisht në zgjedhjen e Presidentit Moisiu si figurë e pranuar nga të gjithë. Kurse dobia e kësaj atmosfere është dukur gjatë, ndërkohë që presidenti po sillet dhe po provon se është përfaqësues i të gjithëve.

Marrëveshja, ndonëse e padetajuar, me sa dimë, nënkuptonte një zinxhir reformash institucionale, të cilat do të vendosnin njëherë e mirë ekuilibre të qëndrueshme për detyrimet e të dyja palëve si dhe për të arritur pavarësitë e parashikuara në Kushtetutë. Ky zinxhir u këput nga vetë socialistët, të cilët duhet të ishin më të interesuarit për ta ruajtur marrëveshjen. Arsyet janë shumë, por midis tyre nuk duhet harruar lufta e brendshme e klaneve brenda dhe jashtë PS, në radhët e aleatëve të saj të vegjël, të cilët procesin e reformave e sulmuan me sllogane të përsëritura me ngulm, sikur çdo lëvizje kuadri apo ndryshim i përbërjes rrezikonte institucionet kushtetuese. Demek, këto institucione na qenkan formësuar kaq mirë sa çdo cënim i tyre, ishtë cënim i demokracisë. Këtu u luajt me mbrojtjen e llogoreve të zëna. "Mosdorëzimi" i tyre dhe tërheqja e PS nga procesi i nisur, shpjegohet edhe me korrupsionin e thellë ku janë zhytur një pjesë e tyre. Dihet se çdo ndryshim, rrezikon para së gjithash të lëvizë nga vendi ujin që është qelbur.



Qeveria Nano,

në shënjestrën e

ndërkombëtarëve



Këtë herë vërejtjet janë aq konkrete dhe vendimet kaq të hapura, sa nuk mbetet vend për manovra politike. Nuk duhet harruar se FMN zakonisht i ka mbështetur programet qeveritare dhe politikat monetare të PS, kjo edhe sepse qeveritë e kaluara kanë pranuar pa kundërshtime gjithë sugjerimet e këtij organizmi me peshë të madhe në vendet në tranzicion.

Sikur vonesa e marrëveshjes financiare të buronte nga politika të reja e të ndryshme të qeverisë aktuale në raport me FMN, shtyrja do të ishte e pakuptueshme, por me sa dimë, në këtë aspekt asgjë nuk ka ndryshuar. Pra, pozicioni i ri i FMN, qoftë edhe i përkohshëm, nuk rrjedh nga diferencat e politikave të saj me ato të qeverisë Nano, por nga zhgënjimi i saj prej paaftësisë së qeverisë në luftën kundër plagës më të madhe të ekonomisë, korrupsionit. Dhe kur paratë e tua zhduken nëpër brima të zeza, askush nuk ka më dëshirë të rrijë e të bëjë sehir. Aq më tepër një organizëm i tillë, i cili çdo gjë ka detyrë ta vëzhgojë me imtësi. Këtë herë, sharra e qeverisë duket se zuri në gozhdë.

Do të thyhet apo jo, do ta provojë koha. Sidoqoftë, opozita shqiptare nuk besoj të ketë më nerva, durim dhe kohë për të humbur, duke i bërë fresk një qeverisje që thuajse për gjashtë vjet nuk ka mundur ta çojë asnjë hap më tej mirëqenien e njerëzve. Dhe vetëm ky argument, varfëria kronike që po sjell trauma të thella psikologjike, braktisje, arratisje vetëvrasëse dhe krime të përditshme, do të ishte i mjaftueshëm për të kërkuar ndryshime.





--------
Drejtori i Institutit të Monumenteve të Kulturës, Gazmend Muka hedh poshtë dek-laratat e kryebashkiakut: "Nuk dhamë leje për shembjen e Kinema "17 Nëntorit"-

Edvin Rama, dhunues dhe mashtrues

• Muka: "Edi Rama dhe Bashkia e Tiranës nuk kanë denjuar asnjëherë gjatë këtyre viteve të marrin miratimin e Institutit të Monumenteve të Kulturës për objektet që duhen prishur apo jo në Tiranë"

• "Ne nuk jemi institucion që japim viston për prishjen ose jo të objekteve në Tiranë. Ne jemi institucion që evidentojmë vlerat historike, kulturore dhe arkitektonike të qytetit të Tiranës"

• "Deklaratat e Ramës janë thjesht një opinion i këtij të fundit, por ato nuk kanë lidhje me Institucionin e Monumenteve të Kulturës"

Drejtori i Institutit të Monumenteve të Kulturës, Gazmend Muka, ka përgënjeshtruar dje deklaratat e Edi Ramës, sipas të cilit, bashkia e Tiranës I kishte marrë leje Institutit të Monumenteve për prishjen e kinema 17 Nëntorit. Muka u shpreh dje se "deklaratat e Ramës janë thjesht një opinion i këtij të fundit, por ato nuk kanë lidhje me Institucionin e Monumenteve të Kulturës". Sipas drejtorit Muka, Edi Rama dhe Bashkia e Tiranës nuk kanë denjuar asnjëherë gjatë këtyre viteve të marrin miratimin e Institutit të Monumenteve të Kulturës për objektet që duhen prishur apo jo në Tiranë. Nga ana tjetër, drejtori i Institutit të Monumenteve pohon faktin që objekti në fjalë ndodhet në zonën e shpallur "Ansambël Monument–Kulture", e cila mbrohet nga shteti. Sipas tij, kjo është një zonë që duhet studiuar për vlerat monumentale, historike dhe kulturore që ka. Nga ana e tij, Muka mohon faktin të ketë dhënë miratimin e tij për prishjen e objektit në fjalë. "Ne nuk jemi institucion që japim viston për prishjen ose jo të objekteve në Tiranë. Ne jemi institucion që evidentojmë vlerat historike, kulturore dhe arkitektonike të qytetit të Tiranës", përfundon fjalën e tij drejtori i Institutit të Monumenteve të Kulturës Tiranë.



Mashtrimi i

Edvin Ramës



Përmes një deklarate kontradiktore, Bashkia e Tiranës deklaroi dje se Kinema "17 Nëntori" nuk ishte shpallur Monument Kulture dhe në të njëjtën kohë deklaroi gjithashtu se për shembjen e këtij objekti kishte marrë edhe lejen e Institutit të Monumenteve të Kulturës. Vetëm kjo frazeologji kontradiktore e bën të qartë të vërtetën e prishjes së Kinema "17 Nëntori"-t. Në rast se kjo kinema nuk do të ishte një Monument Kulture, ashtu sikurse deklaroi dje një studente e kryebashkiakut e punësuar në Bashki, atëherë kjo bashki nuk do të kishte asnjë arsye se përse duhej të kërkonte leje nga ana e Institutit të Monumenteve të Kulturës për të shembur këtë kinema. Ky objekt sikur të kishte qenë ashtu sikurse deklaron Edvin Rama do të shembej, ashtu si shumë shtëpi të tjera, të cilat janë kthyer në sheshe ndërtimi.

Specialistë të Institutit të Monumenteve të Kulturës shprehen se kinemaja ekzistonte në planet e këtij dikasteri si objekt Monument Kulture, por ngrenë supet për prishjen e saj, megjithëse pohojnë se Ministrisë së Kulturës i janë dërguar relacionet për vlerat e veçanta që mbart kjo kinema. Nga ana e saj, Ministria e Kulturës ka heshtur dhe vazhdon të heshtë ndaj kësaj masakre që i është bërë kulturës dhe në veçanti historisë së kryeqytetit.

Specialistët e Institutit të Monumenteve pranojnë dhe nxjerrin në pah vlerat arkitektonike të kinemasë, duke i shtuar edhe vjetërsinë e saj, si dhe rolin historik që ka luajtur ajo në jetën kulturore të kryeqytetit shqiptar. "Kjo kinema nuk duhej të ishte shembur, por duhej të njehsohej me monumente të tilla si Xhamia e Et’hem Beut apo Ura e Tabakëve", thotë njëri prej specialistëve të Monumenteve të Kulturës.



Rama kërkoi të kalojë përgjegjësinë tek drejtuesit e Institutit të Monumenteve



Edvin Rama, i ndërgjegjshëm për pasojat që e presin atë nga përballja me ligjin për prishjen e këtij Monumenti Kulture, po përpiqet që t’ia kalojë përgjegjësinë Institutit të Monumenteve. Punëtorja e Ramës tha dje se ishte përgjegjës për këtë shembje pikërisht Instituti i Monumenteve, i cili, sipas saj, kishte dhënë edhe lejen për shembjen e këtij objekti. Ligji përcakton qartë se personi që ndërmerr veprime të tilla shkatërruese për Monumentet e Kulturës, ndiqet penalisht. "Kur në Monumentet e Kulturës kryhen punime pa autorizimin e institucioneve të ngarkuara për këtë qëllim, organi nën juridiksionin e të cilit ndodhet Monumenti i Kulturës urdhëron kthimin në gjendjen e mëparshme të Monumenteve të Kulturës shtetërore ose private. Urdhëri është titull ekzekutiv. Shpenzimet për kthimin e objektit në gjendjen e mëparshme përballohen nga dëmtuesi. Në rast se shkaktohen dëme, dëmtuesi ndiqet penalisht" , thuhet në ligjin "Për mbrojtjen e pasurive kulturore të luajtshme dhe të paluajtshme".





----
Degjenerimi i institucionit të bashkisë

Institucioni i bashkisë dhe kryetarit të saj gjithnjë dhe më shumë po degjeneron në sytë e opinionit jo vetëm si një institucion në shërbim të mafies së ndërtimit, por dhe si një institucion, i cili mund të mashtrojë për cdo gjë. Edvin Rama është i njëjti person që po hedh poshtë një vendim të cilin ai e ka inicuar vetë përpara se ai të bëhej Kryetar i Bashkisë së Tiranës. Në atë kohë Rama, në postin e ministrit të Kulturës nuk e mendonte se mund të bëhej një ditë kryebashkiak dhe nxori vendimin për shpalljen Ansambël Monument Kulture të zonës ku gjendej kinema, 17 Nëntori. Por tre vjet pas atij vendimi, njeriu që inicoi vetë atë vendim u kthye në dhunesin e vetë emrit të asaj qeverie që e mori këtë vendim. Eshtë e kuptueshme ky pozicionim i Ramës, i cili vjen si pasojë e interesave të tij të lidhura ngushtë me mafien e ndërtimeve , por dhe krushqive politike me kryeministrin.Këtu nuk mund të flitet më për asnjë lloj morali, por vetëm për një degjenerim të institucionit të bashkisë dhe kryetarit të saj.

Ajo që është kthyer prej kohësh në një model të punës së kryebashkiakut është mashtrimi që ai i servir me guzhinën e tij të shpifur opinionit. Ky kryebashskiak nuk e ka për gjë që të deklarojë se mund të shembë pallate 15 katëshe pasi janë të ndërtuara mbi kolektor dhe një ditë më vonë të dalë në të njëjtat media dhe të deklarojë se ai asnjëherë nuk e ka bërë këtë deklaratë. Kryebashkiaku mund të mashtrojë se do të shpërblejë të gjithë banorët e përmbytur prej institucionit të tij dhe më pas të përzejë nga bashkia hallexhinjtë që shkojnë dhe i kërkojnë dëshpërblimin. Kryebashkiaku mund të mashtrojë duke thënë se ka marrë leje nga Instituti i Monumenteve për të prishur një kinema historike të kryeqytetit në një kohë që në këtë deklaratë nuk ka asgjë të vërtetë.

Ky është degjenerimi i institucionit të bashkisë dhe kryebashkiakut, i cili e prezanton Edvin Ramën si një njeri ordiner, ku opinioni konsiderohet si 20-vjet më parë, që duhet të gëlltisë gjithshka dëgjonte nga "burrat e shtetit" të atëhershëm.




------ marre nga RD------

[Vinny_T]

Kjo teme shte hapuer se esterhapur ketu dhe trajtuar nga te gjitha anet dhe per mendimin tim po riperseris po ato qe kam thene per ata qe nuk kane pa mundesine te lexojne.
Qe nga nderrimi i sistemit politik ne Shqiperi asnje udheheqes tjeter qendror apo lokal nuk ka bere aq pune dhe te kete patur kaq suskes ne punen e tij sa ka Edi Rama sot.
Kjo eshte dicka qe vertetohet se puna matet kurse fjalet jo, puna ngelet e jo fjalet.
Cfare kostoje ka puna e Edi Rames per popullin e Tiranes, cila eshte cilesia e punes se tij, kostoja reale e puneve qe jane bere eshte nje problem tjeter dhe me sa shoh asnje ketu ska marre mundimin qe ta analizoje.
Edi Rama nuk mund te rrezohet nga aty ku eshte me propoganden qe behet sot ne Tirane nga opozita kundra tij e cila i ngjan me teper propogandes komuniste te pas luftes dhe eshte shume ordinere per te bindur popullin qe sa vjen e i kupton me mire gjerat.
Nuk mund te rrezohet dot duke thene kusari, hajduti kryemafiozi dhe pa dhene asnje fakt e pa cuar asnje dosje ne prokurori me faktet qe duhen cuar.
Te kritikosh dike eshte gjeja me e lehte qe mund te bej njeriu pasi ska njeri qe punon e jeton pa te meta, po te njohesh punen dhe cilesite dikujt do kurajo dhe burreri se do te thote te pranosh realitetin dhe superioritetin e tij dhe pse ky mund te jete kundershtari yt.
Eshte me e lehte per mendimin tim qe per hir te interesit te perbashket te perkrahim nje njeri dhe pse me gjithe keto te meta po qe me punen e tij mbron interesat tona se sa ta sulmojme dhe te perkrahim te tjere qe nuk kane asnje program per pune per Tiranen dhe qe nuk kane dhene asnje prove per propaganden qe bejne.
Nqs do tregohemi pragmatike per momentin Edi Rama eshte njeriu me i pershtatshem per te vazhduar punet qe ka nisur duke drejtuar bashkine e Tiranes.
Une per vete nuk njoh njeri tjeter me te afte per momentin dhe nuk kam lexuar ndonje emer tjeter ketu te propozohet ne vend te Edi Rames!
Mire e rezuam po ke te votojme ne vend te tij mund te me thoni?

[ornament]

A Braro je i modh, me ke dhi tu qesh. Ahahaah!
Robi eshte si vera, sa me i vjeter aq me i mire. Ky vleresim kuptohet ka vlere vetem per ata qe DINE te pijne vere.

O Vinni, problemi eshte me i pa gjerat NJIÇIK me ndryshe (me gjere e me larg) se "turma"qe lexon vetem gazetat dhe ka nje tru e per rrjedhoje nje kujtese te rrafshet.
Kur dhe ne (me kompjutera e vizion tjeter) reflektojme po njesoj si ajo, vaj me det, halli.

[sn0m]

Ej, mos tu vi inat kot e na nxirrni kujtimet nga dulla ktu. Tani, ne historine e shqiperise, nuk ka pas nai tropojan qe ka bo nai gje tjeter pervecse ka vra gjaksit e ka ndeshku kundershtaret sipas kanunit, edhe kur ka qene ne maje te kalit? Kur ska pas nai gjaks aty rrotull, ka fillu me prish ca i dilte para me komisarat, me gjykate dhe kur i marovi ato ne tropoje ja futi ne Tirane se helbete aty ka plot me prish, kryeministri i her osht rruga plot, po ne dyqane, yyy plot me plackit. Ktu futet sala me Co. Nuk jane per ate pune ata. A jepi nai shkop me rraf njerez a futi polica a futi ne ushtri, ashtu po jane te shkelqyer po pushtet sdine pranej keq me vjen tu them po jeni kauz e humbur.
Pranej mos hani kot dhe lejeni cunin te bej punen, se bashkine nga han bashibozukesh made in tironsa rryshfetxhinj te tipit kelmendi a brojka e beri ne nje institucion te pakten. Ok, keni ca skeni, kur te bohen zgjedhiet dilni aty me dokumenta e fakte e jo me ulurima po keni nai gje, ndryshe i ka ik koha shisheve te benzines e gurave, po ca me ju thon juve qe flini me kanun te koka.
Hajd tung
Dhe jepini ca parrulla nga dulla me qafshi

Me respekt
SN

[sn0m]

Doni me per belulin, apo do filloni te shani amerikanet si ne 97 tani, ok ja ky artikulli marre nga korieri

Xhefrej: Komplimente kryebashkiakut Rama
Ambasadori amerikan ne Tirane, Xhejms Xhefrej i ka shprehur pergezimet e tij, kryetarit te Bashkise se kryeqytetit, Edi Rama, per punen pozitive te bere per ndryshimin e infrastruktures se qytetit. Ne nje takim qe ambasadori amerikan zhvilloi dje me kryebashkiakun Rama, ka konfirmuar "vullnetin e qytetareve amerikane rezidente ne Tirane, per te kontribuar finaciarisht ne projektin e Bashkise per mbjelljen e pemeve", duke shprehur edhe kenaqesine per suksesin ne rehabilitimin e Lanes. Gjate takimit, Kryetari i Bashkise Rama, ka njohur perfaqesuesin e Shteteve te Bashkuara mbi projektet e ketij viti ne infrastrukture dhe ceshtje te tjera kyce per metropolin shqiptar. Ambasadori Xhefrej, nder te tjera ka bere komplimentet e tij per ambjentet e reja te Bashkise, por dhe i ka kerkuar Rames se ne cilat pika mund te shtrihet mbeshtetja amerikane. Qeveria e Shteteve te Bashkuara, nepermjet USAID-it, ka finacuar ne shume projekte, duke vazhduar te mbeshtese punen per shnderrimin pozitiv te Tiranes.

Buy

[cunimartum]

haha po s'keni pune tjeter ju ore

[alvi]

O Braro, ime me, eshte ishe shpronesuar dhe tironse puro, nuk eshte as puntore komunaleje e as pa shkolle.
Une gjykimit te saj i besoj me shume se 100 Sali Berisha e me shume se 100 gazeta dhe pa patur ndermend te te ofendoj, me shume se 100 Brari.
Kur ajo thote shyqyr qe te pakten erdi nji qe megjithese ndoshta e vodhi 10 cm trotuar te paktene vuri 1m e gjysem, kjo te tregon se si ndihet populli i Tiranes.
Tashi, ti mund ti vesh lloj lloj emrash popullit te Tiranes, po ja qe ata ate duan, dhe e duan sepse ai u tregua i zgjuar, nuk e pati mendjen vetem per te vjedhur, po dhe ndertoi dicka, madje dicka qe duket, e preket.
Per pjeter Arbnorin nuk kam asnje lloj mendimi, pasi per mendimin tim personal, pas 20e kusur vitesh neper burgjet e Enverit, del me cene, mos me te thene qe ke humb kontakt me boten dhe realitetin se sic e dime te gjithe ato nuk ishin kampe pioneri, pra per mua eshte nje nonfactor.
Tashi, dhe dicka tjeter, se fole per klasen e xhelateve dhe vura re se si padashje aty kishe futur Nanon, por kishe lene perjashta Sali Berishen. E padrejte me duket mua, se te dy ishin pjese e nomeklatures.
Nuk e di nga je ti Brari, po ne se je nga Tirana, do e kuptosh qe ishin njerez qe kishin akses te Blloku, jo shume veta mund te mburren sot se kihin mundesi te hynin atje, e nje prej tyre ishte dhe Sala, madje aq besim kishin ke ai, sa i besonin jeten e tyre. MOs perdor dy standarte per NAnon dhe Berishen.

Ornament, ti flet per Turma qe lxojne vetem gazetat.
Ku jeton Brari, Alvi, Albo, Ornamenti etj?
Nga gazetat pra do i moresh te dhonat, apo do shofim filxhon?(lol)

[Henri]

Edhe une, si sjhumica e atyre qe shkruan me siper, i marr njoftimet nga gazetat, telefonatat e rralla e bisedat me ata qe shkojne ne Tirane per pushime. Respektin er Edi Ramen nuk e lidh me ate si njeri (e kam pare vetem ne nje skice/animacion e as nuk e di sesi duket) por me ate c'ka degjoj qe eshte bere ne Tirane keto vitet e fundit. Qe mua "te me hapen syte" e te filloj te shikoj "te metat" e Edi Rames, ju lutem kur hapni nje teme jepni ca argumenta me bindese, se po me duken shkrimet tuaja si "Three forces of Evil" qe po na jep Bushi per pretekst lufte. Dikush e tha me lart, Edi gjeti menyren me te thjeshte per te fituar simpatine e perkrahjen e popullit: Beri dicka per të!!! Se u hypen apo i hipin Edit ne kohen e lire, mua nuk me ben gje tjeter vetem se me ha kohen time te lire te merrem e te flas per të!

Pyetje per Ornamentin (duke pritur qe do ishe i vetmi te me jepje nje pergjigje permbushese):

Sikur Edi Rama te ishte i PD-s, ...?

Sa per moralin e figurave "te pastra" e te ndershme e me virtyte qe duhet te drejtojne kombin, mua thjesht me tingellojne si fushate elektorale ne vesh. Permendni ndonje shembull konkret te pakten, qe mos te mendoj une se po i krijoni vetes kushtet per kandidature me vone

[ornament]

Henri ti (por edhe te tjeret) me sa shoh nuk e ke kuptuar temen e hapur nga Brari: "Edi Rama NR°1", nderkaq vazhdoni te komentoni punen e tij si Kryetar Bashkie, gje te ciles ja nxorrem lengun tek tema perkatese.
Edi si kryetar ka bere detyren e asgje me shume, diçka kjo qe paraardhesit e tij s'e kane kryer. A mund te jete "merite e veçante" te besh veçse detyren per te cilen paguhesh. Ose ndryshe, a eshte ai me NJE SY (midis te verberve) SHENJUES I MIRE. Sidoqofte prap kjo nuk eshte THELBI ketu ne kete teme.
Me "NR°1", kerkohet qe veshtrimi yne te hidhet me larg se e sotshmja, ai te projektohet ne "te nesermen". Siç e dime numer 1, nuk mund te quhet kryetari bashkise kryeqytetit, por presidenti vendit.
Pra "detyra e permbushur" e kryetarit bashkise nga Rama nuk shihet si perkushtim i ketij per qytetin e as popullin Tiranas, por si nje katapulsim ne te ardhmen e "detyrat e medha" per te cilat ai pergatitet.
Ketu tani jemi ne teme.
A eshte e drejte kjo analize, a ka aresye per tu shqetesuar apo alarmuar, a eshte Rama nje kandidat i "sigurte e stabel" per te luajtur ket rol te; NR°1!
Si dhe tjetra qe per mua eshte me kryesorja; a mund te mbeshtetemi per udheqjen e vendit perseri tek INDIVIDE dhe KULTET e tyre, apo tek nje KLASE UDHEHEQESE e afte dhe e ndergjegjshme per rolin e saj.
Dhenia pergjigje ketyre pyetjeve do ta shperndante pak mjegullen e cila ka kaq kohe qe na rrethon.

ps; une kam patur rastin ta njoh Ramen ne nje tubim ne Paris, ai me ka lene mbresa te mira.

[Henri]

Si e dija une qe mund te mbeshtetesha tek ty? Temen e kam kapur pak me shume aty tek paragrafi i fundit. E kuptoj thelbin e temes (sigurisht me ndihmen tende) e prape nuk me shqeteson fakti qe Edi te kaloje tek nje-shi. Fundja nominimi per te tille eshte fillimi, pastaj, me shprese ke zoti sigurisht, vota e "Popullit" do ndaje shapin nga sheqeri. Nqs Edin e hedh ke sheqeri, mjalte na u befte rruga . Nese e hedh ke shapi, lumsi ne qe do na dale nje sheqer i ri ne pah.

E vetmja frike e imja eshte qe tek ne akoma nuk vleresohet (kritikohet, lavderohet etj) individi dhe ato qe ai ben, por klani qe ai perfaqeson. Deri diku ky lloj vleresimi ben sens, se fundja nqs gjykojme thjesht individin dhe ne rastin tone e bejne Ramen Njesh, ai sigurisht do sjelle dhe klanin ne te cilin ben pjese ne pushtet. Nga ana tjeter, vetem pse Edi Rama eshte i majte (cfaredo kuptimi te kete kjo e fundit) nuk me duket e drejte te mos stimulohet per shkak te klanit. Ndoshta Rama nqs ka pushtet, mund te ndryshoje krejt edhe vijen e "klanit" te tij.

Mente, keto me lart jane hamendje te miat. Nuk kam ndjekur shume nga "arena" kete vit. Sic e ve re dhe ti, keto me lart jane dogma; teodi idealiste hesapi