Pyetje dhe Përgjigje - Albislam-Com

[Xhenneta-Morina]

Numri: 191 Data: 21.12.2000

Pyetja: CFARE DO TE NDODHE ME ATA NJEREZ QE THONE SE JANE TE KRISHTERE OSE JEHUDI POR JANE NE TEUHID, NE DITEN E GJYKIMIT TE MADH{KIJAMETIT}?? ES SELAMU ALEJKUM UE RAHMETULLAH!

Përgjigjja:
Falënderojmë All-llahun, kurse paqa dhe bekimi qofshin për Muhammedin alejhis-selam.

Vëlla i nderuar.

Sa i përket të krishterëve dhe çifutëve që jetojnë sot dhe janë në tevhid, mirëpo nuk i kanë besuar Muhammedin alejhis-selam, ata do të hyjnë në xhehenem sepse obligim i secilit njeri është të besojë në Muhammedin alejhis-selam, e ai që nuk beson në Muhammedin alejhis-selam është pabesimtar dhe si i tillë e meriton xhehenemin.
Sepse Muahammedi alejhis-selam ka ardhur që t'i vërtetojë fetë e tjera dhe t'i sundojë ato, siç theksohet në suren Ali Imran:
"Ai ta zbret ty (Muhammed) librin me argument që është vërtetues i librave të mëparshme. Ai e zbriti më parë Tevratin dhe Inxhilin. Udhërrëfim për njerëz, e zbriti edhe Furkanin (dalluesin e së vërtetës nga gënjeshtra). S'ka dyshim se ata që mohojnë argumentet e All-llahut i pret ndëshkimi i rreptë. All-llahu është ngadhënjyes, shpagimtar". (Ali Imran: 2-3).
Kjo ishte në kontekst se besimi në Librin që i është shpallë Muhammedit alejhis-selam të detyron të besosh edhe në librat tjerë dhe të dërguarit tjerë.
Poashtu All-llahu thotë:
4:136. O ju që besuat, besoni vazhdimisht All-llahun, të dërguarit të Tij, librit që gradualsht ia shpalli të dërguarit të Tij dhe librit që e pat zbritur më parë. Kush nuk i beson All-llahut, engjëjve të Tij, librave të Tij, të dëguarve të Tij dhe botës tjetër, ai ka humbur tepër larg.
Mirëpo nëse kanë qenë në kohën para ardhjes së Muhammedit alejhis-selam, ata do të shpërblehen me xhennet. Andaj Pejgamberi alejhis-selam ka treguar se i krishteri i cili ka qenë i krishter i devotshëm dhe pastaj pas ardhjes së Islamit, ka hyrë në Islam, shpërblehet dy herë. Siç tregohet në Sahihul-Buhari.



Bekir Halimi, 04.02.2001

[Xhenneta-Morina]

Numri: 193 Data: 22.12.2000

Pyetja: A lejohet muslimani, muslimanit t`i thoje Qafir, nese ndodh kjo, çduhet bere nga pala e shkelur.

Përgjigjja:
Falënderojmë All-llahun, kurse paqa dhe bekimi qofshin mbi Muhammedin.
Asesi nuk lejohet njeriu të miret me ndarjen e vendimeve se kush është musliman dhe kush është kafir. Kjo nuk ësshtë e drejta e jonë, kjo është e drejtë e All-llahut, e pastaj atyre dijetarëve që kanë dituri të thelluar mirë.
Pejgamberi alejhisselam ka thënë: "Kush i thotë vëllaut të vet: kafir, e ka njërën prej të dyjave, ose është me të vërtetë kafir ose të kthehet ty".
Për këtë duhet ikur kësaj sëmundjeje me të madhe, që mos të bëhemi prej atyreve që në vend si ti fusin njerëzit në Islam i largojmë nga Islami.
Pala tjetër duhet bërë sabër dhe duhet lutur All-llahun që ta udhëzojë këtë njeri që ndanë vendime, të cilat nuk ka të drejtë ti ndajë askush përveç All-llahut.
All-llahu e di më së miri.


Bekir Halimi, 12.03.2001

[Xhenneta-Morina]

Numri: 209 Data: 29.12.2000

Pyetja: pse tre librat eshejnjt (teurati , zeburi, inxhili,) nuk janë orgjinnale

Përgjigjja:
Falënderojmë All-llahun, kurse paqa dhe bekimi qofshin mbi Muhammedin.

sepse njerëzit kanë ndërhyrë dhe kanë ndryshuar domethënjet kryesore të këtyre librave siç është besimi në një Zot, monoteizmi. Pastaj ju e dini se janë katër bibl kryesore, domthënë verzione të ndryshme me njëra tjetrën, plus shumë verzone tjera të cilat nuk i ka pranuar kisha.
Për më shumë në disa raste tjera.
All-llahu e di më së miri.

Bekir Halimi, 12.03.2001

[Xhenneta-Morina]

Numri: 210 Data: 29.12.2000

Pyetja: Selamu alejkum te nderuar vllezer. Me cilin burre do te qendroje ne Xhennet inshaAllah gruaja ? Me burrin e pare me te cilin eshte ndare apo i ka vdekur , apo me burrin e dyte me te cilin ka jetuar derisa ka nderruar jete . Ju lutem nese keni mundesi te me pergjigjeni dhe tek pyetja 132 ,sepse ajo ka mbetur pa pergjigjur. E di qe mund te jete pak e veshtire pergjigjja. Allahu jua shperblefte me te mira vllezer te nderuar. Selamu alejkum nga Fisniku

Përgjigjja:
Falënderojmë All-llahun, kurse paqa dhe bekimi qofshin mbi Muhammedin.

Nëse të dy burrat do të jenë musliman, atëhere me atë burrë që e do më së shumti, e nëse njëri është musliman e tjetri jo, atëhere me atë që do të jetë në xhennet.
Sepse All-llahu në kuran thotë:

"16:31. Është Xhenneti i Adn-it, ku do të hyjnë, nën të rrjedhin lumenj, aty kanë çka të dëshirojnë, ashtu i shpërblen All-llahu të ruajturit".

25:16. "E aty, atë ditë që e dëshirojnë do ta kenë përgjithmonë. Ky premtim i Zotit tënd ka qenë dashtë kërkuar".
Kjo domthënë se çka të dëshirojnë do të kenë.
All-llahu e di më së miri.


Bekir Halimi, 12.03.2001

[Xhenneta-Morina]

Numri: 234 Data: 06.01.2001

Pyetja: es-selamu alejkum ve rametull-llah desha vetem nj pytje te shkurt aka me pas pejgamer ne ardhmerin e ksaj bote ose q iperget.selam alejkum

Përgjigjja:
Falënderojmë All-llahun, kurse paqa dhe bekimi qofshin mbi Muhammedin sal-lall-llahu alejhi ve sel-lem.

Vëlla i nderuar.

Jo më nuk ka me pas pejgamber tjerë pas Muhammedit sal-lall-llahu alejhi ve sel-lem, sepse Muhammedi sal-lall-llahu alejhi ve sel-lem është Pejgamberi i fundit dhe pas tij nuk ka pejgamber tjetër. All-llahu i Lartësuar në Kuran thotë:
"33:40. Muhammedi nuk ka qenë babai i asnjërit prej burrave tuaj por ai ishte i dërguari i All-llahut dhe vulë e të gjithë pejgamberëve, e All-llahu është i dijshëm për çdo send".
Kurse Muhammedi alejhis-selam ka thënë: "Unë jam vula e pejgamberëve dhe pas meje nuk ka pejgamber tjetër".

Bekir Halimi, 02.02.2001

[Xhenneta-Morina]

Numri: 294 Data: 25.01.2001

Pyetja: si e ka emrin zoti

Përgjigjja:
Falënderojmë All-llahun kurse pqa dhe bekimi qofshin mbi Muhammedin sal-lall-llahu alejhi ve sel-lem.

Vëlla i nderuar.
All-llahu i Lartësuar ka shumë emra.
Në Kuran thuhet: "All-llahu ka emrat më të mirë, andaj Atë thirreni me ata e hiquni nga ata që bëjnë shtrembërime me emrat e Tij. Ata kanë për t'u shpërblyer (me dënim) për veprimet e tyre.". (El-A'raf: 180).
Kurse Pejgamberi sal-lall-llahu alejhi ve sel-lem ka thënë: "All-llahu i ka 100 emra pa një, kush i mëson, vepron sipas tyre, hyn në xhennet". BUhariu dhe Muslimi.
Mirëpo ne do ti përmendim vetëm disa emra të All-llahut:
"Ai është All-llahu që nuk ka zot tjetër; vetëm Ai, që e di të fshehtën dhe të dukshmen, Ai është Mëshiruesi, Mëshirëbërësi! Ai është All-llahu që nuk ka zot tjetër përveç tij, sundues i përgjithshëm, i pastër (prej të metave që i mvishen), shpëtimtar (që i shpëton njerëzit prej ndëshkimit të padrejtë), sigurues (që siguroi njerëzit me premtimin e vet dhe pejgamberët me mrekulli) mbikëqyrës (që mbikëqyr dhe përcjell çdo send), i plotfuqishëm, mbizotërues, i madhërishëm. I lartësuar është All-llahu nga çka i shoqërojnë! Ai është All-llahu, Krijuesi, Shpikësi, Formësuesi. Të tij janë emrat më të bukur. Atë (All-llahun) e madhëron çka ka në qiej e në tokë dhe Ai është ngadhënjyesi, i urti!". (El-Hashr: 22-24).


Bekir Halimi, 31.01.2001

[Xhenneta-Morina]

Numri: 298 Data: 27.01.2001

Pyetja: BISMILAHIR RRAHMENIR RRAHIM CILIN PERSON MUND TE QUAJME KAFIR

Përgjigjja:
Falënderojmë All-llahun, paqa dhe mëshira qofshin mbi Muhammedin.
Njeriun i cili mohon diç nga Islami me vetëdije, ose bënë ndonjë vepër e cila është shirk, si psh lutja drejtuar ndonjë varrit ose therrja kurban për ndonjë teqe e tyrbe, e kështu me radhë.
Mohimi i ndonjë shtylle të Islamit, siç është namazi, ose agjërimi, duke thënë se prej saj skemi dobi, ose mjaft më me këto gjëra, se këto na kanë lërë mbrapa, të prapambetur, etj, këto janë fjalë të kufrit.
Mirëpo këtë njeri duhet këshilluar dhe duhet tërhjekur vërejtjen nga kjo gjendje, sepse shumë herë njerëzit i bëjnë këto vepra edhe i thojnë këto fjalë nga mosdija, e kur ti këshillosh ata kthehen dhe përmirësohen.
E jona është ti dimë që mos të bijmë në to, e jo që të fillojmë të etiketojmë njerëzit në këtë drejtim, sepse kjo është e drejtë e All-llahut, dhe e askujt tjetër.
All-llahu i udhëzoftë muslimanët në rrugën e drejtë.


Bekir Halimi, 13.03.2001

[Xhenneta-Morina]

Numri: 312 Data: 29.01.2001

Pyetja: nese vdes njeriu duke patur borxh,a ka denim ne varr?

Përgjigjja:
Falënderojmë All-llahun, paqa dhe mëshira qofshin mbi Muhammedin.

Po borxhi i jep denim në varr, sepse Pejgamberi alejhisselam as që ia ka falur namazin atij që ka pasur borxhë.
Për këtë muslimantë, farefisi, duhet larë borxhin atij që vdes e ka borxh për tia lehtësuar në ahiret. Duhet marur nga pasuria e tij për tia larë borxhin e nëse nuk ka atëhere le të japin nga pasuria e tyre.
All-llahu e di më së miri.


Bekir Halimi, 13.03.2001

[Xhenneta-Morina]

Numri: 323 Data: 30.01.2001

Pyetja: Babai im vuan një kohe të gjatë nga një sëmundje nervore, andaj vendosëm që ta shtronim në spital për kurim, mirëpo njëri prej të afërmive tanë na sugjeroi që të shkonim te një grua, e cila ua dinte ilaçin këtyre sëmundjeve dhe mjaftonte që t’i jepnim vetëm emrin e të sëmurit, e ajo do të na tregonte emrin e sëmundjes dhe ilaçin e duhur. A lejohet të shkojmë tek njerëz të tillë?

Përgjigjja:
Gruaja e përmendur në pyetje nuk është gjë tjetër veçse një prej falltorëve dhe magjistarëve, të cilët pretendojnë se dijnë Dijen e Fshehtë (El-gajb) dhe kërkojnë ndihmë prej xhindëve për të shëruar sëmundje të tilla, andaj besimi i fjalëve të tyre apo shkuarja tek ta për shërimin e sëmundjeve janë të ndaluara rreptësisht. Pejgamberi [sal-lall-llahu alejhi ve sel-lem] ka thënë: “Nuk i pranohet namazi dyzet ditë rresht atij që shkon tek një falltor për ta pyetur për diçka”. (Transmeton Muslimi)“Kush shkon te një falltor apo magjistar dhe i beson fjalët e tij, ka mohuar atë që i është shpallur Muhammedit”.Hadithet që trajtojnë këtë temë janë të shumtë. Detyra jonë është që t’i luftojmë këta sharlatanë dhe t’i paralajmërojmë të tjerët që të mos bien në grackën e tyre. Në të njëjtën kohë duhet t’i lajmërojmë organet shtetërore kompetente, në mënyrë që këta mashtrues të marrin dënimin e merituar. Lënia pas dore e kësaj detyre sjell pasoja tepër të dëmshme për shoqërinë, sepse shumica e njerëzve, si pasojë e injorancës së tyre, nuk e dijnë realitetin e këtyre njerëzve dhe lehtë mund t’u besojnë fjalëve dhe gënjeshtrave të tyre. Pejgamberi [sal-lall-llahu alejhi ve sel-lem] ka thënë: “Kush sheh një të keqe, duhet të mundohet ta ndryshojë me dorën e tij; nëse nuk ka mundësi, le ta ndryshojë me gjuhën e tij; nëse nuk ka mundësi, le ta ndryshojë me zemrën e tij, mirëpo ky është besimi më i dobët”. (Transmeton Muslimi)

Ibn Bazi, 30.01.2001

[Xhenneta-Morina]

Numri: 324 Data: 30.01.2001

Pyetja: Përse është e ndaluar vajtja te fallxhorët?

Përgjigjja:
Falltorët, siç është transmetuar në disa hadithe të sakta, kanë lidhje me xhindët, të cilët, pasi ngjiten në qiell dhe dëgjojnë bisedat e engjëjve me njëri-tjetrin, zbresin në tokë dhe u tregojnë falltorëve atë që kanë dëgjuar në qiell. Në të njëjtën kohë, ata shtojnë edhe njëqind gënjeshtra të tjera, kështu që fjalët e vërteta që kanë dëgjuar nga engjëjt përzihen me gënjeshtra nga më të ndryshmet. Falltorët i përdorin këto pak të vërteta për të mashtruar njerëzit e paditur, të cilët besojnë se me të vërtetë ata mund të dijnë Dijen e Fshehtë, gjë që s’është e vërtetë, pasi falltorët, siç thamë më lartë, nuk bëjnë gjë tjetër, pos që përcjellin fjalët e xhindëve.Pra vajtja te falltorët është e ndaluar, pasi bëhet shkak për largimin e njerëzve nga rruga e drejtë.


Albani, 30.01.2001