Pyetje dhe Përgjigje - Albislam-Com

[Xhenneta-Morina]

Numri: 1159 Data: 08.03.2004

Pyetja: 1) Unë e bëj gjynahun e pastaj pendohem për te. Por më pastaj më mund epshi i cili shpie kah e keqja (nefsul emmare) dhe i kthehem përsëri. Me këtë a zhvleftësohet teubeja e parë dhe a mbetet gjynahu i parë dhe ai pas tij?

Përgjigjja:
1) Pjesa dërrmuese e dijetarëve thonë se nuk është kusht për vlefshmërinë e teubes që të mos i kthehet gjynahut, por vlera e teubes qëndron aty se ajo përqëndrohet në braktisjen e gjynahut, pendimi prej tij, dhe vendosjen e prerë për shmangien e përdorimit të tij. Nëse e përdoron, atëherë trajtohet si ai që bën gjynah të ri. Atij i nevojitet pendim i ri për të, kurse pendimi i parë është i vlefshëm.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 08.03.2004

[Xhenneta-Morina]

Numri: 1160 Data: 08.03.2004

Pyetja: 2) A pranohet teubeja nga një gjynah derisa unë jam duke e bërë tjetrin?

Përgjigjja:
2) Pranohet teubeja nga një gjynah edhe nëse je duke bërë tjetrin, me kusht, të mos jetë prej të njëjtit lloj dhe nuk ka lidhje me gjynahin e parë. Shembull, nëse pendohet nga kamata, por nuk pendohet nga pirja e alkoolit, pendimi i tij nga kamata pranohet dhe anasjelltas. Por nëse pendohet dhe nuk punon me kamatën e rëndomtë e në anën tjetër vazhdon të punojë me kamatë kreditore, atëherë teubeja e tij nuk pranohet. Edhe ai i cili pendohet nga marrja e drogës ndërsa vazhdon me pirjen e alkoolit, teubeja e tij nuk pranohet. Gjithashtu kush pendohet nga zinaja me një femër, kurse vazhdon me tjetrën, edhe atij nuk i pranohet. Ajo se çka ata kanë arritur është, se ata janë shmangur nga një gjynah, kurse janë duke bërë gjynahun tjetër nga i njëjti lloj.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 08.03.2004

[Xhenneta-Morina]

Numri: 1161 Data: 08.03.2004

Pyetja: 3) Kam lënë disa detyra ndaj All-llahut në të kaluarën. Namaze që nuk i kam falur, agjërim që nuk e kam mbajtur, dhe zekat që nuk e kam dhënë. Tani si të veproj?

Përgjigjja:
3) Lënësi i namazit nuk e ka për detyrë ta bëjë kaza. Ky është mendimi më i saktë ngase atij i ka kaluar koha e rregullt dhe nuk mund ta arrinë tjetër herë. Namazin e kompenson me kërkim falje (istigfarë) dhe faljen e shpeshtë të nafileve, ndoshta All-llahu në këtë mënyrë ia fal.
Sa i përket lënësit të agjërimit, nëse ka qenë musliman në kohën kur e ka lënë agjërimin, e ka për detyrë ta bëjë kaza së bashku me të ushqyerit e një varfanjaku për çdo ditë që e ka lënë në Ramazan, të cilin e arrin Ramazani tjetër dhe atë pa arsye. Kjo është keffaret (kompensim) për vonimin e agjërimit. Agjërimi bëhet ditë për ditë edhe nëse grumbullohen muajt e paagjëruar. P.sh. Një njeri i ka lënë 3 ditë të Ramazanit të vitit 1400 hixhrij dhe 5 ditë të Ramazanit të vitit 1401 hixhrij. Pas disa vitesh është penduar te All-llahu. Ai duhet t'i bëjë kaza tetë ditë të agjërimit, dhe ta ushqejë një varfanjak po aq ditë. Shembull tjetër. Një femër ka hyrë në pubertet vitin 1400 hixhrij dhe është turpëruar t'i lajmërojë prindërit e saj ashtu që i ka agjëruar edhe tetë ditët e rregullta (të menstruacionit) dhe nuk i ka bërë kaza. Tash ajo është penduar te All-llahu. Edhe për te vlen vendimi i mëparshëm. Këtu pra është fjala për ata që e kanë lënë agjërimin nga përtesa apo nga turpi, sepse disa dijetarë islamë janë të mendimit se ata që e kanë lënë agjërimin me qëllim dhe pa arsye nuk ka për ta kaza.
Ndërsa sa i përket lënësit të zekatit ai detyrohet ta nxjerrë dhe ta japë zekatin, sepse ai është hak i All-llahut nga njëra anë dhe hak i varfanakut nga ana tjetër.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 04.07.2004

[Xhenneta-Morina]

Numri: 1162 Data: 08.03.2004

Pyetja: 4) Nëse gjynahu i bërë hyn në hakun e njeriut, atëherë si duhet bërë teuben?

Përgjigjja:
4) Bazë për këtë e kemi hadithin e Resulull-llahut: "Kush i ka bërë padrejtësi vëllait të vet në pasuri apo në nder, le t'i kërkojë hallallëk menjëherë dhe para se t'i merret atë ditë kur nuk do të ketë dinar as dirhem. Nëse ka ndonjë vepër të mirë i merret me masën e padrejtësisë së tij, e nëse nuk ka vepra të mira atëherë i merren të këqijat e vëllait të vet dhe i ngarkohen atij" Transmeton Buhariu.
I penduari mund të lirohet nga padrejtësit e veta vetëm përmes kthyerjes së hakut atij që i takon apo përmes kërkimit të hallallëkut dhe faljes. Nëse e falin, lirohet, përndryshe duhet t'ua kthejë.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 08.03.2004

[Xhenneta-Morina]

Numri: 1163 Data: 08.03.2004

Pyetja: 5) I kam marrë nëpër gojë shume njerëz, ndërsa disa tjerë i kam akuzuar me gjëra të cilat ata janë të pastër prej tyre. A është kusht t'i lajmëroj për veprimet e mia dhe t'u kërkoj falje. Nëse nuk kushtëzohet, atëherë si të bëj teube?

Përgjigjja:
5) Kjo pyetje vlerësohet sipas levërdive dhe dëmeve. Nëse kur i lajmëron për përgojimin apo akuzat që ua ka bërë nuk i hidhërohen dhe nuk u shtohet urrejtja dhe inati, mund të kërkojë falje prej tyre edhe nëse nuk i thekson veprimet e bëra. Shembull, t'i thotë: "Unë kam bërë gabime ndaj teje në të kaluarën ose të kam bërë zullum me disa fjalë, tash jam penduar te All-llahu të lutem më fal." pa mos i shtjelluar veprimet. Kështu ben të veprohet.
E nëse kur i lajmëron për përgojimin dhe akuzat që ua ka bërë, hidhërohen dhe u shtohet urrejtja dhe inati (bile shumicën e rasteve ndodh kështu), ose nëse ai i lajmëron me fjalë të shkurtra ata do të kërkojnë sqarime të gjata, të cilat kur do t'i dëgjojnë do t'u shtohet edhe më tepër urrejtja, atëherë më mirë është të mos i lajmërojë, sepse sheriati islam nuk preferon të shtohen dëmet. Kështu që lajmërimi i personit për disa çështje prej të cilave ka qenë i rehatshëm para se t'i dëgjojë dhe të cilat sjellin urrejtjen, vjen në kundërshtim me synimet e sheriatit i cili preferon lidhjen shpirtërore dhe dashurinë mes besimtarëve. Mund të ndodhë që vetë lajmërimi të jetë shkak për një armiqësi pas së cilës nuk mund të vijë asnjëherë më deri tek qetësimi i shpirtit të atij që është akuzuar apo është marrë nëpër gojë, dhe t'i rikthejë marrëdhëniet e mira me akuzuesin. Me këtë rast mjaftojnë disa pika për vlefshmërinë e teubes. Ndër ato:
1 -Pendimi dhe kërkimi i faljes nga All-llahu, duke e kujtuar pasojën e këtij krimi dhe bindjen në ndalimin e tij.
2 -Ta përgënjeshtrojë vetveten kur e dëgjon dikend duke e përcjellë përgojimin e tij apo duke e përhapur
akuzën (iftiran) e tij dhe ta pastrojë të akuzuarin.
3 -Ta përmendë për të mirë atë që e ka marrë nëpër gojë në ato vende ku e ka marrë në qafë dhe t'i përhapë të
mirat e tij.
4 -Ta mbrojë nga ata që e përgojojnë dhe t'i rri krah kur dikush do ta marrë nëpërkëmbë.
5 -Të bëjë dua për te dhe të kërkojë falje kur është në vetmi.
Vëlla musliman, vëre dallimet mes hakut në pasuri dhe krimeve fizike. Nga të drejtat materiale kanë dobi ata që u takon, nëse lajmërohen për te dhe u kthehet, e ata sigurisht do të gëzohen, prandaj edhe nuk guxon të mbahet fshehtë, përkundër të drejtave morale, prej të cilave nga ata që lajmerohen nuk shtohet gjë përveç dëmit dhe urrejtjes.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 08.03.2004

[Xhenneta-Morina]

Numri: 1164 Data: 08.03.2004

Pyetja: 6) Si të pendohet vrasësi me qëllim?

Përgjigjja:
6) Vrasësi qëllimor i ka tri obligime: Obligim ndaj All-llahut, obligim ndaj të vrarit (viktimës) dhe obligim ndaj trashëgimtarëve të tij.
Obligimi ndaj All-llahut nuk mund të kryhet përpos me teube të sinqertë.
Obligimi ndaj trashëgimtarëve të viktimës është, që t'u dorëzohet atyre dhe ta marrin hakun e tyre, qoftë me kisas (dënim me të njëjtën masë), pagim të gjakut ose t'i falet.
Këtu mbetet haku i të vrarit i cili nuk mund të kryhet në këtë botë. Dijetarët islamë thonë, se nëse teubeja e vrasësit bëhet e sinqertë dhe bën vepra të mira, atëherë All-llahu e liron nga haku i të vrarit, ndërsa të vrarin e kompenson me të mirat e Tij ditën e ringjalljes. Kjo është prej përgjigjeve më të sakta.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 08.03.2004

[Xhenneta-Morina]

Numri: 1165 Data: 08.03.2004

Pyetja: 7) Si të pendohet vjedhësi?

Përgjigjja:
7) Nëse sendi i vjedhur gjendet tek ai e kthen te pronari i saj. E nëse është harxhuar, prishur apo ka mangësi në vlerën e tij gjatë përdorimit, duhet t'ua kompensojë përveç nëse ia falin.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 08.03.2004

[Xhenneta-Morina]

Numri: 1166 Data: 08.03.2004

Pyetja: 8) Ndjej vështirësi të madhe kur ballafaqohem me ata që u kam vjedhur. Nuk mund t'u tregoj e as t'u kërkoj falje. Si të veproj?

Përgjigjja:
8) Nuk është keq të kërkosh ndonjë rrugë me të cilën do ta zbusish ngushtësinë tënde kur takohesh me ta. Shembull, përmes dërgimit të gjërave të tyre me ndonjë person tjetër duke kërkuar të mos përmendet emri yt ose me anë të postës. Mund t'i lësh, gjithashtu, fshehurazi tek ata, ose të përdorësh ndonjë trik dhe të thuash se ky është haku juaj që ka qenë te një person i cili nuk dëshiron t'i përmendet emri. Me rëndësi është t'u kthehet pronarëve haku i tyre.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 08.03.2004

[Xhenneta-Morina]

Numri: 1167 Data: 08.03.2004

Pyetja: 9) Kam pas vjedhur më parë nga babai fshehurazi. Tani dëshiroj të pendohem, por nuk e di se sa kam vjedhur saktësisht, dhe më vjen vështirë t'i dal karshi?

Përgjigjja:
9) Përafërsisht duhet ta vleresosh pasurinë e vjedhur, dhe po atë vlerë të hollash lejohet t'ia kthesh babës tënd fshehurazi, ashtu edhe siç ia ke marrë.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 08.03.2004

[Xhenneta-Morina]

Numri: 1168 Data: 08.03.2004

Pyetja: 10) Kam vjedhur prej njerëzve pasuri të ndryshme, e tash jam penduar te All-llahu, por unë nuk i di adresat e tyre?

Përgjigjja:
10) Duhet t'i kërkosh sa të mundesh dhe të kesh kohë. Nëse i gjen ua kthe dhe falëndero All-llahun. Por nëse ka vdekur pronari i pasurisë t'ua kthesh trashigimtarëve të tij. E nëse nuk i gjen përkundër përpjekjes tënde të madhe, atëherë jepe atë sadakë në zëvendësim të tyre dhe bëre nijet për ta, edhe nëse janë jomuslimanë, sepse All-llahu nëse nuk u jep në ahiret i shpërblen në dynja.
Kjo çështje është shumë e afërt me rastin që e cek Ibni Kajjimi në librin e tij "Medarixhus-salikin" (Gradacionet e besimtarëve), se një njeri ka vjedhur në armatën e muslimanëve. Pas një kohe ai pendohet dhe e sjell atë që e ka vjedhur para gjeneralit të ushtrisë, por, ai nuk e pranoi. Ai i tha: Si unë ta pranoj kur nuk di se si t'ua shpërndaj ushtarëve haqet e tyre pasi që ata janë kthyer?! I penduari shkon te një dijetar i quajtur Haxh-xhaxh bin Shair dhe kërkon fetfa prej tij. Ai u përgjigj: O njeri, All-llahu i njeh ushtarët dhe i di emrat e tyre. Një të pestën e pasurisë ndaje për buxhetin ushtarak, kurse tjetrën jepe sadakë në emër të tyre, se All-llahu do t'i shpërblejë për te. Ai ashtu edhe veproi. Kur dëgjoi Muaviu tha: Sikur ta jepja unë këtë përgjigje, do të më ishte më e dashur se gjysma e pasurisë sime.
Marrë nga libri: Dëshiroj të pendohem, por …
Titulli në origjinal: ÇŃíĎ Ăä ĂĘćČ ć áßä
Autor: Muhammed Salih el-Munexhid
Përktheu: Ekrem Avdiu
Shtëpia botuese “NuN”
Botimi i katërt: Mars, 2004

Muhammed Salih el-Munexhid, 08.03.2004