Pyetje dhe Përgjigje - Albislam-Com

[Xhenneta-Morina]

Numri: 122 Data: 12.12.2000

Pyetja: Nëse gruaja ndjen ardhjen e menstruacioneve, apo dhembjet e zakonshme pak para perëndimit të diellit, mirëpo rrjedhja e gjakut fillon pas perëndimit të tij, a është i plotë agjërimi i saj?

Përgjigjja:
Nëse rrjedhja e gjakut fillon pas perëndimit të diellit, atëherë agjërimi i saj është i plotë, pavarësisht nëse shenjat e ardhjes së menstruacioneve apo dhembjet e zakonshme të tyre fillojnë para perëndimit.

ibn Uthejmin, 12.12.2000

[Xhenneta-Morina]

Numri: 123 Data: 12.12.2000

Pyetja: Nëse gruaja sheh se është duke i rrjedhur pak gjak, por nuk është e sigurt nëse është gjak menstruacionesh, apo jo, a është i plotë agjërimi i saj?

Përgjigjja:
Agjërimi i saj është i plotë, sepse ajo konsiderohet e pastër derisa të sigurohet plotësisht se gjaku i dalë është i menstruacioneve.

ibn Uthejmin, 12.12.2000

[Xhenneta-Morina]

Numri: 124 Data: 12.12.2000

Pyetja: A i lejohet gruas me menstruacione apo lehonës që të hajë e të pijë gjatë muajit të Ramazanit?

Përgjigjja:
Asaj i lejohet që të hajë e të pijë lirisht, por në të njëjtën kohë duhet të ruhet që të mos e shohin fëmijët e vegjël, sepse ata nuk e kuptojnë këtë gjë dhe mund të mendojnë se ajo po e prish agjërimin pa asnjë shkak.

ibn Uthejmin, 12.12.2000

[Xhenneta-Morina]

Numri: 125 Data: 12.12.2000

Pyetja: A duhet të agjërojë gruaja, nëse në ditët e fundit të menstruacioneve të saj, para pastrimit, nuk është shfaqur akoma shenja e pastrimit, sekrecioni i bardhë?

Përgjigjja:
Ky sekrecion nuk shfaqet te të gjitha gratë, andaj ato gra që nuk e kanë zakon ta shohin sekrecionin e bardhë, duhet të agjërojnë. Ndërsa ato gra, te të cilat dalja e sekrecionit të bardhë është prej zakonit të tyre, nuk duhet të agjërojnë derisa ta shohin atë.

ibn Uthejmin, 12.12.2000

[Xhenneta-Morina]

Numri: 141 Data: 14.12.2000

Pyetja: Es-selamu alejkum, vëlla i nderuar Bekir! Paqa dhe mëshira e Zotit qofshin mbi ju Nuk e di se a është edhe te populli arab kështu por te na në muajin e shenjtë të Ramadanit ësht tash normal që 10 deri më 20 minuta para se të falet namazi i sabahut të bëhet nijjeti (me gojë!?!)dhe të ndërprehet ushqimi i syfirit. Por në Kur*an është apo ekziston ajeti kur Zoti {subhanevu ve teala} thotë se: "hani deri sa të dallohet...". E tash si vëlla dua të të pyes se si ka vepruar Muhammedi a.s. në muajin e Ramadanit në syfir, a ka hadithe?

Përgjigjja:


E Falënderojmë All-llahun, kurse paqa dhe bekimi qofshin mbi Muhammedin
alejhisselam. Es-selamu alejkum ve rahmetull-llahi ve
berekatuhu Vëlla i nderuar!



Sa i përket nijetit me gojë kjo nuk ka bazë në fenë e All-llahut, nijeti
bëhet me zemër. Vet ngritja jote për të ngrënë syfyr është
nijet.Pejgamberi alejhisselam ka thënë: "Hani dhe pini deri ta dëgjoni
ezanin e Bilalit, sepse Abdull-llah ibn Ummi Mektumi thërret ezanin gjatë
natës"domethënë është e pëlqyeshme vonimi i syfyrit deri në momentin
e fundit, para se të thërret ezani, nëse ezani thërritet me kohë.



Më gjërësisht rreth kësaj shiko kapitullin e agjërimit në faqen tonë.



http://www.albislam.com/tema/tema.asp?NrTema=21





All-llahu e di më së miri.


Bekir Halimi, 28.02.2001

[Xhenneta-Morina]

Numri: 145 Data: 14.12.2000

Pyetja: Gjatemuajit te ramazanit kam ngrene ne mesin e dites para disa viteve kam qene shume i semure .cka duhet te veproj ?

Përgjigjja:
Falënderojmë All-llahun, kurse paqa dhe bekimi qofshin mbi Muhammedin sal-lall-llahu alejhi ve sel-lem.

Vëlla i nderuar.

Nëse ke ngrënë gjatë ditës së Ramazanit nga shkaku i sëmurjes, këtë ditë duhet ta kompenzoshë me një ditë tjetër. Argument për këtë është ajeti Kuranor:
"2:184. (jeni të obliguar për) Ditë të caktuara, e kush është i sëmurë prej jush ose është në udhëtim (e nuk agjëroi), atëherë ai (le të agjërojë) më vonë aq ditë. E ata që i rëndon ai (nuk mund të agjërojnë), janë të obliguar për kompenzim, ushqim (ditor), i një të varfëri ai që nga vullneti jep më tepër, ajo është aqë më mirë për te. Mirëpo, po që se dini, agjërimi është më i mirë për ju".
Tani duhet ta kompenzosh këtë ditë.

Bekir Halimi, 02.02.2001

[Xhenneta-Morina]

Numri: 158 Data: 15.12.2000

Pyetja: A eshte e obliguar te agjerojne femijet 12 vjeqar?

Përgjigjja:
Falënderojmë All-llahun kurse paqja dhe bekimi qofshin mbi Muhammedin sal-lall-llahu alejhi ve sel-lem.

Vëlla i nderuar.

Nëse ky djal që i ka mbushur 12 vjet nuk ka hyrë në bylyg, nuk e ka obligim agjërimin, mirëpo është mirë ta agjërojë që të mësohet. E nëse ka hyrë në bylyg e ka obligim agjërimin.
Kjo që thamë na dërgoni te njohja e kohës së bylygyt. Njeriu hyn në bylyg ose me shenja, siç është ejakulimi në ëndër, dalja e qimeve në nënsjetull ose te vendet e turpshme, ose me vite, ku sipas haditheve të Pejgamberit sal-lall-llahu alejhi ve sel-lem, kur t'i mbush djaloshi 15 vjet hyn në bylyg.


Bekir Halimi, 02.02.2001

[Xhenneta-Morina]

Numri: 162 Data: 16.12.2000

Pyetja: si mund të argjeroj ramazanin kur nuk më lejojin prindrit

Përgjigjja:
Es-selamu alejkum ve rahmetull-llahi ve berekatuhu
Vëlla i nderuar!
Muslimani fillimisht duhet t'i rrespektojë obligimet që i ka ndaj All-llahut e pastaj obligimet që i ka ndaj prindërve.
All-llahu në Kuran thotë:

"Adhuroni All-llahun e mos i shoqëroni Atij asnjë send, sillnu mirë ndaj prindërve, ...". Nisa: 36.
Domethënsë sjellja e mirë ndaj prindërve vjen pas adhurimit tonë ndaj All-llahut.
Ky është obligimi ynë i parë dhe kryesor. Pastaj vjen sjellja jonë ndaj prindërve me kusht që mos të na largojë nga obligimet fetare që i kemi.
Pejgamberi alejhisselam thotë: "Nuk respektohet krijesa në bërje mëkat ndaj Krijuesit". (hadith i vërtetë)
Për këtë ti duhet të agjërosh pa marë para sysh se nuk të lënë prindërit.
Normalisht nëse je i moshërritur dhe ke hyrë në bylyg, ke arritur kohën kur obligohesh me detyrat fetare. All-llahu e di më së miri.

Bekir Halimi, 02.03.2001

[Xhenneta-Morina]

Numri: 179 Data: 20.12.2000

Pyetja: Kete pyetje e ben nje shoqe e imja; a eshte ndonje mekat qe ne muajin e Ramazanit te hyja ne ndonje lokal,d.m.th. pas iftarit sepse ajo e agjeron muajin e Ramazanit

Përgjigjja:
Nuk është e lejuar për një vajzë muslimane të shkon dhe të qendron në lokal,sidomos në ato lokale ku ka alkool.
Sidomos gjatë muajit të ramazanit që është muaj i adhurimeve dhe veprave të mira e jo qëndrimit në lokale! All-llahu e di më së miri!

Bekir Halimi, 22.02.2001

[Xhenneta-Morina]

Numri: 199 Data: 25.12.2000

Pyetja: a ben te lahesh ku je me ramazan ne goje

Përgjigjja:
Falënderojmë All-llahun, kurse paqa dhe bekimi qofshin mbi Muhammedin sal-lall-llahu alejhi ve sel-lem.

Vëlla i nderuar.

Nuk ka problem nëse lahet muslimani gjatë ditëve kur është duke agjëruar. Larja aspak nuk e dëmton agjërimin.


Bekir Halimi, 02.02.2001