Pyetje dhe Përgjigje - Albislam-Com

[Xhenneta-Morina]

Numri: 1382 Data: 24.07.2006

Pyetja: Vellau im ka koh qe ka nje shume parash ne nje prej bankave te europes. Ne ate qe ai i ka te hollat, per qdo vit i rritet nje perqindje. A guxon ta marr ate perqindje qe ta shfrytezoj per familje, t'ia le bankes, apo me ju ndihmu fukarave, ose nuk lejohet fare nje sadaka e tille?

Përgjigjja:
Vëlla i nderuar!
Kjo perqindja qe i rritet ne banke, sigurisht duhet te jete prej kamates, e nese eshte kamate, ai kete s'guxon ta merr për vete, e as tia le bankes, por duhet ta merr dhe ta ndane per dobi te pergjithshme sikurse eshte ndertimi i rrugeve, ndonje spitali, ndonje ceshme, nevojtoret e xhamiave e keshtu me rradhe, sepse ajo eshte pasuri e felliqur dhe nuk lejohet te perdoret per sadaka.
edhe nje here theksoj nuk duhet lene dhe nuk duhet mare per familje, nuk duhet dhene bonjakeve por duhet shfrytezuar per dobi te pergjithsme, ku
sperfiton nga ajo pasuri vetëm nje njeri.

Bekir Halimi, 24.07.2006

[Xhenneta-Morina]

Allahu te shperblefte moj vajze, na e knaqe shpirtin dhe zemrat.

Amin inshAll-llah edhe ty të shpërblen.....

[Xhenneta-Morina]

Numri: 1134 Data: 28.05.2003

Pyetja: Kam dalur me nje mashkull por me leje te prinderve. tani jam ndar. Kam pasur pun me teper me te. por qe tani jam penduar. inshalla Zoti me fal. a mund te me jepni ndonje keshille?

Përgjigjja:
All-llahun e falënderojmë kurse paqa dhe bekimi qofshin mbi Muhammedin, familjen dhe shokët e tij.
Fillimisht dëshirova që tu them disa fjalë për gabimin në fjalë:
1- Keni dalur dhe jeni takuar me një djalë të ri pa lejen dhe dijen e prindërve, vepër e cila pa dyshim se klasifikohet si tradhti ndaj familjes dhe prindërve, andaj duhet t'ju brejë shumë në shpirt ky gabim. Prindërit janë ata që kujdesen për ju që nga fëmijëria, që nga momenti kur ju keni dalur në dynja e skeni ditur asgjë, atëherë kur keni qenë të dobët, të paaftë, të pastrehë, të pambrojtur, në ato momente janë kujdesur për ju prindërit, ata ju kanë ushqyer, ata ju kanë veshmbathur, ata ju kanë dhënë dashuri, ata ju kanë dëgjuar bisedat, ata ju kanë plotësuar dëshirat, ata kanë qarë me ju kur keni qenë të sëmurë, ata kanë lënduar me ju kur jeni lënduar, ata kanë mbetur pa gjumë kur ju jeni vonuar.
Me ç'farë fytyre dhe guximi do të dalim para tyre kur kemi bërë veprime të tilla, me të cilat turpërojmë veten dhe familjen tonë me këto veprime, me çka e kanë merituar ata që kësi njolle të vendosim në ballin e familjes tënde?!
Allahu në Kuran na mëson e na thotë:
"Zoti yt ka dhënë urdhër të prerë që të mos adhuroni tjetër pos Tij, që të silleni në mënyrë bamirëse ndaj prindërve. Nëse njërin prej tyre, ose që të dy, i ka kapur pleqëria pranë kujdesit tënd, atëherë mos u thuaj atyre as "of - oh", as mos u bë i vrazhdë ndaj tyre, po atyre thuaju fjalë të mira (të buta, respektuese). Dhe në shenjë mëshire shtrije pranë tyre krahun përulës e respektues dhe thuaj: "Zoti im! Mëshiroi ata të dy, sikurse më edukuan mua kur isha i vogël". (El-Isra: 23- 24).
Kurse Pejgamberi, sal-lall-llahu alejhi ve sel-lem, ka thënë:
"Prindi është dera e mesme e xhennetit, kujdesu për prindërit ose leje këtë detyrë". (Sahih, Ibën Maxhe).
2- Takim me djalë të huaj dhe afrim aq i madh derisa të kalon edhe në raporte bashkëshortore, raporte martesore, raporte intime, pa patë kuror e martesë, kjo vepër pa dyshim se është tejkalim i kufinjve dhe normalisht se pasojat e kësaj vepre janë shumë të rezikshme dhe të dëmshme jo vetëm për ty por edhe për mbarë popullin.
All-llahu në Kuran na mëson e na thotë:
"Dhe mos iu afroni imoralitetit (zinasë), sepse vërtet ai është vepër e shëmtuar dhe është një rrugë shumë e keqe". (El-Isra: 32).
All-llahu, subhanehu ve teala, në këtë ajet na tregon e na thotë: mos ju afroni zinasë, e nuk na ka thënë: mos bëni zina, sepse afrimi zinasë domethënë rënie e patjetërsueshme në zina. All-llahu na ruajtë!
"Prej shenjave të Kijametit janë:
- Pakësimi i dijes;
- përhapja e injorancës;
- përhapja e zinasë:
- konsumohet alkooli;
- pakësohen burrat;
- mbeten gratë, saqë një burrë do të kujdeset për pesëdhjet gra". (sahih, Ibën Maxhe).
I riu dhe e reja, edhe pse janë në një moshë kur u vlon gjaku dhe kanë epsh të madh, duhet të ruhen nga rënia në mëkat dhe nënshtrim të epshit.
All-llahu, subhanehu ve teala, thotë:
"... e mos shko pas dëshirave se ato të shmangin prej rrugës së All-llahut. ...". (Sad: 26).
"E për sa i përket atij që ka tepruar. Dhe i dha përparësi jetës së kësaj bote, xhehennemi do të jetë vendi i tij. E kush iu frikësua paraqitjes para Zotit të vet dhe ndaloi veten prej epsheve, xhenneti është vendi i tij". (En-Naziat: 37-41).
Epshi ndezet nëse mendojmë gjatë kohë rreth epshit dhe nëse vëndohemi në shërbim të epshit, nëse i lejojmë mekanizmave që e ngjallin epshin dhe e stimulojnë atë të veprojnë, pa dyshim se ai do të efektivizohet dhe do t'ia arrijë qëllimit të vet.
Kjo ka ndodhur edhe me ty, sepse ke lejuar afrim me një mashkull të huaj, pastaj ke lejuar vetmim me te, pastaj ke lejuar edhe prekje të tij, pastaj ke lejuar edhe rënien në mëkat dhe gabim.
Për këtë shkak Pejgamberi, sal-lall-llahu alejhi ve sel-lem, ka thënë:
"Çdo herë që vetmohet një mashkull me një femër, i treti është shejtani". (sahih, Ibën Maxhe).
3- Pendimi është derë e hapur nga Zoti i Madh për tu kthyer njerëzit tek Ai. Pasiqë secili njeri është gabimtar. Njeri pa gabime nuk ka, mirëpo gabimtari më i mirë është ai që pendohet, sikurse na ka treguar Pejgamberi, sal-lall-llahu alejhi ve sel-lem.
Andaj, All-llahu, subhanehu ve teala, ka hapur një derë mes lindjes dhe perendimit, e cila nuk mbyllet derisa nuk del dielli nga perendimi". (Hasen, Taberaniu).
All-llahu, i thërret të gjith besimtarët në pendim dhe tregon se pendimi tek All-llahu, subhanehu ve teala, është shenjë e besimit dhe imanit:
"... Pendohuni të gjithë te All-llahu, o besimtarë, në mënyrë që të gjeni shpëtim". (En-Nur: 31).
Mirëpo, pendimi ka kushtet e veta, nëse një njeri pendohet dhe i plotëson kushtet e pendimit, kjo vepër e afron këtë njeri te mëshira e All-llahut, kurse nëse pendohet pa i plotësuar kushtet e pendimit, pikëpyetje e madhe se sa do të prëfiton njeriu nga ky pendim.
Kushtet e pendimit janë:
1- braktisja e mëkatit:
2- keqardhja e madhe për bërjen e mëkatit;
3- vendoshmëria për mos kthim në mëkat.
All-llahu, subhanehu ve teala, i drejtohet besimtarëve, të cilët normlaisht për nga natyra e tyre janë të dobët dhe bijnë në mëkate, që mos të humbin shpresën në mëshirën e All-llahut, sepse nëse njeriu kur bën mëkat gabon, me humbjen e shpresën në Mëshirën e All-llahut edhe më tepër gabon e thotë:
"Thuaj: "O robërit e Mi, të cilët e keni ngarkuar me shumë gabime veten tuaj, mos e humbni shpresën ndaj mëshirës së All-llahut, pse vërtetë All-llahu i falë të gjitha mëkatet, Ai është që shumë falë dhe është mëshirues!" Dhe, kthehuni te Zoti juaj dhe përuljuni Atij para se t'u vijë dënimi, se pastaj nuk do të ketë kush t'ju ndihmojë". (Ez-Zumer: 53- 54).
Vendose për të hapur një fletë të re në jetën tënde, haroje të kaluarën dhe mbushe kohën e tashme me adhurime dhe vepra të mira dhe largohu nga çdo gjë e cila ta kujotn të kaluarën dhe mund të kthen në gjendjen e vjetër.
Allahu e di më së miri...
All-llahu ju dhashtë dije të dobishme, vepra të mira, besim të shëndoshë, sukses dhe lumturi në jetë.
Bekir Halimi

Bekir Halimi, 29.04.2008

[Xhenneta-Morina]

Numri: 1107 Data: 11.04.2003

Pyetja: Si do të ishte këshilla juaj drejtuar studenteve të cilat e kalojnë kohën duke biseduar për sportin dhe sportistët, për filmat dhe artistët, e i pëlqejnë ata?

Përgjigjja:
Kush është ai i cili e kalon kohën duke folur për këto gjëra të kota? Ne jemi Ummet muxhahidinësh, prandaj duam të kemi vajza të cilat edukojnë muxhahida. E si do të edukojë muxhahida ajo kur rëndësia e saj kryesore është ndjekja e modës, apo të modeleve, ndjekja e rezultateve të kinemasë, apo ndjekja e sportit. Të them sinqerisht: ajo e cila ndjek sportin apo filmat e artistat, ajo është e sëmurë! Eshtë e sëmurë në zemër, prandaj duhet që të drejtohet për në spital shumë shpejt. Në atë spital i cili nuk refuzon asnjë të sëmurë, e as që ka nevojë të qëndrosh në kolonë për të pritur. Ka thënë All-llahu i madhëruar: "Thuaj: O robërit e mi të cilët e keni tejkaluar me veten tuaj, mos ngurroni nga mëshira e All-llahut. Padyshim se All-llahu i fal mëkatet në përgjithësi se me të vërtetë Ai është Falës dhe Mëshirues" Ndërsa Pejgamberi salallahu alejhi we selem ka thënë: {Me të vërtetë All-llahu e shtrin Dorën e Tij në mbrëmje që të falë keqbërësin e ditës, e e shtrin Dorën e Tij ditën që të falë keqbërësin e natës}
shejh-Selman el-Avde
perktheu: F.Gurra
marre nga: IslamToday.Com

Selman el-Avde, 12.04.2003

[Xhenneta-Morina]

Numri: 1109 Data: 12.04.2003

Pyetja: Nganjëherë kam kohë të lirë shumë, e vecanërisht ditët e pushimeve. Nuk e di se si ti shfytëzoj këto kohë, ju lutem më drejtoni në atë që e shikoni më të mirë All-llahu ju ndihmoftë?

Përgjigjja:
E cuditshme të kemi kohë të lirë, njerëzit kërkojnë kohë e ne ankohemi nga koha e lirë! O sa shumë detyra që të presin moj motër! Unë kisha një pyetje: Asaj vajze të cilës i kërkohet të kryejë punët e shtëpisë duke u stërvitur për shtëpinë e saj të re, të mësojë cështjet e fesë, dhe të ibadeteve të saj, sikur namazi, agjërimi, haxhi e të gjitha ibadetet e tjera, të kryejë obligimet, nafilet, apo veprat e pëlqyera ndaj Zotit të saj. Të mësojë gjithcka thuhet kundra femrës muslimane, duke shtuar këtu edhe thirrjen në rrugë të All-llahut, duke urdhëruar në të mirë e duke ndaluar nga e keqja. Kjo vajzë e ku do ta gjejë kohën e lirë? Ajo sapo mbaron me punët e shtëpisë vjen koha e namazit nafile apo farz, menjëherë mbas mbarimit të namazit vjen koha e mësimit të Kur'anit, apo mësim për dawe në rrugë të All-llahut të madhëruar, apo mbledhje për këshillë e përkujtim....etj. Femra u ankua, apo të tjerët u ankuan duke folur me gjuhën e saj, se femra ka shumë punë prandaj duhet të ketë patjetër shërbëtore, më pas guzhiniere, më pas edukuese, arriti nëna të jetë e papunë. Filluan të thonë pastaj se femra ka shum koh të lir duhet që patjetër ti gjejmë vend të shfrytëzojë këtë kohë të lirë. Më në fund i gjetën asaj vendet e përziera (burra e gra bashkë). W'All-llahu Mustean (All-llahu na ndihmoftë).

Ne nuk jemi në kundërshtim me asnjë aktivitet të kryer nga femra muslimane por me kusht:

1- Të jetë dalja e saj në këtë punë për ndonjë shkak serioz.

2- Të jetë e kapur pas rregullave të sheriatit sikur përzierja me burrat, mosmbajtja e mbulesës islame, apo udhëtimi i largët pa mahram apo cilësi të tjera të shtrembëruara.

3- Duke qëndruar larg atyre grupeve të cilat thërrasin për atë që e quajnë (liria e femrës).

4- Të jetë në shoqëri me femra të sinqerta e të largohet prej atyre femrave të prishura e imorale.

shejh-Selman el-Avde
perktheu: F.Gurra
marre nga: IslamToday.Com

Selman el-Avde, 12.04.2003

[Xhenneta-Morina]

Numri: 1110 Data: 12.04.2003

Pyetja: Disa nxënëse e kanë uniformën e tyre të shkurtër sipër zogut të këmbës a është e saktë një gjë e tillë?

Përgjigjja:
Sot sipër zogut të këmbës, nesër në mes të këmbëve, e pasnesër deri në gjunjë. Ka thënë të vërtetën i Dashuri im salall-llahu alejhi we selem: {Do ti pasoni punët e atyre që ishin para jush me hollësi hap pas hapi, edhe sikur të futen në strofkë të ariut do të futeshit} Mutefekun alejhi.

Kjo lloj veshje është përngjasim me jobesimtaret e gjithashtu përngjasim me burrat.

O ju të përveshura:

Deri në gjunjë e përveshur *** për Zotin tënd kë lum do të kalosh?!

Sikur veshja e hijes së mëngjesit *** e cila pakësohet herë pas here.

Mendon se burrat janë pa ndjenja *** sepse ti ndoshta nuk e ndjen këtë!
shejh-Selman el-Avde
perktheu: F.Gurra
marre nga: IslamToday.Com

Selman el-Avde, 12.04.2003

[Xhenneta-Morina]

Numri: 1111 Data: 12.04.2003

Pyetja: Me të vërtetë martesë e lumtur është ajo e cila kryhet me anë të dashurisë e njohjen para martese, këtë mendim shumë e dëgjojmë e shumë e kemi lexuar, si mendoni ju për këtë?

Përgjigjja:
Ka mundësi që kjo lloj martese të jetë e lumtur për kohën dy javë ose një muaj nëse është e ndërtuar në dashuri të mëparshme, sepse ndjenjat e secilit prej bashkshortëve janë dobësuar. Sic thuhet në këtë shembull: "Shkoi dehja e erdhi mendja"!
** Fillon burri në këtë kohë të mendohet me mendjen e tij e jo me zemër. Kjo grua u lidh me mua, shumë ka fol me mua në fshehtësi, thoshte keshtu e ashtu, ndoshta ka qënë e pabesë me familjen e saj. Tani nuk po e shikoj trupin e saj të bukur, as flokët e saj e asgjë nga pamja e saj. Të gjitha këto I shikoj me ftohtësi. Përse mos mendoj se ajo mundet të ngrejë receptorin e telefonit dikujt tjetër në mungesën time? Si mundem të largohem nga shtëpia një apo dy muaj e unë nuk e di se cndodh në shtëpinë time mbas shpine?
** Ajo që unë di nga ndjekja e këtyre cështjeve personalisht kam gjetur se të shumtat e martesave të tilla përfundojnë të humbura.
Vetëm nëse dikujt I bie syri papritur në një vajzë e cila I pëlqen, interesohet për të (sipas rregullave të sheriatit) e martesa plotësohet atëherë kjo është dicka tjetër.
** Duhet që të rinjtë e të rejat mos e marrin mënyrën e jetës së tyre nga teatrot, sepse ajo që ata shikojnë nuk I përshtatet jetës reale. Eshtë gabim I madh që të marr një vendim I cili ka të bëjë I gjithi me jetën time nga këto pamje të prishura.
shejh-Selman el-Avde
perktheu: F.Gurra
marre nga: IslamToday.Com

Selman el-Avde, 12.04.2003

[Xhenneta-Morina]

Numri: 1199 Data: 04.09.2005

Pyetja: Jam e martuar prej më tepër se një vit dhe jam e çelur deri në pikë të fundit me bashkëshortin tim, mirëpo ai është në të kundërtën e sjelljes sime. Edhe për gjërat më të thjeshta, kur shkon për shembull ndokund dhe vonohet, brengosem shumë për të. Kur kthehet i them: u mërzita për ty dhe u mundova të të marr në telefon. Ai ma kthen se kam gabuar që jam mërzitur. Flasim shumë për këtë gjë dhe mirëkuptohemi, mirëpo nuk di ç‘të bëj që ai të jetë i çelur, të flasë me mua. Fsheh shumë prej meje për të mos më pikëlluar. Unë vazhdimisht mundohem ta ndihmoj dhe të kuptoj se çfarë e pengon, sepse ai nuk më tregon. Kur kam ndonjë problem, ai më pyet dhe unë i tregoj, nëse nuk i tregoj ai brengoset. Më tregoni si të sillem, Allahu ju bekoftë?

Përgjigjja:
Ndoshta je personalitet i çelur, direkt dhe i sinqertë, e kjo është mirë, mirëpo mos kushtëzo që të tjerët të jenë të tillë. Të tjerët mund të jenë personalitete të ndryshëm nga i yti, më pak ose më shumë. Ti ke pozitivitete që nuk i kanë të tjerët dhe të tjerët kanë pozitivitete që nuk i ke ti. Mundohu që personalitetin e bashkëshortit tënd ta kuptosh mirë. Vë re mirë që të sillesh me të ashtu siç dëshiron ai. Mos e tepro me pyetje të njëpasnjëshme dhe mos insisto të informohesh për çdo imtësi dhe ki parasysh fjalën e beduinit që i tha bashkëshortes së vet: “unë jam më i madh se imtësitë e tua, kurse ti gjurmon imtësitë e madhërisë sime.”
Fol rreth temave që i përshtaten dhe që i interesojnë atij. Duhet të kuptosh gjuhën e syve të tij që të bëhet e ditur nëse ai është i pikëlluar, i brengosur, i frikësuar... pyete bashkëshortin për rrobat, për flokët e tua, për mobiliet e shtëpisë, për daljen tënde prej shtëpisë, për ushqimin. Mëso shijen e tij me durim dhe mos e tepro duke i folur për veten, për problemet dhe brengat e tua vetëm aq sa mendon se ai do të të dëgjojë me vëmendje, pastaj ndërroje temën me mençuri. Allahu ju dhëntë sukses ty dhe bashkëshortit tënd!

Selman ibën Fehd el Avde
Shqipëroi: Agim Bekiri

Selman ibën Fehd el Avde, 04.09.2005

[Xhenneta-Morina]

Numri: 99 Data: 08.12.2000

Pyetja: CILAT JANE 6 SURET TE CILAT IA KANE THINJUR FLOKET MUHAMMEDIT A.S. NGA BRENGAT?

Përgjigjja:
Falënderojmë All-llahun, kurse paqa dhe bekimi qofshin mbi Muhammedin sal-lall-llahu alejhi ve sel-lem.

Vëlla i nderuar.
Pejgamberi sal-lall-llahu alejhi ve sel-lem ka thënë:
"Më kanë thinjur surej Hud dhe suret simotra të saja: El-Vakia, Murselat, Amme jetesaelun, Idhash-shemsu kuvirret". hadithi sahih.


Bekir Halimi, 31.01.2001

[Xhenneta-Morina]

Numri: 231 Data: 05.01.2001

Pyetja: Pse kapitulli 9 nuk permban "bismilahin"?

Përgjigjja:
Falënderojmë All-llahun, paqa dhe bekimi qofshin mbi Muhammedin.

Ka shumë mendime rreth kësaj çeshtje, disa kanë thënë se përmbajtja e këtyre dy sureve është e ngjajshme andaj ska nevojë për ndarje me besmelen, disa kanë thënë se kjo sure përmban luftë kundër pabesimtarëve, andaj ska nevojë për mshirën, e cila gjindet në besmelën.
All-llahu e di më së miri.

Bekir Halimi, 13.03.2001