Pyetje dhe Përgjigje - Albislam-Com

[Xhenneta-Morina]

Numri: 1197 Data: 10.08.2005

Pyetja: Kam një pyetje rreth kuptimit të fjalës “lailahe il-lall-llah”? e dimë se Allahu është një, d. m. th. nuk ekziston Zot tjetër i cili merr pjesë në zotërimin e Tij. Pyetja është: si mund ta dimë se nuk ka zot tjetër të ngjashëm me Allahun, me cilësitë dhe veprat e Tij?

Përgjigjja:
Falënderimi i takon Allahut, subhanehu ve teala, Logjika dhe natyrshmëria e pastër e njeriut aludojnë, kurse pejgamberët kanë lajmëruar se kjo botë është e krijuar, kontrollohet, Krijuesi i saj ka dije të pakufishme, fuqi të plotë, vullnet që mund ta aplikoj, urtësi të përkryer dhe se mendja nuk mund ta parafytyroj realitetin e cilësive të Tij. Po ashtu aludojnë në atë se Krijuesi dhe Mbikëqyrësi i kësaj gjithësie është i Vetmi që meriton adhurimin, duke e dashur, duke iu frikësuar, shpresuar në Të dhe duke e madhëruar. Fjala “lailahe il-lall-llah” i ngërthen në vete të gjitha kuptimet e Teuhidit, se Allahu është Një në zotërimin e Tij, në të adhuruar dhe në emrat dhe cilësitë e Tij, ai nuk ka rival as të ngjashëm. Allahu, subhanehu ve teala, na ka sqaruar se sikur të ishin dy zota, dy krijues, do të shkatërrohej gjithësia “Sikur të kishte në to (në qiej e në tokë) zota pos All-llahut, ato të dyja do të shkatërroheshin. Larg asaj që i përshkruajnë është All-llahu, Zoti i Arshit. ” (Enbija -22), poashtu në ajetin tjetër qëndron: “All-llahu nuk ka marrë për Vete kurrfarë fëmijë (as nga engjëjt, e as nga njerëzit), nuk ka me Të ndonjë zot tjetër, pse (sikur të kishte zot tjetër), atëherë secili zot do të veçohej me atë që ka krijuar, dhe do të dominonin njëri mbi tjetrin! i lartë, i pastër është All-llahu nga ato që ia përshkruajnë. ” (Mu’minun – 91). Sikur kjo gjithësi t’i kishte dy krijues do të çrregullohej sistemi i saj. Harmonia që ekziston në këtë gjithësi vërteton se ka vetëm një zot. Kur të pranosh se Allahu është Shpikësi dhe Rregulluesi i gjithësisë dhe se Ai është i Vetmi që meriton adhurimin, atëherë patjetër të pranosh se nuk ka të barabartë më Të, sepse në të kundërtën do të ishin dy zota. Pra besimi se edhe dikush tjetër mund të ketë cilësitë e Zotit është besim në më shumë zota. Llojet e Teuhidit (njëshmërisë së Allahut) janë të ndërlidhura fortë mes tyre, ai që mohon njërën ka mohuar edhe tjetrën. Pra ke për obligim të besosh në Allahun fortë, të besosh se Ai është Zoti i çdo gjëje dhe Mbreti i tyre, se askush nuk meriton adhurimin askush përpos Tij. Ai i meriton të gjitha cilësitë e plota, dhe është larg çdo të mete. Kjo është rruga e pejgamberëve dhe robërve të Allahut të sinqertë. E ai i cili pohon se ka të ngjashëm me Allahun, ai ka trasuar rrugën e politeistëve (mushrikëve), e Allahu është denoncuar nga një gjë e tillë duke thënë: “I pastër e i lartë është Zoti yt, Zoti i gjithëfuqishëm nga ajo që ata i përshkruajnë. çdo e mirë qoftë ndaj të dërguarëve. Dhe falënderimi i qoftë All-llahut, Zotit të gjithësisë!” (Safat – 180, 181)

Abdurahman el Berrak, 10.08.2005

[Xhenneta-Morina]

Numri: 1198 Data: 03.09.2005

Pyetja: sa është e lejuar të shprehurit me fjalën: e kemi njohur Zotin me mendjet tona? Shtjelloni në hollësi këtë çështje, Allahu ju shpërbleftë!

Përgjigjja:
Falënderimi i takon Allahut, subhanehu ve teala, . Kur Zoti i krijoi njerëzit, në natyrën e tyre skaliti njohjen ndaj Tij. Njeriu pra, me natyrën e tij të pastër (fitren) e din se çdo krijesë patjetër të ketë krijuesin e sajë dhe se gjërat e shpikura patjetër të kenë shpikësin e tyre. Allahu, subhanehu ve teala, për ekzistimin, fuqinë, dijen dhe urtësinë e Tij ka përmendur argumentet kosmologjike të qiejve dhe Tokës dhe ka dënuar mospërfilljen e tyre nga mushrikët, Allahu thotë: “Sa e sa argumente ka në qiej e në tokë, të cilët i shohin, por ata nuk i vështrojnë fare.” (Jusuf, 105). Kjo njohuri të cilën e përfitojmë nga argumentet qiellore arrihet me mendje, studim dhe meditim, për këtë Allahu, subhanehu ve teala, thotë: “Dhe, a nuk menduan ata me veten e tyre se All-llahu nuk krijoi qiejt dhe tokën dhe çdo gjë që gjendet ndërmjet tyre pa ndonjë qëllim të caktuar dhe për një kohë të kufizuar.” (Rum, 8) kurse ajetet më këtë kuptim janë të shumtë. Megjithëkëtë, kjo njohuri që arrihet me mendje është njohuri globale, sepse njeriu në këtë mënyrë nuk mund ta njeh Zotin me gjithë emrat, cilësitë dhe veprat e Tij në mënyrë të detajizuar vetëm nëpërmjet pejgamberëvë, librave që ka zbritur Allahu, subhanehu ve teala. Pejgamberët, sal-lall-llahu alejhim ve sel-lem, u dërguan për t’i njoftuar njerëzit me Zotin e tyre, me emrat dhe cilësitë e Tij, ç‘është e domosdoshme dhe ç‘është e lejuar për Të në mënyrë të hollësishme. Me këtë na bëhet e ditur se mendjet janë të paafta për t’i njohur cilësitë dhe emrat e Allahut, subhanehu ve teala, dhe ç‘është e domosdoshme dhe ç‘është e lejuar për Të në mënyrë të hollësishme. Kjo gjë pra nuk mund të arrihet vetëm se nëpërmjet pejgamberëve, mirëpo përsëri nuk mund që dija njerëzorë ta përfshijë Zotin në të gjitha aspektet, siç thotë Allahu “po dija e tyre nuk mund ta përfshijë Atë” (Ta ha, 110) kurse Pejgamberi, sal-lall-llahu alejhi ve sel-lem, thotë: “nuk mund që të të jap falënderimin e duhur, por ti (o Zot) je ashtu siç e ke lavdëruar Veten.” (Muslimi). Nga tërë kjo që u tha mund të përfundojmë se mënyrat e njohjes së Allahut janë mendja dhe Shpallja e Allahut (Kur’ani dhe Sunneti) dhe se disa emra dhe cilësi të Allahut njihen më shpallje dhe mendje kurse disa të tjera nuk mund të njihen vetëm se me shpallje.
Në këtë rast është mirë të tërheqim vëmendjen se bazë të njohjes duhet të bëjmë Shpalljen kurse mendjen ta bëjmë pasuese të saj me të cilën udhëzohet. Nga utopia e qartë është që të vijnë në kundërshtim Shpallja dhe logjika e shëndoshë siç pretenduan disa filozof dhe apologjet.
Allahu e udhëzoi Ehli Sunne vel xhema’a që të kapet për Kur’anin dhe Sunnetin e Pejgamberit, sal-lall-llahu alejhi ve sel-lem, dhe ecjen gjurmëve të gjeneratave të para e të mira (selefit), duke venduar çdo gjë në vendin e tyre. Ata nderuan mendjen duke mos nënvlerësuar pozitën e saj as duke mos i dhënë përparësi ndaj Kur’anit dhe Sunnetit siç vepruan të devijuarit. Allahu udhëzoi ithtarët e Sunnetit në rrugën e drejtë. Lusim Allahun që edhe neve të na udhëzojë në këtë rrugë dhe ta na mbrojë nga rruga e atyre më të cilët Allahu u hidhërua dhe nga rruga e të devijuarve. Allahu e di më së miri.

Prof. Dr. Abdurahman ibën Nasir el Berrak

Shqipëroi: Agim Bekiri

Prof. Dr. Abdurahman ibën Nasir el Berrak, 03.09.2005

[Xhenneta-Morina]

Numri: 1201 Data: 05.02.2006

Pyetja: Pyetje: Të vdekurve a u shfaqen veprimet e të gjallëve? Cili është mendimi më i saktë? Mundësisht na tregoni cilat janë librat që flasin për këtë gjë?

Përgjigjja:
Elhamdulilah, bota e Berzehut është botë e veçantë në të cilën jetojnë të vdekurit në periudhën mes vdekjes dhe ditës së ringjalljes.
Të vdekurit në këtë botë kanë pozita dhe grada të veçanta varësisht nga punët e tyre në botë qofshin të mira ose të këqija. Tekstet e Kur’anit dhe Sunnetit flasin për një gjë të tillë.
Të vdekurit pas vdekjes ose kënaqen me të mirat që All-llahu i ka përgatitur për bamirësit besimtarë ose dënohen nëse e kanë merituar adënimin dhe besimtarët e kanë për obligim të besojnë në këtë parim i cili bën pjesë në besimin në botën e fshehtë (el iman bil gajb).
Të gjallët nuk kanë dije të gjerë për gjendjen e të vdekurve përpos në raste të veçanta që janë përmendur në transmetimet e ndryshme prej të cilëve ka të saktë (sahih) dhe jo të saktë (gajru sahih). I njejtë është edhe qendrimi për të vdekurit të cilët po ashtu nuk dinë shumë për botën e të gjallëve sepse jetojnë në botën e berzehut.
Për këtë shkak nuk na lejohet që në mënyrë të prerë të pohojmë që të vdekurit janë të njoftuar me atë që ndodhë në këtë botë.
Në disa transmetime, vërtetësinë dhe saktësinë e të cilëve nuk mundem da pohoj, thuhet që i vdekuri është i njoftuar me atë që ndodh me familjen e tij dhe me punët e tyre. Këto transmetime i ka përmendur kolosi i dijës Ibën Kajjim El Xheuzijje në librin e tij “Shpirti” (Er Ruh).
Hadithet më të saktë që kanë të bëjnë me këtë temë janë:
Hadithi që e transmeton Ibën Umeri, radijall-llahu anhu, “Me të vërtetë i vdekuri dënohet për qarjen (vajtimin) e familjes së tij.” (Buhari nr. 1286 dhe Muslim 928)
Hadithi të cilin e transmeton Eus ibën Eus, radijall-llahu anhu,
“Të Dërguarit sal-lall-llahu alejhi ve sel-leme, i paraqiten salavatet dhe selamet që ia dërgojnë besimtarët.” Ebu Davud nr. 1047 dhe nr. 1531/ En Nesaiu nr. 1374/ Ibën Maxhe nr. 1636
Sa i përket vizitave që shpirtrat e të vdekurve ia bëjnë njëri tjetrit themi: Ky pohim bën pjesë në atë që e thamë në fillim dhe për të njëjtin janë shënuar transmetime që i ka përmendur Ibën Kajjimi në librin e lartpërmendur.
Mua nuk më kujtohet asnjë argument i qëndrueshëm për të pohuar një gjë të tillë edhe pse e dimë se shpirtrat e besimtarëve janë së bashku me njëri tjetrin sikurse bashkë me njëri tjetrin janë edhe shpirtrat e mosbesimtarëve.
Dija e të vdekurit për atë që ndodh në dynja ndërlidhet me çështjen: A dëgjojnë të vdekurit?
Sipas ajeteve të qartë të Kur’anit të vdekurit nuk dëgjojnë:
All-llahu, subhanehu ve te’ala, thotë: “Ti nuk mund t'i bësh të dëgjojnë të vdekurit, e as nuk mund ta bësh të shurdhëtin ta dëgjojë thirrjen, e sidomos kur ata ta kthejnë shpinën.” (En Neml, 80)
“E nuk janë të njëjtë as të gjallit e të vdekurit, All-llahu bën të dëgjojë atë që do, e ti nuk mund ta bësh të dëgjojë ai që është në varr.” (Fatir, 22)
Nga ana tjetër i Dërguari i All-llahut, sal-lall-llahu alejhi ve sel-leme, ka thënë: “Me të vërtetë kur i vdekuri vendoset në varr dhe kur të largohen ata që e varrosën, ai e dëgjon trokitjen e nallave (këpucëve).”
(Prej Enes ibën Malikut, radijall-llahu anhu, Buhari nr. 1338 dhe Muslim 2870)
Këtë e përforcojnë edhe hadithet ku përmendet përshëndetja me selam që u bëhet të varrosurve, hadithe këto, nga të cilët dijetarët kanë nxjerrë konkludim që të vdekurit dëgjojnë sepse nuk është e kapshme logjikisht që përshëndetja t’i drejtohet atij që nuk dëgjon.
Si argument ata e marrin edhe hadithin: “Çdo herë që njeriu kalon pranë varrit të vëllait që e ka njohur në dynja dhe e përshëndet atë me selam All-llahu të vdekurit ia kthen shpirtin dhe ai e kthen përshendetjen me selam.” (El Ilel El Mutenahije nr. 1523 dhe Mu’xhemu Shujuh nr. 333 hadithi është i dobët dhe ka sened të ndërprerë Edh Dhehebi).
Nuk lejohet argumentimi me këto hadithe sepse sipas tyre të vdekurit nuk e dëgjojnë çdo fjalë që thuhet pranë varrit të tyre e e as që dëgjojnë diçka që është larg varrit të tyre.
Themi: Mendimi më e saktë është që të vdekurit nuk dëgjojnë përpos asaj që është përjashtuar me argument, nuk dëgjojnë lajmërimet e të gjallëve e assesi nuk dëgjojnë lutjet e tyre që u drejtohen me lutje si dhe lutjet për ndërmjetësim.
Me pohimin e dëgjimit e të vdekurve që përmendet në hadithe në nuk e pohojmë këtë gjë për ndonjë të vdekur (me emër dhe mbiemër) por e pohojmë këtë gjë në mënyrë të përgjithshme. Themi: i vdekuri e dëgjon trokitjen e këpucëve në mënyrë të përgjithshme por kjo nuk don të thotë që këtë gjë e dëgjon ndonjë i vdekur i caktuar.
Qëllimi kryesor i vizitave që u bëhen varreve nuk është vetëm përshëndetja e tyre me selam apo pohimi i faktit që i vdekuri e dëgjon selamin. Qëllimi është që i vdekuri të përfiton nga lutja që e bën i gjalli si dhe përfitimi i të gjallit nga varret që janë vendbanimi i tij i ardhshëm pas jetës në këtë botë.
All-llahun e lusim për dije të dobishme që na e bën të qartë të vërtetën nga jo e vërteta.

Abdur Rahman ibën Nasir El Ber-rak, 05.02.2006

[Xhenneta-Morina]

Numri: 1362 Data: 12.06.2006

Pyetja: Kur'ani është libër i Allahut apo i pejgamberit?!

Përgjigjja:
Vëlla i nderuar!

Ska dilemë se Kur'ani është libër i Allahut, e jo i Pejgamberit alejhis-selam.
All-llahu ia ka shpallur Kur'anin Muhamedit alejhis-selam, e ai nuk e ka perpiluar nga vetja e tij.
Rreth kesaj ceshtje ka shume argumente, mirepo nese ti je musliman, atehere kete e beson sepse prej besimit eshte qe te besosh se Kur'ani eshte prej
librave te shpallura nga Allahu, te cilin ia ka shpallur Muhammedit, ashtu sikurse Inxhili i eshte shpallur Isaut, dhe ashtu sikurse Tevrati i
eshte shpallur Musait, etj.


Bekir Halimi, 12.06.2006

[Xhenneta-Morina]

Numri: 1363 Data: 12.06.2006

Pyetja: Çka ndodh ne Diten e Gjykimit me njerezit qe nuk kane pasur rast te degjojne apo te njohtohen me Islamin, nese me te vertete ka te atille?

Përgjigjja:
I nderuar!

Ata që nuk kanë pasur mundësi të degjojnë për Islamin, për shkaqe te ndryshme do të ken provim në ahiret, do tu dërgohet një njeri si pejgamber ose do tu thuhet hyni në zjar, nëse hyn në zjarr do të hynë në xhennet ose e kunderta, ose kush i përgjigjet pejgamberit do të shpëton.
Kjo është për ata njerëz që skanë dëgjuar për Islamin gjatë jetës së tyre.
krejt kete duke u bazuar ne argumente te haditheve.


Bekir Halimi, 12.06.2006

[Xhenneta-Morina]

Numri: 3 Data: 15.09.2000

Pyetja: Dic rreth abdestit dhe formws sw saj sipas sunnetit?

Përgjigjja:
Në emër të All-llahut, të Mëshirshmit, Mëshirbërësit

Falënderimi i takon All-llahut, Atë e falënderojmë dhe prej Tij falje dhe ndihmë kërkojmë. Cilin e udhëzon All-llahu s'ka kush e lajthitë dhe cilin e lajthitë s'ka kush e përudhë.
Paqa dhe bekimi i All-llahut qofshin mbi Muhammedin [sal-lall-llahu alejhi ve sel-lem], familjen, shokët dhe gjithë ata që e pasonjë në mënyrë më të mirë deri në Ditë të Kijametit.

Es-selamu alejkum ve rahmetull-llahi ve berekatuhu.

Vëlla i nderuar!
Sa i perket abdestit dhe formes se tij, do tua paraqes ne vijim kete shkrim qe eshte marur nga nje liber qe flet mbi fikhun, mirepo i cili akoma nuk eshte botuar. do te keni rastin se shpejti ta lexoni ne faqet e albislamit.

ABDESTI

FORMA E ABDESTIT

Transmeton Humrani, shërbëtori i Uthmanit [radijall-llahu anhu], duke thënë: “Një herë Uthmani kërkoi ujë që të marrë abdest, dhe pastaj i lau duart tri herë, pastaj lau gojën dhe hundën, pastaj e lau fytyrën tre herë, pastaj dorën e djathtë deri në bërryl tre herë, pastaj dorën e majtë deri në bërrylë tri herë, pastaj fërkoi kokën (i dha mes’h), e pastaj lau këmbën e djathtë tre herë deri në zog të këmbës, e mu kështu lau edhe të majtën, e pastaj tha: “Kështu e kam parë Muhammedin [sal-lall-llahu alejhi ve sel-lem] duke marrë abdest. E pasiqë kreu tha se Muhammedi [sal-lall-llahu alejhi ve sel-lem] ka thënë:
“Ai që merr abdest sikurse unë, e pastaj i falë dy rekate duke mos bërë mëkat, All-llahu ia falë atij mëkatet e bëra më parë.”
Ibn Shihabi ka thënë: “Dijetarët tonë kanë thënë: “Ky është abdesti më i plotë që njeriu mund të merr për namaz.”
es-selamu alejkum


Bekir Halimi, 15.09.2000

[Xhenneta-Morina]

Numri: 5 Data: 15.09.2000

Pyetja: sa here duhet thene la ilahe il-lall-llah pas naamzit?

Përgjigjja:
pas cdo namazi nga nje here, kurse pas naamzit te sabahut dhe akshamit nga dhejte here!

Bekir Halimi, 15.09.2000

[Xhenneta-Morina]

Numri: 7 Data: 10.04.2000

Pyetja: DO TE KISHA PAS DESHIR ME E MARR PERGJEGJEN TUAJ LIDHUR ME SHITJEN APO DERGIMIN E VERES A PO KULTIVIMIN E VERES NE KOSOVE

Përgjigjja:
E falënderojmë All-llahun, kurse paqa dhe bekimi qofshin mbi Muhammedin, familjen dhe shokët e tijë.
Në fillim dëshiroj të të tregoj se përdorimi i alkoolit është i ndaluar, poashtu edhe shitja dhe ndeja në atë vend ku përdoret alkooli.
Në shumë hadithe pejgamberi sal-lall-llahu alejhi ve sel-lem i ka mallkuar ata njerëz që e pinë, prodhojnë, ndejnë ku përdoret, e bartin, etj.
Andaj kjo është rreptësisht e ndaluar dhe për këtë duhesh të largohesh nga kjo vepër.
All-llahu të ruajtë në dunja dhe ahiret.



Bekir Halimi, 26.01.2001

[Xhenneta-Morina]

Numri: 126 Data: 12.12.2000

Pyetja: Ç’duhet të bëjnë ato gra, të cilat i zë Ramazani pa plotësuar akoma agjërimin e ditëve të lëna nga Ramazani i kaluar?

Përgjigjja:
Këto gra duhet të pendohen sinqerisht për këtë vepër dhe të kërkojnë falje nga All-llahu [subhanehu ve teala], sepse vonimi pa arsye i zëvendësimit të ditëve të lëna, deri në ardhjen e Ramazanit tjetër, është kategorikisht i ndaluar. Aishja, e shoqja e Pejgamberit [sal-lall-llahu alejhi ve sel-lem], thotë:“Në disa raste, nuk kam pasur mundësi që t’i agjëroja ditët e lëna nga Ramazani, përveçse në Shaban”.Sidoqoftë, ato duhet t’i zëvendësojnë ditët e lëna nga Ramazani i parë, menjëherë pas mbarimit të Ramazanit të dytë.

Ibn Uthejmini, 12.12.2000

[Xhenneta-Morina]

Numri: 571 Data: 24.02.2001

Pyetja: Dhenia me qira a ben pjese ne llojet e kamates? Qiraja

Përgjigjja:
Dhënja me qira nuk hynë në kamatë, sepse, shtëpia dëmtohet dhe amortizohet,e pagesa është përballë dëmtimit dhe amortizimit.
Kurse paratë, nuk amortizohen e as që dëmtohen, po edhe nëse dëmtohen, domethënë vjetërohen, nuk humbin ne vlerë. All-llahu e di më së miri!

Bekir Halimi, 24.02.2001