Pyetje dhe Përgjigje - Albislam-Com

[Xhenneta-Morina]

Numri: 365 Data: 05.02.2001

Pyetja: slamu alejkum ne emer te ALL-AHUT MESHIRUESIT MESHIRBERSIT. kur njeriu vdes ku shkon shpirti i tij , dhe nese i shkon diku pse i kufizohet ,

Përgjigjja:
E Falenderojme All-llahun, kurse paqa dhe bekimi qofshin mbi Muhammedin alejhisselam.
Njeriu kur te vdes, shpirti i tij shkon ne berzah, qe eshte koha qe nga vdekja e deri ne ringjallje.
Ai qe vdes me besim dhe vepra te mira begatohet ne te mira, kurse ai qe vdes ne mosbesim dhe mekate, denohet.
All-llahu subhanehu ve teala thote:

"40:46. Ata i nënshtroi zjarrit mëngjes e mbrëmje, e ditën e kijametit (u thuhet engjëjve): "Ithtarët e faraonit futni në dënimin më të rëndë!"
Kurse pse i kufizohet, sepse ajo eshte krijese e All-llahut, edhe normalisht se nuk ka mundesi qe te jete e pakufizuar, por kufizohet, sidomos duke pasyr parasysh faktin se akoma nuk ka ndohdur Kijameti dhe ringjallja qe te mer statusin perfundimtar.
All-llahu e di me se miri!

Bekir Halimi, 02.04.2003

[Xhenneta-Morina]

Numri: 392 Data: 12.02.2001

Pyetja: SELAMU ALEJKUM UE RRAHMETULLAH Nje njeri kur vdes,jeten e varrit e jeton vetem apo takohet me njerezit e tjere te aferm qe kane vdekur me perpara?

Përgjigjja:
Falënderojmë All-llahun, paqa dhe mëshira qofshin mbi Muhammedin.
Njeriu në varr jeton vet, me veprat e veta që i ka bërë, qofshin të mira, i bëhet kopsht xhenneti, nëse të këqija i bëhet gropë e xhehenemit.
Ska lidhje me asken, kështu na tregojnë argumentet.
all-llahu e di më së miri.

Bekir Halimi, 13.03.2001

[Xhenneta-Morina]

Numri: 411 Data: 17.02.2001

Pyetja: a mmund ta quajme nje musliman Kafir kur ai nuk gjykon me ligjin e Allahut.

Përgjigjja:
Falënderojmë All-llahun, paqa dhe bekimi qofshin mbi Muhammedin.
Mosgjykimi me ligj Islam mund të jetë kufër, fisk, (dalja nga kufintë e sherijatit) dhe dhulm (padrejtësi), siç tregon All-llahu në Kuran:
1- 5:44.Ne e zbritëm Tevratin, në të cilin është udhëzimi i drejtë dhe drita. Sipas tij gjykuan ndaj atyre që ishin jehudi, pejgamerët që ishin të bindur, gjykuan edhe dijetarët e devotshëm e paria fetare, ngase ishin të obliguar ta ruanin librin e Allauhut dhe ishin mbrojtës të tij. Prandaj, mos u frikësoni nga njerëzit, vetëm Mua të më frikësoheni dhe mos i ndërroni argumentet e Mia për pak send. E kush nuk gjykon me atë që e zbriti All-llahu, ata janë mohues.
2- 5:45. Ne u caktuam atyre në të (në Tevrat) kundërmasat ndëshkuese: njeriu (mbytet) për njeriun, syri për syrin, hunda për hundën, veshi për veshin, dhëmbi për dhëmbin, por edhe plagët kanë kundërmasë. E kush e falë atë (hakmarrjen), ajo është shpagim (nga mëkatet) për të. E kush nuk vendos sipas asaj që zbriti All-llahu, ata janë mizorë (të pa drejt).
3- 5:47. (E zbritëm) Që ithtarët e Inxhilit të gjykojnë sipas asaj që All-llahu e zbriti në të. E kush nuk gjykon sipas asaj që All-llahu e zbriti, të tillët janë mëkatarë të dalë jashtë rrugës së Zotit.
A) Njeriu i cili e pranon se sherijati, ligji i All-llahut është më meritor që të sundohet sipas tij, mirëpo nga epshi, për post, për para devijon nga ky ligj dhe përdorë ligje tjera, ka bërë kufër në vepër, imani i tij është në rezik të madh, nuk kërkohet shumë që të del tërësisht nga imani.
B) Nëse mendon se ligjet bashkëkohore janë më të mira dhe më meritore për të sunduar me to, është kafit, nuk ka dyshim në kufrin e tij. Për këtë vlen ajeti i parë, kurse për të parin vlejnë ajeti i dytë dhe i tretë.
All-llahu e di më së miri.

Bekir Halimi, 14.03.2001

[Xhenneta-Morina]

Numri: 564 Data: 23.02.2001

Pyetja: ES-SELAMU ALEJKUM VE RAHMETULL-LLAHI VE BEREKATUHU Unë jam student i FSHI. Shpeshherë ndër hoxhallarë dëgjohet fjala "fetë qiellore". Çfarë komenti do të jepnitju në lidhje me pyetjen e parashtruar. A thua se edhe Ebreizmi dhe Krishterizmi janë fe të shpallura nga ana e All-llahut xh.sh..Nëse më përgjigjeni në këtë pyetje do ta hiqnit një barë tepër të madhe qëmëmundon me vite të tëra. VES-SELAMU ALEJKUM VE RAHMETULL-LLAHI VE BEREKATUHU

Përgjigjja:
Falënderojmë All-llahun, kurse paqa dhe bekimi qofshin mbi Muhammedin alejhisselam.
Termi "fetë qiellore" ka për qëllim në origjinalitetin e tyre. Këto fe në bazë janë fe të cilat i ka shpallur All-llahu pejgamberëve të Vet, andaj e kanë burimin në qiell, domethënë te All-llahu, të cilat kanë ardhur nëpërmjet Xhibrilit alejhisselam, që është banor i qiejve.
Ebreizmi dhe krishterizmi kanë qenë fe qiellore saqë nuk ka ndërhyrë dora e njeriut, priftërve dhe rabinëve, për të devijuar ato. Në këtë rast kanë humbur origjinalitetin e tyre, për këtë edhe nuk e meritojnë më këtë emër. Në kuran përmenden si ithtarë të Librit, "Ehlul-Kitab", e jo ithtar të feve qiellore.
Pastaj kjo është edhe një kurtth prej atyreve që thërrasin në ekumenizëm, bashkim të feve, nën moton, pasiqë ne jemi ithtar të feve qiellore, jemi shumë afër bashkimit për dallim të feve tjera. Për këtë dhe për shumë shkaqe tjera duhet ikur termit, fe qiellore, duke i kapluar të tre fetë, edhe Ebreizmin, edhe krishterimin edhe islamin.
Tani fe qiellore e vetme origjinale ka mbetur vetëm Islami.
All-llau e di më së miri.


Bekir Halimi, 12.03.2001

[Xhenneta-Morina]

Numri: 671 Data: 12.03.2001

Pyetja: ES-SELAMU ALEJKUM VE RAHMETULL-LLAH Nje njeri nese bene vetevrasje, a thua se e ka pasur momentin e fundit te jetes se tij apo jo,nese jo atehere a thua se do te kishte jetuar edhe me nese nuk e bente kete akt antiislam. Nese ia ka shkruajtur Zoti te jetoje 60 vjet ai ne moshen 20 vjeçare bene vetvrasje, a behete fjale per diturine e Zotit ose aj ka shku me inat me zotin

Përgjigjja:
Fzlënderojmë All-llahun paqa dhe bekimi qofshin mbi Muhammedin.
Pa dyshim se në momentin që nj ënjeri bën vetvrasje e ka pasur sekondën e jetës së tij. Dhe edhe po mos t abënte këtë akt, ai do të vdiste, sepse kjo ka qenë fundi i exhelit të tij.
All-llahu në Kuran thotë:

"16:61. Sikur All-llahu t'i dënonte njerëzit (zullumqarë) për shkak të mizorisë së tyre, nuk do të linte mbi të (tokë) asnjë gjallesë, por Ai i lë ata për më vonë deri në afatin e caktuar, e kur të vijë afati i tyre, për asnjë moment nuk mund ta vonojnë as ta ngutin".
Nëse bënë vetvrasje në moshën 20 vjeçare kjo domethënë se All-llahi i ka shkruajtur të jetoj 20 vjet e jo 60 vjet, sepse ne nuk e dime se sa i ka shkruar dhe kur e shohim një njeri duke vdekur, pa marë parasysh se si vdes, kuptojmë se në atë moment ka qenë çasti i fundit i jetës së tij.
All-llahu e di më së miri.


Bekir Halimi, 29.04.2001

[Xhenneta-Morina]

Numri: 686 Data: 14.03.2001

Pyetja: -si e argumentoni ringjlljen e njeriut pas vdekjes? -si spjegohet qe feja islame eshte fe perparimtare,dhe si e argumentoni nje gje te tille?

Përgjigjja:
Argumentojme nga shpallja, ndijimi dhe mendja.
Shpallja: All-llahu i Lartësuar në Kur'an thotë:
"Ata që nuk besojnë supozojnë se nuk do të ringjallen; thuaju ti (Muhammed) atyre: "Gjithsesi! Betohem në Zotin tim, se me siguri do të ringjalleni dhe pastaj do t'ju informojmë se ç'keni punuar, e një gjë e tillë për Zotin është e lehtë."
(Et-Tegabun 7)
Shiko pastaj ajetet e fundit të kaptinës Jasin dhe shumë ajete të tjera. Të gjithë Librat e Shpallur vërtetojnë ringjalljen.
Ndijimi: All-llahu i Lartësuar u mundësoi njerëzve të shohin ringjalljen e të vdekurve qysh në këtë botë. Në kaptinën El-Bekare gjendën pesë shembuj të tillë, ata janë:
Shembulli i parë: Populli i Musaut alejhis selam kur ata i thanë:
"Kurrsesi nuk do të besojmë ty (Musa) pa e parë All-llahun haptazi", kështu që All-llahu i bëri të vdesin, e pastaj i ringjalli. Duke shpjeguar këtë ndodhi, All-llahu i Lartësuar u drejtohet Beni Israilëve:" (Kujtoni) Kur i thatë Musait: "O Musa! Kurrsesi nuk të besojmë ty pa e parë All-llahun haptazi!"; e në atë moment ju përlau rrufeja dhe ju ishit duke shikuar. Pastaj, pas vdekjes suaj, ju ringjallëm Ne juve, që ndoshta të bëheni falënderues."

(El Bekare 55,56)

Shembulli i dytë: Eshtë rrëfimi i të mbyturit, rreth të cilit u grindën Beni Israilët (në kohën e Musait). Atëherë All-llahu i Lartësuar i urdhëroi të therin një lopë dhe t'i bien të vdekurit me një pjesë të saj, e me këtë ai do t'i lajmëroj për vrasësin. All-llahu i Lartësuar për këtë rast thotë:
"Dhe pasi që vratë një njeri, dhe me këtë rast u grindët në mes veti - All-llahu e nxori në shesh atë që e fshehnit ju. Ne (All-llahu) u thamë atyre: "Mëshoni me një pjesë të saj (lopës së therur) të vrarit!" (Pasi e bënë këtë i vrari u ringjall dhe i lajmëroi për vrasësin e tij). Dhe kështu, pra, All-llahu do t'i ngjallë të vdekurit dhe do t'ju tregojë argumentet e Tija që ju ndoshta do të kuptoni."
(El-Bekare 72,73)
Shembulli i tretë: Eshtë rrëfimi i një grup njerëzish që lanë shtëpitë e tyre nga frika e vdekjes, e ata ishin me mijëra. All-llahu i bëri të vdesin ata dhe pastaj i ringjalli (ishin këta nga populli i Beni Israilëve, kishin ikur për shkak të murtajës, jetuan në kohën e profetit Hizkijal), All-llahu i Lartësuar për këtë ngjarje thotë:

"A nuk i pa ti (o Muhammed)! Ata që nga frika e vdekjes, ikën prej shtëpive të tyre, e ata ishin me mijëra. Por, All-llahu u tha atyre: "Vdisni!", e pastaj, Ai i ringjalli. Njëmend, All-llahu është bamirës i pakufishëm ndaj njerëzve, por shumica e tyre nuk falënderojnë."

(El-Bekare 243)

Shembulli i katërt: Eshtë rrëfimi i personit që kaloi për rreth një fshati të shkatërruar dhe i'u duk e pamundshme që prapë t'i ringjallë ata njerëz të pluhurosur. Atëherë All-llahu i Lartësuar e bëri të vdesë për 100 vjet dhe prapë e ringjalli (thuhet se ai fshat ishte Jerusalemi pas shkatërrimit të Nabukondezerit, kurse ky person ishte Uzejri për të cilin dyshohet se a ishte profet apo jo). All-llahu i Lartësuar për këtë rast thotë:

"Ose a nuk ke ndëgjuar (ti Muhammed) për atë, i cili duke kaluar pranë një qyteti të rrënuar për tokë, tha: "Si do t'i ringjallë All-llahu këta pas vdekjes së tyre?" All-llahu e bëri atë të vdes për njëqind vjet e pastaj e ringjalli dhe e pyeti: "Sa kohë ke ndejtur këtu? "Ai u përgjigj: "Një ditë ose gjysmë dite" All-llahu i tha: "Jo. Por, ke ndejtur këtu njëqind vjet. Shiko ushqimin dhe pijen tënde se si nuk janë prishur; e shikoje edhe gomarin tënd; e me këtë të bëmë ty dëshmi të ringjalljes për të gjithë njerëzit; shiko edhe eshtrat se si i mbërthejmë e pastaj i veshim me mish." Kur atij i'u bë e qartë, tha: "E kuptova se, njëmend, All-llahu është i Plotëfuqishëm mbi çdo gjë."
(El-Bekare 259)
Shembulli i pestë: Eshtë rrëfimi Ibrahimit - alejhis-selam, kur kërkoi prej All-llahut të Lartësuar t'i tregojë se si i ringjallë të vdekurit? Atëherë All-llahu i Lartësuar e urdhëroi të prejë katër shpezë dhe pjesët e tyre t'i ndajë nëpër kodrat rreth tij, e pastaj t'i thërras ato shpezë, e me atë rast bashkohen pjesët e çdo shpeze dhe vijnë tek Ibrahimi-alejhis-selam - duke shpejtuar. Për këtë rast të mrekullueshëm All-llahu i Lartësuar thotë:

"E, kur Ibrahimi tha: "O Zoti im! Tregom se si i ringjallë të vdekurit! Ai i tha: "A nuk beson? "Ai (Ibrahimi) tha: "Gjithsesi o Zot, por po dëshiroj që zemra të më qetësohet (duke e parë atë ringjallje)". All-llahu i tha: "Merri katër zogj, afroi pranë vetes (theri e copëtoi), dhe shpërndaj në çdo kodër nga një pjesë të tyre, e pastaj thirri! Do të vijnë ato (përpara teje) më të shpejtë. Dije, pra, se All-llahu është i Plotëfuqishëm dhe i Gjithdijshëm."
(El-Bekare 260)
Këta ishin shembuj realë dhe të ndijshëm që argumentojnë ringjalljen e të vdekurve. Më parë kemi përmendur se si Isau alejhis-selam i nxirrte të vdekurit nga varrezat dhe me urdhërin e All-llahu të Lartësuar u ringjallte ata.

Argumenti mendor (në ringjalljen e të vdekurve) bazohet në dy aspekte:

Aspekti i parë: Se All-llahu i Lartësuar është Krijuesi i qiejve dhe i tokës dhe çka në mes tyre, i krijoi ato pa qenë fare, e Ai që filloi krijimin e tyre pa qenë fare, natyrisht që është në gjendje t'i rikthej ato (pas shkatrrimit). All-llahu i Lartësuar thotë:

"Ai (All-llahu) është që fillon krijimin (prej asgjëje), e pastaj e përsërit ate, e kjo përsëritje është shumë më e lehtë për Te."

(Err-Rrum 27)

Po ashtu, Ai thotë: "Ashtu si e filluam krijimin e parë, ashtu do ta kthejmë ate, ky është premtimi Ynë, Ne këtë, me të vërtetë do ta bëjmë."
(El-Ebnija)
Në fund të kaptinës Jasin, duke ju përgjigjur atyre që refuzojnë ringjalljen e eshtrave kur ato janë bërë pluhur, Ai thotë:
"Thuaju (ti Muhammed): "Do t'i ringjallë ato (eshtra bashkë me njerëzit) Ai që i krijoi herën e parë; Ai i di të gjitha ato që krijoi... Vallë, a nuk ka fuqi Ai që krijoi qiejt dhe tokën të krijojë qenie të ngjashme me ju! Gjithsesi..."
(Jasin 79 dhe 81)
Aspekti i dytë: Ne e shohim Tokën të vdekur dhe të thatë dhe në te nuk ka kurrfarë druri të gjelbër. Kur asaj i bie shiu menjëherë ringjallet, gjelbërohet dhe mbijnë në te lloj-lloj bimësh të mrekullueshme, e ai që ishte në gjendje ta ringjallë këtë tokë, përmes shiut, pasi që ishte e vdekur, është në gjendje t'i ringjallë edhe të vdekurit. All-llahu i Lartësuar thotë:
"Prej argumenteve të Tij është edhe ai që ti e sheh tokën të përulur (të thatë), e kur e lëshojmë në te shiun ajo lëvizë dhe gjallërohet. Me të vërtetë, Ai që e gjallëroi ate do t'i ringjallë edhe të vdekurit. Njëmend, Ai është mbi çdo gjë i Plotëfuqishëm."
(Fussilet 39)
Po ashtu, Ai thotë:
"Ne prej qiellit lëshojmë shiun e bekuar dhe bëjmë që përmes tij të mbijnë kopshtet dhe drithërat që korren, si dhe palmat e larta me hurma kalavesh, që janë ushqim për robërit (njerëzit), dhe Ne me te (shiun) ringjallëm tokën e vdekur; kështu, pra, do të jetë edhe dalja (ringjallja) e juaj prej tokës."(Kaf 9-11)

marur nga:



Bazat e besimit dhe komenti i tyre (II)


redaksia, 14.05.2001

[Xhenneta-Morina]

Numri: 704 Data: 17.03.2001

Pyetja: Eselam alejkum.Pyetja ime eshte qe ne Kuran thuhet qe qiejt dhe Toka u krijuan per 6 dit ne nje liber kam lexuar se keto 6 dit jan 6 periudha kohore kurse ne nje hadith i permend me ditet e javes ditet e krijimit qe dite e peremte krijua pluri etj.ditet jan sa ditet tona apo jo.

Përgjigjja:
All-llahun e falenderojme, paqa dhe bekimi qofshin mbi Muhammein.
Ato jane gjashte dite mirepo jo si ditet tona, sepse All-llahu ne Kuran ka thene:

"32:5. Ai është që udhëheq çështjen (e të gjitha krijesave) prej qiellit në tokë, pastaj ajo (çështja) ngrihet te Ai në një ditë që sipas llogarisë suaj është sa një mijë vjet".
Psh ky ajet tregon se nje dite e asaj kohe qenka sa nje mije vjet tonat.
Ose ajeti tjeter:

"70:4. Atje ngjiten engjëjt dhe shpirti (Xhibrili) në një ditë që zgjat pesëdhjetë mijë vjet (ose lartësia e atyre shkallëve është pesëdhjetë mijë vjet)".
Qellimi wshtw me tregu se nje dite nuk eshte i percaktuar sikurse ne kohen tone, me 24 ore.
All-llahu e di me se miri.


Bekir Halimi, 15.04.2003

[Xhenneta-Morina]

Numri: 751 Data: 23.03.2001

Pyetja: selam alejkum hoxhe pyetja qe dua te pyes eshte ne maqedoni kosov shqiperi ka shume musliman qe e besojn allahun por i bejne shirk cka eshte me kryesore edhe falin namaz agjerojne ramazan... por bejne shirk, sidomos pleqet.qka eshte ceshtja e ketyre personave ,ne diten e gjykimit a do te jen sikur kjafiret apo si ,edhe a do te jene ne xhehennem pergjithmone.ju lutem nese keni mundesi me shpejte pergjigjen.ALLAHU ju ndihmoft.

Përgjigjja:
All-llahun e falenderojme, paqa dhe bekimi qofshin mbi Muhammedin.
Para se te pergjigjemi per fundin e ketyre muslimaneve qe sipas jush bajne shirk, te shohim se cka eshte shirku edhe kur gjukohet per nje njeri se ka rene ne shirk.
Ashtu qe nuk duhet te nxitojme kesi lloj vleresimesh.
Nese nje njeri, me emer musliman, ban shirk, sic eshte sexhdeja ndaj varrit, statuje, therr kurban per vareza, tyrbe, evlija, ose gjerat qe jane te vecanta per All-llahun, ua dedikon krijesave, ky njeri ka bere shirk, mirepo nuk i thuhet mushrik, derisa te verifikohet se a ka pasur dituri per keto gjera, dhe a i ka bere me vetedije dhe me vetdeshire. Nese miren vesh keto gjera atehere mundet te konkludohet se ky qenka ose nuk qenka mushrik, idhujtar.
Pastaj kjo nuk eshte pune e secilit musliman, keto vleresime mundet t'i jep vetem dijetari, i cili i di hollesisht keto gjera shkencore edhe e di hollesisht rastin ne fjale.
Adaj muslimanet e tane qe bajne gabime, zakonisht keto gabime i bejne pa vetedije dhe nga injoranca, nese u sqarohen me butesi dhe urtesi, inshaAll-llah largohen prej ketyre gabimve dhe mekateve, te cilan mundet te jene shkaktare qe te mebeten pergjithmone ne xhehenem.
All-llahu e di me se miri.

Bekir Halimi, 15.04.2003

[Xhenneta-Morina]

Numri: 902 Data: 29.04.2001

Pyetja: ju pershendes me emrin e All-llahut, Meshirusit, Meshireberesit. Nje Person bi ne altarin e Liries hereokisht. Por me par ka qen ne rugen e keqe qe nik jan te lejume ne fene islame. Si kusendiroher ky person. Ju luetem pytja te pergjighet sa me shpejt.

Përgjigjja:
Falënderoj All-llahun, paqa dhe bekimi qofshin mbi Mihammedin.
Nëse një njeri ka besuar në All-llahun, i ka besuar pejgamberllëkut të Muhammedit alejhisselam, nuk ak kundërshtuar asgjë nga feja, mirëpo nuk i ka praktikuar disa rregulla fetare kryesore, siç është namazi, mbetemi me shpresë të shpërblehet për këtë vepër nëse e ka bërë edhe me nijet për All-llah.
Sepse kur e kanë pyetur Pejgamberin alejhisselam:
"NJeriu lufton për trimëri, për fanatizëm, cili është në rrugë të All-llahut?
Ka thënë: Ai që luftonë të ngrisë fjalën e All-llahut, ai është në rrugë të All-llahut".
Edhe pse në kësi raste, është në pyetja e mbrotjes së tokës së muslimanëve dhe pronës e nderit të tyre, mbetemi me shpresë se i kaplon rahmeti i All-llahut.
All-llahu e di më së miri.



Bekir Halimi, 30.04.2001

[Xhenneta-Morina]

Numri: 1193 Data: 06.06.2005

Pyetja: Si mund që Allahu s.v.t. me gjithë madhërinë e Tij në krahasim me qiejt dhe tokën, të zbret në qiellin e dunjasë në fund të natës?

Përgjigjja:
Ve alejkumusselam verahmetull-llahi ve berekatuhu. All-llahun e falënderojmë kurse paqa dhe bekimi qofshin mbi Muhammedin, familjen dhe shokët e tij.
Kur flasim për All-llahun aspak nuk duhet të na shkon mendja që ta krahasojmë me krijesa, sepse ky krahasim që e ke përmendur në këtë rast na ka ardhur nga shkaku i krahasimit të Zotit me krijesat, andaj edhe ka ardhur ky kundërshtim dhe problem...
Ne si musliman e kemi obligim t’u besojmë ajeteve dhe haditheve të vërteta që flasin për All-llahun dhe cilësitë e Tij, duke mos i krahasuar ato me krijesat, duke mos ua shtrembëruar kuptimin, duke mos i mohuar ato dhe duke mos pyetur për formën e tyre. Nëse e kemi parasysh këtë rregull, atëherë nuk na vijnë këto mëdyshje dhe dilema, sepse as që lodhemi me këto krahasime... në të kundërtën nuk do të gjejmë përgjigje për shumë [ështje tjera apo do të detyrohemi t’i shtrembërojmë kuptimet e tyre, p.sh. sikur të mendonim në përputhje me logjiken e përmendur në këtë pyetje nuk do të kuptonim si është e mundër që në të njejtën kohë Allahu s.v. të dëgjojë miliarda zëra, kërkesa, adhurime dhe të gjithëve tia jep përgjigjen përkatëse. Kjo është e pamundur për logjikën tonë, mirëpo Allahu s.v. nuk i nënshtrohet këtyre ligjeve.
All-llahu i Lartësuar shumë bukur na ka treguar këtë cështje duke mohuar përgjasimin e Tij me krijesa në formë gjenerale dhe konfirmimin e cilësive të Tija të mira në menyrë detale,duke thënë:
"... Asnjë send nuk është si Ai; Ai është dëgjuesi, shikuesi".(Esh-Shura:11).
Andaj edhe zbritja e All-llahut në qiellin e dynjasë ndodh ashtu sikurse dëshiron All-llahu, duke mos e mohuar këtë gjë, dukë mos ia shtrembëruar kuptimin, duke mos pyetur formën dhe duke mos e krahasuar zbritjen e All-llahut në qiellin e dynjasë me zbrijten e njerëzve. Kur t’i kemi parasysh këto gjëra nuk na shkon mendja për këtë kundërthenie e cila lind vetëm në rast të besimit të gabuar mbi Zotin dhe krahasimin e Tij me krijesat e Tij.
Andaj më herët kanë thënë: ai që i shtrembëron kuptimet e ajeteve dhe haditheve që flasin për cilësitë e All-llahut, ai së pari ka rënë në teshbih (pergjajesim të All-llahut me krijestat e Tija) e pastaj ka rënë në t’evil (shtremberim te kuptimit te këtyre ajeteve dhe haditheve).
All-llahu e di më së miri... All-llahu ju dhashtë dije të dobishme, vepra të mira, besim të shëndoshë, sukses dhe lumturi në jetë.
BekirHalimi
Redaktor fetar
AlbIslam.Com


Bekir Halimi, 06.06.2005