Prapaskenat e mjekëve e farmacive.

[bnik]

Prapaskenat e mjekëve e farmacive.



Prapaskenat e mjekëve e farmacive.


Si abuzojnë me detyrën mjekët dhe farmacistët në Tiranë. Mjekët fshehin shumat e vizitave, farmacistët japin ilaçe pa receta. Specialistët e ISKSH-së kanë kryer kontrolle në të gjitha qendrat shëndetësore dhe farmacitë e Tiranës, ku kanë evidentuar shkelje të të gjitha llojeve. Ndaj subjekteve abuzuese me rregullat ligjore janë marrë masat paraprake. Për dy muaj me radhë, Drejtoria e Kontrollit të Jashtëm pranë ISKSH-së është përfshirë në kontrollin e zbatimit të kontratës me qendrat shëndetësore dhe subjektet farmaceutike në këtë rajon. Nga këto kontrolle janë hasur shkelje, si abuzimet me kontratat, abuzime me ofrimin e shërbimeve, përcaktimi i diagnozave pa kryer vizitat e pacientëve, abuzime me faturat për personat e pasiguruar etj. Për të tilla shkelje masat e parashikuara janë paralajmërimi për përjashtim nga puna dhe gjobë, në bazë të dëmit të shkaktuar kundrejt pacientëve dhe ISKSH-së.
Shkeljet: Kjo nuk është e para herë që ISKSH-ja gjen abuzime të mëdha nga ana e stafit mjekësor. Abuzime janë verifikuar në aktivitetin e mjekut të përgjithshëm dhe të familjes, ku janë konstatuar shkelje të detyrimeve kontraktuale, pasaktësi në dokumentimin e aktivitetit profesional të mjekut, pasaktësi në regjistrimin e banorëve që mbulojnë me shërbim shëndetësor, duke shkelur parimin e zgjedhjes së lirë të mjekut, domethënë, duke regjistruar të njëjtët banorë nga mjekë të ndryshëm. Kjo është verifikuar në Poliklinikën Nr. 10. Në poliklinika është vërejtur edhe fenomeni i zhvatjes së parave të qytetarëve të pasiguruar, duke u kërkuar para në dorë dhe pa prerë faturën e detyrueshme për kryerjen e vizitës. Në Qendrën Shëndetësore Kashar, një mjeku, përveç mungesave të shprehura në punë në ambientet e pikës shëndetësore, iu gjendën dhe sasi barnash. Në zbatim të kontratës në fuqi, drejtorit të qendrës shëndetësore iu dha masa disiplinore “Paralajmërim për pushim nga puna”. Abuzime janë kryer edhe në kartelën personale të pacientit, e cila u paraqit me shumë mangësi. Mangësitë e vërejtura janë në rastet kur nuk plotësohen të dhënat e domosdoshme, sipas praktikës së njohur mjekësore, nuk plotësohet saktë ecuria e sëmundjes, diagnostikimit, ekzaminimet, konsultat dhe mjekimi. Diagnozat nuk mbështeten me ekzaminime, nuk argumentohet në kartelë arsyeja e dërgimit të të sëmurit te mjeku specialist, nuk pasqyrohen në kartelë të gjithë vizitat e kryera. Po kështu, nuk zbatohet praktika e njohur mjekësore për përshkrimin në kartelën personale të treguesve kryesorë të vendosjes së diagnozës dhe mjekimit. Njëkohësisht, nuk respektohet sistemi i referimit për rekomandimet te mjeku specialist dhe në spital, si dhe shkelje të kufizimit të listës dhe protokollet e përdorimit të barnave, kryesisht për sistemin kardiologjik, pulmonar dhe traktit urinar etj. Përveç kësaj, nuk argumentohen të gjithë rastet e reja kronike dhe ndryshimi terapive sipas detyrimeve kontraktuale. Në total, janë kontrolluar 13 qendra shëndetësore, 52 mjekë të përgjithshëm dhe të familjes. Në bazë të kontrolleve dhe në zbatim të kontratave të lidhura, ndaj 26 mjekëve janë vendosur gjoba në vlerën totale 86.000 lekë. Ndaj 19 mjekëve të tjerë janë marrë masa për kryerjen e zhdëmtimeve në vlerën 195.749 lekëve. Edhe farmacitë kanë një listë të gjatë të shkeljeve.
Shkeljet: Farmacitë tregtojnë barna pa recetën e mjekut. Nga punonjësit e Drejtorisë së Kontrollit të Jashtëm, gjatë dy muajve janë organizuar kontrolle të befasishme te 59 subjekte farmaceutike, ku janë evidentuar mjaft shkelje abuzive. Krahas kontrollit të befasishëm, u organizuan edhe kontrolle të plota me inventarizim të barnave të listës së rimbursimit të 15 subjekte farmaceutike. Nga këto kontrolle, në shumë subjekte janë konstatuar rimbursim i padrejtë për disa barna të listës, të pajustifikuara me dokumentacionet përkatëse. Shqetësues ngelet tregtimi i barnave të listës pa recetë mjeku, në kundërshtim me kontratën dhe ligjin për qarkullimin e barnave. Në total, vlera e diferencave në plus të rimbursuara në mënyrë të padrejtë kap shumën 1.059.693 lekë, ku janë vendosur masa zhdëmtimi për 15 subjekte farmaceutike. Në lidhje me shitjet e barnave pa recetë mjeku, sipas diferencave në minus të detyrimeve kontraktuale, janë vendosur masa administrative me gjobë ndaj 10 subjekteve farmaceutike në vlerën totale 100.000 lekë.
ISKSH /Kontratat, Hana: Në qendër të punës sonë, reformimi i shëndetësisë. Brenda muajit mars, Instituti i Sigurimeve të Kujdesit Shëndetësor do të nënshkruajë kontratat me 39 spitale, ndër të cilët edhe me qendrën spitalore universitare “Nënë Tereza” në Tiranë. “Në zbatim të reformës spitalore, ISKSH-ja do të nënshkruajë kontrata me 24 spitale të rretheve, 11 spitale rajonale, 3 spitale universitare dhe 1 terciar”, informoi të mërkurën drejtoresha e ISKSH-së, Elvana Hana, gjatë takimit “Reformimi i shërbimit shëndetësor, statusi dhe kontratat me spitalet”, që u zhvillua në Hotel Tirana, nga ISKSH-ja, në bashkëpunim me fondacionin gjerman “Friedrich Ebert Stiftun”. Qëllimi i këtij takimi ishte diskutimi i kontratave me drejtuesit e spitaleve, që do të nënshkruhen brenda disa ditësh. “Këtë javë pritet të miratohet nga Këshilli Administrativ i ISKSH-së udhëzimi për përdorimin e të ardhurave dytësore tërësisht nga spitalet”, tha drejtoresha e ISKSH-së, sipas së cilës, krijimi i një hapësire të re financiare dhe autonomie në administrim është një nga pritshmëritë e këtij hapi.
Qendrat shëndetësore të Tiranë : Mungesa të personelit shëndetësor, sipas orarit të miratuar.
Mangësi të informimit të të siguruarve, në lidhje me shërbimet që ofron qendra shëndetësore. Mosrespektim i tarifave të shërbimit shëndetësor për personat e pasiguruar, ku në pjesën më të madhe nuk dokumentohen vizitat për personat e pasiguruar (duke favorizuar pagesat informale në këtë rast). Në qendrën shëndetësore Kashar, një mjeku, përveç mungesave të shprehura në punë, në ambientet e pikës shëndetësore iu gjendën edhe sasi barnash.
Në aktivitetin e mjekut të përgjithshëm dhe të familjes janë konstatuar shkelje të detyrimeve kontraktuale, si pasaktësi në dokumentimin e aktivitetit profesional të mjekut, pasaktësi në regjistrimin e banorëve që mbulojnë me shërbim shëndetësor, duke shkelur parimin e zgjedhjes së lirë të mjekut (duke regjistruar të njëjtët banorë nga mjekë të ndryshëm, si në Poliklinikën Nr. 10).
Paraqiten pasaktësi në të dhënat që raporton qendra shëndetësore pranë DRSKSH-së, kryesisht në lidhje me indikatorin e pagesës për numër vizitash, si plotësim të numrit të vizitave të një pacienti dy-tri herë brenda ditës.
Janë verifikuar mangësi në plotësimin e dokumentacionit për të dhënat e deklaruara për indikatorët cilësorë. Të tilla raste janë vërejtur kryesisht te mjekët e qendrave shëndetësore 10 dhe 2 në Kashar dhe Paskuqan. Te të gjithë mjekët, ku janë konstatuar pasaktësi, është marrë masa administrative.
Shkelje në farmaci: Ofrim i shërbimit farmaceutik, nga persona që nuk kanë nënshkruar kontratën me ISKSH-në, ku, në zbatim të kontratave në fuqi, është vendosur gjobë në masën 10.000 lekë.
Janë gjetur barna të listës së rimbursimit pa pullën e kontrollit të MSH-së, ku është ndërprerë kontrata me këtë subjekt dhe i është propozuar komisionit të licencimit për heqje të licencës profesionale.
Në ambientet e tri farmacive u gjenden libreza shëndeti të pacientëve pa qenë të pranishëm në farmaci. Janë vendosur masa administrative ndaj të tria subjekteve, në vlerën totale 3.000 lekë.
Në 10 farmaci u gjendën sasi të konsiderueshme të faturave të furnizimit pa u regjistruar në dokumentacionin përkatës, sipas afateve të përcaktuara në kontratë. Janë marrë masa administrative gjobë ndaj këtyre subjekteve, në vlerën totale 149.000 lekë.

[skampin]

prapaskena e mjekeve e farmacive????
titullin se kuptoj une se me te tjerat jam dakort
prapaskenat e mjekeve te farmacive apo prapaskenat e mjekeve dhe farmacive?

[milanistja_el]

Te rrish te flasesh per shkeljet qe behen nga mjeket, nga personeli i spitaleve dhe nga famarcite do duheshin shume nete te gjate dimri.

Mjafton thjesht te mendosh se ti pacient shkon ne spital dhe: serumin duhet ta blesh vete, shiringen vet. Te thote mjeku ke ne kartele 3 here serum ne dite po ne si spital vetem nje here te sigurojme LoooL

Te jep mjeku receten dhe thote... ke per te marre kete ilaç shko merre tek X farmaci.

Shkon tek farmacisti dhe nuk del asnjehere me duar bosh... po nuk more ilaçin qe te ka dhene mjeku do marresh noi ilaç tjeter qe i duket i arsyeshem farmacistit.

Biznes me jeten e njeriut gjithandej... ne duar te kujt kam rene.