Hyseni kërkoi shuarjen e UNMIK-ut

[strange]

Ministri i Jashtëm i Kosovës, Skender Hyseni, i tha Këshillit të Sigurimit se Kosova ka bërë përparim të konsiderueshëm dhe ka kërkuar që t'i jepet fund mandatit të UNMIK-ut. "Për arsye praktike dhe pragmatike, kërkojmë shuarjen e misionit dhe mandatit të UNMIK-ut", tha të hënën Hyseni në seancën e KS të OKB-së.

Shefi i diplomacisë tha se autoritetet kosovare po kërkojnë mënyra për përmirësimin e gjendjes dhe kushteve të jetesës të pakicave, veçanërisht serbëve, por shtoi se autoritetet serbe nuk ndihmojnë, madje vazhdojnë t'i "mbështesin dhe inkurajojnë strukturat ilegale" në Kosovë.

Hyseni tha se Beogradi i pengon serbët e Kosovës që të bashkëpunojnë me institucionet kosovare. Ai tha se gjendja në veri të Kosovës është "shqetësimi më i madh", dhe se kjo pjesë, me ndihmën e Beogradit është bërë vendstrehim për grupet e ndryshme kriminale dhe aktivitetet ilegale ekonomike.

Hyseni gjithashtu e akuzoi Beogradin se përpiqet t'i pengojë përpjekjet e Kosovës për të bashkëpunuar me vendet fqinje, duke bllokuar pjesëmarrjen e Kosovës në nismat rajonale.

Në fjalën e tij, shefi i misionit të OKB-së në Kosovë, Lamberto Zannier, e ka vlerësuar gjendjen në Kosovë si relativisht të qetë dhe ka shtuar se edhe Prishtina, por edhe Beogradi kanë treguar përmbajtje për të mos shkaktuar tensione.

Por Zannier ka thënë se një numër përpjekjesh për të filluar takimet mes dyja palëve për çështjet teknike, përfshirë edhe ato për trashëgiminë kulturore e fetare nuk kanë arritur të zhvillohen për shkak të dallimeve të mëdha.

Zannier ka përmendur shtrirjen e Misionit evropian për drejtësi dhe polici, EULEX dhe angazhimet e të dyja misioneve për të vendosur rendin dhe ligjin. Por sipas tij, kanë mbetur edhe shumë sfida për Kosovën.

Ai tha se numri i personave të zhvendosur që janë kthyer në Kosovë ka shënuar rënie dhe ka bërë thirrje që Beogradi dhe Prishitna të lënë anash çështjet politike për të gjetur një zgjidhje për perosnat e zhdukur.

Presidenti serb, Boris Tadiq ndërkaq, e ka përshkruar gjendjen në Kosovë si shumë të rëndë dhe ka nënvizuar se serbët e Kosovës nuk kanë liri të lëvizjes, liri të shprehjes dhe madje as edhe drita dhe ujë.

Tadiq ka thënë se Serbia duhet ta vazhdojë bashkëpunimin e partneritetit me EULEX-in dhe UNMIK-un "për zbatimin e raportit të sekretarit të përgjithshëm të OKB-së, si dhe planit të tij 6-pikësh, i cili parasheh vazhdimin e dialogut me Beogradin".

Tadiq ka theksuar se Serbia "kurrë nuk do ta njohë pavarësinë e Kosovës, qoftë në mënyrë direkte apo të tërthortë, dhe do të vazhdojë me mbrojtjen diplomatike, juridike dhe paqësore të integritetit të saj". /BBC/Evropa e Lirë/Telegrafi/


Sot ma ka mbush mendjen Hyseni, e ka bo mat Tadiqin. Bravo i qofte.

[mendimi]

He shyqyr me ne fund mori guximin ta kundershtoj ate shkaun e flliqt qe luante rolin e viktimes, desh plasa dhe ne fund ma hoqi pak vnerin Skenderi me disa fjali ne vendin e duhur.

[Llapi]

Skenderi i fuqishëm

Nga Express më 23.03.2009 në ora 17:05
(Update) Një pjesë e fjalimit të ministrit të Punëve të Jashtme të Kosovës, Skënder Hysnit, i cili reagoi pas akuzave të presidentit serb, Boris Tadiq:

”Unë nuk jam gjykatës dhe nuk dua ta gjykojë askënd. Duke dëgjuar zotin Tadiq dikush mund të krijojë përshtypjen se Serbia është viktima e të gjitha luftërave të tmerrshme në krejt territorin e ish-Jugosllavisë. Nëse dëgjojmë presidentin Tadiq krijojmë përshtypjet se 10 mijë kroatë nuk janë vrarë, 200 000 boshnjakë nuk janë vrarë dhe edhe rreth 15 mije shqiptare te Kosovës nuk janë vrare gati një milion të shqiptarë nga Kosova nuk janë depërtuar, në Maqedoni, Shqipëri dhe Mal të Zi. Ai nuk tregoi se sa xhami janë shkatërruar në Kosovë, sa kisha katolike shqiptare janë shkatërruar, pra nuk përmendi sa dëme janë shkaktuar. Dua të përkujtoj disa çështje shumë të rëndësishme për ngjarje që kanë quar deri te intervenimi i NATO-së, siç janë masakra e Reqakut dhe represioni ndaj popullit shqiptar në Kosovë. Ne jemi të interesuar ta lëmë të kaluarën pas dhe të punojmë për të ardhmen, por nuk do ta harrojmë kurrë të kaluarën. Unë dhe familja ime sikur secila familje kosovare ka përjetuar terrorin e forcave policore serbe. Krimi është bërë nga shteti serb”.

HYSENI KËRKON SHUARJEN E UNMIK`UT

Këshilli i Sigurimit është duke diskutuar raportin e Sekretarit të Kombeve të Bashkuara per gjendjen në Kosovë, i cili është publikuar ditë më parë.

I pranishëm në këtë mbledhje është edhe Ministri i Punëve të Jashtme të Kosovës, Skender Hyseni i cili paraqiti një raport përpara anëtareve të këtij këshilli. Hyseni në këtë raport paraqiti kërkesën e institucioneve të Kosovës për përfundimin e misionit të Kombeve të Bashkuara, UNMK.

“Kërkojmë përfundimin e misionit dhe të mandatit të UNMIK-ut. Vendosja e EULEX-it në gjithë territorin e Kosovës, në pajtim me mandatin i cili buron nga: a. Deklarata e Pavarësisë së Kosovës; Pakoja e Ahtisarit; Kushtetuta e Republikës së Kosovës; Ligjet e Republikës së Kosovës; Plani i Përbashkët i Veprimit i BE-së i 4 shkurtit 2008 dhe Ftesat e 17 shkurtit e të 8 gushtit është ngjarje kyçe e periudhës në mes të dy sesioneve të Këshillit të Sigurimit për Kosovën:, tha Hyseni në fjalimin e mbajtur në Këshillin e Sigurimit.

Ministri Hyseni premtoi se institucionet e Republikës së Kosovës do ta vazhdojnë bashkëpunim me SHB-të, BE-në dhe NATO-n. Bashkëpunimi i ngushtë me partnerët tjerë ndërkombëtar

Po ashtu Hyseni paraqiti gjendjen reale në Kosovë dhe ndikimet e Beogradit, i cili vazhdimisht ndikon në përkeqësimesh e gjendjes në Kosovë.

“Republika e Kosovës bashkëpunimin me fqinjët e ka vënë si prioritet të lartë. Beogradi po përpiqet të pengojë bashkëpunimin tonë me fqinjët dhe me komunitetin ndërkombëtar, duke bllokuar pjesëmarrjen tonë në trupa rajonalë dhe ndërkombëtar. Beogradi po bllokon eksportet tona në Serbi. Qeveria jonë është përmbajtur nga masat reciproke, që do të dëmtonin njerëzit dhe bizneset në të dyja anët”, tha më tej Hyseni.

Ndërkohë, përfaqësuesi i Rusisë në OKB, Vitali Curkin kritikoj shtetet që e kanë njohur pavarësinë, se nuk kanë bërë sa duhet për pakicat që jetojnë në Kosovë.

“Praktikat dhe standardet demokratike e nuk po zbatohen. Refugjatët e shpërngulur nuk janë duke u kthyer. Kjo dëshmon se situata në Kosovë nuk është e pa qëndrueshme”, tha Cirtkin, duke bërë thirrje që të mbetet edhe më tutje UNMIK`u në Kosovë.

Ky përfaqësues i Rusisë, kërkoi që të implementohet edhe Gjashtëpikëshin i Ban Ki Munit, në të cilin parashihen institucione paralele me ato të Kosovës.

Ndryshe, përfaqësuesja e Amerikës në Këshillin e Sigurimit, Rosmari Di Carlo përmendi të arriturat e Kosovës dhe bëri thirrje si Prishtinës ashtu edhe Berogradit që të punojnë për të mirën e qytetarëve.

“Kosova ka krijuar institucionet e shtetit. SHBA`të e përgëzojnë Kosovën për të arriturt. Pavarësia është e pakthyeshme”, tha Di Carlo në fjalimin e saj përpara anëtarëve të OKB`së.

Ajo ka thënë se e mirëpresin shtrirjen e miosnit të EULEX`it, dhe kerkoi funksionalizmin tij.

”Qeveria ka përgjegjësi për sundimin e ligjit në Kosovë”, tha Di Carlo/
Përfaqësuesja e Amreikës në OKB, përmendi një dosje të Tribunalit të Hagës, ku Serbia kishte ushtruar dhunë dhe terror mbi popullatën e pafajshme të Kosovës.

Ndërkohë në raportin e Sekretarit Ki -moon, thuhet se kosovarët po e kundërshtojnë Rezolutën 1244, duke e konsideruar të parëndësishme dhe jo obliguese. Prandaj, ai thotë se duhet të intensifikohet procesi i rikonfigurimit të këtij misioni dhe të përfundojë deri në muajin qershor, kur realisht mbushen 10 vjet të funksionimit të saj në Kosovë.

Dokumentit të sekretarit të përgjithshëm të OKB-së i është bashkuar si aneks edhe raporti i parë i EULEX-it, të cilin e ka dërguar në Nju Jork përfaqësuesi i lartë i Bashkimit Evropian, Javier Solana. Në këtë raport katërfaqesh, EULEX-i njofton për funksionalizimin e misionit në tërë Kosovën dhe aktivitetet që ka zhvilluar deri tani në fushën e sundimit të ligjit.

[Llapi]

Ministri Hyseni demantoi gënjeshtrat e Tadiqit

Polemikë e ashpër në mes të ministrit Hyseni dhe presidenti serb Tadiq.

Pas mbarimit të seancës së Këshillit Sigurimit të OKB-së me tone dhe kritika të ashpra ka filluar një debat në mes të shefit të diplomacisë së Republikës së Kosovës, Skënder Hyseni dhe presidentit të Serbisë, Boris Tadiq. Në këtë aspekt, Hyseni theksoi se duke dëgjuar Tadiqi njeriu mendon dhe krijon përshtypjen që viktima e vetme e të gjitha luftërave të tmerrshme në ish-jugosllavi është Serbia. Ai thotë se duke dëgjuar Tadiqin krijohet përshtypja se nuk ka pasur 10 mijë kroatë të vrarë, nuk pa ka pasur më shumë se 200 mijë myslimanë në Bonje të vrarë, apo nuk janë vrarë 15 shqiptarë në Kosovë. “Tadiçi ka harruar të përmendë masakrat në familjen Jashari dhe atë në Reçak, si dhe represionin e përhapur tek civilët shqiptarë që u dëbuan nga vendet e tyre të punës dhe të gjithë studentët nga objektet shkollore”, vlerësoi Hyseni. Ai theksoi se Tadiqi ka paraqitur një shifër që 200 mijë serbë në Kosovë që janë larguar. “Sipas statistikave numri më i madh i serbëve që ka qenë ndonjë herë në Kosovës është 190 mijë serbë, dhe sot jetojnë në Kosovë 135 mijë serbë”, ka thënë Hyseni, duke shtuar se 12 deri në 15 mijë shqiptarë nuk janë duke jetuar dhe 2 mijë janë të zhdukur dhe Qeveria e Serbisë nuk jep detaje për këtë. Sipas tij drejtësia është e pavarur në Kosovë dhe Republika e Kosovës është që të ruajë dhe të mbrojë pavarësinë e sistemit tonë të drejtësisë. “U përmend një lloj mafie në Kosovë dhe dua të informoj Këshillin e Sigurimit se në Kosovë nuk janë të gjithë engjëj, dhe askund nuk janë, por bërthama krimit të organizuar është në veri, e mbrojtur nga strukturat paralele serbe”, theksoi Hyseni duke vlerësuar se sekretari i përgjithshëm i OKB, Ban Ki Mun e ka caktuar Marti Ahtisarin për të zgjidhur statusin e Kosovës(statusin e shtetësisë), i cili përkon me ndërtimin e paqes për tërë rajonin. Po ashtu ministri Hyseni, njoftoi shtetet pjesëmarrëse në seancën e sotme, se Kosova nuk mund të harrojë të kaluarën, por është e angazhuar që mbi parimet e demokracisë të ndërtojë të ardhmen e vet të integruar në kombet e zhvilluara dhe të integruara. “Ne nuk do të harrojmë viktimat tona, ashtu sikurse edhe familja ime, kemi jetuar përballë krimeve ushtarako-policore dhe paramilitare serbe, të organizuara dhe koordinuara nga vet shteti serb”, përmbylli fjalën e tij ministri Hyseni, duke shprehur synimet e Kosovës për bashkëpunim të mirë më të gjitha shtetet e rajonit. Ndërkaq, përfaqësuesja amerikane në OKB, Rozmari Di Karlo, theksoi se pavarësia e Kosovës është e pakthyeshme, në kontekst të të cilit shumica e shteteve anëtare të OKB-së, tashmë e kanë njohur pavarësinë e Kosovës. “ Bashkësia ndërkombëtare në Kosovë vazhdon të jetë në rolin e vet konstruktiv, ku EULEX-i së bashku me policinë e Kosovës janë të angazhuara për krijimin e sigurisë së qëndrueshme në tërë vendin dhe për të gjithë qytetarët pa dallim. Qeveria e Kosovës ka përgjegjësi kryesore për krijimin e klimës së qëndrueshme, mirëpo edhe EULEX-i duhet t’u përmbahet rregullave të bashkëpunimit me faktorët vendës”, vlerësoi Di Karlo, duke shtuar se BE-ja vazhdon të luajë rol pozitiv në vazhdën e proceseve që vazhdojnë të jenë evidente në Kosovën e pas pavarësisë. Ajo theksoi se Kosova ka shënuar suksese të mëdha në ndërtimin e mekanizmit të vet të sigurisë, ku FSK-ja do të luaje rol të madh në paqen dhe sigurinë e Kosovës dhe rajonit. “Forcat e NATO-s ishin të domosdoshme të ndërhynin në Kosovë, në vitin 1999, për të dëbuar forcat policore dhe ushtarake serbe nga Kosova për faktin se në këtë vend ushtrohej gjenocid i pashembullt kundër civilëve shqiptarë”, tha Di Karlo dhe shtoi se Kosova, Serbia dhe i tërë rajoni duhet shikuar nga e ardhmja e përbashkët evropiane.

[skampin]

q eshte q apo eshte ç se nuk po te mar vesh

[Llapi]

Kush ka than qe Skenda spo Lobon sa duhej

Priten njohje të reja të Republikës së Kosovës
Aktivitetet e ministrit Hyseni në Nju-Jork


Pas pjesëmarrjes dhe fjalës së mbajtur në Këshillin e Sigurimit të OKB-së, ministri Skender Hyseni, gjatë qëndrimit në Nju Jork pati një varg takimesh me ambasadorë e shefa misionesh të vendeve të ndryshme të akredituar në Organizatën e Kombeve të Bashkuara në Nju-Jork.



Ministri Hyseni është takuar dhe ka biseduar gjatë me përfaqësuesin e përhershëm të Shën Lucia në OKB, ambasadorin Donatus Keith St. Aimee.


Në një takim të veçantë dhe mjaft të frytshëm me ambasadoren e Gambias në OKB, znj. Susan Waffa-Ogoo, ministri Hyseni e ka njohur atë me procesin e ndërtimit dhe të funksionalizimit të institucioneve shtetërore të Kosovës.


Në vazhdën e takimeve të ditës së djeshme që ministri Hyseni i pati me diplomatë të vendeve të ndryshme, të akredituar në OKB, i frytshëm mund të konsiderohet edhe takimi me ambasadorin e Haitit në OKB, z. Leo Merores.

[Llapi]

Në takimin me ambasadorin Diego Morejon-Pazmino nga Ekuadori, ministrin Hyseni ka folur për Kosovën në vitin e parë të pavarësisë së saj.


Në vazhdën e takimeve që ministri Hyseni ka pasur gjatë ditës së djeshme në Nju- Jork, ishte dhe ai me ambasadorin e Guatemalës, z. Gert Rosenfal. Gjatë takimit, ministri Hyseni e ka informuar ambasadorin Rosenfal, për përkrahjen që vendi ynë mori nga pjesa dërrmuese vendeve anëtare për proceset në Kosovë në seancën e fundit të Këshillit të Sigurimit të OKB-së, mbajtur dy ditë më parë në Nju-Jork.


Ministri i Jashtëm i Republikës së Kosovës, z. Skender Hyseni, gjatë qëndrimit në selinë e OKB-së në Nju-Jork, ka takuar edhe ambasadorin e Ugandës në këtë organizatë, z. Ruhakana Rugunda, me të cilin ka biseduar për procesin e njohjes ndërkombëtare të Kosovës.

[Llapi]

Ministri i Jashtëm i Kosovës, Skender Hyseni, pati një takim të veçantë me ambasadorin e Japonisë në OKB, z. Takasu, me të cilin bisedoi për arritjet e Kosovës.


Për dinamikën e procesit të njohjes së Kosovës shtet sovran dhe të pavarur, ministri i Jashtëm i Republikës së Kosovës, z. Skender Hyseni, ka njoftuar edhe ambasadorin e Bahrenit në OKB, z. Tawfeeq Ahmed Almansoor.


Ministri Hyseni ka kërkuar nga ambasadori Al-Jarmani që vendi i tij të ndihmojë Kosovën për të përshpejtuar procesin e njohjes së Kosovës nga vendet anëtare të Ligës Arabe dhe të Organizatës së Konferencës Islamike.

[Llapi]

Po gjatë ditës së djeshme, ministri Hyseni është takuar edhe me shefin e misionit të Beninit në OKB, z. Jean-Francis Regis Zinsou. Edhe gjatë këtij takimi, ministri Hyseni ka kërkuar njohje për Kosovën shtet të pavarur dhe sovran.


Në vazhdën e takimeve me qëllim lobimin që ministri Hyseni ka mbajtur në Nju- Jork, ka qenë edhe ai me ambasadoren e Trinidad dhe Tobago në OKB, znj. Marina Annette Valere.


Ministri Hyseni, në një takim të gjatë dhe inkurajues, ka njoftuar ambasadoren e Grenadës në OKB, znj. Dessima M. Williams, me të gjitha zhvillimet në Kosovës gjatë vitit të parë të pavarësisë.

[Llapi]

Kuçi: Qeveria fton të gjitha shtetet ta tërheqin personelin e tyre nga UNMIK-u


Qeveria e Kosovës ftoi të gjitha shtetet që të tërheqin personelin e tyre nga UNMIK-u. Deklarata u bë nga zëvendëskryeministri Hajredin Kuçi. Ndërkohë, edhe zyrtari i lartë i Aleancës për Ardhmërinë e Kosovës, Naim Maloku kërkoi përfundimin e misionit të OKB-së në Kosovë. Ndërkaq pas vendimit të Britanisë për tërheqje të një pjese të stafit të saj nga EULEX-i, Kuçi tha se Kosova nuk mbrohet nga numri i pranisë, por nga politikat e bashkësisë ndërkombëtare.
E parë me skepticizëm për kompetencat dhe praninë e misionit ndërkombëtar në Kosovë, ka filluar të reduktohet madje në disa segmente ende pa u funksionalizuar plotësisht. Britania ka thënë se do zvogëlojë pjesëmarrjen e saj në EULEX, ndërkohë që edhe disa shtete kanë paralajmëruar tërheqjen e ushtarëve nga KFOR-i.

Për Qeverinë e Kosovë këto nuk janë arsye për shqetësim pasi, sipas zëvendëskryeministrit Hajredin Kuçi, Kosova nuk mbrohet me numrin e personelit, por me politika të bashkësisë ndërkombëtare.

Ndërkohë opozita në Kosovë shpreh shqetësim për reduktimin e misionin të EULEX-sit. Nënkryetari i AAK-së Naim Maloku thotë se reduktimet mund të ndodhin vetëm nëse vërehet ngritje e efikasitetit të institucioneve të vendit. Mirëpo një gjë e tillë sipas Malokut nuk po ndodh, prandaj prezenca e EULEX-sit është e nevojshme.

Pozita dhe opozita janë unike në kërkesën për përfundimin e misionit të Kombeve të Bashkuara. Rusia tërhoqi personelin e saj në këtë mision ndërkaq ky është quajtur veprim i mirë nga zëvendëskryeministri Hajredin Kuçi.

Edhe Maloku kërkoi që UNMIK-u të përmbyllë misionit në Kosovë. Ai tha se UNMIK-u ka qenë mision i suksesshëm por atij tashmë i ka ardhur fundi.


| s.b & RTK staff |
26 mars 2009 - 12:30:57