Zgjedhjet lokale dhe presidenciale në Maqedoni 2009

[RaPSouL]

Në Haraçinë, Çair dhe zonat rurale të Tetovës pa probleme

Në Haraçinë, Çair, zonat rurale të Tetovës dhe komunës së Likovës procesi i votimit është zhvilluar në mënyrë të rregullt dhe qytetarët kanë pritur në radhë për të dhënë votën e tyre

Zonat që deri tani konsideroheshin si problematike, për shkak të incidenteve dhe dhunës në zgjedhjet e qershorit të vitit të kaluar, disa orë para mbylljes së votimit kanë kaluar në një atmosferë të qetë, ku qytetarët në radhë të gjata kishin pritur të japin votën e tyre. Në shkollën fillore “Gjergj Kastriot Skenderbeu” qytetarët prisnin në radhë të gjata për të dhënë votën e tyre. “Ne jemi të kënaqur që kështu në mënyrë demokratike po japim votën tonë të lirë dhe nuk duam më që të ketë viktima, le të fitojë ai që ka më shumë vota”, ka theksuar një votues në Haraçinë, në vendin ku në zgjedhjet e fundit humbi jetën një qytetar i kësaj komune për shkak të dhunës zgjedhore. Edhe në komunat e tjera shqiptare në Kumanovë, Tetovë, Gostivar ka pasur proces të lirë dhe demokratik.

(INA)

[RaPSouL]

Riker dhe Fuere me kujdes po vëzhgojnë zgjedhjet

Përfaqësuesit e akredituar të ambasadave të huaja në Shkup po vëzhgojnë nga afër procesin zgjedhor në Maqedoni.

Ambasadori i Shteteve të Bashkuara të Amerikës (SHBA), Filip Riker vëzhgimin e zgjedhjeve e filloi në Tetovë, ndërsa ambasadori i BE-së, Ervan Fuere në qytetin e Kërçovës.

Gjithashtu edhe ambasadori i Sllovenisë ishte në hapjen e vendvotimin në lagjen Çair, ku në zgjedhjet e kaluara kishte incidente. Ambasadorë e huaj janë shprehur të kënaqur me rrjedhën e procesit zgjedhor.
Siç bëjnë të ditur reporterët e agjencisë së lajmeve INA deri më tani gjatë procesit zgjedhor nuk janë shënuar incidente dhe parregullsi. Edhe burimet policore, por edhe ato të Komisionit Shtetëror Zgjedhor pohojnë se gjatë orëve të para të votimit dhe pasdite nuk janë shënuar incidente.

(INA)

[RaPSouL]

MOST evidenton parregullsi të vogla

Asociacioni qytetar MOST ka bërë të ditur se jehona e votuesve deri në orën 13 për zgjedhjet presidenciale ka qenë 27,82 për qind, ndërsa për zgjedhjet vendore ka qenë 25,93 për qind. Këto të dhëna janë nga materialet e përpunuara që kanë ardhur nga qendrat e votimeve nga vëzhguesit e kësaj organizate.

Por nga ana tjetër, MOST ka bërë të ditur edhe për parregullsi të vogla gjatë procesit të votimit. Parregullësitë janë evidentuar në disa komuna dhe lokacione, ndër të cilët, në lagjen Lisiçe janë shpërndarë materiale propaganduese për qytetarët për kandidatët që konkurrojnë në zgjedhje. Poashtu në ]air ka munguar materiali votues, rreth 300 fletëvotime, në Labunishtë të Strugës janë evidentuar persona që kanë bërë agjitacion dhe propagandë.

Ina

[RaPSouL]

AFP: Zgjedhje nën masa të forta të sigurisë

Agjencia e lajmeve AFP në edicionet e lajmeve ka publikuar se Maqedonia sot po voton në masa të larta sigurie për raundin e parë të zgjedhjeve presidenciale.

Në një deklaratë për agjencinë franceze, evrokomisioneri për zgjerim, Olir Rehn i ka përkufizuar zgjedhjet si moment i së vërtetës për Maqedoninë, e cila ka synim që ti bashkohet BE-së dhe NATO-s.

“Bashkësia ndërkombëtare ka bërë thirrje për zgjedhje pa dhunë, që të jenë në përputhje me standartet evropiane dhe që do të dëshmojnë se Maqedonia është e gatshme për integrim më të thellë. Shteti ishte buzë luftës qytetare në vitin 2001, kur shpërtheu konflikti midis shqiptarëve etnik dhe forcave shtetërore të sigurisë. Ky konflikt përfundoi me marrëveshje paqe, duke i dhënë më shumë të drejta pakicave dhe kontrollin e tyre ndaj strukturave lokale”, bëhet e ditur në lajmin e AFP-së.

(INA)

[RaPSouL]

KSHZ: Deri në ora 17.00 kanë votuar 48, 73 për qind e votuesve

Jehona e votuesve në zgjedhjet presidenciale dhe vendore deri në ora 17 ka qenë 48,73 për qind, njoftoi Komisioni Shtetëror i Zgjedhjeve (KSHZ).

Kryetari i KSHZ-së, Aleksandar Novakovski ka theksuar se jehona e votuesve për zgjedhjet presidenciale por edhe ato lokale ka qenë 48,73 për qind, ndërsa për zgjedhjen e kryetarit të Shkupit jehona e votuesve ka qenë 45,25 për qind.

“KSHZ dhe unë si kryetar vlerësojmë se zgjedhjet po zhvillohen në një atmosferë të qetë me disa përjashtime. Komisionet zgjedhore komunale dhe këshillat zgjedhore me vetëdijësim të lartë dhe përgjegjësi po kryejnë punën. Shpresoj se zgjedhjet do të përfundojnë me vlerësimet e njejta”, ka theksuar Novakovski.

KSHZ njoftoi se zgjedhjet nuk janë zhvilluar në 134 qendra të votimit, ku janë 12.556 votues, për shkak të motit të keq dhe bllokimit të rrugëve në zonat e thella.

(INA)

[RaPSouL]

Mbyllen kutitë e votimit, zgjedhje të qeta

Në Maqedoni në ora 19.00 është mbyllur procesi i votimit për zgjedhjet presidenciale dhe vendore. Sipas të dhënave paraprake të siguruara nga KSHZ-ja, jehona e votuesve deri në ora 18.00 ka qenë mbi 50 për qind. “Të dhënat jozyrtare bëjnë të ditur se mbi 50 për qind e votuesve kanë votuar dhe në përgjithësi procesi zgjedhor ka qenë i lirë dhe demokratik, pa parregullësi”, kanë theksuar për INA përfaqësues të KSHZ-së.

18:30 - Jehona e votuesve në zgjedhjet presidenciale dhe vendore deri në ora 17 ka qenë 48,73 për qind, njoftoi Komisioni Shtetëror i Zgjedhjeve (KSHZ).

Kryetari i KSHZ-së, Aleksandar Novakovski ka theksuar se jehona e votuesve për zgjedhjet presidenciale por edhe ato lokale ka qenë 48,73 për qind, ndërsa për zgjedhjen e kryetarit të Shkupit jehona e votuesve ka qenë 45,25 për qind.

“KSHZ dhe unë si kryetar vlerësojmë se zgjedhjet po zhvillohen në një atmosferë të qetë me disa përjashtime. Komisionet zgjedhore komunale dhe këshillat zgjedhore me vetëdijësim të lartë dhe përgjegjësi po kryejnë punën. Shpresoj se zgjedhjet do të përfundojnë me vlerësimet e njejta”, ka theksuar Novakovski.

KSHZ njoftoi se zgjedhjet nuk janë zhvilluar në 134 qendra të votimit, ku janë 12.556 votues, për shkak të motit të keq dhe bllokimit të rrugëve në zonat e thella.

(INA)

[RaPSouL]

PDSH dhe BDI në garë për Tetovën

Partia Demokratike Shqiptare (PDSH) i ka prirë fitores në raundin e parë në Tetovë, por duke hyrë në balotazh edhe në katër komuna të tjera, duke mos përjashtuar edhe Strugën. BDI ka shënuar lëkundje duke humbur pozicionet e saja në Tetovë dhe Gostivar, por edhe në disa komuna tjera

Asnjë nga partitë shqiptare nuk ka arritur që të sfidojë bindshëm në komunat shqiptare. Tetova dhe Gostivari shkojnë për raundin e dytë, me ç`rast në të parën garës i prinë kandidati i PDSH-së, Sadi Bexheti përballë Hazbi Likës së BDI-së. Në anën tjetër, edhe në Gostivar, BDI do të shkojë në raundin e dytë me kandidatin e pavarur Rufi Osmani. Poashtu edhe Struga do përcaktojë se cila nga dy partitë më të mëdha shqiptare do të shkojnë në raundin e dytë, BDI apo PDSH, të cilët kanë rezultate të përafërta. Në bazë të rezultateve paraprake të këtyre zgjedhjeve, BDI e cila udhëhoqi me shumicën e komunave shqiptare tashmë ka dobësuar pozicionet e saj në disa komuna, ku pretendohej se do të korrë fitore bindëse që në raundin e parë. Jozyrtarisht, por edhe shefi i shtabit zgjedhor i kësaj partie, Gëzim Ostreni nuk saktësoi se a kanë fituar në bastionin e tyre në Çair.

PDSH sfidoi tërë skenaret e errëta dhe ka suksese

Kryetari i PDSH-së, Menduh Thaçi në një konferencë para mesnate ka theksuar se zgjedhjet e djeshme në Maqedoni kanë qenë të qeta, por sipas tij aspak demokratike.

“Aspekti i parë është prezenca e madhe e policisë pasqyroi një shtet policor dhe aspak demokratik. Aspekti i dytë është se lufta dhe skenaret e ndryshme kundër PDSH-së dhanë efektet minimale për të na luftuar. Aspekti i tretë është se njerëzit që u larguan nga PDSH-ja kanë arritur efekte minimale”, ka theksuar Thaçi, duke shtuar se është i mahnitur me mbështetjen që i dhanë PDSH-së, qytetarët e Tetovës.

“Jam i mahnitur me qytetin tim se kemi një epërsi të lehtë me disa qindra vota kundërejt BDI-së. Në katër komuna tjera të rajonit të Tetovës shkojmë në raundin e dytë, duke pritur edhe rezultatet në Strugë dhe ende këtu nuk është definu”, ka theksuar kryetari i PDSH-së, Menduh Thaçi. Ai ka deklaruar hapur se në rast se PDSH nuk shkon në raundin e dytë në Strugë, atëherë do t`i jap mbështetje kandidatit të BDI-së, i cili siç bëhet e ditur është afër raundit të dytë dhe këtu është një garë e ngushtë me PDSH-në.

Lidhur me mbështetjen e mundshme për kandidatët presidencial në raundin e dytë, Thaçi ka theksuar se është herët të flitet por sipas tij nuk ka arsye që PDSH-ja të mbështes ndonjë kandidat. “Ndoshta do ti lëm shqiptarët të vendosim vetëm”, ka theksuar kryetari i PDSH-së. Sipas shtabit të PDSH-së, kjo parti garon në raundin e dytë në Tetovë, Tearcë, Bogovinë, Zhelinë dhe Bërvenicë.

Ina

[RaPSouL]

KSHZ: Maqedonia kaloi sprovën

Komisioni Shtetëror Zgjedhor (KSHZ) ka njoftuar mbrëmë se qytetarët e Maqedonisë kanë dhënë provimin për zgjedhje fer dhe demokratike.

“Shteti tregoi kapacitetet, të gjithë, sidomos qytetarët e realizuan të drejtën e tyre demokratike. Sigurisht se bëhet fjalë për zgjedhjet më mirë të organizuara deri tani, ky është vlerësimi i KSHZ-së. Shpresojmë se në raundin e dytë do të mbretërojë e njejta gjendje”, ka theksuar kryetari i KSHZ-së, Aleksandar Novakovski.

Ndërkohë mësohet se zgjedhjet nuk janë zhvilluar në 134 qendra të votimit, ku janë 12.556 votues, për shkak të motit të keq dhe bllokimit të rrugëve në zonat e thella.

KSHZ njoftoi se këto qendra të votimit janë të përfshira në rreth 30 komuna të vendit, ndërsa numri i përgjithshëm i këtyre votuesve është 12 mijë veta, ose më pak se një për qind nga trupi i përgjithshëm votues në Maqedoni.

Kryetar i KSHZ-së, Aleksandar Novakovski ka theksuar se nuk ka pasur mundësi që të hapen këto qendra të votimit për shkak të se ato gjenden në zona të thella dhe për shkak të kushteve klimatike. Sipas tij, së shpejti do të vendoset se kur do të bëhet procesi i votimit në këto zona.

(INA)

[Vista]

PDSH dhe BDI në garë për Tetovën

Partia Demokratike Shqiptare (PDSH) i ka prirë fitores në raundin e parë në Tetovë, por duke hyrë në balotazh edhe në katër komuna të tjera, duke mos përjashtuar edhe Strugën. BDI ka shënuar lëkundje duke humbur pozicionet e saja në Tetovë dhe Gostivar, por edhe në disa komuna tjera





Ina

Ne Struge me duket vetem BDI-ja shkon , po ende se kuptum sigurt kush eshte partia tjeter. ????

[Raim]

A ka dikush ndonje informate se si eshte puna ne Cair?