Zgjedhjet lokale dhe presidenciale në Maqedoni 2009

[RaPSouL]

Në këtë temë do të njoftoheni me ndodhitë më të fundit në lidhje me zgjedhjet lokale dhe presidenciale që do të zhvillohen në Maqedoni.

[RaPSouL]

Filloi heshtja parazgjedhore

Në Maqedoni mbrëmë në mesnatë filloi heshtja parazgjedhore një ditë para votimit të së dielës, ku qytetarët me votën e tyre do të zgjedhin presidentin e shtetit dhe kandidatët për kryetar të komunave

Partitë politike dje kanë zhvilluar tubimet e fundit zgjedhore, duke shpalosur platformat e tyre politike. Mbi 1 milion e 700 mijë qytetarë me të drejtë vote të dielën do të zgjedhin presidentin e ri të vendit si dhe kryetarët e 84 komunave dhe të Kryeqytetit, Shkupit. Në garën për president kanë hyrë shtatë kandidatë, katër maqedonas dhe tre shqiptarë, ndër të cilët është dhe e vetmja grua që konkurron për këtë post, kandidatja e PDSH-së, Mirushe Hoxha. Në garën për kryetarë të komunave ka mbi 700 kandidatë, dhe disa mijë për Këshillat e Komunave.

Këto zgjedhje vijnë ende pa u mbushur një vit nga zgjedhjet e përgjithshme që u cilësuan si "problematike," nga përfaqësues të huajë. Ky proces zgjedhor konsiderohet i rëndësishme për të ardhmen euro-atlantike të vendit.

Komisioni shtetëror zgjedhor e dorëzoi materialin e besueshëm tek 84 komisionet zgjedhore komunale, të cilët deri të shtunën duhet ta shpërndajë deri tek këshillat votuese. Zgjedhjet do t'i monitorohen nga monitorues vendorë dhe të huaj. Monitoruesit vendor të akredituar nga ana e KSHZ-së janë 6.981, numri më i madh janë nga Asociacioni qytetar MOST - 4.520. Monitorues të huaj të akredituar për ndjekjen e këtyre zgjedhjeve janë 524, prej të cilëve 297 janë vëzhgues të OSBE/ODIHR. Të shtunën do të votojnë personat që janë të sëmurë dhe të burgosurit,numri i të cilëve shkon mbi 2900 veta.

(INA)

[RaPSouL]

MPB - letërnjoftime edhe gjatë fundjavës

Shërbimet për dhënien e letërnjoftimeve do të punojnë edhe nesër dhe të dielën, me qëllim që qytetarët të mund ta realizojnë pa pengesa të drejtën e tyre votuese në zgjedhjet e së dielës.

Të shtunën, prej orës 07.00 deri në orën 19.00 do të pranohen kërkesat për letërnjoftime, ndërsa qytetarët e interesuar të njëjtën do të mund ta bëjnë edhe të dielën prej orës 7.00 deri në orën 12.00.

Letërnjoftimet e përpunuara do të jepen deri në mbylljen e vendvotimeve, deri në orën 19.00 të dielën, lajmëroi Ministria e Punëve të Brendshme.

Ina

[RaPSouL]

Të gjithë për një proces zgjedhor demokratik

Organizatat joqeveritare në Maqedoni apelojnë që zgjedhjet vendore dhe presidenciale të 22 marsit të jenë të lira dhe demokratike

Organizata joqeveritare CIVIL ka bërë thirrje që Qeveria, institucionet e sistemit dhe të gjitha partitë politike të marrin përgjegjësi për realizimin e zgjedhjeve të qeta.

Kjo organizatë porosit MPB-në të ndërmarrë masa për disiplinë maksimale, paanshmëri, korrektësi dhe ligjshmëri të punës së pjesëtarëve të vet gjatë procesit zgjedhor.

“Policia dhe qytetarët të ndërmarrin aktivitete për forcimin e besimit dhe bashkëpunimit.

Të gjitha organizatat joqeveritare, pa dallim të mandatit dhe madhësisë, të ndërmarrin aktivitete për prevencë nga dhuna e armatosur gjatë zgjedhjeve”, theksohet në apelin e organizatës joqeveritare “CIVIL”.

CIVIL-i gjithashtu apelon tek liderët e të gjitha bashkësive fetare që ta thonë zëshëm dhe pa hamendje atë që të gjitha librat e shenjta e kërkojnë nga besimtarët: drejtësi, jodhunë dhe dashuri ndaj njeriut. Edhe Lëvizja ZGJOHU! gjithashtu ka apeluar për zgjedhje të rregullta, të qeta dhe demokratike.

“Ne, përfaqësuesit e shoqërisë civile shqiptare, media, intelektual dhe profesor universitar, këmbëngulim që zgjedhjet lokale dhe presidenciale të 22 marsit të dëshmojnë pjekurinë demokratike të qytetarëve të Maqedonisë si dhe të rikonfirmojnë përkushtimin, vullnetin dhe kapacitetin e duhur të qytetarëve dhe partive politike për të zhvilluar zgjedhje në përputhje me standardet ndërkombëtare”, theksohet në mesazhin e kësaj organizate.

Edhe Këshilli Euro-Atlanik i Maqedonisë apeloi në adresë të partive politike për mbajtjen e zgjedhjeve fer dhe demokratike.
“Mbajtja e zgjedhjeve vendore dhe presidenciale në përputhje me kriteret e ODIHR-it dhe pa dhunë do të jenë një hap përpara për procesin e afrimit të Maqedonisë drejt familjes euroatlantike”, theksohet në komunikatën e këtij këshilli.

(INA)

[RaPSouL]

Votojnë të zhvendosurit dhe të burgosurit

Të drejtën e votës në zgjedhjet presidenciale dhe lokale sot mund ta ushtrojnë personat e zhvendosur, të sëmurit dhe të pamundurit, si dhe të burgosurit dhe të arrestuarit.
Gjithsej 529 qytetarë kanë statusin e personave të zhvendosur, kumtoi KSHZ. Në Shkup, në vendovotimin në internatin "Zdravko Cvetkovski" do të kenë të drejtë të votojnë 310 persona, ndërsa në Kumanovë, në hotelin "Kristal" 219 persona.
Vendvotimet do të jenë të hapura deri në ora 19. Votat e tyre do të numrohen me 22 mars të vitit 2009, në komunat prej ku vijnë.
Sot do të votojnë edhe 1.971 persona që janë duke vuajtur dënimin me burg ose janë në paraburgim.

Alsat

[Modesti]

Kush e mbylli këtë temë dhe pse?

Kjo temë nuk ka të bëj aspak me heshtjen zgjedhore! Mund të flasim për rezultatet prej nesër, prandaj nuk shoh të arsyeshme pse të mbyllet kjo temë!

Ato që do të pretendojnë të thyejnë heshtjen zgjedhore, le ta dinë se do të hasin në fshirjen e mesazheve të tyre.

[Progres]

Shqiptaret kete here i kane kandidatet me te mire se maqedonasit ne cdo aspekt edhe politik edhe intelektual.Deshiroj qe te kemi zgjedhje fer,demokratike dhe te tregojme nje pjekuri te larte ne zgjedhje me pjesemarrje sa me masovike.
Kete here cdo parregullsi ne zgjedhje,do shkoj ne konton e maqedonasve,sepse shqiptaret nuk jane faktor destabilizues ne vend.

LE TE FITON ME I MIRI !!!


Respekte per gjithe shqiptaret.

[Cimo]

Ato që do të pretendojnë të thyejnë heshtjen zgjedhore, le ta dinë se do të hasin në fshirjen e mesazheve të tyre.

Kush je ti qe te aplikojsh heshtjen zgjedhore ne forum ? A e din ti se nuk eshte e ndaluar biseda por vetem propaganda politike nga partite. Ec mos na fol maskarallaqe

[Modesti]

Kush je ti qe te aplikojsh heshtjen zgjedhore ne forum ? A e din ti se nuk eshte e ndaluar biseda por vetem propaganda politike nga partite. Ec mos na fol maskarallaqe

Ti djalosh vetëm deshe të thuash një fjalë apo çka kishe për qëllim? Përse nuk e ke cituar tërë tekstin, por ke marrë vetëm fundin e tekstit! Ku e lexon ti se nuk ke të drejtë të bisedosh? Ku e paskam thënë se nuk mund ta gjej?

Ti djalosh ke diçka tjetër sa e shoh unë, nxirre mos e mbaj ne vete, thuaje çka ke për të thënë!

[Cimo]

Ti djalosh vetëm deshe të thuash një fjalë apo çka kishe për qëllim? Përse nuk e ke cituar tërë tekstin, por ke marrë vetëm fundin e tekstit! Ku e lexon ti se nuk ke të drejtë të bisedosh? Ku e paskam thënë se nuk mund ta gjej?

Ti djalosh ke diçka tjetër sa e shoh unë, nxirre mos e mbaj ne vete, thuaje çka ke për të thënë!

http://forumishqiptar.com/announcement.php?f=88
Ket komunikaten kush e ka nxjer, gjyshi im ???

Dhe?...

Biseda me propagandë politike ka dallim, nëse je për të biseduar urdhëro, nëse bën propagandë fshihet, a ka më të qartë?

Ky është problemi ynë në përgjithësi, njerëz si ti që nuk respektojnë asgjë në jetë, janë mësuar në mënyrë anarkike të na shkojnë sendet dhe jemi ku jemi! Ti djalosh së paku duhet të respektosh në këtë forum moderatorët, administratoret dhe të pranosh këtë realitet kur ato kërkojnë diçka dhe vënë rregulla. Kjo vlen edhe për jashtë, në jetën e përditshme, për deri sa nuk fillojmë ne shqiptarët të respektojmë hierarkinë, neve do na shkojnë punët lëmsh gjithmonë. Tipik anarkist lloji i këtij djaloshi me nofkën Cimo, mos merrni shembull prej tij.

Rregullat janë këto aktualisht, kujt i pëlqen le të urdhëron të participon në forum, kujt jo, ka tjera forume.