Sabit Idrizi

[sabit idrizi]

Sabit IDRIZI


NDAL

Ç’kërkon tutje grykësia ime mjerane
Nuk të mjafton kjo buzëqeshje prej nimfe
Që ta fali sot ky mëngjes i azdisur

Këtë ecje përdredhake prej zane
Nuk të mjafton që ta mbjellësh diku
Në kopshtin e harruar të kujtimeve përvëluese

Je mësuar t’u shkosh deri në fund
E t’ua prekësh lymin e kotësisë
Ëndrrave që marrin erë...

[Agim Metbala]

Sabit IDRIZI


NDAL

Ç’kërkon tutje grykësia ime mjerane
Nuk të mjafton kjo buzëqeshje prej nimfe
Që ta fali sot ky mëngjes i azdisur

Këtë ecje përdredhake prej zane
Nuk të mjafton që ta mbjellësh diku
Në kopshtin e harruar të kujtimeve përvëluese

Je mësuar t’u shkosh deri në fund
E t’ua prekësh lymin e kotësisë
Ëndrrave që marrin erë...

I nderuar Sabit IDRIZI, poezitë tuaja, nuk kanë nevojë për komente, ato vet komentojnë, tregojnë gjithë bukurinë dhe lartësinë të poezive kulmore...
Ju adhuroj me admirim!

[sabit idrizi]

Të faleminderit Agim Metbala! Edhe unë të çmoj ty, sidomos për fisnikërinë shpirtërore që ke. Në përmbledhjen time të fundit me poezi “Ma fsheh bregun tjetër”, që këto ditë doli nga shtypi, e kam futur, përveç vlerësimeve tjera, edhe një vlerësim tëndin për krijimtarinë time.

Të fala të përzemërta nga Mitrovica!

Sabit IDRIZI

[sabit idrizi]

Sabit IDRIZI

KAFEJA E MËNGJESIT

A do të ulet një ditë ndokush pranë kësaj tavoline
Kështu bashkë me freskun e natjes
Për ta pirë kafenë e mëngjesit

Miqtë e tij të mirë a do t’i presë edhe ai
Si unë tash Ismailin, Ganiun, Xhelalin...

Këto rrugë të zigzagëta
Që përditë po ma bartin dikah qytetin tim të përgjumur
A do të shpien përherë kah ky Shesh i Dashurisë

[sabit idrizi]

Sabit IDRIZI


NË SHESHIN E DASHURISË

Këtu
Në këtë shesh
Ku për çdo ditë pune e pi kafenë e mëngjesit
Vihet përnjëherë me rrezet e para të diellit

Po erdhe më vonë
Kujtimet do t’i kesh përherë më të varfra
Për një puthje drite

Këtu vihet për ta mbushur dashuri ditën
E për ta mbytur ankthin e natës që shkoi

[sabit idrizi]

Sabit IDRIZI

TRI KOHË

Duke u përpjekur vazhdimisht
Që të nesërmet t’i bëjmë të sotme të lumtura
Ne pavetëdijshëm jetojmë në kohën e tjetërkujt

Prandaj
Të sotmet tona na vdesin ndër duar
Dhe na bëhen të djeshme të humbura

[sabit idrizi]

Sabit IDRIZI

SA PAK VETVETE PASKA
(Shkruar më 16 shtator 2010, me rastin e 55-vjetorit të lindjes sime)

Hiç nuk e di
A m’i morët dhunshëm
A vetë ua fala kahet e rrugëve të mia

Këtu ku më sollën këto zigzage të tërthorta
Sa shumë mjegull në ëndrra
Sa pak vetvete paska

Ju të pakthyeshmet
Ju të papërgjegjshmet e mia
Që...
Ju bekoftë Perëndia

[Brari]

lexova disa poezi tuajat dhe u befasova si perhere..

shum bukur shkruan o Sabit..

e ke zbukuruar forumin e Letersise me kto poezi..
Urimet me te mira ..

[Çaushi]

Sabit IDRIZI

SA PAK VETVETE PASKA
(Shkruar më 16 shtator 2010, me rastin e 55-vjetorit të lindjes sime)

Hiç nuk e di
A m’i morët dhunshëm
A vetë ua fala kahet e rrugëve të mia

Këtu ku më sollën këto zigzage të tërthorta
Sa shumë mjegull në ëndrra
Sa pak vetvete paska

Ju të pakthyeshmet
Ju të papërgjegjshmet e mia
Që...
Ju bekoftë Perëndia

- Edhe Ty Sabit, te bekofte perendia edhe me 99 vite tjera,me shendet e lumturi shpirterore...URIME ....!

Me shume respekt

[sabit idrizi]

Ju faleminderit Brari dhe Çaush! Jeni njerëz të mrekullueshëm dhe shumë fisnikë. Ju dëshiroj gjithë të mirat në jetë.

Sabit Idrizi