Sabit Idrizi

[Çaushi]

Sabit IDRIZI

MIKUT TIM
(G. B.)

Në matematikën e bërjes së lirisë
Ishe formulë vetëflijimi

Pellg zhgënjimi tash në liri
- E morën “pronarët” me tapi

Tek poezia jote gjej-lexoj cilesi e jo sasi,paq doren e mbare te te lexojme tutje...

Respekte i nderuar!

[sabit idrizi]

Sabit IDRIZI

KA...

Ka akullthyes
Që përditë hapin horizonte të reja
Oqeaneve e deteve të paanë

Ka edhe gurëthyes
Që përherë luftojnë me bjeshkët
Për t’i dhënë kuptim edhe shkëmbit

Por ka edhe zemërthyes
Që përnjëherë shkatërrojnë gjithçka
Brenda njeriut

[sabit idrizi]

Respekti ju takon Juve, të dashur miq, Çaush dhe Pa dorëza2.
Ju falënderoj që më lexoni.

Sabit IDRIZI

[bili99]

Pershendetje vellazerore poetit, dhe te gjitheve qe lexojne perlat e verteta qe ai i hedh ketu per ne....Rrofsh i nderuar Sabit Idrizi !

Poezite te pakta,te mira,si lira!
Reale per te gelltit te veshtira!

Gezuar*

C'tu besh zemerthyesve te vendit tim?
Qe na thyen zemren per Shen Valentin,
Me egoizem dhe zemerftohte acari,
vrasin nje enderr shqiptari.
Nje dashuri qe rron perjete,
Per bashkimin tone te vertete.
Besoj dhe kam shprese,
Ideali gjalle te mbese.
Dashuri e perjetshme , vendi im,
Gezuar kete Shen Valentin!


me nderime per poetin,
bili99

[sabit idrizi]

E kuptova mesazhin e vargjeve tua.
I realizofsh të gjitha ëndrrat e jetës, miku im i dashur, bili99.
Përshëndetje vëllazërore!
Të falënderoj nga zemra që më lexon dhe më vlerëson!

Sabit IDRIZI

[sabit idrizi]

Sabit IDRIZI


MEDITIM NË VENDLINDJE

E dua veten
Relikt të përjetshëm kujtimi
Këtu në parzmën e kësaj kodrine

Ashtu të përëndërrt
Tek mat horizontet e fluturimit
Me krahë legjendash

Jo si tash
Ikar të dalldisur të lartësive
Me çelës prej dylli

[sabit idrizi]

Sabit IDRIZI


PESËDHJETË E PESË

Kam lindur në vitin ‘55
Plot 55 vjet – sivjet
Kur po përgatis një përmbledhje me 55 poezi
Për botimin e së cilës më duhet t’i skuq 55 herë sytë
E t’i marr 55 mijë ithata në cullë të barkut
Që këtij 55-shi t’i dal hakut

[sabit idrizi]

Sabit IDRIZI

DHEMBJE

Po ai zog
Me po atë këngë
Në po atë degë

Paçka që dega tashmë ka filluar të thahet
Paçka që unë tashmë kam filluar të plakem
Ai cicëron

E ti daç merre si etje për njomësi
E digju
Daç si mall për rini
E çmendu

Ai prapë – me këngën e tij
Ndjell nostalgji...

[sabit idrizi]

Sabit IDRIZI

GRISHJE PËR TAKIM

Dil e më prit
Atje diku tek stacioni i fundit i dashurisë
Ku prehet përjetësisht ëndrra e rrugëtimit

Merrmi me vete edhe kujtimet
E m’i ruaj nga syri i keq
Që t’mos më pëlcasin nga myku i harresës

Po nuk erdha në orën e caktuar
Nisu e m’kërko sërish
Nëpër dalldi motesh

[sabit idrizi]

Sabit IDRIZI

ETHE KRIJUESE

Veten e shoh dhëndër
Jetën e shoh nuse
Kur m’rrokun përpara
Do ethe krijuese

Në kopshtin e fjalëve
Në nektar urtie
E ngjyej penën time
Me afsh dashurie

Dhe i thur do vargje
Krijoj poezi
Ngase shumë të dua
Të dua – njeri...

Veten e shoh dhëndër
Jetën e shoh nuse
Kur m’rrokun përpara
Do ethe krijuese