Sabit Idrizi

[sabit idrizi]

Sabit IDRIZI

KUR TË MUNGON E SOTMJA

Kur të mungon e sotmja
Dije se dje e ke konsumuar të papjekur
Me grykësi ëndrrash

Se jeta s’është gjë tjetër
Veçse një parafytyrim i bukur
I gjërave që nuk ndodhin kurrë


DIELLI

Dielli është i të gjithëve
Po e deshe vetëm për vete
Të fiket në ballë



NË PLAZH

Oh, u mbyt dielli!
Klithi një vogëlushe
Dhe ia plasi vajit

Një vaj i thekshëm fëmije
Që u përpi nga deti
Në prag të lindjes së një nate

Të një nate tinëzare
Që po i mashtronte të gjithë
Me magjinë e një perëndimi të bukur

[sabit idrizi]

Sabit IDRIZI

DILEMË JETËSORE

S’di a lash kund farë gjurme
Se njëherë e në një kohë
Kam kaluar edhe unë këtejpari

Kam bërë a s’kam bërë ndonjë hap
Ta di
Brenda teje - njeri

[sabit idrizi]

Sabit IDRIZI

RROTULLIM

Andej ikën dita
Këtej vjen nata

Këtej vjen dita
Andej ikën nata

Përherë në rrotullim
Ky gur i madh mulliri
Që po na bluan

[sabit idrizi]

Sabit IDRIZI

ABSURD

Përgjakemi e përflakemi
Për një trohë atdhe
Për ta shpëtuar nga të tjerët
E për ta zhbërë vetë ne

[e panjohura]

Ju pergezoj i nderuar per vargjet,me lejo te hedh edhe une nje shkrim per qytetin ton te pergjysmuar!

Deshire e paplotesuar!

Per kete ndrrim motemoti,nuk do doja asgje tjeter
Vetem edhe njehere te shkoj,tek shtepija ime e vjeter!

Atje rreze kalas te ulem,te kujtoj femirin time pa lot e vajtim
Eshte bere breng per te gjithe,ah.. ma ndan qytetin tim!

[bili99]

Sabit IDRIZI

ABSURD

Përgjakemi e përflakemi
Për një trohë atdhe
Për ta shpëtuar nga të tjerët
E për ta zhbërë vetë ne

Absurd shqiptar , I nderuar poet...vertete eshte nje strofe e vogel por kuptimin dhe dhembjen e ka te madhe !
Shume bukur ,vazhdoj te te lexoj !


me nderime,
bili99

[sabit idrizi]

Sabit IDRIZI

MA FSHEH BREGUN TJETËR

Drejt fundit
A një fillimi të ri
Po rrëshqet kështu varka ime

Po deti
Ç’ ka me mua deti
Që po më përplas nëpër këto dallgë vigane

Ç’ i bëra kësaj paanësie të kaltër
Që po ma fsheh kaq paturpësisht
Bregun tjetër

[sabit idrizi]

Sabit IDRIZI

MIKUT TIM
(G. B.)

Në matematikën e bërjes së lirisë
Ishe formulë vetëflijimi

Pellg zhgënjimi tash në liri
- E morën “pronarët” me tapi

[sabit idrizi]

Sabit IDRIZI

IU MUNGON DIÇKA

Iu mungon diçka
Syve që shikojnë mëshirshëm
Kah pellgu i varfërisë sime

Mbase një stacion pranimi
Ku do të lexoheshin drejt
Mesazhet e dritës

[Pa_doreza2]

Peshendetjet Une me plote deshir i lexove Poezit t'uai dhe me ke frymezeuar pa mase .Ekuptove se je shume i zhegenjyar ne ato Fshatra çe kane nje bukuri te rralle si ne menyren piktoreske njeashtu edhe pasurine nentoksore qe metevertet jane fshatrate ma te pasura ne Kosove dhe mjerimishte sod jane pothujse boshe .E kuptoje dhe e ndije ne shpirte kuptimin t'uai Poezine t'uai e xhene m'u ne mese asaje Pasurije te pa shoq me poezin tende tregone se si njeriu jeton mbi nje paseuri te Arit dhe te Arxhentit Plumbit dh te Zeingut dhe vujtje e atyre fshatrave nga skemja dhe fukarallaku i skajshem te lumte SABIT IDRIZI ja ke borq atyre kreshtave TE SHALES