Sot 1 vit nga tragjedia e Gërdecit

[RaPSouL]

Më 15 mars të vitit të vitit 2008, ndodhi tragjedia e Gërdecit, shpërthimi më i madh që kishte ndodhur ndonjëherë në Shqipëri. Atë ditë, e gjitha Tirana u lëkund sikur të kishte të rënë tërmet, ndërsa në rrethinat e saj, pikërisht në Gërdec të Vorës, armët luftarake, shpërthenin në të gjitha drejtimet, duke lënë pas 26 të vdekur, mbi 250 të plagosur. Shtëpitë në fshatin e shpërthimit, u rrafshuan, sikur të ishte luftë.

Sot pas një viti, pikërisht në këtë opozita ka zgjedhur protestën për të përkujtuar këtë ditë tragjike për qindra familje. Partia Socialiste në njërën anë dhe Lëvizja Socialiste për Integrim në anën tjetër, kanë zgjedhur të protestojnë të ndarë në këtë ditë, njofton Gazeta Start.

Perimetri i vatrës se shpërthimit ishte 3.5 kilometra, ndërsa zona e kraterit 18 ha. Zona që ndjeu ndikimin maksimal te këtij shpërthimi shokoi deri në 3 mije hektarë përreth punishtes së Gërdecit, ndërsa tronditi mijëra banorë.

Lëkundjet qe shkaktoi në tokë ishin ato të një tërmeti 4 ballë. Forca të shumta ushtarake dhe policore rrethuan zonën 2 orë pas shpërthimit për të mos lejuar askënd të kalonte, për shkak se zona ishte e mbjellë me predha të pashpërthyera.


Tgf

[RaPSouL]

Gërdeci, PS, manifestuesit nisin marshimin drejt Tiranës

Asnjë deklaratë politike, asnjë fjalë vetëm heshtje, lot dhe lule për kujtimin e 26 të vdekurve të pafajshëm që humbën jetën nga shpërthimi , në Gërdec të Vorës. Manifestuesit nisin marshimin në këmbë drejt kryeqytetit. Në marshimin paqësor edhe kryetari i PS-së Edi Rama, Gjinushi dhe Milo.

TIRANE- Nis marshimi paqësor drejt Tiranës
Ora 12: 55 Pasi hodhen lule pranë postbllokut të parë të zonës së kraterit në Gërdec, rreth orës 12: 45 minuta manifestuesit
startuan marshimin paqësor për të përfunduar sot pasdite në orën 18:00 në sheshin kryesor të Tiranës. Manifestuesit do të përshkruajnë në këmbë të gjithë autostradën Vorë- Tiranë. Grupet e interesit, ku bëjnë pjesë ish-ushtarakët, minatorët, veteranët, pensionistët, të rinjtë, sindikatat, etj, do të kalojnë kilometër pas kilometri flamujt kombëtarë deri në mbërritjen tek mbikalimi pranë Kthesës së Kamzës. Më pas stafeta do të kalojë vullnetarëve të bashkimit për ndryshim. Në autostradë prite të shtrihet dhe flamuri shqiptar 40 metra i gjatë dhe 22 metra i gjerë, aq sa është dhe gjerësia e autostradës Vorë- Tiranë.
Në marshimin paqësor janë të pranishëm edhe kryetari i PS-së Edi Rama, anëtarë të tjerë të Partisë Socialiste, kryetari i PSD-së Skënder Gjinushi, kryetari i PDS, Paskal Milo, si dhe politika të tjerë të krahut të opozitës

Gërdeci, lule, muzike funebre për 1 vjetorin e tragjedisë
Ora 12:38 Një minute heshtje më pas tingujt vajtues të një violine dhe vargjet e recituara me mjeshtëri nga aktorja Luiza Xhuvanit... “Shtëpinë e pashë kur mu dogj/ Fëmijën e pashë kur mu poq/ Sa u përpoqa o zot, sa u përpoqa o zot....”.
Në 12: 25 minuta nisi manifestimi i organizuar nga PS në kujtim të 1 vjetorit të tragjedisë së Gërdecit, për të përfunduar në orën 18:00 në sheshin qëndror të kryeqytetit. Asnjë deklaratë politike, asnjë fjalë vetëm heshtje, lot dhe lule për kujtimin e 26 të vdekurve të pafajshëm që humbën jetën në shpërthimin e fabrikës së demontimit Alba Demil, në Gërdec të Vorës.

Gërdec, nis protesta e PS-së
Ora 12: 20 Dhjetëra familjarë të viktimave dhe të plagosurve të shpërthimit të 15 marsit 2008, me lule në dorë, qëndrojnë pranë zonës së kraterit të rrethuar me gjemba si zonë e sigurisë së lartë. Protesta e organizuar nga Partia Socialiste nis me një minutë heshtje. Në protestë
i pranishëm edhe vetë kryetari i partisë më të madhe në opozitë Edi Rama, i shoqëruar nga djali i tij.
Nga sa është planifikuar protesta pritet të fillojë brenda pak minutash. Nën tingujt e muzikës funebre manifestuesit, nëse do të lejohen nga Ministria e Mbrojtjes do të realizojnë rrethimin e kraterit me të rinj që do të hedhin lule në atë vend ku humbën jetën 26 njerëz të pafajshëm.

Gërdeci, 1 vit nga tragjedia. PS, LSI të ndarë në protestë
Ora 07:00 PS-ja dhe LSI-ja shmangin përplasjen para selisë së Kryeministrisë. Organizatorët e protestave të dy partive të majta pritet të koordinojnë në heshtje detajet e protestave, në përkujtim të 1-vjetorit të tragjedisë së Gërdecit. LSI-ja pritet që të mbledhë mbështetësit e saj në orën 16.30, në sheshin “Nënë Tereza” e rreth orës 17.00, turma e drejtuar nga LSI-ja do të jetë para selisë së Kryeministrisë, ku kryefjala do të jetë largimi i Berishës. Në bandera të mëdhenj do të shkruhet pikërisht “Berisha ik”, por edhe parulla të tjera. Po para Kryeministrisë do të mbahen edhe fjalimet e rastit. Kjo është menduar që të zgjasë për rreth një orë. Madje, burimet bëjnë të ditur se edhe leja nga policia është dhënë për këtë periudhë kohe. Ndërsa, manifestimi i PS-së në fakt, do të zgjasë shumë më gjatë. Ai do të nisë në orën 12.20 në Gërdec, pikërisht pranë kraterit të shpërthimit, ku nuk dihet nëse do të lejohen nga Ministria e Mbrojtjes të realizojnë rrethimit e kraterit me të rinj që do të hedhin lule në atë vend ku humbën jetën 26 njerëz të pafajshëm. Po aty do të jetë në sfond muzika funebre. Më pas pritet të nisë një stafetë e vërtetë.
Grupet e interesit, ku bëjnë pjesë ish-ushtarakët, minatorët, veteranët, pensionistët, të rinjtë, sindikatat, etj, do të kalojnë kilometër pas kilometri flamujt kombëtarë deri në mbërritjen tek mbikalimi pranë Kthesës së Kamzës. Ajo që është e veçanta e kësaj stafete, është se një flamur kuq e zi me përmasa gjigante do të shpaloset. Flamuri do të jetë 40 metra i gjatë dhe 22 metra i gjerë, aq sa ç’është edhe gjerësia e autostradës nga Vora në Tiranë. Flamuri do të valëzojë mbi kokat e manifestuesve, në shenjë respekti për viktimat e kësaj tragjedie, por edhe për të treguar se aty, të gjithë ata njerëz do t’i bashkojë interesi i përbashkët, dhe jo interesat e partive politike. Në intervalin e rrugës nga Kthesa e Kamzës e deri në sheshin “Skënderbej”, stafeta e flamurit do t’i kalojë vullnetarëve të bashkimit për ndryshim. Ata do ta çojnë në sheshin qendror të kryeqytetit, mendohet rreth orës 18.00. Në këtë moment, pritet të mbahen edhe fjalimet e rastit. Dhe, pikërisht për të shmangur kontaktet e papëlqyeshme me pjesën e LSI-së, në momentin që ajo të përfundojë protestën e saj, PS-ja dhe ata që do t’i bashkohen sot, do të nisen drejt Kryeministrisë. Aty do të ketë parulla kundër kryeministrit Berisha, si një nga përgjegjësit kryesorë të tragjedisë. Gjatë gjithë këtyre ditëve, partitë kanë bërë thirrje në kryeqytet e në gjithë Shqipërinë, që njerëzit të bashkohen në kujtim të tragjedisë më të madhe, por edhe për të kërkuar largimin e kësaj qeverie. Fillimisht, PS-ja dhe LSI-ja kishin lënë orare gati të përafërta për protestat e tyre, por për të mos degjeneruar në një përplasje thjesht për interesa elektorale, toleruan dhe ndryshuan diçka në axhendën e tyre. Ndërkaq, policia ka marrë masa për bllokimin e rrugëve nga ora 7.00 deri në orën 20.00.

(GazetaShqiptare/BalkanWeb)

[RaPSouL]

Reportazh, Tragjedia e Gërdecit

Sot mbushet një vit nga ajo qe quhet tragjedia më e rëndë e viteve te fundit e shkaktuar nga shperthimi i predhave ne nje fabrike demontimi qe ndodhej shume prane Tiranës, në Gërdec. NEWS 24 kujton momentet e tmerrit të përjetuar në mesditë që shkaktoi 26 të vdekur dhe 300 të plagosur.

TIRANE- Njëzet e gjashtë të vdekur, 300 te plagosur, mbi 2000 shtepi te shkaterruara nga ku kane mbetur vetem gure dhe rrenoja. 91 biznese teresisht te rrenuara dhe mbi 1000 shtepi te demtuara rende. Tymi, plasjet sporadike te predhave te mbetura pa plasur e bashke me to edhe ulerimat e banoreve, qe me deshperim presin te mesojne dicka per familjaret e tyre te mbetur nen rrenoja, jane e vetmja tablo qe shoqeroi tragjedine e shperthimit ne Gerdec te shtunen e 15 Marsit te nje viti me pare.

Ai qe dikur konsiderohej si nje fshat i krijuar me lagje dhe shtepi te vjetra dhe te reja, dy dhe trekateshe, me banore te vjeter por edhe te ardhur rishtazi aty, sidomos nga krahinat malore te Shqiperise, tani i ngjan vetem nje pjese qe dukej sikur kishte dale nga Stalingradi. Ngado neper fshatin e shkaterruar, poshte atyre qe kishin mbetur nga rrenojat e shtepive te shkaterruara, syri te kapte edhe bageti, kafshe, madje edhe gjurme gjaku te njerezve te plagosur.

Shperthimi i pare i ores 11: 40 i shoqeruar me pas nga nje i dyte alarmoi Marqinetin e Gerdecin nderkohe qe nga fabrika famekeqe, dilte zjarr dhe tym baruti, por shperthimi i terte dhe me tragjiku i ores 12:05 minuta shkaterroi shtepite por dhe jetet e mjaft shqiptareve.

Te paret qe hyne ne zonen e fatkeqesise ishin bluzat a bardha por dhe trupat RENEA-s dhe te Nderhyrjes se Shpejte. Ne duart e Spitalit Ushtarak vershuan njerez te djegur e te lenduar rende. Vullkani i korrupsionit shteterore nuk kurseu as femijet, 2 prej te cileve humben jeten mbi 30 te tjerë u gjymtyan perjete, as grate shtatzëna, prej te cilave 4 abortuan, dhe njera humbi jeten ne oborrin e shtepise bashke me foshjen 7 muajshe ne barkun e saj.
Tragjedia njerezore u prek nga afer nga mjeket e infermieret por edhe nga trupat ushtarake te cilet me ore te tera mes predhave qe vazhdonin te shperthenin gjate gjithe dites, kane kerkuar te mbijetuar dhe njerez qe kerkoheshin nga familjaret e tyre.

Sensibilizimi i shqiptareve arriti majat e tij kur qindra shqiptare vershuan drejt spitaleve per te ndihmuar me gjak por dhe veshje e ushqime ata te cileve jeta iu shkrumbua ne pak minuta ne mes te nje dite pranvere me diell.

Sipas te dhenave zyrtare te asaj koha rrezja ne te cilen u shperndane predhat ishte 6 km larg Gerdecit duke shkuar prane pikave te gazit ne Vore por dhe depozitave te karburantit pertej Marqinetit.

Per tre dite qielli mori ngjyre gri ndersa banoret ruajne ende ne kujtimin e tyre eren e rende te barutit dhe ulerimat dritheruese te femijeve,grave, te rinjve dhe pleqve.

Ky ishte Gerdeci qe gjetem me 15 mars 2008 por e dhe ai qe te gjithe do ta ruajne ne kujtesen e tyre si Hiroshima, 18 km larg Tiranes zyrtare.

(NEWS24/BalkanWeb)

[goldian]

a dihet gja kush jane fajtoret e vertete

[DYDRINAS]

Cuditerisht e njejta parti qe shkaterroi nje komb per 50 vjet, te njejtet njerez qe shkallmuan nje popull, sot kujtohen te derdhin lot krokodili.

Cuditerisht ata ende nuk kane marre qofte dhe formalisht guximin te kerkojne falje per mijera gerdecat nga viti 1941 e ne vazhdim, nuk kane shprehur qofte dhe nje pike dhimbje per nje tragjedi kombetare qe e luajten kunder kombit te tyre dhe qe per fat te keq po vazhdojne ta luajne ende.

Babai i Rames, Kristaqi, nenshkroi pa pike dhimbje per varjen e nje mesuesi-poet ne litar!

Babai i Gjinushit, Ethemi, ka qene pjesemarres direkt i masakrave ne fshatra te Kukesit dhe ne Kosove!

[goldian]

po sala a qau ndopak
se jozi ju premtoi varrim luksi te vdekurve

[flory80]

po sala a qau ndopak
se jozi ju premtoi varrim luksi te vdekurve

Lotët lumë ore. Qante i shkreti Sali, të këpuste shpirtin kur e shikoje kaq të prekur dhe kaq të dërrmuar shpirtërisht.
Pale të shikoje Shkëlzenin si i iknin rrëketë e lotëve, së bashku me të 5 kalamajt e tij. Qante Shkëlzeni dhe qante Saliu, mundoheshin të mbanin njëri tjetrin por e kotë.
O Shkëlzen i thoshte Saliu, po çna bëre kështu more bir, çtë duhet ty që ngatërrohesh me kontraband armësh, pse nuk meresh me pronat publike? Meru ore me plazhet! Ja jot-motër Argita i ka vënë syrin Jalës ti shko dhe meru me Velipojën!
Ç'të duhet ty me armatimet?
Ti nuk mer vesh nga armatimet.
Në vitin 1997 kur e ndeza unë Shqipërinë në flakë ti ishte kalama.
Një vit më vonë kur e vrava unë xhaxhi Azemin ti ishte akoma kalama.
Pastaj ike në Suedi, u martove dhe për 2 vjet u bëre me 5 kalamaj, ku mer vesh ti nga armatimet?
Çi hyn kot kontrabandës së armëve?
Lotët i iknin rrëke edhe Argitës bashk me Jamarber Malltezin, qanin të shkretët, gjynah.
U trondit e gjithë familja kryeministrore! Qanin e qanin e nuk kishte kush ti ngushëllonte. Ishte mbushur dyshemeja e shtëpisë me lotë.
Qanin të gjithë!

[DeuS]

Krim te madh beri Shkelzen e Sali Berisha or lum miku. Ne sot diskutojme lart e poshte, po jete njerezish iken. Femije mbeten pa prinder, e anasjelltas. Shtepi e pasuri mbare u shkaterrua. Sot skenaristet e regjizoret e asaj tragjedie, luajne role aktoresh. Mjere Shqiperia ne doren e kujt ka rene...

5 kelysh ka bere Xeni? 5 veta e shtuan faren Berishiane? Medet, duhet menduar qe tani per pensionin e pas 30 vitesh te shkojme te jetojme diku larg, larg e me larg se mamaja Shqiperi u perdhunua.

[DYDRINAS]

Deklaratë për shtyp e Zëdhënëses së Kryeministrit, Juela Meçani


Sot është një ditë nderimi dhe respekti për 26 burra dhe gra, të cilët humbën jetën në aksidentin tragjik të Gërdecit.
Qeveria shqiptare në 1 vjetorin e kësaj ngjarjeje tragjike, shpreh edhe njëherë ngushëllimet më të thella, solidaritetin më njerëzor familjeve të viktimave, të plagosurve dhe të lënduarve të këtij aksidenti tragjik dhe ndan me ta dhimbjen e humbjes së pakompensueshme për ta.

Qeveria i siguron ata të gjithë se sikundër deri më sot ajo do të jetë bashkë me ta , do të ofrojë të gjithë mbështetjen dhe solidaritetin për kapërcimin e pasojave afatmesme dhe afatgjata të këtij aksidenti tragjik.
Qeveria falënderon familjet e viktimave dhe të gjithë komunitetin e zonës së Gërdecit si dhe qeverinë vendore , për kontributin dhe bashkëpunimin e frytshëm dhe luajal me këtë qeveri, në të gjithë trajtimin e problematikës së zonës.

Qeveria vlerëson fisnikërinë e banorëve të Gërdecit që me përçmim refuzuan përpjekjet për të manipuluar me shpirtrat e njerëzve të tyre të dashur për qëllime politike dhe vlerësuan bashkëpunimin me qeverinë dhe qëndrimin e kësaj qeverie që në minutat e para pas aksidentit e deri në ditët e sotme.

Qeveria që në minutat e para pas aksidentit organizoi operacionin e kërkim-shpëtimit më të shpejtë dhe më të suksesshëm në historinë e vendit, mijëra trupa të njësive të ushtrisë dhe policisë si dhe qindra banorë të zonës, u përballën me vetëmohim dhe heroizëm të pashoq , për çdo minutë për 48 orë rresht me vdekjen dhe shpëtuan dhjetëra e dhjetëra jetë.

Qeveria së bashku me komunitetin dhe qeverinë vendore të Vorës, mori të gjitha masat organizative dhe financiare për rindërtimin në kohë rekord të mbi 4000 banesave dhe objekteve të rrënuara apo të dëmtuara në zonë.
Qeveria ka bërë çdo përpjekje dhe ka dhënë çdo ndihmë me dokumentacion dhe mbështetje për hetim të shpejtë, të pavarur dhe të gjithanshëm dhe vendosjen para ligjit të autorëve të tragjedisë.

Ajo nuk është pajtuar dhe nuk pajtohet me akuzat e formuluara vetëm e vetëm për të fshehur përgjegjësit e vërtetë të këtij aksidenti tragjik, nuk është pajtuar dhe nuk pajtohet me zgjatjen e hetimit dhe pazaret politiko-mediatike me dosjen e kësaj tragjedie.
Për qeverinë shqiptare zbardhja e të vërtetës mbi Gërdecin është me rëndësi kapitale për drejtësinë shqiptare.


15/03/2009

[djaliepirotas]

Jam dakort me ata qe pesuan humbjen.
Sjam dakort me ata qe mundohen te perfitojne nga kjo tragjedi.
Po autostrada pse duhet bllokuar?
Ka qene ndonjeher ne ndonje shtet perendimor ky Edvini me Skendere? Qe te mos flasim per Ameriken dhe si behen demonstratat atje...