Bie përqindja e të krishterëve në Amerikë

[Vista]

Përqindja e të krishterëve në Amerikë ka rënë, ndërsa më shumë njerëz thonë se nuk i përkasin asnjë besimi.

E martë, 10 Mars 2009 10:46


Një sondazh mbi jetën fetare në Amerikë tregon se përqindja e të krishterëve në vend ka rënë, ndërsa më shumë njerëz thonë se nuk i përkasin asnjë besimi.

Sondazhi i identifikimit fetar në Amerikë (ARIS), i publikuar dje, tregon se 15 përqind e amerikanëve thonë se nuk i përkasin asnjë feje, një rritje kjo në krahasim me 8,2 përqind në vitin 1990.

Në vitin 2008, të krishterët përbënin 76 përqind, një rënie në krahasim me 86 përqind në vitin 1990. Sondazhi tregon se pjesa më e madhe e rënieve vjen nga sektet protestante si metodistët, luteranët, presbiterianët dhe episkopalët.

Sondazhi nënvizon se përqindja e popullatës myslimane vazhdon të rritet, nga 0,3 përqind në vitin 1990 në 0,6 përqind në vitin 2008.

Ihsan Bagby, asistent profesor i studimeve Islame në Universitetin e Kentakit, deklaroi se shumica e sondazheve telefonike, sikur ajo e ARIS-it, janë duke nënvlerësuar numrin e muslimanëve. Për këtë arsye ai tani është duke bërë një studim rreth anëtarësimit nëpër xhami me sponzorimin e një instituti për kërkimi religjioze. /zeri i amerikes/

[torrkerry]

I pyetur prej farisenjve: “Kur do të vijë Mbretëria e Hyjit?” ai u përgjigji:
“Mbretërtia e Hyjit nuk vjen në mënyrë të dukshme, as nuk mund të thuhet: ‘Që këtu!’ ose ‘Qe atje! Porse ja, mbretëria e Hyjit është mes jush!”.

Pra nuk ështe e mundshme të thuash as kush as sa janë të krishterë! Më shumë? Më pak?.

Kur një njeri në brendësinë e tij ia jep lejen Krishtit që të mbretërojë në të, atje është Mbretëria e Hyjit.
E kush e di çarë ndodh në zemrën e njeriut?

Torrkerry