Ja si jane pastruar nje pjese e parave te piramidave

[Albo]

ViniT, mua me intereson te di si jane "avulluar" parate nga bankat shqiptare pas ngrirjes se parave dhe si u vodh thesari shekullor i shtetit.

Mire hajdutin e Gjallices e kapem e na doli nje grek, por hajduti i bankave te vete shtetit kush te jete valle?!

[Lule Portokalli]

Ne aparence, nga bankat (e nivelit te dyte) u nda ajo perqindje e parave te firmave piramidale, e cila u kap ne banke ne momentin e ngrirjes se parave.
Ne aparence, pra nese do behet ndonje kontroll dokumentar, zor se gjendet ndonje vjedhje (ose gabim i bere me dashje).
Por..... ne te vertete, punonjesit e bankave te nivelit te dyte, u leshuan si mizat pas mjaltit pas atyre parave dhe tentuan te perfitojne te gjithe nga pak, duke filluar nga punonjesit e pastrimit deri tek drejtuesit. (Kuptohet se kujt i ka takuar pjesa e luanit.)
Pra edhe njehere, ata qe kishin lene parate e tyre ne firmat piramidale, u vodhen ne menyren me te paskrupullt gjate ndarjes se tyre ne banka, dhe ata te shkretet, arriten te merrnin vetem perqindjen e "perqindjes".

[Vinny_T]

Nqs do te behet si duhet kontroll nuk mund te thuhet qe nuk gjehet gje pasi flitet per qindra miliona dollare te zdhukur!
Te gjitha ato para ndoshta eshte e pamundur te gjehen pasi po kalon dhe kohe, po nje pjese e tyre pse jo.

[Patrioti]

O Vini ku jeton!!!!!!!!!

Sala na e futi me firmat Tosi me premtimn qe do i kthente morri pushtetin,perfundimi:i hudhen nga nji kocke popullit dhe te tjerat.... u ndane sipas rangut.
Tani ca komisioni propozo ti me?!
Ja po ta them une qe ne Athine eshte nje hotel 4 katesh qe i perkiste Vefes tani nuk e di se ca eshte be por di qe komisioni i atehershem i pronave nuk e morri dot ( ose nuk donte ta merte per arsye qe meren me mend)

[helios]

Marre nga Gazeta Shqiptare 20/01:

sh-ministri i Turizmit në kohën e Berishës ka llogari të pambyllura me firmën piramidale

Bllokohet fabrika e Osman Shehut
Prokuroria: E ka blerë me paratë e "Gjallicës"


Gazmend Janku

TIRANE

Prokuroria e Përgjithshme ka urdhëruar vënien nën sekuestro të fabrikës së miellit në Kukës, e cila rezulton në pronësi të ish-ministrit të turizmit në qeverinë Meksi, Osman Shehu. Burime pranë organit qendror të akuzës bëjnë të ditur se urdhri i sekuestros ka dalë pasi në bzë të hetimeve paraprake dyshohet se blerja e fabrikës në fjalë nga Shehu është realizuar nga mjete financiare të ish-firmës piramidale "Gjallica".

Përveç akuzës së "tjetërsimit të pasurisë që dihet se rrjedh nga një krim", pronari i fabrikës, ish-ministri Shehu akuzohet edhe për "evazion fiskal" pasi u është shmangur detyrimeve financiare. Sekuestrimi i fabrikës së miellit në Kukës shënon rastin e tretë brenda dy muajve të fundit, kur Prokuroria e Përgjithshme vë nën sekuestro objekte të cilat dyshohet se janë financuar nga ish-firma piramidale "Gjallica".

Prokuroria
"Sekuestrimi i fabrikës së miellit në Kukës është rezultat i hetimeve gati trevjeçare të organit qendror të akuzës". Kështu e kanë argumentuar burime nga Prokuroria e Përgjithshme vënien nën sekuestro të fabrikës së lartpërmendur. Sipas të njëjtave burime, fabrika është blerë nga ish-ministri i turizmit, Osman Shehu me një vlerë prej 100000 dollarësh amerikanë, të cilat dyshohen se janë marrë nga arka e ish-firmës piramidale "Gjallica". Sipas organit të akuzës, nga hetimet e deritanishme ka rezultuar se Osman Shehu ka tërhequr nga firma "Gjallica" një shumë prej 700000 dollarësh, të cilat nuk janë kthyer më. Vlera e blerjes së fabrikës mendohet se është financuar pikërisht nga kjo shumë e pakthyer. Përveç vënies nën sekuestro të fabrikës, Prokuroria ka ngritur edhe dy akuza ndaj pronarit të saj të cilat janë: tjetërsim i pasurisë që dihet se rrjedh nga një krim dhe ajo e evazionit fiskal, që vjen si pasojë e shmangies nga detyrimet financiare. Fabrika e sekuestruar do të shërbejë si provë materiale për organin e akuzës për vërtetimin e akuzave të lartpërmendura që rëndojnë mbi pronarin e saj.

Kush është pronari i fabrikës?
Osman Shehu, 49 vjeç, me profesion ekonomist, prej 10 vjetësh është aktiv në politikën shqiptare si përfaqësues i politikës së djathtë. Nga viti 1992 deri në vitin 1996 Shehu ka qenë ministër i turizmit në qeverinë Meksi. Në fund të vitit 1999 Shehu bashkohet me grupin e reformatorëve brenda Partisë Demokratike, duke krijuar Partinë e re Demokrate (PDr). Prej dy vjetësh Shehu mban postin e shefit të departamentit të ekonomisë në Partinë Demo-krate. Kohët e fundit, më saktësisht, në fund të dhjetorit kur në Pralament diskutohej projektbuxheti i qeverisë për vitin 2003, Shehu ka kritikuar me tone të ashpra poltikat e mazhorancës në përkrahje të bisnesit të vogël dhe atij të mesëm. Edhe si përfaqësues i këtij biznesi ai ka akuzuar socialistët se biznesin e vogël e të mesëm nuk e shikojnë si partner për zhvillimin e vendit, por e përdorin për të mbushur arkën e shtetit. Ai ka akuzuar gjithashtu partinë në pushtet se po u shërben vetën atyre grupeve biznesmenësh që kanë mbështetjen e tyre politike.